News
യുവതിയെ കുത്തികൊന്ന് , മാറിടം മുറിച്ചെഞ്ഞടുത്തെന്ന് കേസ് ; ഇന്ന് വാദം തുടങ്ങും
അടിമാലി:യുവതിയെ കുത്തികൊലപ്പെടുത്തിയ ശേഷം മാറിടം മുറിച്ചെടുത്ത് സൂക്ഷിച്ച സംഭവത്തില് അടിമാലി പോലീസ് ചാര്ജ്ജുചെയ്ത കേസില് ഇന്ന് വാദം ആരംഭിയ്ക്കും.
14-ാം മൈല് ചരുവിള പുത്തന്വീട്ടില് അബ്ദുള് സിയാദിന്റെ ഭാര്യ സെലീനയാണ് കൊല്ലപ്പെട്ടത്.2017 ഒക്ടോബര് 10- നാണ് കേസിനാസ്പദമായ സംഭവം ഉണ്ടായത്.
തൊടുപുഴ പ്രിന്സിപ്പല് സെഷന്സ് കോടതി ജഡ്്ജി ശശികുമാര് പി എസ് മുമ്പാകെയാണ് ഇന്ന് സാക്ഷികളുടെ വിസ്താരം തുടങ്ങുന്നത്.കേസിലെ പ്രതി തൊടുപുഴ വണ്ടമറ്റം പടിക്കുഴിയില് ഗിരോഷും(35) സെലീനയും തമ്മിലുള്ള സാമ്പത്തീക ഇടപാടുകള് സംബന്ധിച്ച തര്ക്കമാണ് അരുംകൊലയ്ക്ക് കാരണമെന്നാണ് പ്രൊസിക്യൂഷന്റെ കണ്ടെത്തല്.
ദൃസാക്ഷികള് ഇല്ലാത്ത കേസില് സാഹചര്യത്തെളിവുകളുടെ അടിസ്ഥാനത്തിലാണ് കുറ്റപത്രം തയ്യാറാക്കിയിട്ടുള്ളത്.സി ഐ പി കെ സാബുവിന്റെ നേതൃത്വത്തിലാണ് കുറ്റപത്രം തയ്യാറാക്കിയിട്ടുള്ളത്.സാക്ഷി പട്ടികയില് 59 പേരുണ്ട്്.പബ്ളിക് പ്രൊസിക്യൂട്ടര് ബി സുനില് ദത്താണ് പ്രൊസിക്യൂഷന് വേണ്ടി ഹാജരാവുന്നത്.
കൊല്ലപ്പെട്ട സെലീന താന് അഡ്വക്കേറ്റും ഫാാമിലി കൗണ്സിലറും ആണെന്നുമാണ് ഗിരോഷിനെ ധരിപ്പിച്ചിരുന്നത്.അടിമാലിയില് ഗിരോഷ് നടത്തിവന്നിരുന്ന കമ്പ്യൂട്ടര് സെന്ററില് ജോലി ചെയ്തിരുന്ന അഞ്ജന എന്നുവിളിയ്ക്കുന്ന അനീറ്റയെ കള്ളം പറഞ്ഞ ഗിരോഷിനെക്കൊണ്ട് വിവാഹം കഴിപ്പിയ്ക്കുന്നതിന് നേതൃത്വം നല്കിയത് സെലീനയായിരുന്നു.
അനീറ്റ ഗര്ഭിണിയാണെന്നും വിവാഹം കഴിച്ചില്ലങ്കില് കേസില് കുടുക്കുമെന്നുമായിരുന്നു സെലീനയുടെ ഭീഷിണി.ഇക്കാര്യം പറഞ്ഞ്് പലതവണയായി സെലീന 108000 രൂപ ഗിരോഷിന്റെ കൈയ്യില് നിന്നും വാങ്ങുകയും ചെയ്തിരുന്നു.
ഈ തുക തിരികെ നല്കണമെന്ന് ഗിരോഷിന്റെ ആവശ്യം തള്ളിക്കളയും താന് അഭിഭാകയാണെന്നും കേസില്കുടുക്കുമെന്നും ഭീഷിണിപ്പെടുത്തിയതിലുമുള്ള വൈരാഗ്യത്തിലാണ് ഗിരോഷ് സെലീനയെ ക്രൂരമായി കൊലപ്പെടുത്തിയത്.
സമീപത്തെ വ്യാപാര സ്ഥാപനത്തിലെ സിസിടിവി ദൃശ്യത്തില് നിന്നാണ് കൊല നടത്തിയത് ഗിരോഷ് ആണെന്ന് പോലീസ് സ്ഥിരീകരിച്ചത്.സെലീനയുടെ കഴുത്തിലും ശരീരഭാഗങ്ങളിലും കുത്തിയ ശേഷം വീടുവിട്ട് ഇറങ്ങുകയും ഏതാനും മിനിട്ടുകള്ക്കുള്ളില് തിരിച്ചെത്തി ഇടത്തെ മാറിടം മുറിച്ചെടുത്തെന്നും ഇത് തുണിയില് പൊതിഞ്ഞ് ,ബാഗിലിട്ട് മടങ്ങുകയുമായിരുന്നെന്നും ഗിരോഷ് കുറ്റസമ്മതമൊഴിയില് വ്യക്തമാക്കിയിരുന്നു.
സംഭവം നടന്നതിന്റെ പിറ്റേന്ന് പുലര്ച്ചെ വീട്ടില് നിന്നുമാണ് ഗിരോഷിനെ അടിമാലി പോലീസ് കസ്റ്റഡിയില് എടുക്കുന്നത്.ഈ സമയം കൊല നടത്തുമ്പോള് ധരിച്ചിരുന്ന വസ്ത്രങ്ങള് ഊരി മുറിയിലെ കസേരില് ഇട്ടശേഷം തുണിയില് പൊതിഞ്ഞ വീട്ടമ്മയുടെ ശരീരഭാഗം അരികില്ത്തന്നെ സൂക്ഷിച്ച് വിശ്രമിക്കുകയായിരുന്നു ഇയാള്.
Latest news
കോതമംഗലത്തുനിന്നും കാണാതായ എസ്ഐ ഷാജി പോൾ മൂന്നാറിൽ?തിരച്ചിൽ ശക്തമാക്കി പോലീസ്
കോതമംഗലം;ജോലിയ്ക്കായി വീട്ടിൽ നിന്നും പുറപ്പെട്ട പോലീസ് ഉദ്യോഗസ്ഥനെ കണ്ടെത്തുന്നതിനായി സഹപ്രവർത്തകരും ഉറ്റവരും അടുപ്പക്കാരും നടത്തിവരുന്ന അന്വേഷണം തുടരുന്നു.
കോതമംഗലം സ്റ്റേഷനിലെ ഗ്രേഡ് എസ് ഐ പൈങ്ങോട്ടൂർ മാമുട്ടത്തിൽ ഷാജി പോളി(53)നെയാണ് കാണാതായിട്ടുള്ളത്.
ചൊവ്വാഴ്ച രാവിലെ ജോലിയ്ക്കായി വീട്ടിൽ നിന്നറങ്ങിയ ഇദ്ദേഹം സ്റ്റേഷനിൽ എത്തിയിരുന്നില്ല.വൈകിട്ടോടെ വീട്ടുകാരും സഹപ്രവർത്തകരും ചേർന്ന് ഇദ്ദേഹത്തെ കണ്ടെത്താൻ തിരച്ചിൽ ആരംഭിച്ചിരുന്നു.
ഇന്നലെ ഉച്ചവരെ വിവരം ഒന്നും ലഭിച്ചില്ല.തുടർന്ന് വീട്ടുകാരുടെ പരാതിയുടെ അടിസ്ഥാനത്തിൽ സംഭവത്തിൽ പോത്താനിക്കാട് പോലീസ് മിസിംഗ് കേസ് രജിസ്റ്റർ ചെയ്തു.
എസ്ഐക്ക് വീട്ടിൽ നിന്നും മാറി നിൽക്കേണ്ടതായി ഒരു പ്രശ്നവും ഇല്ലന്നാണ് പോലീസിന്റെ പ്രാഥമീക അന്വേഷണത്തിൽ വ്യക്തമായിട്ടുള്ളത്.
ഇന്നലെ രാത്രി 8.15 ഓടെ ഷാജി പോൾ മൂന്നാറിൽ എത്തിയതായി പോലീസിന് സൂചന ലഭിച്ചു.കാണാതായത് മുതൽ സൈബർ സെല്ലുവഴി മൊബൈലൊക്കേഷൻ കണ്ടെത്താൻ പോലീസ് നീക്കം ആരംഭിച്ചിരുന്നു.
ഇടയ്ക്ക് മൊബൈൽ ഓൺ ചെയ്യുകയും പെട്ടെന്ന് ഓഫാക്കുകയും ചെയ്യുന്ന രീതിയാണ് ഷാജി പോൾ സ്വീകരിച്ചുവരുന്നത്.
തന്നെ മൊബൈൽ ലൊക്കേഷൻ കേന്ദ്രീകരിച്ചുള്ള അന്വേഷണം ഒരു പക്ഷെ പ്രയോജനം ചെയ്യില്ലന്നാണ്് ചൂണ്ടികാണിയ്ക്കപ്പെടുന്നത്.
പൈങ്ങോട്ടൂരിൽ നിന്നും കറുകടത്തെത്തി ,കോതമംഗല,നേര്യമംഗലം വഴിയായിരിക്കാം ഷാജി മുന്നാറിൽ എത്തിയതെന്നാണ് പ്രാഥമീക നിഗമനം.ഇവിടം കേന്ദ്രീകരിച്ച് പോലീസ് തിരച്ചിൽ ശക്തിപ്പെടുത്തിയിട്ടുണ്ട്.
Latest news
ജോലിസ്ഥലത്തേയ്ക്ക് പുറപ്പെട്ട എസ് ഐയെ കാണാനില്ല; പോത്താനിക്കാട് പോലീസ് കേസെടുത്തു,തിരച്ചില് ഊര്ജ്ജിതം
കോതമംഗലം; ജോലിയ്ക്കായി വീട്ടില് നിന്നും പുറപ്പെട്ട പോലീസ് ഉദ്യോഗസ്ഥനെ കാണാനില്ല.
കോതമംഗലം സ്റ്റേഷനിലെ ഗ്രേഡ് എസ് ഐ പൈങ്ങോട്ടൂര് മാമുട്ടത്തില് ഷാജി പോളി(53)നെയാണ് കാണാതായിട്ടുള്ളത്.
ഇന്നലെ രാവിലെ ജോലിയ്ക്കായി വീട്ടില് നിന്നറങ്ങിയ ഇദ്ദേഹം സ്റ്റേഷനില് എത്തിയിരുന്നില്ല.വൈകിട്ടോടെ വീട്ടുകാരും സഹപ്രവര്ത്തകരും ചേര്ന്ന് ഇദ്ദേഹത്തെ കണ്ടെത്താന് തിരച്ചില് ആരംഭിച്ചിരുന്നു.
ഇന്ന് ഉച്ചവരെ വിവരം ഒന്നും ലഭിച്ചില്ല.സംഭവത്തില് പോത്താനിക്കാട് പോലീസ് മിസിംഗ് കേസ് രജിസ്റ്റര് ചെയ്തിട്ടുണ്ട്.എസ്ഐക്ക് വീട്ടില് നിന്നും മാറി നില്ക്കേണ്ടതായി ഒരു പ്രശ്നവും ഇല്ലന്നാണ് പോലീസിന്റെ പ്രാഥമീക അന്വേഷണത്തില് വ്യക്തമായിട്ടുള്ളത്.
Latest news
രാജ്യത്ത് പാചകവാതക സിലിണ്ടറിന്റെ വില കുറഞ്ഞു
ഡൽഹി ; രാജ്യത്ത് ലോക്സഭാ തിരഞ്ഞെടുപ്പ് നടക്കുന്നതിനിടെ തുടർച്ചയായ രണ്ടാം മാസവും എല്പിജി സിലിണ്ടറുകളുടെ വില കുറച്ച് എണ്ണ വിപണന കമ്പിനികൾ.
ഡല്ഹി മുതല് മുംബൈ വരെ സിലിണ്ടർ വിലയില് 19-20 രൂപ വരെ കുറഞ്ഞു. അതേസമയം, ഗാർഹിക ആവശ്യത്തിന് ഉപയോഗിക്കുന്ന 14.2 കിലോഗ്രാം എല്പിജി സിലിണ്ടറിൻ്റെ വിലയില് ഇത്തവണയും മാറ്റമില്ല.
പുതിയ സിലിണ്ടർ വിലകള് ഐഒസിഎല് വെബ്സൈറ്റില് അപ്ഡേറ്റ് ചെയ്തിട്ടുണ്ട്. പുതുക്കിയ വില 2024 മെയ് 1 മുതല് പ്രാബല്യത്തില് വന്നു.
എണ്ണ വിപണന കമ്ബനിയായ ഇന്ത്യൻ ഓയിലിൻ്റെ വെബ്സൈറ്റ് അനുസരിച്ച്, മെയ് 1 മുതല് രാജ്യ തലസ്ഥാനമായ ഡല്ഹിയില് 19 കിലോഗ്രാം വാണിജ്യ ഗ്യാസ് സിലിണ്ടറിൻ്റെ വില 19 രൂപ കുറച്ചു. ഇപ്പോള് 1764.50 രൂപയുണ്ടായിരുന്ന സിലിണ്ടർ 1745.50 രൂപയ്ക്ക് ലഭിക്കും.
അതുപോലെ, മുംബൈയില് വാണിജ്യ എല്പിജി സിലിണ്ടറിൻ്റെ വില 1717.50 രൂപയില് നിന്ന് 1698.50 രൂപയായി കുറഞ്ഞു. ചെന്നൈയിലും ഈ സിലിണ്ടറിന് 19 രൂപ കുറഞ്ഞു, വില 1930 രൂപയില് നിന്ന് 1911 രൂപയായി കുറഞ്ഞിട്ടുണ്ട്.
എന്നാല് കൊല്ക്കത്തയില് വാണിജ്യ സിലിണ്ടറിന് ഒരു രൂപ കൂടി അതായത് 20 രൂപ കുറഞ്ഞു. ഇതുവരെ 1879 രൂപയ്ക്ക് വിറ്റിരുന്ന സിലിണ്ടറിന് 1859 രൂപയായി.
Latest news
ചിലവ് ചുരുക്കിയുള്ള വിവാഹത്തിന് സിവില് സര്വ്വീസ് രംഗത്തുനിന്നും ഇടപെടല്; മാതൃകയായി ശ്രീധന്യ സുരേഷ്
തിരുവനന്തപുരം;ചിലവ് ചുരുക്കിയുള്ള വിവാഹത്തിന് സിവില് സര്വ്വീസ് രംഗത്തു നിന്നും ഇടപെടല്;മാതൃകയായി ശ്രീധന്യ സുരേഷ്
രജിസ്ട്രേഷന് ഐജി ശ്രീധന്യ സുരേഷ് ആണ് ഐഎഎസ് കാര്ക്കിടയില് നിന്നും ചിലവുചുരുക്കിവിവാഹം നടത്തി ,പൊതുസമൂഹത്തിന് മാതൃകയായി മാറിയിരിക്കുന്നത്.
ശ്രീധന്യയുടെ തിരുവനന്തപുരം കുമാരപുരത്തെ വീട്ടിലായിരുന്നു വിവാഹ ചടങ്ങുകള് ഒരുക്കിയത്.ഹൈക്കോടതി അസിസ്റ്റന്റായ വരന് ഗായക് ആര്.ചന്ദ് ആയിരുന്നു വരന്.
ശ്രീധന്യയുടെ മാതാപിതാക്കളായ വയനാട് പൊഴുതന അമ്പലക്കൊല്ല് വീട്ടില് കെ.കെ.സുരേഷും കെ.സി.കമലയും ഗായകിന്റെ മാതാപിതാക്കളായ ഓച്ചിറ വലിയമഠത്തില് ഗാനം വീട്ടില് കെ.രാമചന്ദ്രനും ടി.രാധാമണിയും ഉള്പ്പെടെ വളരെ അടുത്ത ബന്ധുക്കള് മാത്രം പങ്കെടുത്ത ലളിതമായ ചടങ്ങിലാണ് വിവാഹം ചടങ്ങുകള് പൂര്ത്തീകരിച്ചത്.
ജില്ലാ റജിസ്ട്രാര് ജനറല് പി.പി.നൈനാന് വിവാഹ കര്മ്മം നിര്വഹിച്ചു.വധുവരന്മാര്ക്ക് ആശംസകള് നേരാന് റജിസ്ട്രേഷന് വകുപ്പു മന്ത്രി രാമചന്ദ്രന് കടന്നപ്പള്ളി എത്തിയിരുന്നു.
Latest news
അങ്കമാലിയെ വിഴുങ്ങി ഗതാഗതക്കുരുക്ക്:വലഞ്ഞ് ജനം
അങ്കമാലി: അങ്കമാലി ടൗൺ മുതൽ അത്താണി വരെ യാത്രക്കാരെ വലച്ച് വൻ ഗതാഗതക്കുരുക്ക്. എംസി റോഡിലും സമാന സ്ഥിതിയുണ്ടായതിന് പിന്നാലെ ജന ജീവിതം ദുസ്സഹമാക്കുന്ന തരത്തിലേക്ക് ആവശ്യ സർവീസുകളായ ആംബുലൻസ്, ഫയർഫോഴ്സ് പോലുള്ള വാഹനങ്ങൾക്കും കടന്ന് പോകാൻ കഴിയാത്ത സ്ഥിതിയാണുള്ളത്.
ദീർഘദൂര സർവീസുകളുള്ള യാത്രക്കാരുടെയും സ്ഥിതി വ്യത്യസ്തമല്ല. റോഡിലെ തിരക്ക് പാവപെട്ട വഴിയോര കച്ചവടക്കാരെയും കാൽനടയാത്രക്കാരെയും ബാധിച്ചു.
ട്രാഫിക് കമ്മിറ്റി വിളിച്ച് അനധികൃത പാർക്കിങ്ങുകൾ കണ്ടെത്തി നിയമനടപടികൾ സ്വികരിക്കാനും, കുറ്റമറ്റ ഗതാഗത സംവിധാനങ്ങൾ ഒരുക്കി അധികൃതർ ഇടപെടണമെന്നും, ആവശ്യമായ പരിഷ്കരണങ്ങൾ നടപ്പിലാക്കണമെന്നുമാണ് നാട്ടുകാരുടെ വർഷങ്ങളായിട്ടുള്ള ആവശ്യം. ആവശ്യ ക്രമീകരണങ്ങൾ അധികാരികളുടെ ഭാഗത്ത് നിന്നും ഉണ്ടായ സാഹചര്യത്തിൽ ലോക്സഭാ തിരഞ്ഞെടുപ്പിന്റെ കലാശക്കൊട്ടിന് ഗതാഗതക്കുരുക്ക് അനുഭവപ്പെട്ടിരുന്നില്ല എന്നും നടപടികൾ സ്വികരിക്കുന്നില്ല എന്നും പ്രേദേശവാസികൾ പറയുന്നു.
ഇലക്ഷൻ ദിവസം ഉച്ചക്ക് ശേഷം കാലടി ഭാഗത്ത് നിന്നും വന്ന സ്വകാര്യ ബസുകൾ നഗരത്തിൽ പ്രവേശിക്കാതെ എൻഎച്ച് ലിങ്ക് റോഡ് വഴിയാണ് മുനിസിപ്പൽ ബസ് സ്റ്റാൻഡിലേക്കും തിരികെയും സർവീസുകൾ നടത്തിയിരുന്നത്. ഒരു പരുതിവരെ ഗതാഗതകുരുക്ക് കുറക്കാൻ ഇത് സഹായകരമായിരുന്നു എന്നും ,കൂടാതെ ഗതാഗതക്കുരുക്കിന് പരിഹാരമായി കരുതുന്ന അങ്കമാലി, കുണ്ടന്നൂർ ബൈപാസ് പദ്ധതികൾ എങ്ങുമെത്തിയിട്ടില്ലെന്നും, അങ്കമാലി ടൗണിലെ ഗതാഗത കുരുക്കിന്റെ തുടക്കമായ അങ്ങാടിക്കടവ് സിഗ്നൽ ജംക്ഷനിൽ ഒട്ടെറെ അപകടങ്ങൾ പതിവാണെന്നും നാട്ടുകാർ ആരോപിച്ചു.
അതെസമയം തൃശൂർ റൂട്ടിൽ നിന്ന് ഇടത്തേക്ക് തിരിഞ്ഞ് പോകുന്ന ക്യാംപ്ഷെഡ് റോഡിലേക്കുള്ള ഭാഗത്ത് ഫ്രീ ലെഫ്റ്റിനുള്ള സൗകര്യമൊരുക്കണമെന്ന് അങ്കമാലി മേഖല പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ പ്രസിഡന്റ് എ.പി.ജിബി, സെക്രട്ടറി ബി.ഒ.ഡേവിസ് എന്നിവർ ആവശ്യപ്പെട്ടു. ദേശീയപാതയിൽ എപ്പോഴെങ്കിലും വാഹനങ്ങളുടെ ഒഴുക്കിന് നേരിയ തടസ്സം ഉണ്ടായാൽ പോലും അത് വൻ കുരുക്ക് രൂപപ്പെടാൻ കാരണമാകുമെന്നാണ് ഇവർ പറയുന്നത്.
-
Latest news4 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news4 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news2 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്
-
Latest news4 weeks ago
അമ്മുമ്മയും കൊച്ചുമകളും മുങ്ങി മരിച്ചു: സംഭവം മുവാറ്റുപുഴ രണ്ടാർകരയിൽ , പെൺകുട്ടിയുടെ നില ഗുരുതരം
-
Local News4 weeks ago
ബാറ്ററി മോഷണം, പ്രതി പിടിയിൽ