കൊച്ചി: നടി അർച്ചന കവിയോട് പൊലീസ് ഉദ്യോഗസ്ഥൻ അപമര്യാദയായി പെരുമാറിയെന്ന് ആഭ്യന്തര അന്വേഷണറിപ്പോർട്ട് .ഇൻസ്പെക്ടർ വി എസ്. ബിജുവിനെതിരെ വകുപ്പുതല നടപടിക്ക് മട്ടാഞ്ചേരി എസിപി ശുപാർശ ചെയ്തതായി സൂചന.

രാത്രി ഓട്ടോയിൽ യാത്രചെയ്യവേ പൊലീസുകാർ അർച്ചനാ കവിയോടും ഒപ്പമുണ്ടായിരുന്ന സുഹൃത്തുക്കളോടും മോശമായി പെരുമാറിയതെന്ന് അന്വേഷണത്തിൽ തെളിഞ്ഞതിന്റെ അടിസ്ഥാനത്തിൽ എ എസ് പി നടപടിക്ക് ശുപാർശ ചെ.യ്തിട്ടുണ്ടെന്നാണ് അറിയുന്നത്.

ഞായർ രാത്രി പത്തരയ്ക്കുശേഷം കൊച്ചി രവിപുരത്തുനിന്ന് വാഹനത്തിൽ ഫോർട്ടുകൊച്ചിയിലേക്ക് പോകുന്നതിനിടെ തനിക്കും സുഹൃത്തുക്കൾക്കും പോലീസിൽ നിന്നും ദുരനുഭവമുണ്ടായി് എന്നാണ് നടി സാമൂഹിക മാധ്യമം വഴി വെളിപ്പെടുത്തിയിട്ടുള്ളത്.

നടി നേരിട്ട് പരാതി നൽകിയില്ലെങ്കിലും പൊലീസുകാരൻ മോശമായി പെരുമാറിയെന്ന ആരോപണത്തിൽ ആഭ്യന്തര അന്വേഷണം നടത്തുകയായിരുന്നു.

രാത്രി പെട്രോളിംഗ് നടത്തവെ വാഹനത്തിലെത്തിയവരോട് വിവരങ്ങൾ ചോദിച്ച് മനസ്സിലാക്കുക മാത്രമാണ് ഉണ്ടായതെന്നും താൻ ഒരു തരത്തിലും മോശമായി പെരുമാറിയിട്ടില്ലന്നുമാണ് ഇൻസ്‌പെക്ടർ ബിജുവിന്റെ നിലപാട്.

അടിമാലി; റവന്യൂപുറം പോക്കിൽ നിന്നിരുന്ന തേക്ക് മരങ്ങൾ മുറിച്ചുകടത്തിയ കേസിൽ പ്രതിചേർത്തിരുന്ന അടിമാലി മുൻ ഫോറസ്റ്റ് റെയിഞ്ചോഫീസർ കുമളി അമ്പാടി ജംഗ്ഷൻ ജോയി ഭവനിൽ ജോജി ജോണിനെ വെള്ളത്തൂവൽ പോലീസ് അറസ്റ്റുചെയ്തു.

നേരത്തെ ജോജി ജോണിന്റെ മുൻകൂർ ജാമ്യപേക്ഷ സൂപ്രീംകോടതി തള്ളിയിരുന്നു.അന്വേഷണ ഉദ്യോഗസ്ഥന് മുമ്പാകെ ഹാജരാവാനായിരുന്നു കോടതി നിർദ്ദേശം.ഇതിന്റെ അടിസ്ഥാനത്തിൽ വെള്ളത്തൂവൽ പോലീസ് മുമ്പാകെ കീഴടങ്ങുകയായിരുന്നു.

്‌രാവിലെ 11 മുതൽ വൈകിട്ട് 5 വരെ മൂന്നുദിവസം ചോദ്യം ചെയ്ത ശേഷമാണ് ഇന്നലെ അറസ്റ്റ് രേഖപ്പെടുത്തിയത്.ഇന്ന് കോടതിയിൽ ഹാജരാക്കും.

2021 ജൂലൈയിലായിരുന്നു കേസിനാസ്പദമായ സംഭവം.8 തേക്ക് മരങ്ങൾ മുറിച്ചുകടത്തിയെന്നും ഇതുവഴി സർക്കാരിന് 11 ലക്ഷത്തിൽപ്പരം രൂപ നഷ്ടമുണ്ടാക്കിയെന്നുമാണ് അധികൃതരുടെ കണ്ടെത്തൽ.കട്ടിംഗ് പെർമിറ്റ് നൽകിയ കൊന്നത്തടി വില്ലേജിലെ ഒരു ജീവനക്കാരനെതിരെയും കേസ് എടുത്തിരുന്നു.ഇയൾക്ക് കോടതി ജാമ്യം അനുവദിച്ചിരുന്നു.

മരം മുറി സംബന്ധിച്ച് അന്വേഷിക്കുന്ന ക്രൈബ്രാഞ്ചിന്റെ നിർദ്ദേശാനുസരണമാണ് പോലീസ് മോഷണത്തിനും പൊതുമുതൽ നശിപ്പിക്കൽ തുടങ്ങിയ വകുപ്പുകൾ ഉൾപ്പെടുത്തി കേസെടുത്തിട്ടുള്ളത്.

വെട്ടി കടത്തിയ തേക്ക് ഉരുപ്പടികൾ കുമളിയിൽ നിന്ന് ജോജി ജോണിന്റെ കുടുബത്തിന്റെ ഉടമസ്ഥതയിലുള്ള കെട്ടിടത്തിൽ നിന്നും വനംവകുപ്പ് ഉദ്യോഗസ്ഥ സംഘം കണ്ടടുത്തിരുന്നു.

ജോജി ജോണിന്റെ കുടുംബത്തിന്റെ ഉടമസ്ഥതയിലുള്ള തേക്കടിയിലെ റിസോർട്ടിന് സമീപത്തെ മാതാവിന്റെ പേരിലുള്ള കെട്ടിടത്തിൽ നിന്നാണ് തേക്കുതടി കണ്ടെടുത്തത്.

4.41 ക്യുബ്ക് ഉരുപ്പടികൾ ആണ് കണ്ടെടുത്തത്.2020 ഒക്ടോബറിൽ റവന്യു വകുപ്പ് പുറത്തിറക്കിയ വിവാദ ഉത്തരവിന്റെ മറവിലാണ് അടിമാലി റേയിഞ്ചിൽ പെട്ട മങ്കുവയിൽ നിന്ന് തേക്കുമരങ്ങൾ വെട്ടുന്നതിന് വനം വകുപ്പ് അനുമതി നൽകിയത്.

ചിന്നാറിലുള്ള ഇടനിലക്കാരൻ വഴി റേഞ്ച് ഓഫിസർക്ക് ബന്ധമുള്ള കുമളിയിലെ റിസോർട്ടും മറ്റും നോക്കി നടത്തുന്ന സൂപ്രവൈസർ ബൈജു ആണ് തടിയിൽ ഒരു ഭാഗം വാങ്ങിയത്.കോതമംഗലം ഫ്‌ളൈയിങ് സ്‌ക്വാഡ് ഡിഎഫ്ഒയുടെ നേതൃത്വത്തിലുള്ള അന്വേഷണത്തിലാണ് മരം റവന്യൂ പുറംപോക്കിൽ നിന്നും മുറിച്ചുകടത്തിയെന്ന് വ്യക്തമായത്.

തുടർന്ന് ജോജി ജോണിനെ അടിമാലിയിൽ നിന്ന് പൊൻകുന്നം സോഷ്യൽ ഫോറസ്റ്ററിയിലയ്ക്ക് സ്ഥലം മാറ്റിയിരുന്നു. കഴിഞ്ഞ മാസം മന്നാംങ്കണ്ടം വില്ലേജിലെ അനധികൃത മരംമുറി സംബന്ധിച്ച് വില്ലേജ് ഓഫീസർ നൽകിയ പരാതിയുടെ അടിസ്ഥാനത്തിൽ അടിമാലി പൊലീസ് ജോജി ജോണിനെതിരെ പ്രതിയാക്കി കേസ് എടുത്തിരുന്നു.

ടെക്സസ്; യുഎസിലെ ടെക്‌സസിൽ സ്‌കൂളിലുണ്ടായ വെടിവയ്പിൽ 2, 3, 4 ക്ലാസുകളിലെ 18 വിദ്യാർത്ഥികളെ 18 കാരൻ വെടിയുതിർത്ത് കൊലപ്പെടുത്തി.ആക്രമണത്തിൽ അധ്യപികയും അക്രമിയുടെ മുത്തശിയും മറ്റൊരാളും ഉൾപ്പെടെ 3 മുതിർന്നവരും കൊല്ലപ്പെട്ടു.

യുവാൾഡിയിലെ റോബ് എലമെന്ററി സ്‌കൂളിലെ കൂട്ടികളും അധ്യപികയുമാണ് കൊല്ലപ്പെട്ടത്.സാൻ അന്റോണിയോ സ്വദേശിയായ 18 വയസ്സുകാരൻ സാൽവദോർ റമോസാണ് അക്രമം നടത്തിയത്.ഇയാളെ ആക്രമണത്തിന് പ്രേരിപ്പിച്ച ഘടകം എന്തായിരുന്ന കാര്യം ഇനിയും വ്യക്തമായിട്ടില്ലന്നാണ് സൂചന.

ഏറ്റുമുട്ടലിൽ സാൽവദോറും കൊല്ലപ്പെട്ടു. രണ്ട് പൊലീസുകാർക്കും പരുക്കേറ്റതായി വാർത്ത ഏജൻസികൾ റിപ്പോർട്ട് ചെയ്തിട്ടുണ്ട്.

ആക്രമണത്തിൽ നിരവധി പേർക്ക് ഗുരുതര പരുക്കേറ്റു. മുത്തശ്ശിയെ കൊലപ്പെടുത്തിയശേഷമാണ് റമോസ് സ്‌കൂളിലെത്തി വെടിവയ്പ് നടത്തിയത് എന്നാണ് പാശ്ചാത്യമാധ്യമങ്ങൾ റിപ്പോർട്ട് ചെയ്യപ്പെട്ടിട്ടുള്ളത്.