Connect with us

Latest news

മണിയാശാന്റെ കാർ യാത്ര;കേസിന് ന്നാ താൻ കേസ് കൊട് സിനിമയുമായുള്ള സാമ്യവും ചർച്ചകളിൽ

Published

on

അടിമാലി; മുൻ മന്ത്രി എംഎം മണിയുടെ കാർ യാത്രയുമായി ബന്ധപ്പെട്ടുള്ള സംഭവപരമ്പരകൾക്ക് ന്നാ താൻ കേസ് കൊട് എന്ന സിനിമയുടെ പ്രമേയത്തോടുള്ള സാമ്യവും ചർച്ചകളിൽ.

സംഭവത്തിന്റെ മൂല കാരണം റോഡിലെ കുഴിയാണെന്നാണ് പരിക്കേറ്റ് ചികത്സയിലുള്ള കുഞ്ചിത്തണ്ണി മാട്ടയിൽ അരുണിന്റെ പിതാവ് ബൈജു വെളിപ്പെടുത്തിയിട്ടുള്ളത്.

റോഡിലെ കുഴി മൂലം ടെമ്പോട്രവലർ വെട്ടിച്ചപ്പോൾ മുന്നിൽപ്പോയിരുന്ന ഓട്ടോ റിക്ഷയിൽ ഇടിയ്ക്കുന്നു.ഈ ഓട്ടോ റിക്ഷ നിയന്ത്രണം തെറ്റി പാതയോരത്ത് നിന്നിരുന്ന രാജീവന്റെ നേർക്ക് (കുഞ്ചാക്കോ ബോബൻ )എത്തുന്നു.ഈ സമയം ഇയാൾ ആത്മരക്ഷാർത്ഥം എം എൽ എയുടെ വീടിന്റെ മതിൽച്ചാടുന്നു.

തുടർന്ന് രാജീവൻ പോലീസ് പിടിയിലായി. നിയമ നപടികൾ മുറുകുമ്പോൾ റോഡിലെ കുഴിയാണ് എല്ലാത്തിന്റെയും മൂലകാരണം എന്ന് രാജീവൻ കോടതിയെ ബോദ്ധ്യപ്പെടുത്തുന്നു.

തുടർന്നുള്ള കേസ് നടപടികളിൽ കുറ്റക്കാരനെന്ന് തെളിഞ്ഞതിനെത്തുടർന്ന് പൊതുമരാമത്ത് വകുപ്പ് മന്ത്രി രാജിവയ്ക്കുകയും ഇതുവഴി രാജീവൻ വാർത്താമധ്യമങ്ങളുടെ ശ്രദ്ധാകേന്ദമായി മാറുകയും ചെയ്യുന്നിടത്താണ് ചിത്രം പരിസമാപ്തിയാവുന്നത്.സമീപകാലത്ത് ഇറങ്ങിയതിൽ പ്രേക്ഷക ശ്രദ്ധനേടിയ ചിത്രങ്ങളിലൊന്നാണിത്.

കുഞ്ചിത്തണ്ണി -രാജാക്കാട് റോഡിൽ തേക്കിൻകാനത്തുനിന്നും അരകിലോമീറ്ററോളം അകലെ മുല്ലക്കാനം റോഡിൽ വച്ചാണ് എം എം മണി എം എൽ എയുടെ കാർയാത്രയുമായി ബന്ധപ്പെട്ടുള്ള സംഭവ പരമ്പരകളുടെ തുടക്കമെന്നാണ് ഇതുവരെ പുറത്തുവന്നിട്ടുള്ള വിവരങ്ങളിൽ നിന്നും വ്യക്തമാവുന്നത്.

സംഭവുമായി ബന്ധപ്പെട്ട് ബൈജുവിന്റെ മകൻ അരുണിനെ പോലീസ് അറസ്റ്റുചെയ്തിരുന്നു.എം എം മണി എം എൽ എയെ കാർ തടഞ്ഞുനിർത്തി അസഭ്യം പറഞ്ഞെന്ന ഗൺമാന്റെ പരാതിയിലാണ് അരുണിനെ രാജാക്കാട് പോലീസ് അറസ്റ്റ് ചെയ്തത്.

