Connect with us

Latest news

പട്ടാപകൽ പല്ലാരിമംഗലത്ത് മുഖംമൂടി ആക്രമണം, വീട്ടമ്മയുടെ ചെറുത്തുനിൽപ്പിൽ അടിപതറി അക്രമി;ഒരാൾ കസ്റ്റഡിയിൽ

Published

on

കോതമംഗലം; പട്ടാപകൽ പല്ലാരിമംഗലത്ത് വീട്ടമ്മയ്ക്ക് നേരെ മുഖംമൂടി ആക്രമണം.ചെറുത്തുനിൽപ്പിൽ അടിപതറി അക്രമി .കാതു കീറി കമ്മൽ തരപ്പെടുത്തിയിട്ടും പിടിവിടാതെ മുഖംമൂടി വലിച്ചുരി വീട്ടമ്മ.രക്ഷയില്ലന്ന് കണ്ടപ്പോൾ ഇരയെ തലയ്ക്കടിച്ചുവീഴ്ത്തി,മോഷ്ടാവിന്റെ രക്ഷപെടൽ.

പല്ലാരിമംഗലത്ത് പരേതനായ ചിറപ്പുറത്ത് മുഹമ്മദിന്റെ ഭാര്യ മീര മുഹമ്മദിന്(68)നേരെയാണ് ആക്രമണം ഉണ്ടായത്.
പോത്താനിക്കാട് പോലീസ് അന്വേഷണം ആരംഭിച്ചു.ഒരാളെ കസ്റ്റഡിയിൽ എടുത്തതായിട്ടാണ് സൂചന.

ഇന്നലെ ഉച്ചകഴിഞ്ഞ് 2.30 തോടെയാണ് പരക്കെ ഭീതിപരത്തിയ അക്രമസംഭവം പുറത്തറിയുന്നത്.വീടിനുള്ളിൽ നിൽക്കുകയായിരുന്ന ഇവരുടെ പിന്നിൽക്കൂടി എത്തി മുഖം കറുത്ത തുണികൊണ്ട് മൂടിയ ശേഷമാണ് ആഭരണങ്ങൾ തട്ടിയെടുക്കാൻ മോഷ്ടാവിന്റെ ഭാഗത്തുനിന്നും നീക്കമുണ്ടായത്.

ആദ്യം പകച്ചെങ്കിലും ധൈര്യം വീണ്ടെടുത്ത് മീര മോഷ്ടാവിനെ നേരിട്ടു.മുഖംമൂയിലാണ് പിടുത്തം കിട്ടിയത്.ഇത് വലിച്ചൂരുന്നതിനുള്ള ശ്രമത്തിനിടെയാണ് അക്രമി ഇവരുടെ കാതിൽക്കിടന്ന് കമ്മൽ വലിച്ചുപറിച്ചെടുത്തത്.

കാതിലെ മാംസം കീറി രക്തം ഒഴുകിയെങ്കതിലും ഇവർ മോഷ്ടാവിന്റെ മേലുള്ള പിടിവിട്ടില്ല.പിടിവലിക്കിടയിൽ മുഖം മൂടി ഊരിപ്പോയതോടെ മോഷ്ടാവ് മീരയുടെ തലയുടെ പിന്നിൽ കൈയ്യിലുണ്ടായിരുന്ന വസ്തുകൊണ്ട് ഇടിച്ചു.ഇതോടെ പിടിവിടുകയും അക്രമി ഓടി രക്ഷപെടുകയുമായിരുന്നു.

കറുത്തപാന്റും കറുത്ത ഷർട്ടുമായിരുന്നു അക്രമി ധരിച്ചിരുന്നതെന്ന് മീര പോലീസിനെ അറയിച്ചതായിട്ടാണ് സൂചന.മട്ടാഞ്ചേരിയിൽ നിന്നും എത്തി കുടുംബ സഹിതം ഈ ഭആഗത്ത് താമസിച്ചുവരുന്ന യുവാവിനെയാണ് പോത്താനിക്കാട് പോലീസ് കസ്റ്റഡിയിൽ എടുത്തിട്ടുള്ളത്.

ചെവിക്കും തലക്കും പരിക്കേറ്റ മീര കോതമംഗലത്തെ ആശുപത്രിയിൽ എത്തിച്ച് വീട്ടുകാർ ചികത്സ ലഭ്യമാക്കി.പരേതനായ ഭർത്താവ് ഇബ്രാഹിം പോലീസ് ഡ്രൈവറായിരുന്നു.മകൻ ഷാനവാസ് പോലീസ് ഡ്രൈവറായി ജോലി നോക്കി വരികയാണ്.ഡോഗ് സ്‌ക്വാഡും ഫോറൻസിക് വിദഗ്ധരും സ്ഥലത്തെത്തി തെളിവെടുത്തു.

 

 

Latest news

ചെറുതോണി അണക്കെട്ടിലെ ജലപ്രവാഹത്തിൽ ത്രിവർണ്ണം തെളിഞ്ഞു; ചിത്രം പങ്കുവച്ച് മന്ത്രി റോഷി അഗസ്റ്റിൻ

Published

on

By

ചെറുതോണി ; 75-ാം സ്വാന്ത്ര്യദിനത്തോട് അനുബന്ധിച്ച് ഇടുക്കി ചെറുതോണി അണക്കെട്ടിലെ ജലപ്രവാഹത്തിൽ ത്രിവർണ വെളിച്ചം വിതറി ഹൈഡൽ ടൂറിസം വകുപ്പ്. ജലവിഭവ മന്ത്രി റോഷി അഗസ്റ്റിൻ  ചിത്രം ഫെയ്‌സ്ബുക്കിൽ പങ്കുവച്ചു.

ഇടുക്കി ഡാമിൽ വെള്ളം നിറഞ്ഞതിനെത്തുടർന്ന് തുറന്ന ഷട്ടറുകൾ ഇതുവരെ അടച്ചിട്ടില്ല. അതിനാലാണ് ഷട്ടറിലൂടെ പുറത്തേക്ക് ഒഴുകുന്ന വെള്ളത്തിലേക്ക് ലൈറ്റ് പതിപ്പിക്കാനായത്. 75-ാം സ്വാതന്ത്ര്യദിനത്തോട് അനുബന്ധിച്ച് വിവിധ പരിപാടികളാണ് നടത്തുന്നത്. ഇതിന്റെ ഭാഗമായാണ് വ്യത്യസ്തമായി ഹൈഡൽ ടൂറിസം വകുപ്പ് ഈ ദൃശ്യവിരുന്ന് ഒരുക്കിയത്.

 

Continue Reading

Latest news

പേവിഷബാധ സ്ഥിരീകരിച്ച അഥിതി തൊഴിലാളി ആശുപത്രിയിൽ നിന്നും മുങ്ങി;ജാഗ്രത പാലിക്കണമെന്ന് പോലീസ്

Published

on

By

കോട്ടയം;നായുടെ കടിയേറ്റതിനെത്തുടർന്ന് ചികത്സയ്‌ക്കെത്തി.പരിശോധനയിൽ സ്ഥിരീകരിച്ചത് പേ വിഷബാധ.പിന്നാലെ രോഗി ആശുപത്രിയിൽ നിന്നും അപ്രത്യക്ഷമായി.ജാഗ്രത നിർദ്ദേശം നൽകി പോലീസും ആരോഗ്യവകുപ്പും.

ഇന്നലെ രാത്രി കോട്ടയത്താണ് സംഭവം.നായയുടെ കടിയേറ്റ അസം സ്വദേശിയായ ജീവൻ ബറുവ (39)യെയാണ് പോലീസ് തിരയുന്നത്.അർത്ഥരാത്രിയോടടുത്ത് മെഡിക്കൽ കോളജ് ആശുപത്രിയിൽനിന്നാണ് ഇ.ാൾ കടന്നുകളഞ്ഞത്.ആശുപത്രി അധികൃതർ അറയിച്ചതിനെത്തുടർന്ന് പോലീസ് ജില്ലയിൽ ജാഗ്രതനിർദേശം നൽകി, വ്യാപക തിരച്ചിൽ ആരംഭിച്ചിട്ടുണ്ട്.

ജീവൻ ബറുവ (39) ജനറൽ ആശുപത്രിയിലാണ് ചികിത്സ തേടി എത്തിയത്.വിദഗ്ധ പരിശോധനയ്ക്കായി മെഡിക്കൽ കോളജ് ആശുപത്രിയിലേക്ക് അയക്കുകയായിരുന്നു. 2 സുഹൃത്തുക്കളോടൊപ്പം ഓട്ടോറിക്ഷയിൽ രാത്രി 10.30ന് അത്യാഹിത വിഭാഗത്തിൽ എത്തിയത്.തുടർന്നുള്ള പരിശോധനയിലാണ് പേ വിഷബാധ സ്ഥിരീകരിച്ചത്.

സാംക്രമികരോഗ വിഭാഗത്തിലേക്ക് മാറ്റിയെങ്കിലും അവിടെ നിന്നും ഇറങ്ങിയോടിയെന്നാണ് ആശുപത്രി അധികൃതർ പോലീസിന് നൽകിയ വിവരം.യുവാവിനൊപ്പം എത്തിയ സുഹൃത്തുക്കളെയും കാണാനില്ലെന്നാണ് പ്രാഥമീക അന്വേഷണത്തിൽ പോലീസ് ലഭിച്ച വിവരം.

 

Continue Reading

Latest news

പൂട്ടിയ ബഡ്‌സ്‌കൂൾ തുറന്ന് പ്രവർത്തനം ആരംഭിക്കണം; സിപിഎം പഞ്ചാത്ത് ഓഫീസിന് മുന്നിൽ ധർണ്ണ നടത്തി

Published

on

By

കോതമംഗലം;വിവിധ ആവശ്യങ്ങൾ ഉന്നയിച്ച് സിപിഎം പോത്താനിക്കാട് ലോക്കൽ കമ്മിറ്റിയുടെ നേതൃത്വത്തിൽ ബഡ്‌സ് സ്‌കൂൾ വിദ്യാർത്ഥികളും രക്ഷിതാക്കളും ബഹുജനങ്ങളും ചേർന്ന് പോത്താനിക്കാട് പഞ്ചായത്ത് ഓഫീസിന് മുന്നിലേക്ക് മാർച്ചും ധർണ്ണയും നടത്തി.

പ്രവർത്തനം നിറുത്തിയ പഞ്ചായത്തിലെ ബഡ്‌സ് സ്‌കൂൾ തുറന്ന് പ്രവർത്തിക്കുക.പഞ്ചായത്തിന്റെ അനാസ്ഥ കൊണ്ട് ഭിന്നശേഷിക്കാർക്ക് നഷ്ടപ്പെടുന്ന സ്‌കോളർഷിപ്പ് ലഭ്യമാക്കാനുള്ള നടപടികൾ സ്വീകരിക്കുക.ഭരണ പരാജയവും, അഴിമതിയും കടുകാര്യസ്ഥതയും,അലങ്കാരമാക്കിയ ഭരണസമിതി രാജി വയ്ക്കുക തുടങ്ങി ആവശ്യങ്ങൾ ഉന്നയിച്ചായിരുന്നു പ്രതിഷേധം.

പാർട്ടി ഏരിയ സെക്രട്ടറി ഷാജി മുഹമ്മദ് ഉദ്ഘാടനം ചെയ്തു.ഏരിയ കമ്മിറ്റി അംഗം കെ പി ജയിംസ് അദ്ധ്യക്ഷനായി, ലോക്കൽ സെക്രട്ടറി ഏ കെ സിജു , ഏരിയ കമ്മിറ്റി അംഗം പി എം  ശശികുമാർ , കെ റ്റി  അബ്രാഹം, എൽദോസ് പുത്തൻപുരയിൽ, എൽദോസ് മുകളേൽ തുടങ്ങിയവർ സംസാരിച്ചു.

ഓഗസ്റ്റ് ഇരുപതാം തീയതിക്കകം ഒരു സർവ്വകക്ഷി യോഗം വിളിച്ച് സ്‌കൂളിന്റെ കാര്യത്തിൽ തീരുമാനമെടുക്കാമെന്നും കുട്ടികൾക്ക് സ്‌കോളർഷിപ്പ് നഷ്ടപ്പെടുന്ന സാഹചര്യം ഒഴിവാക്കാൻ വേണ്ട നടപടികൾ സ്വീകരിക്കാമെന്നും പഞ്ചായത്ത് സെക്രട്ടി ഉറപ്പു നൽകിയതായി പാർട്ടി നേതാക്കൾ അറയിച്ചു.

Continue Reading

Trending

error: