Latest news
അമ്യൂസ്മെന്റ് പാർക്ക് വേണ്ട,ആശുപത്രിയും പാർക്കിംഗ് സൗകര്യവും വ്യത്തിയുള്ള ശുചിമുറികളും അത്യവശ്യം;നിയമപോരാട്ടം തുടരുമെന്ന് ആർ രാജാറാം
മൂന്നാർ;സൂര്യന് താഴെയുള്ള ഏത് ശക്തിവന്നാലും അമ്യൂസ്മെന്റ് യാത്ഥാർത്ഥ്യമാക്കും എന്ന എം.എം മണിയുടെ പ്രസ്താവനക്കെതിരെ മൂന്നാർ ബ്ലോക്ക് കോൺഗ്രസ് വൈസ്പ്രസിഡന്റ് ആർ രാജാറാം.
ദേവികുളം എം.എൽ.എ എ രാജക്ക് കഴിവില്ലാത്തതുകൊണ്ടാണോ ഉടുമ്പൻചോല നിയോജകമണ്ഡലത്തിൽ നിന്നും എം.എം മണി ദേവികുളം നിയോജകമണ്ഡലത്തിലെ മൂന്നാർ ഹൈഡൽപാർക്ക് വിഷയത്തിൽ ഇടപെട്ടിട്ടുള്ളതെന്ന് വ്യക്തമാക്കണമെന്ന് രാജാറാം ആവശ്യപ്പെട്ടു.
നിരവധി കോടതി-സർക്കാർ ഉത്തരവുകൾ ലംഘിച്ചാണ് കെ വി ശശി പ്രസിഡന്റായിട്ടുള്ള മൂന്നാർ സർവ്വീസ് സഹകരണ ബാങ്ക് അമ്യൂസ്മെന്റ് പാർക്ക് നിർമ്മാണവുമായി മുന്നോട്ട് നീങ്ങുന്നത്.ഇത് അവസാനിപ്പിയ്ക്കുന്നതിന് ലക്ഷ്യമിട്ടാണ് നിയമ പോരാട്ടം ആരംഭിച്ചിട്ടുള്ളത്.
തോട്ടം തൊഴിലാളികൾ ഏറെയുള്ള മൂന്നാർ മേഖല അടിസ്ഥാന സൗകര്യങ്ങളുടെ കാര്യത്തിൽ ഇപ്പോഴും ഏറെ പിന്നിലാണ്.വൻതുക മുടക്കി ,കച്ചവട താൽപര്യം മാത്രം കണക്കിലെടുത്താണ് അമ്യൂസ്മെന്റ് പാർക്ക് നിർമ്മാണം നടത്തുന്നതെന്ന് വ്യക്തമാണ്.
കോടതിവിധിയെ വെല്ലുവിളിച്ചത്് നിയമവ്യവസ്ഥയെ അവഹേളിയ്ക്കുന്നതിന് തുല്യമാണെന്നാണ് കരുതുന്നത്.ഇക്കാര്യത്തിൽ നിയമ നടപടികളുമായി മുന്നോട്ടുപോകുന്നതിനാണ് ലക്ഷ്യമിട്ടിട്ടുള്ളത്.വാണിജ്യാടിസ്ഥാനത്തിലുള്ള വൻകിട നിർമ്മാണപ്രവർത്തനങ്ങൾക്ക് ജില്ലയിൽ നിരോധനം നിലവിലുളളപ്പോൾ മൂന്നാർ സർവ്വീസ് സഹകരണ ബാങ്ക് ഭരണസമിതിക്ക് മാത്രമായി ഇളവ് ലഭിക്കുന്നത് എങ്ങനെയാണ് എന്നുള്ളത് പരിശോധനകൾക്ക് വിധേയമാക്കണം.
എൻ.ഒ.സി ലഭിക്കാത്തതിന്റെ പേരിൽ നിരവധി സംരഭകർ ബുദ്ധിമുട്ട് അനുഭവിയ്ക്കുന്നുണ്ട്.ഇവരുടെ പ്രശ്നങ്ങൾ പഠിയ്ക്കുന്നതിനോ പരിഹരിയ്ക്കുന്നതിനോ സർക്കാരിന്റെ ഭാഗത്തുനിന്നും ഒരു തരത്തിലുള്ള ഇടപെടലും നടക്കുന്നില്ല.ഇത്തരക്കാരുടെ വിഷമതകൾക്ക് ശാശ്വത പരിഹാരം കാണണം.
രാമസ്വാമി അയ്യർ ഡാമിന്റെ വൃഷ്ടിപ്രദേശം മണ്ണിട്ട് നികത്തിയാണ് ഇപ്പോൾ അമ്യൂസ്മെന്റ് പാർക്ക് നിർമ്മാണത്തിനായ സ്ഥലം രൂപപ്പെടുത്തിയിട്ടുള്ളത്.ഇത്തരത്തിൽ പുനടത്തുന്ന നിർമ്മാണ പ്രവർത്തനങ്ങൾ പഴയമൂന്നാറിനെ മഴക്കാലത്ത് വെള്ളത്തിനടിയിലാക്കും എന്നകാര്യം ഉറപ്പാണ്.
32 വർഷമായി മൂന്നാറിലെ തേയിലത്തോട്ടം തൊഴിലാളിയാണ്.മൂന്നാറിന്റെ അടിസ്ഥാന സൗകര്യവികസത്തിൽ ആരും ശ്രദ്ധിയ്ക്കുന്നില്ല എന്നത് പരിതാപകരമാണ്.അമ്യൂസ്മെന്റ് പാർക്ക് മൂന്നാറിനെ സംബന്ധിച്ച് അത്യവശ്യഘടകമല്ല.ആധുനീക സൗകര്യങ്ങളോടെയുള്ള ആശുപത്രികളും പാർക്കിംഗ് കേന്ദ്രങ്ങളും വൃത്തിയുള്ള ശുചിമുറികളും മറ്റും നിർമ്മിയ്ക്കുന്നതിന് അധികാരികളും ജനപ്രതിനിധികളും മുന്നിട്ടറങ്ങണം.
പ്രളയത്തിൽ തകർന്ന മൂന്നാർ ഗവൺമെന്റ് ആർട്സ് കോളേജ് പുനർനിർമ്മിക്കാൻ ഇതുവരെ ചെറുവിരലക്കാത്തവരാണ് വികസനത്തിന്റെ പേരിൽ കോടതി ഉത്തരവുകളേയും നിയമസംവിധാനങ്ങളെയും വെല്ലുവിളിക്കുന്നത്.ഈ ഇരട്ടത്താപ്പ് ജനം തിരിച്ചറിയുമെന്ന കാര്യം ഉറപ്പാണ്.
സ്വന്തം മുന്നണിയുടെ ഭാഗമായ സി.പി.ഐ ഭരിക്കുന്ന റവന്യൂ വകുപ്പിൽ നിന്നും എൻ.ഒ.സി തരപ്പെടുത്താൻ കഴിയാത്തവർ കോൺഗ്രസ് പാർട്ടിയെ വെല്ലുവിളിക്കുന്നത് മലർന്നുകിടന്ന് തുപ്പുന്നതിന് സമാനമാണ്.ഇത് ഇനിയെങ്കിലും എം എം മണിയും കൂട്ടരും മനസ്സിലാക്കണം.രാജാറാം കൂട്ടിച്ചേർത്തു.
Latest news
മുതലപ്പൊഴിയില് വീണ്ടും മത്സ്യ ബന്ധനവള്ളം മറിഞ്ഞു ; ഒരാളെ കാണാതായി
തിരുവനന്തപുരം ; പെരുമാതുറ മുതലപ്പൊഴിയില് വീണ്ടും മത്സ്യ ബന്ധനവള്ളം മറിഞ്ഞു.
അഴിമുഖത്തുണ്ടായ അപകടത്തില് ഒരാളെ കാണാതായി. പുതുക്കുറിച്ചി സ്വദേശി ജോണി (50)നെയാണ് കാണാതായത്. പുലർച്ച 3:30 മണിയോടെയായിരുന്നു അപകടം. മത്സ്യ ബന്ധനത്തിനായി പോകവേ അഴിമുഖത്തുണ്ടായ ശക്തമായ തിരയില്പ്പെട്ട വള്ളം മറിയുകയായിരുന്നു.
പുതുക്കുറിച്ചി സ്വദേശി നജീബിൻ്റെ ഉടമസ്ഥതയിലുള്ള വള്ളമാണ് മറിഞ്ഞത്. വള്ളത്തില് ആറ് തൊഴിലാളികളുണ്ടായിരുന്നു. 5 തൊഴിലാളികള് നീന്തി രക്ഷപ്പെട്ടു. സിദ്ധീഖ്, നജീബ്, അൻസില്, അൻസാരി, സജീബ് എന്നിവരാണ് രക്ഷപ്പെട്ടത്.
മുതലപ്പൊഴി അഴിമുഖത്ത് മണല് അടിഞ്ഞ് കൂടി ചുഴി രൂപപ്പെടുന്നതാണ് സ്ഥിരമായി വള്ളങ്ങള് അപകടത്തിന് കാരണമായി മത്സ്യതൊഴിലാളികള് പറയുന്നത്. കാണാതായ മത്സ്യതൊഴിലാളിയെ കണ്ടെത്താനുള്ള തെരച്ചില് ആരംഭിച്ചിട്ടുണ്ട്.
Latest news
സൂര്യതാപം ഭീതിപ്പെടുത്തും സ്ഥിതിയില്; മരണങ്ങളും മുന്നറിയിപ്പും ഭീതി പരത്തുന്നു; കൊടുംചൂടില് ഗതികെട്ട് പണിയെടുക്കുന്നത് ആയിരങ്ങള്
തിരുവനന്തപുരം;സൂര്യതാപം ഭീതിപ്പെടുത്തും സ്ഥിതിയില്.ഇന്നലെ രണ്ടുപേര് മരണപ്പെട്ടത് സുര്യാഘാതത്തെത്തുടര്ന്ന് പോസ്റ്റുമോര്ട്ടത്തില് വ്യക്തമായിരുന്നു.
ഇതിന് പിന്നാലെ ഉഷ്ണതരംഗം വ്യാപനം സംബന്ധിച്ചുള്ള കാലാവസ്ഥ വകുപ്പിന്റെ മുന്നറിയിപ്പിനെക്കുറിച്ചുള്ള വാര്ത്തകളും പുറത്തുവന്നിട്ടുണ്ട്.മരണങ്ങളും മുന്നറിപ്പും പൊതുസമൂഹത്തില് വലിയ ഭയാശങ്കകളാണ് സൃഷ്ടിച്ചിട്ടുള്ളത്.
മാഹിയിലെ പന്തക്കല് സ്വദേശി ഉളുമ്പന്റവിട വിശ്വനാഥന് (53), പള്ളത്തേരി പാറമേട് നല്ലാംപുരയ്ക്കല് വീട്ടില് പരേതനായ കൃഷ്ണന്റെ ഭാര്യ ലക്ഷ്മിയമ്മ (90) എന്നിവരാണ് സുര്യതാപമേറ്റ് മരിച്ചത്.കിണര് പണിക്കിടയില് തളര്ന്ന് വീണ വിശ്വനാഥന് കണ്ണൂരിലെ സ്വകാര്യ ആശുപത്രിയില് ചിക്തസയില് ഇരിയ്ക്കെയാണ് മരണപ്പെട്ടത്.
ലക്ഷ്മിയമ്മയെ ഉച്ചയ്ക്ക് ഒന്നര മുതല് വീട്ടില്നിന്നും കാണാതായിരുന്നു.തുടര്ന്ന് ബന്ധുക്കളും നാട്ടുകാരും തിരച്ചില് നടത്തുന്നതിനിടെ വൈകിട്ട് അഞ്ചരയോടെ പള്ളത്തേരിയിലെ ആളിയാര് കനാലില് വീണു കിടക്കുന്ന നിലയില് കണ്ടെത്തി.
തലയ്ക്ക് ഗുരുതരമായി പരുക്കേറ്റ ഇവരെ ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിയ്ക്കാനായില്ല. ജില്ലാ ആശുപത്രിയില് നടത്തിയ പോസ്റ്റ്മോര്ട്ടത്തിലാണ് സൂര്യാഘാതമാണ് മരണകാരണമെന്ന് സ്ഥിരീകരിച്ചത്.
മുന്നറിയിപ്പിന് പുല്ല
ചൂടുകൂടുതലുള്ള സമയങ്ങളില് നേരിട്ട് ശരീരത്തില് സൂര്യരശ്മികള് ഏല്ക്കുന്ന സാഹചര്യം ഒഴിവാക്കാന് പൊതുജനങ്ങള് ശ്രദ്ധിയ്ക്കണമെന്ന് ആരോഗ്യവകുപ്പ് മുന്നറിയിപ്പ് നല്കിയിട്ടുണ്ട്.
എന്നാല് ഇത് എത്രത്തോളം പ്രാവര്ത്തീകമാവുമെന്ന് കണ്ടറിയണം.സ്വകാര്യസ്ഥാപനങ്ങള് പൊരിവെയിലത്തും ജീവനക്കാരെക്കൊണ്ട് പണിയെടുപ്പിയ്ക്കുന്ന സാഹചര്യമാണ് നിലവിലുള്ളത്.
സെയില്സ്മാന്മാര്,കളക്ഷന് ഏജന്റുമാര്,ഭക്ഷ്യവസ്തുക്കള് ഏത്തിച്ചുനല്കുന്ന ഏജന്സികളിലെ ജീവനക്കാര്,നിര്മ്മാണ കരാറുകാരുടെ കീഴിലെ ജീവനക്കാര് എന്നിങ്ങിനെ വിവധ മേഖലകളില് പണിയെടുക്കുന്ന ആയിരക്കണക്കിന് തൊഴിലാളികള് കൊടുംചൂടിലും ജോലി ചെയ്യേണ്ട സ്ഥിതിയാണ് നിലവിലുള്ളത്.
ഈ സ്ഥിതി ഒഴിവാക്കാന് ബന്ധപ്പെട്ട് അധികൃതരുടെ പരിശോധനകളും ഇടപെടലുകളും ആവശ്യമാണെന്നാണ് ചൂണ്ടികാണിയ്ക്കപ്പെടുന്നത്.
Latest news
മുന്വൈരാഗ്യം മൂലം അടിമാലി ആനക്കുളത്ത് ഓട്ടോ ഡ്രൈവറെ വെട്ടികൊലപ്പെടുത്താന് ശ്രമം;മൂന്നുപേര് പിടിയില്
അടിമാലി;മുന്വൈരാഗ്യത്തിന്റെ പേരില് ഓട്ടോ ഡ്രൈവറെ വെട്ടികൊലപ്പെടുത്താന് ശ്രമം.3 പേര് പിടിയില്.മാങ്കുളം ആനക്കുളത്ത് ഇന്നലെ വൈകിട്ട് 5.30 തോടെയായിരുന്നു സംഭവം.
മാങ്കുളം ആനക്കുളം നെല്ലിമലയില് ദേവസ്യ(61)ഉടുമ്പിക്കല് ജസ്റ്റിന് ജോയി(27),മുകളേല് സനീഷ് (23)എന്നിവരെയാണ് സംഭവവുമായി ബന്ധപ്പെട്ട് മൂന്നാര് പോലീസ് കസ്റ്റഡിയില് എടുത്തിട്ടുള്ളത്.
മാങ്കുളം ആനക്കുളം ഇളംചിങ്ങത്ത് ഷാജി മാത്യു(50)യെയാണ് ഇവര് വാക്കത്തിക്ക് വെട്ടികൊലപ്പെടുത്താന് ശ്രമിച്ചത്.അറസ്റ്റിലായവര് ബൈക്ക് വട്ടംവച്ച് ഷാജയുടെ ഓട്ടോ തടഞ്ഞുനിര്ത്തിയ ശേഷം വലിച്ചിറക്കി ആക്രമിയ്ക്കുകയായിരുന്നു.
അക്രമി സംഘത്തിലെ ജസ്റ്റിന് വാക്കത്തികൊണ്ട് ഷാജിയുടെ തലയ്ക്ക് വെട്ടിയെന്നും ഈ സമയം മകന് അഭിജിത്ത് ഷാജി തടഞ്ഞതുകൊണ്ട് മാത്രമാണ് ജീവന് രക്ഷപെട്ടതെന്നുമാണ് പോലീസ് നല്കുന്ന സൂചന.അഭിജിത്തിന്റെ കൈവിരലിനും മുറിവേറ്റിട്ടുണ്ട്.ഇരുവരും അടിമാലി താലൂക്ക് ആശുപത്രിയില് ചികത്സ തേടി.
ജസ്റ്റിനും സനീഷും ഇന്നലെ തന്നെ പോലീസ് പിടിയിലായിരുന്നു.ദേവസ്യയെ ഇന്ന് പുലര്ച്ചെ ഒളിയിടത്തില് നിന്നും പോലീസ് സംഘം കസ്റ്റഡിയില് എടുത്തിട്ടുണ്ട്.
അപകടകാരികളായ അക്രമികളെ പോലീസ് ബലംപ്രയോഗിച്ചാണ് കീഴടക്കിയത്.ഇവരില് കൂടുതല് അപകടകാരി ദേവസ്യ ആയിരുന്നെന്നാണ് സൂചന.ഇയാള് തോര്ത്തില് കല്ലുകെട്ടി തലയ്ക്കടിച്ച് എതിരാളിയെ പരിക്കേല്പ്പിക്കുന്നതില് വിരുതനാണെന്നാണ് പോലീസ് പങ്കുവയ്ക്കുന്ന വിവരം.
ഈ സംഭവത്തില് പിടിയിലായവരില് ദേവസ്യ ഒഴികെയുള്ളവര് ഏതാനും ആഴ്ചകള്ക്ക് മുമ്പ് ആനക്കുളത്ത് വിനോദസഞ്ചാരികളെ ആക്രമിച്ച് പരിക്കേല്പ്പിച്ച സംഘത്തില് ഉള്പ്പെട്ടിരുന്നെന്നും ഇവര് പ്രദേശത്തെ സ്ഥിരം പ്രശ്നക്കാരാണെന്നും പോലീസ് അറയിച്ചു.
ചെറായിയില്നിന്ന് മാങ്കുളം സന്ദര്ശിക്കാനെത്തിയ വിനോദസഞ്ചാരികള്ക്കുനേരേയാണ് ആക്രമണമുണ്ടായത്. മദ്യപിച്ചെ ത്തിയ സംഘം ആനക്കുളം ചെക്ക്ഡാമിന് സമീപത്ത് സ്ത്രീകള് ഉള് പ്പെടെയുള്ള വിനോദസഞ്ചാരികള്ക്കുനേരേ അസഭ്യവര്ഷം നടത്തിയശേഷം ആക്രമിക്കുകയായിരുന്നു.
സഞ്ചാരികള് പോലീസില് പരാതി നല്കിയതിന്റെ അടിസ്ഥാനത്തില് പോലീസ് നടത്തിയ അന്വേഷണത്തിലാണ് അന്ന് സനീഷും ജസ്റ്റിനും പിടിയിലായത്.ഈ സംഭവത്തില് വിനോദസഞ്ചാരികളെ അക്രമികളില് നിന്നും രക്ഷിയ്ക്കാന് ഇന്നലത്തെ ആക്രമണത്തില് പരിക്കേറ്റ ഓട്ടോ ഡ്രൈവര് ഷാജി ഇടപെട്ടിരുന്നു.ഇതാണ് ഇപ്പോഴത്തെ ആക്രണത്തിന് കാരണമെന്നാണ് പോലീസ് അന്വേഷണത്തില് വ്യക്തമായിട്ടുള്ളത്.
ഇടുക്കിയിലെ പ്രധാന വിനോദ സഞ്ചാരകേന്ദ്രമായ ആനക്കുളത്ത് മദ്യപ സംഘത്തിന്റെ ശല്യം മൂലം വിദേശിയര് ഉള്പ്പെടെയുള്ള വിനോദസഞ്ചാരികള് ബുദ്ധുമുട്ടുകള് നേരിടുന്നതായുള്ള വിവരം നേരത്തെ പുറത്തുവന്നിരുന്നു.
മൂന്നാര് സിഐ രാജന് കെ അരമന,എസ്ഐ സജി എം ജോസഫ്,എ എസ് ഐ നിഷാദ് സി കെ ,സിപിഒ സഹീര് ഹുസൈന് എന്നിവര് കേസന്വേഷണത്തിലും പ്രതികളെ പിടികൂടുന്നതിലും പങ്കാളികളായി.
Health
താപനില വരും ദിവസങ്ങളിലും ഉയരും ; സംസ്ഥാനത്ത് ഇന്നലെ സൂര്യാഘാതമേറ്റ് രണ്ടു മരണം
തിരുവനന്തപുരം ; സംസ്ഥാനത്ത് സൂര്യാഘാതമേറ്റ് രണ്ടു മരണം.
മാഹിയിലെ പന്തക്കല് സ്വദേശി ഉളുമ്പന്റവിട വിശ്വനാഥന് (53), പള്ളത്തേരി പാറമേട് നല്ലാംപുരയ്ക്കല് വീട്ടില് പരേതനായ കൃഷ്ണന്റെ ഭാര്യ ലക്ഷ്മിയമ്മ (90) എന്നിവരാണ് സുര്യതാപമേറ്റ് മരിച്ചത്.
കിണര് പണിക്കിടയില് തളര്ന്ന് വീണ വിശ്വനാഥന് കണ്ണൂരിലെ സ്വകാര്യ ആശുപത്രിയില് ചിക്തസയില് ഇരിയ്ക്കെയാണ് മരണപ്പെട്ടത്.
ലക്ഷ്മിയമ്മയെ ഉച്ചയ്ക്ക് ഒന്നര മുതല് വീട്ടില്നിന്നും കാണാതായിരുന്നു.തുടര്ന്ന് ബന്ധുക്കളും നാട്ടുകാരും തിരച്ചില് നടത്തുന്നതിനിടെ വൈകിട്ട് അഞ്ചരയോടെ പള്ളത്തേരിയിലെ ആളിയാര് കനാലില് വീണു കിടക്കുന്ന നിലയില് കണ്ടെത്തി.
തലയ്ക്ക് ഗുരുതരമായി പരുക്കേറ്റ ഇവരെ ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിയ്ക്കാനായില്ല. ജില്ലാ ആശുപത്രിയില് നടത്തിയ പോസ്റ്റ്മോര്ട്ടത്തിലാണ് സൂര്യാഘാതമാണ് മരണകാരണമെന്ന് സ്ഥിരീകരിച്ചത്.
സംസ്ഥാനത്ത് വരും ദിവസങ്ങളിലും ചൂട് കൂടുമെന്ന് കലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്.
Latest news
മൂന്ന് ജില്ലകളില് താപനില കൂടുതൽ ; സുരക്ഷിതരായിരിക്കണമെന്ന് ആരോഗ്യമന്ത്രി
തിരുവനന്തപുരം: ഉഷ്ണതരംഗം അഥവാ ഹീറ്റ് വേവ് ആരോഗ്യത്തെയും ശരീരത്തിന്റെ പ്രവര്ത്തനങ്ങളെയും പ്രതികൂലമായി ബാധിക്കാന് സാധ്യതയുള്ളതിനാല് എല്ലാവരും സുരക്ഷിതമായിരിക്കണമെന്ന് ആരോഗ്യമന്ത്രി വീണാ ജോര്ജ്.
അന്തരീക്ഷ താപനില തുടര്ച്ചയായി സാധാരണയില് കൂടുതല് ഉയര്ന്ന് നില്ക്കുന്ന അവസ്ഥയാണ് ഉഷ്ണതരംഗം. ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്നങ്ങള്ക്ക് കാരണമാകുമെന്ന് മന്ത്രി വ്യക്തമാക്കി.
രാവിലെ 11 മുതല് വൈകുന്നേരം 3 വരെയുള്ള സമയത്ത് നേരിട്ട് സൂര്യപ്രകാശം ഏല്ക്കുന്നത് പരമാവധി ഒഴിവാക്കുക. കുഞ്ഞുങ്ങള്, പ്രായമായവര്, ഗര്ഭിണികള്, ഗുരുതര രോഗമുള്ളവര് എന്നിവര് പ്രത്യേകം ശ്രദ്ധിക്കണം.
നിര്ജലീകരണം ഉണ്ടാകാന് സാധ്യതയുള്ളതിനാല് ധാരാളം വെള്ളം കുടിക്കുകയെന്നതാണ് പ്രധാന പ്രതിരോധ മാര്ഗം. എന്തെങ്കിലും ശാരീരിക ബുദ്ധിമുട്ടുകളുണ്ടായാല് ചികിത്സ തേടേണ്ടതാണെന്നും മന്ത്രി അറിയിച്ചു.
-
Latest news4 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news3 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news3 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news1 week ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news4 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്