മർദ്ദനമേറ്റ പരിക്കുകളോടെ ആശുപത്രിയിൽ ചികത്സയിൽക്കഴിഞ്ഞിരുന്ന അരുണിനെ ഇന്നലെ മൊഴിനൽകാൻ സ്റ്റേഷനിലേയ്ക്ക് വിളിപ്പിച്ചിരുന്നു.പിന്നാലെ അറസ്റ്റ് രേഖപ്പെടുത്തി സ്റ്റേഷൻ ജാമ്യത്തിൽ വിടുകയായിരുന്നു.

ബൈജുവിന്റെ വെളിപ്പെടുത്തൽ ഇങ്ങിനെ..

അരുണു വല്യപ്പനും കൂടിയാണ് ജീപ്പുമായി വീട്ടിൽ നിന്നും ഇറങ്ങിയത്.രാജാക്കാടുനിന്നും വീട്ടിലേയ്ക്ക് ആവശ്യമായ കുറച്ചുസാധനങ്ങൾ വാങ്ങുന്നതിനാണ് ഇരുവരും പുറപ്പെട്ടത്. അരുണായിരുന്നു ജീപ്പ് ഓടിച്ചിരുന്നത്.

ആനച്ചാൽ ക്ഷേത്രത്തിലെ മണ്ഡല ഉത്സവം നടക്കുന്നതിനാൽ ഈ ഭാഗത്ത് റോഡിൽ വലിയ ഗതാഗതക്കുരുക്ക് ഉണ്ടായിരുന്നു.ഇതിനിടെ മുന്നിൽപ്പോയിരുന്ന വാഹനം പെട്ടെന്ന് ബ്രേക്കിട്ടതിനാൽ അരുണിനും ബ്രേക്കിടേണ്ടി വന്നു.തൊട്ടുമുന്നിൽപ്പോയിരുന്ന സ്‌കൂട്ടർ യാത്രക്കാരൻ റോഡിലെ കുഴിമൂലം അപകടത്തിൽപ്പെട്ടതായിരുന്നു പൊടുന്നനെയുണ്ടായ ഗതാഗത തടസത്തിന് കാരണം.

ഈ സമയത്താണ് എംഎം മണി എംഎൽഎയുടെ കാർ അരുണിന്റെ ജീപ്പിന് പിന്നിൽ നിർത്തുന്നത്.മുമ്പിൽ നടന്നത് എന്താണെന്ന് മനസ്സിലാകാത്തതിനാലാവണം കാറിന്റെ ഡ്രൈവർ തുടർച്ചയായി ഹോൺമുഴക്കുന്നുണ്ടായിരുന്നു.അടുത്തുള്ള ജംഗ്ഷനിൽ നിന്ന് ഓടിയെത്തിയവരും സ്ഥലത്തുണ്ടായിരുന്ന വാഹനയാത്രക്കാരും മറ്റും ചേർന്ന് സ്്കൂട്ടർ ഉയർത്തി ,യാത്രക്കാരനെ പറഞ്ഞുവിട്ടതോടെയാണ് വാഹനങ്ങൾ മുന്നോട്ട് നീങ്ങിത്തുടങ്ങിയത്.

ഇവിടെ നിന്നും അൽപ്പംകൂടി മുന്നോട്ടുനീങ്ങി,ജീപ്പ് ഒതുക്കി നിർത്തി അരുൺ കാറിന് കടന്നുപോകുന്നതിന് അവസരം ഒരുക്കുകയും എം എൽ എയുടെ കാർ ഓവർടേക്ക് ചെയ്ത് കടന്നുപോകുകയുമായിരുന്നു.

ഇതിനിടയിൽ കാറിലുണ്ടായിരുന്നവർ ഗ്ലാസ് താഴ്ത്തി അരുണിനെ അസഭ്യം പറഞ്ഞു.ഇതിനെ അരുൺ ചോദ്യം ചെയ്യുകയും ചെയ്തിരുന്നു.ഇതെല്ലാം ഓട്ടത്തിനിടയിൽ നടന്നകാര്യങ്ങളാണ്.കുറച്ചുകൂടി മുന്നോട്ട് നീങ്ങിയപ്പോൾ എം എൽ എയുടെ കാർ ജിപ്പിന് കടന്നുപോകാൻ കഴിയാത്തവണ്ണം റോഡിൽ നിർത്തിയിരിക്കുന്നതായി അരുൺ കണ്ടു.

കാറിൽ എത്തിയവർ പാഞ്ഞടുത്തു,പിന്നാലെ അടിപിടി

ഇതുമൂലം ജീപ്പ് അരുൺ ജീപ്പ് നിർത്തി.നോക്കുമ്പോൾ കാറിൽ നിന്നിറങ്ങിയവർ പാഞ്ഞടുക്കുന്നതാണ് അരുൺ കാണുന്നത്.ഭയം മൂലും അരുൺ ജീപ്പ് സ്റ്റാർട്ടാക്കി, പിന്നോട്ടെടുത്ത ശേഷം ഒരുവിധത്തിൽ കാറിനെ മറികടന്ന് വേഗത്തിൽ മുന്നോട്ടുപോയി.

പിന്നാലെ എം എൽ എ യുടെ കാർ പാഞ്ഞെത്തി, ജീപ്പ് തടയുകയും അരുണും കാറിൽ ഉണ്ടായിരുന്നവരുമായി ഉന്തും തള്ളുമൊക്കെ ഉണ്ടാവുകയുമായിരുന്നു.അരുണിന് പരിക്കേൽക്കുകയും ആശുപത്രിയിൽ ചികത്സ തേടുകയും ചെയ്തിരുന്നു.

ഗൺമാൻ നൽകിയ പരാതിയിൽ അരുണിന്റെ പേരിൽ കേസെടുത്തിട്ടുണ്ടെന്നും അരുണിന് നേരിട്ട പ്രശ്‌നങ്ങളുടെ പേരിൽ നിയമനടപടികളുമായി മുന്നോട്ട് പോകുന്നതിന് തനിക്ക് താൽപര്യമില്ലന്നും ബൈജു വ്യക്തമാക്കിയിട്ടുണ്ട്.

അരുണിനെ അറസ്റ്റുചെയ്തു, ജാമ്യത്തിൽ വിട്ടു

സംഭവത്തിൽ ഇന്നലെ രാവിലെ മൊഴിയെടുക്കാൻ രാജാക്കാട് പോലീസ് അരുണിനെവിളിപ്പിച്ചിരുന്നു.എം എൽ എയുടെ ഗൺമാന്റെ പരാതിയിലാണ് അരുണിനെതിരെപോലീസ് കേസ് ചാർജ്ജുചെയ്തിരുന്നത്.

സംഭവം സംബന്ധിച്ച് വാർത്തകൾ പുറത്തുവന്നതിന് പിന്നാലെ തേക്കുംകാനം പോത്തുപാറയിൽ അരുണിന്റെ വീടിന് മുന്നിൽ സിപിഎം പ്രവർത്തകർ സംഘടിച്ച്് എം എം മണിയെ അസഭ്യം വിളിച്ചതിന്റെ പേരിൽ പ്രതിഷേധിച്ചിരുന്നു.

തന്റെ വാഹനം തടഞ്ഞു നിർത്തി യുവാവ് അസഭ്യം പറഞ്ഞതായുള്ള സംഭവത്തിൽ എം എം മണി എം എൽ മാധ്യമങ്ങളോട് പ്രതികരിച്ചിരുന്നു.ഈ സംഭവത്തിൽ രാജാക്കാട് പോലീസ് കുഞ്ചിത്തണ്ണി മാട്ടയിൽ അരുണിന്റെ പേരിൽ കേസെടുത്തതായും വാർത്തകൾ പ്രചരിച്ചിരുന്നു.

ഇതെ ദിവസം തന്നെ ഉച്ചകഴിഞ്ഞ് മർദ്ദനമേറ്റ പരിക്കുകളോടെ അരുണിനെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു.എം എൽ എയുടെ ഡ്രൈവറും ഗൺമാനും ചേർന്ന് മർദ്ദിച്ചതിനെത്തുടർന്നാണ് പരിക്കേറ്റതെന്നും ഭീഷിണി മൂലം അരുണോ കുടുംബാംഗങ്ങളോ പ്രതികരിയ്ക്കാൻ തയ്യാറാവുന്നിന്നും വ്യക്തമാക്കിയുള്ള വാർത്തകളും പുറത്തുവന്നിരുന്നു.

 

Latest news

ബീഎൽറാം സാധരണ നിലയിലേയ്ക്ക് ;അരിക്കൊമ്പൻ കാടുകയറി, വനത്തിലേയ്ക്ക് നീങ്ങാൻ മടിച്ച് ആനക്കൂട്ടം, ഭീതിവേണ്ടെന്ന് വനംവകുപ്പും

Published

on

By

മൂന്നാർ;അരിക്കൊമ്പൻ കാടുകയറി.കുഞ്ഞുങ്ങൾ ഉൾപ്പെടുന്ന കൂട്ടത്തിന്റെ നീക്കം മന്ദഗതിയിൽ.ബിഎൽറാമിൽ ജനജീവിതം സാധാരണ നിലയിലെന്നും ജാഗ്രത തുടരുന്നുണ്ടെന്നും വനംവകുപ്പ് അധികൃതർ.

കഴിഞ്ഞ ഏതാനും ദിവസങ്ങളായി ആനക്കൂട്ടത്തെ തുരത്താൻ ആർ ആർ ടി സംഘം പരിശ്രമിച്ചുവരികയായിരുന്നു.പ്രദേശത്ത് നാശനഷ്ടങ്ങൾ വിതച്ചിരുന്ന അരികൊമ്പനെ ഇന്നലെ വൈകുന്നേരത്തോടെയാണ് ദൗത്യസംഘം കാടുകയറ്റിയത്.കുഞ്ഞുങ്ങളും പിടകളും ഉൾപ്പെടെ 10 എണ്ണം വരുന്ന കൂട്ടത്തെ കാടുകയറ്റുന്നതിനുള്ള നീക്കം ഇനിയും വിജയിച്ചിട്ടില്ല.

പന്നിയാർ എസ്റ്റേറ്റിൽ നിലയുറപ്പിരുന്ന ആനക്കൂട്ടം പത്തേക്കർ ഭാഗത്തേയ്ക്ക് മാറിയതായിട്ടാണ് വനംവകുപ്പ് അധികൃതരിൽ നിന്നും ലഭിയ്ക്കുന്ന വിവരം.കുഞ്ഞുങ്ങൾ കൂടെയുള്ളതിനാലാണ് ആനക്കൂട്ടം വേഗത്തിൽ കാട്ടിലേയ്ക്ക് മടങ്ങാൻ കൂട്ടാക്കാത്തത് എന്നാണ് ആർ ആർ ടി സംഘത്തിന്റെ നിഗമനം.

ഒരാഴ്ചയോളമായി പന്നിയാർ എസ്റ്റേറ്റിലും പരിസരപ്രദേശങ്ങളിലും ആനക്കൂട്ടം എത്തിയിരുന്നു.പന്നിയാർ എസ്റ്റേറ്റിൽ വച്ച് ഫോറസ്റ്റ് വാച്ചർ ശക്തിവേലൽ ആന ആക്രണത്തിൽ കൊല്ലപ്പെട്ടിരുന്നു.കഴിഞ്ഞ ഒരാഴ്ചയ്ക്കുള്ളിൽ ഇവിടുത്തെ റേഷൻകട രണ്ട് തവണ ആന തകർത്തിരുന്നു.

നാട്ടുകാർ അരിക്കൊമ്പൻ എന്ന് പേരിട്ടിട്ടുള്ള കാട്ടുകൊമ്പനാണ് റേഷൻകട തകർത്തതെന്നാണ് പുറത്തുവന്നിട്ടുള്ള വിവരം.വീടും കടകളുമെല്ലാം തകർത്ത് അരിതിന്നുന്ന രീതി തുടർന്നുവരുന്നതിനാലാണ് ഈ ആനയെ നാട്ടുകാർ അരിക്കൊമ്പൻ എന്ന് വിളിച്ച് തുടങ്ങിയതെന്നാണ് പ്രദേശവാസികളിൽ നിന്നും ലഭിയ്ക്കുന്ന വിവരം.

രണ്ടുദിവസത്തിനുള്ളിൽ ബിഎൽറാം പ്രദേശത്ത് അരിക്കൊമ്പൻ രണ്ട് വീടുകൾ തകർത്തിരുന്നു.പ്രദേശവാസികളായ ബെന്നി,ഷൺമുഖവേൽ എന്നിവരുടെ വീടുകൾക്കാണ് ആനആക്രണത്തിൽ കേടുപാടുകൾ സംഭവിച്ചിട്ടുള്ളത്.

വീടുകളുടെ കേടുപാടുകൾ പരിഹരിയ്ക്കുന്നതിന് വനംവകുപ്പധികൃതർ ആരംഭിച്ചിട്ടുള്ള നിർമ്മാണ പ്രവർത്തനങ്ങൾ പുരോഗമിയ്ക്കുകയാണ്.

 

Continue Reading

Latest news

കാട്ടുകൊമ്പനെ ശകാരിച്ച് കാടുകയറ്റി താരമായി, ജീവന്‍പൊലിഞ്ഞത് ആന ആക്രമണത്തില്‍; ഫോറസ്റ്റ് വാച്ചര്‍ ശക്തിവേലിന് ദാരുണാന്ത്യം

Published

on

By

മൂന്നാര്‍;സാമൂഹിക മാധ്യമങ്ങളിലെ വൈറല്‍താരം ,ഫോര്‍സ്റ്റ് വാച്ചര്‍ ആനയിറങ്ങല്‍ അയ്യപ്പന്‍മുടി സ്വദേശി ശക്തിവേല്‍ ആന ആക്രമണത്തില്‍ കൊല്ലപ്പെട്ടു.ഞെട്ടല്‍ വിട്ടൊഴിയാതെ ഉറ്റവരും നാട്ടുകാരും.

ഇന്ന് ഉച്ചയോടെ പന്നിയാര്‍ എസ്‌റ്റേറ്റിലാണ് മൃതദ്ദേഹം കാണപ്പെട്ടത്.രാവിലെ പാതയോരത്ത് ശക്തിവേലിന്റെ സ്‌കൂട്ടര്‍ ഇരിയ്ക്കുന്നത് നാട്ടുകാരില്‍ ചിലര്‍ കണ്ടിരുന്നു.ഏറെ നേരമായിട്ടും സ്‌കൂട്ടര്‍ എടുക്കാന്‍ ആള്‍ തിരകെ എത്താതിരുന്നതിനെത്തിടര്‍ന്ന് ഇവരില്‍ ചിലര്‍ തിരച്ചില്‍ നടത്തിയപ്പോഴാണ് മൃതദ്ദേഹം കണ്ടെത്തിയത്.

ആനയുടെ കുത്തും ചവിട്ടും ഏറ്റാണ് മരണം സംഭവിച്ചിട്ടുള്ളതെന്നാണ് പുറത്തുവന്നിട്ടുള്ള വിവരം.യഥാര്‍ത്ഥത്തില്‍ എന്താണ് സംഭവിച്ചതെന്ന കാര്യത്തില്‍ ഇനയും വ്യക്തത വരുത്താനായിട്ടില്ലന്നാണ് വനംവകുപ്പ് അധികൃതര്‍ പങ്കുവയ്ക്കുന്ന വിവരം.

ഇന്നലെ രാത്രി ഈ മേഖലയില്‍ ആനക്കൂട്ടം ഇറങ്ങിയിരുന്നെന്നും ഇത് മനസ്സിലാക്കി,ആനക്കൂട്ടിന്റെ സഞ്ചാരപദം തേടിയായിരിക്കാം ശക്തിവേല്‍ ഈ ഭാഗത്തെത്തിയതെന്നും തിരച്ചിലിനടയില്‍ ആനക്കൂട്ടത്തിന് മുന്നില്‍ അകപ്പെട്ടിരിയ്ക്കാമെന്നുമാണ് നാട്ടുകാരുടെ കണക്കുകൂട്ടല്‍.

