News
ബാബു..ഞങ്ങളെത്തി , പേടിയ്ക്കണ്ട; ആത്മവിശ്വാസം പകര്ന്ന് സൈന്യം , ചേറാട് മലയില് രക്ഷപ്രവര്ത്തനം ഊര്ജ്ജിതം
പാലക്കാട്: ബാബു ഞങ്ങളെത്തി ,പേടിയ്ക്കണ്ട ….ഞങ്ങളെത്തി,നിന്നെ താഴെയിറക്കും…
ചേറാട് മലയില് 700 അടിയോളം താഴെ പാറ ഇടുക്കില് കുടുങ്ങിയ ബാബുവുമായി കരസേന സംഘത്തിലെ മലയാളി അംഗം ഉച്ചത്തില് നടത്തിയ സംഭഷണത്തിന്റെ ആദ്യഭാഗം ഇതാണ്.
ഇങ്ങിനെ.
പുലര്ച്ചെ 4 മണിയോടടുത്താണ് ബാബുവിന് ആത്മവിശ്വാസം പകരുന്നതിന് ലക്ഷ്യമിട്ടുള്ള സൈന്യത്തിന്റെ ഇടപെടലുണ്ടായത്.ബാബുവിന്റെ അവസ്ഥ തിരിച്ചറിയുക എന്നുള്ള ലക്ഷ്യവും സൈന്യത്തിന്റെ ഈ നീക്കത്തിന് പിന്നിലുണ്ടായിരുന്നു.
സൈനീകന്റെ വാക്കുകളോട് ബാബു പ്രതികരിയ്ക്കുന്നുണ്ടായിരന്നെന്നാണ് തുടര്ന്നുള്ള സംഭാഷണങ്ങളില് നിന്നും വ്യക്തമാവുന്നത്.അലറി സംസാരിയ്ക്കണ്ടെന്നും ക്ഷീണിയ്ക്കുമെന്നും മറ്റുമാണ് പുറത്തുവന്നിട്ടുള്ള സൈനീകന്റെ ശബ്ദരേഖയിലെ അവസാന ഭാഗത്ത് കേള്ക്കുന്നത്.
ലഫ്റ്റനന്റ് കേണല് ഹേമന്ദ്രാജിന്റെ നേതൃത്വത്തിലുള്ള സംഘമാണ് രക്ഷപ്രവര്ത്തനത്തിന് നേതൃത്വം നല്കുന്നത്.
700 അടിയോളം താഴെ മലയിടുക്കില് കുടുങ്ങിയ ചേറാട് സ്വദേശിനി റഷീദയുടെ മകന് ബാബു(23)വിനെ രക്ഷിയ്ക്കുന്നതിനുള്ള കരസേനയുടെ നീക്കം നേരം പുലര്ന്നതോടെ വേഗത്തിലായിട്ടുണ്ട്.ഭക്ഷണവും വെള്ളവും എത്തിയ്ക്കുന്നതിനാണ് മുഖ്യപരിഗണന.
സ്ഥലത്ത് മെഡിയ്ക്കല് സംഘം ക്യാമ്പ് ചെയ്യുന്നുണ്ട്. കളക്ടറും എസ് പിയും ഷാഫി പറമ്പില് എം എല് എയും അടക്കമുള്ളവര് സ്ഥലത്ത് ക്യാമ്പ ചെയ്ത് അനുനിമിഷം രക്ഷപ്രവര്ത്തനങ്ങളെക്കുറിച്ചുള്ള സ്ഥിതിഗതികള് വിലയരുത്തുന്നുണ്ട്.
ഇന്നലെ രാത്രി 11 മണിയോടെ സ്ഥലത്തെത്തിയ സേനാംഗങ്ങള് മലയിലൂടെ ബാബുകുടുങ്ങിയ ഭാഗത്തേയ്ക്ക് എത്താന് നീക്കം ആരംഭിച്ചിരുന്നു.ഇതാണ്് നേരം പുലര്ന്നതോടെ ഫലപ്രാപ്തിയിലേയ്ക്ക് അടുക്കുന്നത്.
അവശനാണെങ്കിലും ബാബു ചോദ്യങ്ങളോട് പ്രതികരിയ്ക്കുന്നുണ്ടെന്നാണ് രക്ഷപ്രവര്ത്തകരില് നിന്നും മാധ്യമങ്ങള്ക്ക് ലഭിച്ചിട്ടുള്ള വിവരം.
രക്ഷപ്രവര്ത്തകര് ബാബുവുമായി സംസാരിയ്ക്കുന്നതിന്റെ ശബ്ദരേഖകള് പുറത്തുവന്നിട്ടുണ്ട്.ബാബു വെള്ളം ചോദിച്ചു എന്നാണ് രക്ഷപ്രവര്ത്തകര് നല്കുന്ന വിവരം.
ബാബു അപകടത്തില്പ്പെട്ടിട്ട് രണ്ട് രാത്രിയും ഒരു പകലും പിന്നിട്ടു.ഇതുവരെ വെള്ളമോ ഭക്ഷണമോ എത്തിച്ച് നല്കാന് കഴിയാത്തതാണ് പ്രധാന വെല്ലുവിളിയായിരിയ്ക്കുന്നത്.കൊടും ചൂടും കാറ്റും സിഹിച്ചാണ് ബാബു പാറയിടുക്കില് കഴിയുന്നത്.
ബാബു തന്നെയാണ് മൊബൈലില് നിന്നും വിളിച്ച് താന് അപകടത്തില്പ്പെട്ട വിവരം സുഹൃത്തുക്കളെയും അഗ്നിരക്ഷസേനയെയും അറിയിയ്ക്കുന്നത്.മലമുകളിലേയ്ക്ക് കയറുന്നതിനിടെ കാല്വഴുതി താഴേയ്ക്ക് വീണതിനെത്തുടര്ന്നാണ് ബാബു പാറയിടുക്കില് കുടുങ്ങിയത്.
ഇന്നലെ ഉച്ചയോടെ ഡ്രോണ് പറത്തിയാണ് ബാബു എത്തപ്പെട്ട പാറയിടുക്ക് രക്ഷപ്രവര്ത്തകര് കണ്ടെത്തിയത്.സ്ഥലത്ത് തമ്പടിച്ചാണ് കളക്ടറും എസ് പിയും അടക്കമുള്ളവര് രക്ഷപ്രവര്ത്തനങ്ങള്ക്ക് നേതൃത്വം നല്കുന്നുണ്ട്.
രക്ഷദൗത്യത്തിന് മുഖ്യമന്ത്രി കരസേനയുടെ സഹായം അഭ്യര്ത്ഥിച്ചിരുന്നു.ഇതെത്തുടര്ന്നാണ് രാത്രി കൊച്ചിയില് നിന്നും കരസേനയുടെ സംഘം ചേറാട് മലയില് എത്തിയത്.നേരത്തെ സ്ഥലത്തെത്തിയ തൃശൂരില് നിന്നുള്ള എന്ഡിആര്എഫ് സംഘം സ്ഥലത്തെത്തി.രക്ഷാപ്രവര്ത്തനം ആരംഭിച്ചിരുന്നു.നേവി ഹെലികോപ്റ്റര് നിരീക്ഷണത്തിനുശേഷം രക്ഷപ്രവര്ത്തനം ദുഷ്കരമാണെന്ന് കണ്ട് മടങ്ങുകയായിരുന്നു.
ഹെലികോപ്റ്ററിന് യുവാവ് കുടുങ്ങിക്കിടക്കുന്ന മലയിടുക്കില് എത്താന് ബുദ്ധിമുട്ടാണെന്നാണ് വിവരം.യുവാവിന്റെ ആരോഗ്യനില തൃപ്തികരമാണെന്ന് പാലക്കാട് കലക്ടര് മൃണ്മയി ജോഷി ശശാങ്ക് ഇന്നലെ ഉച്ചയോടെ മാധ്യമങ്ങളോട് വ്യക്തമാക്കി.
ബാബുവും മറ്റ് രണ്ട് കുട്ടികളുമായി ചേര്ന്നാണ് മലമ്പുഴ ചെറാട് മലയുടെ ചെങ്കുത്തായ കുറുമ്പാച്ചി മലയിലേക്ക് കയറിയത്. എന്നാല് കുട്ടികള് രണ്ടുപേരും പകുതിയെത്തിയപ്പോള് തിരികെ പോയി. ബാബു മലമുകളിലേയ്ക്ക് കയറുകയായിരുന്നു.
മലയുടെ മുകളില്നിന്ന് കാല് തെന്നിവീണ ബാബു പാറക്കെട്ടിനിടയില് കുടുങ്ങുകയായിരുന്നു.താഴെയുള്ളവരെ ബാബു ഫോണില് വിവരമറിയിച്ചു.ചിലര് മലമുകളിലെത്തി ബാബുവിനെ രക്ഷിക്കാന് ശ്രമിച്ചെങ്കിലും സാധിച്ചില്ല.
തുടര്ന്ന് നേരം ഇരുട്ടിത്തുടങ്ങിയതോടെ അവര് തിരിച്ചുപോന്നു. അപ്പോള് ബാബു തന്നെ അപകടത്തില്പ്പെട്ട വിവരം തന്റെ ഫോണില്നിന്ന് അഗ്നിരക്ഷാസേനയെ വിളിച്ചറിയിക്കുകയായിരുന്നു.
സുഹൃത്തുക്കള് മരത്തിന്റെ വള്ളികളും വടിയും ഇട്ടു നല്കിയെങ്കിലും ബാബുവിനു മുകളിലേക്കു കയറാനായില്ല.കുട്ടികള് പറഞ്ഞ വിവരമനുസരിച്ച് രക്ഷാപ്രവര്ത്തകര് ബാബു അകപ്പെട്ട സ്ഥലം കണ്ടെത്തി.
എന്നാല്, രാത്രിയായിട്ടും രക്ഷാസംഘത്തിന് മുകളിലെത്തി ബാബുവിനെ താഴെയിറക്കാന് സാധിച്ചിട്ടില്ല. മൊബൈല് റെയ്ഞ്ച് ഇല്ലാത്തതും വെളിച്ചക്കുറവും പ്രതിസന്ധിയാണ്.
രാത്രിയോടെ ദേശീയ ദുരന്തനിവാരണസേനയും സ്ഥലത്തെത്തി രക്ഷാപ്രവര്ത്തനം തുടര്ന്നെങ്കിലും ദുര്ഘടമായതിനാല് ബാബുവിനെ രക്ഷിക്കാനായില്ല. മലയുടെ കീഴില് ബാബുവിന്റെ കുടുംബാംഗങ്ങളും പൊലീസും നാട്ടുകാരും കാത്തുനില്ക്കുകയാണ്.
ഇന്ന് രാവിലെ വീണ്ടും രക്ഷാപ്രവര്ത്തകര് മലയിലേക്ക് പോയെങ്കിലും ബാബുവിന്റെ അടുത്തേക്ക് എത്താന് കഴിഞ്ഞിരുന്നില്ല. കാലുകളില് മുറിവും പേശീവേദനയുമായിട്ടാണ് ബാബു ഇപ്പോള് പാറയിടുക്കില് കഴിയുന്നത്.
Latest news
3 പവൻ്റെ സ്വർണ്ണമാലക്കുവേണ്ടി അമ്മയെ ശ്വാസം മുട്ടിച്ച് കൊലപ്പെടുത്തിയ മകൻ അറസ്റ്റിൽ
Latest news
വൈദീകനും ഇടവകക്കാരിയും തമ്മിലുള്ള അടുപ്പം അതിരുവിട്ടു, വാട്സാപ്പ് ചാറ്റ് പുറത്ത്; വിശ്വാസികള് അങ്കലാപ്പില്
ഇടുക്കി;വൈദീകനും ഇടവകക്കാരിയും തമ്മിലുള്ളത് എന്ന തരത്തില് വാട്സാപ്പ് ചാറ്റ് പുറത്ത്.വിശ്വാസികള് അങ്കലാപ്പില്.
വൈദികനും യുവതിയും തമ്മിലുള്ളത് അതിരുവിട്ട ബന്ധമാണെന്ന് വ്യാപകമായി പ്രചരിച്ചിട്ടുള്ള വാട്സാപ്പ് ചാറ്റില് വ്യക്തമാണെന്നാണ് ചൂണ്ടികാണിയ്ക്കപ്പെടുന്നത്.
തൊടുപുഴയ്ക്കത്ത് മലയോരമേഖലയിലെ പള്ളിയിലെ വികാരിയും ഇടവക്കാരിയായ യുവതിയും തമ്മിലുള്ളത് എന്ന തരത്തിലാണ് വാട്സാപ്പ് ചാറ്റ്് പ്രചരിയ്ക്കുന്നത്.
യുവതിയുടെ മൊബൈലില് നിന്നും തന്ത്രത്തില് വാട്സാപ്പ് ച്റ്റ് വിവരങ്ങള് കൈക്കലാക്കി,വിശ്വാസികളില് ഒരാളാണ് വിവരം പുറത്തുവിട്ടതെന്നാണ് സൂചന.
ടെസ്റ്റ് ഡോസെന്ന നിലയില് ഒരു വീഡിയോ സാമൂഹിക മാധ്യമത്തില് പങ്കിട്ടെന്നും ഇതുകണ്ട് ഇടവകക്കാര് പ്രശ്നത്തയില് ഇടപെടും എന്നാണ് കരുതിയതെന്നും മറ്റും വ്യക്തമാക്കി, വിശ്വാസിയുടേത് എന്ന നിലയില് ഒരു കുറിപ്പും പ്രചരിയ്ക്കുന്നുണ്ട്.
Latest news
പെറ്റമ്മ മുതലക്കുളത്തിലെറിഞ്ഞ ആറുവയസുകാരന് ദാരുണാന്ത്യം
ബെംഗളൂരു; പെറ്റമ്മ മുതലക്കുളത്തിലെറിഞ്ഞ ആറുവയസുകാരന് ദാരുണാന്ത്യം.
കര്ണാടകയിലെ ഉത്തര കന്നഡ ജില്ലയില് കാളീനദിയിലെ ദണ്ഡേലി മുതലസംരക്ഷണ കേന്ദ്രത്തില് കഴിഞ്ഞ ദിവസമാണ് സംഭവം.
ഭര്ത്താവ് രവികുമാറുമായി വഴക്കിട്ട് വീട് വിട്ടിറങ്ങിയ 23 കാരിയായ സാവിത്രി മകന് വിവേകിനെ മുതലക്കുളത്തിലേയ്ക്ക് വലിച്ചെറിയുകയായിരുന്നെന്നാണ് സൂചന.
പൊലീസും അഗ്നിരക്ഷാ സേനയും രാത്രി തന്നെ തിരച്ചില് തുടങ്ങിയെങ്കിലും വെളിച്ചക്കുറവ്
തടസ്സമായി.
രാവിലെ മൃതദേഹഭാഗങ്ങള് കണ്ടെത്തുകയായിരുന്നു.തുടര്ന്നുള്ള അന്വേഷണത്തില് മാതാപിതാക്കളെ പൊലീസ് അറസ്റ്റ് ചെയ്തു.
Latest news
കയര് കൊണ്ട് പരസ്പരം ബന്ധിച്ച് പുഴയില്ച്ചാടിയ യുവതികളെ മീന്പിടുത്തക്കാര് സാഹസീകമായ രക്ഷപെടുത്തി
തലശ്ശേരി;കയര് കൊണ്ട് പരസ്പരം ബന്ധിച്ച് പുഴയില്ച്ചാടിയ യുവതികളെ മീന്പിടുത്തക്കാര് സാഹസീകമായ രക്ഷപെടുത്തി.
മാഹി ബൈപാസില് അഴിയൂര് പാത്തിക്കല് പാലത്തില് നിന്നും താഴേയ്ക്ക് ചാടിയ കോഴിക്കോട് സ്വദേശികളായ പെണ്കുട്ടികളാണ് പുഴയില്ച്ചാടിയത്.
ഇന്നലെ ഉച്ചയോടെയായിരുന്നു സംഭവം.തലശ്ശേരി ഇന്ദിരാഗാന്ധി സഹകരണ ആശുപത്രിയില് ചികത്സയില് കഴിയുന്ന ഇവര് അപകട നില തരണം ചെയ്തായിട്ടാണ് അറയുന്നത്.
അടുത്ത സൗഹൃദത്തിലായിരുന്ന 18 ഉം 19 ഉം ആണ് ഇവരുടെ പ്രായം.ഇവരെ നാലാം തീയതി ഉച്ചയോടെ വീട്ടില് നിന്നും കാണാതായിരുന്നു.
ബന്ധുക്കളുടെ പരാതിയില് എലത്തൂര്, ചേവായൂര് പൊലീസ് കേസെടുത്ത് അന്വേഷണം ആരംഭിച്ചെങ്കിലും വിവരം ലഭിച്ചില്ല.ഇതില് ഒരാളുടെ ഇരുചക്ര വാഹനവുമായാണ് ഇരുവരും കടന്നുകളഞ്ഞത്.
ബന്ധുക്കളും നാട്ടുകാരും രാത്രി വൈകിയും അന്വേഷണം നടത്തിയെങ്കിലും ഫലമുണ്ടായില്ല. ഫോണ് കേന്ദ്രീകരിച്ച് നടത്തിയ അന്വേഷണത്തില് മാഹി ഭാഗത്തുണ്ടെന്ന് സൂചന ലഭിച്ചു.
ഇതിനിടെ അഴിയൂര് പാത്തിക്കല് പാലത്തിന് സമീപം വാഹനം നിര്ത്തിയ പെണ്കുട്ടികള് കയര് കൂട്ടിക്കെട്ടി പുഴയിലേക്ക് ചാടുന്നത് നാട്ടുകാരുടെ ശ്രദ്ധയില്പ്പെട്ടു.
തോണിയില് മീന് പിടിക്കുകയായിരുന്ന രണ്ടു പേര് യുവതികള് മുങ്ങുന്നത് കണ്ട് അടുത്തേക്കെത്തി.
തോണിയിലേക്ക് കയറ്റാന് ശ്രമിച്ചെങ്കിലും കയര് കെട്ടിയതിനാല് സാധിച്ചില്ല. കത്തി ഉപയോഗിച്ച് കയര് മുറിച്ചാണ് ഇവരെ രക്ഷപ്പെടുത്തി കരയില് എത്തിച്ചത്.
നാട്ടുകാര് വിവരമറിയിച്ചതിനെ തുടര്ന്ന് ചൊക്ലി പൊലീസും പാനൂര് ഫയര്ഫോഴ്സും ഉടന് സ്ഥലത്തെത്തി.
പൊലീസ് നടത്തിയ അന്വേഷണത്തിലാണ് കോഴിക്കോട്ടുനിന്നും കാണാതായവരാണ് ഇവരെന്ന് തിരിച്ചറിഞ്ഞത്.
ഉടനെ ബന്ധുക്കളെ വിവരം അറിയിക്കുകയായിരുന്നു.കൂടുതല് വിവരങ്ങള് അറിവായിട്ടില്ല.
Latest news
അതിഥി തൊഴിലാളികൾക്കിടയിൽ പോലീസ് പരിശോധന ;ലക്ഷങ്ങള് വിലവരുന്ന ലഹരി വസ്തുക്കൾ കണ്ടെടുത്തു
കൊച്ചി ; പെരുമ്പാവൂരിൽ അതിഥി തൊഴിലാളികൾക്കിടയിൽ പോലീസിന്റെ പരിശോധന. കഞ്ചാവ്, എം.ഡി.എം.എ, ഹെറോയിൻ, നിരോധിത പുകയില ഉൽപ്പന്നങ്ങൾ ഉൾപ്പടെ ലക്ഷങ്ങൾ വില വരുന്ന വസ്തുക്കളാണ് പിടികൂടിയത്. മയക്കുമരുന്ന് വലിയ്ക്കാൻ ഉപയോഗിക്കുന്ന ഹുക്കയും പിടികൂടിയിട്ടുണ്ട്. ഇതുമായി ബന്ധപ്പെട്ട് ഇതുവരെ മുപ്പതോളം കേസുകൾ എടുത്തു.
രാവിലെ പതിനൊന്നരയോടെ മയക്കുമരുന്നിനെതിരെ പ്രതിജ്ഞയെടുത്താണ് പരിശോധന ആരംഭിച്ചത്. ഒരു ഉത്തമ പൗരൻ എന്ന നിലയിലും, പോലീസ് സേനാംഗമെന്ന നിലയിലും ലഹരി വസ്തുക്കൾ ഉപയോഗിക്കില്ലെന്നും, മയക്കുമരുന്നിനെതിരെ യുള്ള പോരാട്ടം ശക്തമാക്കുമെന്നുള്ള പ്രതിജ്ഞ എ.എസ്.പി ട്രെയ്നി അഞ്ജലി ഭാവന ചൊല്ലിക്കൊടുത്തു.
തുടർന്ന് ജില്ലാ പോലീസ് മേധാവി ഡോ. വൈഭവ് സക്സേനയുടെ നേതൃത്വത്തിൽ ഇരുപതോളം ടീമുകൾ പരിശോധനയ്ക്കിറങ്ങി.
മാർക്കറ്റുകൾ, ബസ് സ്റ്റാൻഡ്, അതിഥിത്തൊഴിലാളികൾ കൂടുന്ന ഇടങ്ങൾ, കടകൾ, ലോഡ്ജുകൾ, താമസിക്കുന്ന സ്ഥലങ്ങൾ എന്നിവിടങ്ങളിൽ പരിശോധന നടത്തി.
നിരവധി പേരിൽ നിന്ന് നിരോധിത പുകയില ഉൽപ്പന്നങ്ങളും , രാസലഹരി ഉൾപ്പെടെയുള്ള മയക്ക്മരുന്നും പിടികൂടി. പൊതു സ്ഥലത്തിരുന്ന് മദ്യപിച്ചവരെ കസ്റ്റഡിയിലെടുത്തു. മയക്ക്മരുന്ന് വിൽക്കുന്ന ടീമിനേയും പിടികൂടിയിട്ടുണ്ട്.
വെങ്ങോല ഭാഗത്ത് ഓട്ടോറിക്ഷ പിന്തുടർന്നാണ് ഹെറോയിൻ പിടികൂടിയത്. ലോഡ്ജിൽ നടത്തിയ പരിശോധനയിലാണ് എം.ഡി.എം.എ കണ്ടെത്തിയത്.
ജില്ലാ പോലീസ് മേധാവി വൈഭവ് സക്സേനയുടെ നേതൃത്വത്തിൽ എ.എസ്.പി മോഹിത് രാവത്ത്, എ.ഡി.എസ്.പി വി. അനിൽ, എ.എസ്.പി ട്രെയ്നി അഞ്ജലി ഭാവന, ഇൻസ്പെക്ടർമാരായ എം.കെ രാജേഷ്, കെ.ഷിജി, ഹണി. കെ ദാസ് , രാജേഷ് കുമാർ, വി.പി സുധീഷ് ഉൾപ്പടെ ഇരുനൂറോളം ഉദ്യോഗസ്ഥർ പരിശോധനയിൽ പങ്കെടുത്തു.
-
Latest news3 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Latest news4 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്
-
Latest news3 weeks ago
വാഹനാപകടത്തിൽ പരിക്കേറ്റ് ചികത്സയിലായിരുന്ന മകൾ മരിച്ചു, പിന്നാലെ മാതാവ് ജീവനൊടുക്കി; ദാരുണ സംഭവം കോതമംഗലം നെല്ലിക്കുഴിയിൽ
-
Local News3 weeks ago
കവിത വായ പൊത്തിപ്പിടിച്ചു, അലക്സ് കഴുത്തറുത്തു; അടിമാലിയിലെ ഫാത്തിമയുടെ ജീവനെടുത്തത് സ്വർണ്ണം കവരാനെന്ന് പ്രതികൾ
-
Latest news2 weeks ago
അടിമാലിയിൽ നിന്നും കാണാതായ വർക്ക്ഷോപ്പ് നടത്തിപ്പുകാരനെ തൂങ്ങിമരിച്ച നിലയിൽ കണ്ടെത്തി
-
Latest news3 weeks ago
നദിയിൽ ബോട്ട് കീഴ്മേൽ മറിഞ്ഞ് അപകടം; 6 കുട്ടികൾ മരിച്ചു, രക്ഷാപ്രവർത്തനം തുടരുന്നു
-
Latest news4 weeks ago
ചെമ്മീൻ കറി വില്ലനായി: യുവതിക്ക് ദാരുണാന്ത്യം
-
Latest news1 week ago
മുന്വൈരാഗ്യം മൂലം അടിമാലി ആനക്കുളത്ത് ഓട്ടോ ഡ്രൈവറെ വെട്ടികൊലപ്പെടുത്താന് ശ്രമം;മൂന്നുപേര് പിടിയില്