കോതമംഗലം;രാജവെമ്പാലകളുടെ കടന്നുകയറ്റം മൂലം വടാട്ടുപാറ നിവാസികൾ ഭീതിയിൽ.കാടിറങ്ങിയെത്തുന്ന രാജവെമ്പാലകൾ ജനവാസ മേഖലകളിൽ എത്തുന്നത് തുടർക്കഥയായി.

ഇന്നലെ റോക്ക് ജംഗ്ഷനിൽ പന്തനാൽ കുട്ടപ്പൻ ഗോപാലന്റെ പുരയിടത്തിൽ നിന്നും പാച്ചിൽ വടാട്ടുപാറ നിവാസികളിൽ മനസ്സിൽ നിറയ്ക്ക് യിൽ സ്വകാര്യ വ്യക്തിയുടെ പുരയിടത്തിൽ നിന്ന് കോടനാട് സെക്ഷൻ ഫോറസ്റ്റ് ഓഫീസർ ജെ.ബി സാബുവിന്റെ നേതൃത്വത്തിലുള്ള വനപാലകർ രാജവെമ്പാലയെ പിടികൂടി.മുമ്പ് നിരവധി തവണ വലുതും ചെറുതുമായ രാജവെമ്പാലകളെ വടാട്ടുപാറ മേഖലയിൽ നിന്നും പിടികൂടി വനമേഖലയിൽ തുറന്നുവിട്ടിട്ടുണ്ട്.

വീടുകളുടെ ഉള്ളിൽ കട്ടിലിന്റെ അടിയിലും അടുക്കളയിലും കോഴിക്കൂട്ടിലും മരച്ചില്ലകളിലും രാജവെമ്പാലകളെ കണ്ടെത്തിയിട്ടുണ്ട്.ഭാഗ്യം കൊണ്ട് മാത്രമാണ് വീട്ടുകാർ് പലപ്പോഴും ഇവയുടെ ആക്രമണത്തിൽ നിന്നും രക്ഷപെടുന്നത്.

ഏകദേശം 12 അടിയോളം നീളം വരുന്ന രാജവെമ്പാലയെയാണ് ഇന്നലെ വനംവകുപ്പ് ജീവനക്കാർ ഇവിടെ നിന്നും ശാസ്ത്രിയമായി പിടികൂടിയത്.വനമേഖലയോട് ചേർന്നുകിടക്കുന്ന പ്രദേശത്ത് ആന,പന്നി എന്നിവയുടെ ശല്യം വ്യാപകമാണ് .ഇതിനിടെയാണ് ഇടയ്ക്കിടെ രാജവെമ്പാലകളും ഇവിടേയ്ക്ക് എത്തുന്നത്.

കോതമംഗലം;ഇരുവൃക്കളും തകരാറിലായി ബിൻസൺ ബാബുവിന്റെ ചികത്സയ്ക്കായി മലയിൻകീഴ് ആസ്ഥാനാമായി പ്രവർത്തിയ്ക്കുന്ന ആസ്പയർ ക്ലബ് അംഗങ്ങൾ സമാഹരിച്ച് തുക കൈമാറി.

കോതമംഗലം മാർത്തോമ ചെറിയപ്പള്ളി പള്ളിയിൽ നടന്ന ചടങ്ങിൽ പള്ളി വികാരി ഫാദർ ജോസ് പരുത്തിവയലിൽ അധ്യക്ഷത വഹിച്ചു. എം എൽ എ ആന്റണി ജോൺ തുക ഏറ്റുവാങ്ങി.ക്ലബ്ബ് പ്രസിഡന്റ് ജോർജ് അലക്‌സ്, സെക്രട്ടറി ലിനോ കുര്യാക്കോസ്, ട്രഷറർ ഡാരിസ് ജോർജ്, സിജോ അവരാപ്പാട്ട്, അരുൺ, ജിതിൻ സേവി, ടിന്റോ, ബേസിൽ പി ജോയി, എബിൻ ജോർജ് തുടങ്ങിയവർ പങ്കെടുത്തു.

നെല്ലിക്കുഴി ഇളമ്പ്ര പുന്നക്കൽ ബാബു-അമ്മിണി ദമ്പതികളുടെ മകനാണ് 32 കാരനായ ബിൻസൺ.അടിയന്തിരമായി വൃക്ക മാറ്റി വയ്ക്കൽ ശസ്ത്രക്രീയ നടത്തേണ്ടതിനാൽ കോതമംഗലം എം ൽ എ ആന്റണി ജോണിന്റെ നേതൃത്വത്തിൽ ചികിൽസാ സഹായകമ്മിറ്റി രൂപികരിച്ച് ഫണ്ട് ശേഖരണം ആരംഭിച്ചിരുന്നു.

ഈ സാഹചര്യത്തിലാണ് ക്ലബ്ബ് അംഗം കൂടിയായ ബിൻസന് തങ്ങളാൽ കഴിയുന്ന സഹായം എത്തിക്കാൻ ക്ലബ്ബ് തീരുമാനിച്ചത്.ഏകദേശം 40 ലക്ഷം രൂപയാണ് ഓപ്പറേഷന് ചിലവ് കണക്കാക്കിയിട്ടുള്ളത്.

കോതമംഗലം മലയിൻകീഴ് ആസ്ഥാനമാക്കി ആണ് ആസ്പയർ ക്ലബ് പ്രവർത്തിച്ചുവരുന്നത്.മുമ്പും ഇവരുടെ നേതൃത്വത്തിൽ നിരവധിയായ സേവന പ്രവർത്തനങ്ങൾ നടത്തിയിട്ടുണ്ട് .വെള്ളപ്പൊക്ക സമയത്തും ,പ്രളയ സമയത്തും മറ്റുള്ളവർക്ക് കൈത്താങ്ങായി ഇവർ എത്തിയിട്ടുണ്ട്.

കഴിഞ്ഞ മാസം 26 ,27 തീയതികളിൽ ആയിരുന്നു ക്ലബ്ബിന്റെ ആഭിമുഖ്യത്തിൽ ഫുട്‌ബോൾ ടൂർണമെൻറ് നടന്നത്.ഫുട്‌ബോൾ ടൂർണമെന്റും, സഹായനിധി കൂപ്പണുകളും വഴി കിട്ടിയ അഞ്ച് ലക്ഷത്തോളം രൂപയാണ് ആസ്പയർ ക്ലബ് ചികത്സാസഹായനിധയിയിലേയ്ക്ക് കൈമാറിയിട്ടുള്ളത്.

അടിമാലി ; പരിസ്ഥിതി ദുർബ്ബലമേഖലയിൽ ഉൾപ്പെടുന്ന പീച്ചാട് നെല്ലിത്താനം എസ്റ്റേറ്റിൽ മരംമുറിച്ചുമാറ്റിയ സംഭവത്തിൽ ഒരാൾ അറസ്റ്റിൽ.
പാല മരങ്ങാട്ടുപള്ളി മല്ലിശേരി ജോസഫ് സേവ്യറിനെ(51)യാണ് വനംവകുപ്പ് അധികൃതർ അറസ്റ്റ്‌ചെയ്തിട്ടുള്ളത്.കോടതിയിൽ ഹാജരാക്കി ,റിമാന്റുചെയ്തു.

കൈവശക്കാർ അനധികൃതമായി മരം മുറിച്ച് ഏലകൃഷി വ്യാപിക്കുന്നതിന് നീക്കം നടത്തുകയായിരുന്നെന്നും മരം മുറിക്കലിൽ സ്‌പെഷ്യലിസ്റ്റായ ജോസഫ് സേവ്യറിനെ ഉപയോഗിച്ച് 100-ൽപ്പരം മരങ്ങൾ മുറിച്ചുനീക്കിയതായി കണ്ടെത്തിയെന്നും അധികൃതർ അറിയിച്ചു.

ഏലം കൃഷിയ്ക്കായി എത്തുന്ന അഥിതി തൊഴിലാളികളെ താമസിപ്പിക്കാൻ എസ്റ്റേറ്റിൽ ഷെഡ് സ്ഥാപിച്ചിരുന്നെന്നും ഇത് പൊളിച്ചുമാറ്റിയെന്നും അടിമാലി ഫോറസ്റ്റ് റെയിഞ്ചോഫീസർ കെ വി രതീഷ് കെ വി വ്യക്തമാക്കി.

എസ്റ്റേറ്റിന്റെ അവകാശവും നടത്തിപ്പുമെല്ലാം സംബന്ധിച്ച് കോടതികളിൽ കേസ് നിലവിലുണ്ട്.2001-ൽ എസ്‌റ്റേറ്റ് സ്ഥിതി ചെയ്യുന്ന പ്രദേശം പരിസ്ഥിതി ദുർബ്ബല പ്രദേശിമായി പ്രഖ്യാപിക്കുകയും ചെയ്തിരുന്നു.