മേഖലയില്‍ ആനകളുമായി ഏറ്റവും കൂടുതല്‍ അടുത്ത് ഇടപഴകിയിരുന്ന വാച്ചര്‍മാരില്‍ ഒരാളായിരുന്നു ശക്തിവേല്‍.ശാന്തന്‍പാറ -പൂപ്പാറ റോഡില്‍ ഇറങ്ങിയ കാട്ടുകൊമ്പനെ ശക്തിവേല്‍ ശക്തിവേല്‍ ശകാരിച്ച് കാട്ടിലേയ്ക്ക് കയറ്റിവിടുന്ന വീഡിയോ സാമൂഹിക മാധ്യമങ്ങളില്‍ വൈറലായരുന്നു.

 

Continue Reading

Latest news

പൂജയുടെഭാഗമെന്ന് പറഞ്ഞ് പെൺകുട്ടിയ്ക്ക് നേരെ ലൈംഗീക അതിക്രമം; മാറാടിയിലെ “സിദ്ധൻ” അമീർ പിടിയിൽ

Published

on

By

 

കോലഞ്ചേരി:മന്ത്രവാദ പൂജയെന്ന പേരിൽ പെൺകുട്ടിയെ പീഢിപ്പിക്കാൻ ശ്രമിച്ചയാൾ അറസ്റ്റിൽ.സൗത്ത് മാറാടി പാറയിൽ അമീർ (38) നെയാണ് പുത്തൻകുരിശ് പോലീസ് അറസ്റ്റ് ചെയ്തത്.

ദോഷം മാറ്റാനുള്ള പൂജയ്ക്കാണെന്ന് പറഞ്ഞ് ഇയാൾ പെൺകുട്ടിയെ ലൈംഗികമായി ഉപദ്രവിക്കാൻ ശ്രമിക്കുകയായിരുന്നു.പെൺകുട്ടി കരഞ്ഞ് കൊണ്ട് ഓടി രക്ഷപ്പെടുകയായിരുന്നു. തുടർന്ന് നൽകിയ പരാതിയിൽ ഇയാളെ വാഴക്കുളത്തുനിന്നും പോലീസ് കസ്റ്റഡിയിൽ എടുക്കുകയായിരുന്നു.

ഒമ്പതാം ക്ലാസ് വിദ്യാഭ്യാസം മാത്രമുള്ള അമീറിന് രാത്രി തട്ടുകടയിൽ ഭക്ഷണം പാകം ചെയ്യലായിരുന്നു ജോലി. പിന്നീട് സ്വന്തമായി തട്ടുകട നടത്തിയെങ്കിലും നഷ്ടമാണെന്ന് പറഞ്ഞ് നിർത്തി.തുടർന്ന് ജോത്സ്യവും മന്ത്രവാദവുമായി ചുറ്റിക്കറങ്ങുകയായിരുന്നു.

നാല് വർഷമായി കടമറ്റം നമ്പ്യാരുപടിയിൽ ജോതിഷാലയം നടത്തുകയായിരുന്നു. പോലീസ് ഇടപെട്ട് ഒരു പ്രാവശ്യം ഇയാളുടെ കേന്ദ്രം അടപ്പിച്ചതാണ്. നിരവധി പേരെ ഇയാൾ കബളിപ്പിച്ചതായാണ് സൂചന.

ഇൻസ്‌പെക്ടർ ടി.ദിലീഷ്, എസ്.ഐമാരായ കെ.സജീവ്, സി. ഒ സജീവ്, എ.എസ്.ഐമാരായ മനോജ് കുമാർ, മുരളീധരൻ , ജിഷ മാധവൻ, എസ്.സി.പി.ഒ മാരായ ബി. ചന്ദ്രബോസ്, ഡിനിൽ ദാമോധരൻ തുടങ്ങിയവരാണ് അന്വേഷണ സംഘത്തിലുള്ളത്.

 

 

 

 

Continue Reading

Latest news

മാധ്യമ പ്രവർത്തന രംഗത്ത് കാൽ നൂറ്റാണ്ട് പിന്നിട്ടു; ജോഷി അറയ്ക്കലിന് ആദരം

Published

on

By

കോതമംഗലം: മാധ്യമ പ്രവർത്തന രംഗത്ത് കാൽ നൂറ്റാണ്ട് പിന്നിട്ട ജോഷി അറയ്ക്കലിന് വ്യാപാരി വ്യവസായി സമിതിയുടെ ആദരം.

വ്യാപാരി വ്യവസായി സമിതി കോതമംഗലം ഏരിയ കമ്മിറ്റി യോഗത്തിൽ സിപിഐ എം ജില്ലാ സെക്രട്ടറിയറ്റ് അംഗം ആർ അനിൽകുമർ ഉപഹാരം സമർപ്പിച്ചു.

സിപിഐ എം സംസ്ഥാന കമ്മിറ്റി അംഗം എസ് സതീഷ് മുഖ്യപ്രഭാഷണം നടത്തി. ഏരിയ പ്രസിഡന്റ് എം യു അഷറഫ് അധ്യക്ഷനായി.

ആന്റണി ജോൺ എംഎൽഎ ,സമിതി ജില്ലാ സെക്രട്ടറി സി കെ ജലീൽ, പ്രസിഡന്റ് റോബിൻ വൻനിലം ജില്ലാ ട്രഷറർ അബ്ദുൽ വാഹിദ്, സിപിഐ എം ഏരിയ സെക്രട്ടറി കെ എ ജോയി , കെ എം പരീത് ,കെ എ നൗഷാദ് , സി ഇ
നാസർ ,കെ എം ബഷീർ, കെ എ കുര്യാക്കോസ് എന്നിവർ സംസാരിച്ചു.

Continue Reading

Latest news

അലിയും അബിലിയും മുങ്ങിമരിച്ചത് ബന്ധുക്കളുടെ കണ്‍മുന്നില്‍;ദുരന്തം കുളിയ്ക്കാന്‍ ഇറങ്ങിയപ്പോള്‍, സങ്കടക്കടലായി കുട്ടമ്പുഴ

Published

on

By

കോതമംഗലം:കുട്ടമ്പുഴ പുഴയിൽ ബന്ധുക്കളായ കുട്ടികൾ മുങ്ങി മരിച്ചു.ഇന്നലെ വൈകിട്ട് പൂയംകുട്ടിക്ക് സമീപം കണ്ടൻപാറ ഭാഗത്താണ് നാടിനെ കണ്ണീരിലാഴ്ത്തിയ ദുരന്തമുണ്ടായത്.

കുട്ടമ്പുഴ കൂവപ്പാറ തട്ടായത്ത് വീട്ടിൽ അഷറഫിന്റെ മകൻ അലി (17), വണ്ണപ്പുറം കലയത്തിങ്കൽ വീട്ടിൽ ഷംസുദീന്റെ മകൻ ആബിലി (14) എന്നിവരാണ് മരണപ്പെട്ടത്.

ഇരുവരും അപകടത്തിൽപ്പെട്ട ഉടൻ കൂടെയുണ്ടായിരുന്നവർ രക്ഷിയ്ക്കാൻ ശ്രമിച്ചെങ്കിലും പരാജയപ്പെടുകയായിരുന്നു.

പൂയംകുട്ടി, കണ്ടൻപാറ ഭാഗത്ത് ബന്ധുക്കളടൊപ്പം കുളിക്കാനിറങ്ങിയതായിരുന്നു ഇരുവരും.മൃതദേഹം കോതമംഗലം താലൂക്ക് ആശുപത്രിയിൽ.കുട്ടമ്പുഴ പൊലീസ് മേൽ നടപടികൾ സ്വീകരിച്ചുവരുന്നു.

Continue Reading

Trending

error: