Connect with us

News

ചീനിക്കുഴി കൂട്ടക്കൊല ; ഹമീദ് ക്രൂരതയുടെ ആള്‍ രൂപം,ഈ കടുംകൈ ഒരിക്കലും പ്രതീക്ഷിച്ചില്ലന്ന് മകന്‍ ഷാജി

Published

on

തൊടുപുഴ: ചീനിക്കുഴിയില്‍ മകനെയും കുടുംബത്തെയും പെട്രോള്‍ ഒഴിച്ച് തീ കൊളുത്തിയ കൊടുംക്രൂരന്‍ ആലിയക്കുന്നേല്‍ ഹമീദിന്(79)പരമാവധി വേഗത്തില്‍ അര്‍ഹിക്കുന്ന ശിക്ഷ ഉറപ്പാക്കാന്‍ പോലീസ് നീക്കം ഊര്‍ജ്ജിതം.

മകന്‍ മുഹമ്മദ് ഫൈസല്‍(ഷിബു- 45), ഭാര്യ ഷീബ(40), പെണ്‍മക്കളായ മെഹ്റിന്‍(16), അസ്‌ന(13) എന്നിവരെയാണ് ഇയാള്‍ പെട്രോള്‍ ഒഴിച്ച് തീ കൊളുത്തി കൊലപ്പെടുത്തിയത്.

സംഭവം നടന്നതിന് പിന്നാലെ അറസ്റ്റിലായ ഹമീദിനെ ശനിയാഴ്ച രാത്രി മുട്ടം കോടതിയില്‍ ഹാജരാക്കി,പീരുമേട് സബ് ജയില്‍ റിമാന്റ് ചെയ്തിരുന്നു.ഇന്ന് പോലീസ് കസ്റ്റഡി അപേക്ഷ നല്‍കും.

പരമാവധി വേഗത്തില്‍ അന്വേഷണം പൂര്‍ത്തിയാക്കി കുറ്റപത്രം സമര്‍പ്പിക്കാനാണ് ശ്രമം.ഇതിന്റെ ഭാഗമായുള്ള ശാസ്ത്രീയ തെളിവുകളെല്ലാം ശേഖരിച്ച് വരികയാണ്. കോട്ടയം മെഡിക്കല്‍ കോളേജിലെ ഒരു സംഘം വിദഗ്ധ സര്‍ജന്മാരാണ് പോസ്റ്റുമോര്‍ട്ടം നടത്തിയത്. ഇതിന്റെ വിശദമായ റിപ്പോര്‍ട്ടും ഇനി ലഭിക്കാനുണ്ട്.

ദൃക്സാക്ഷികളടക്കം പരമാവധി പേരുടെ മൊഴിയെടുക്കുന്ന ജോലികളാണ് നിലവില്‍ പുരോഗമിക്കുന്നത്.

പിതാവ് ക്രൂരതയുടെ പര്യയായമെന്ന് മകന്‍ ഷാജി

അതേ സമയം പിതാവ് പുറത്തിറങ്ങിയാല്‍ തങ്ങളെയും കൊല്ലുമെന്ന് ഭയമുണ്ടെന്ന് ഫൈസലിന്റെ ജ്യേഷ്ഠന്‍ എ ച്ച് ഷാജി.

നിയമ സഹായം ഒന്നും ചെയ്യില്ല, പിതാവ് പുറത്തിറങ്ങാതിരിക്കാന്‍ എന്തെല്ലാം ചെയ്യാമോ അതെല്ലാം ചെയ്യും.നേരത്തെയും പിതാവ് തങ്ങളെ ഒരുപാട് ഉപദ്രവിച്ചിട്ടുണ്ട്.

ഇതിന്റെ പാട് കാലില്‍ ഇപ്പോഴുമുണ്ട്. കൊല്ലപ്പെട്ട സഹോദരന്‍ ഷാജിയെ ചീനിക്കുഴിയിലെ ടെലഫോണ്‍ പോസ്റ്റില്‍ കെട്ടിയിട്ട് പരസ്യമായി അടിച്ചിട്ടുണ്ട്.

മക്കളെ പെട്രോള്‍ ഒഴിച്ച് കത്തിക്കുമെന്ന് പിതാവ് പറഞ്ഞതായി അറിയാം. പക്ഷെ ഒരിക്കലും അങ്ങിനെ ചെയ്യുമെന്ന് പ്രതീക്ഷിച്ചില്ല.പ്രായം ഇത്രയൊക്കെ ആയില്ലെ ..ഭീഷിണി മാത്രമെ ഉണ്ടാവു എന്നാണ് കരുതിയത്.ഇങ്ങിനെ സംഭവിക്കുമെന്ന് ഒരിക്കലും കരുതിയില്ല..

കുറ്റബോധമോ സങ്കടമോ പ്രകടിപ്പിച്ചില്ല,വീട്ടില്‍ ഇറച്ചിയും മീനും ലഭിച്ചിരുന്നില്ലന്ന് പരാതിയും-ഹമീദിന്റെ പെരുമാറ്റം അത്ഭുതപ്പെടുത്തിയെന്ന് പോലീസ്

6 ലക്ഷം രൂപ ഹമീദിന്റെ അക്കൗണ്ടിലുണ്ടെന്നാണ് പോലീസിന്റെ അന്വേഷണത്തില്‍ വ്യക്തമായിട്ടുള്ളത്.കഴിക്കാന്‍ ഇറച്ചി വിഭങ്ങളും മീനും ലഭ്യമാക്കിയിരുന്നില്ലന്നാണ് ഇയാള്‍ കൊലക്കേസില്‍ പോലീസ് കസ്റ്റഡിയില്‍ കഴിയവെ മകനും ഭാര്യയ്ക്കുമെതിരെ ഉന്നയിച്ച് പ്രധാന പരാതി.

ഇക്കാര്യത്തില്‍ വീട്ടില്‍ വഴക്ക് പതിവായിരകുന്നു.കുട്ടികളോട് പോലും ഇയാള്‍ പക സൂക്ഷിച്ചിരുന്നു എന്നാണ് അരും കൊലയിലൂടെ വ്യക്തമാവുന്നത്.

 

Latest news

വഴിയിൽ വച്ചും ആക്രമണം, മനോവിഷമത്തിൽ ഭാര്യ തൂങ്ങിമരിച്ചു; ഭർത്താവ് അറസ്റ്റിൽ, പിടിയിലായത് കാളിയാർ സ്വദേശി സരിൻ

Published

on

By

ഇടുക്കി;വണ്ണപ്പുറം കാളിയാറിൽ ഭാര്യ തൂങ്ങിമരിച്ച സംഭവത്തിൽ ഭർത്താവ് അറസ്റ്റിൽ.

കാളിയാർ തോപ്പിൽ സരിനെ(32) യാണ് സംഭവവുമായി ബന്ധപ്പെട്ട് കാളിയാർ പോലീസ് അറസ്റ്റുചെയ്തിട്ടുള്ളത്.ഗാർഹിക പീഡന നിരോധനനിയമം, ആത്മഹത്യാ പ്രേരണ ഐപിസി 498(എ) ഉൾപ്പെടെ ഉള്ള വകുപ്പുകൾ ചുമത്തി കാളിയാർ പോലീസ് ഇയാളുടെ പേരിൽ കേസെടുത്തിട്ടുള്ളത്.

നവംബർ 22-നാണ് സരിന്റെ ഭാര്യ അശ്വതി(31)യെ വീട്ടിൽ തൂങ്ങിമരിച്ച നിലയിൽ കാണുന്നത്. സരിന്റെയും കുടുംബാംഗങ്ങളുടെയും ഉപദ്രവങ്ങളിൽ നിന്നും സംരക്ഷണം നൽകണമെന്നുള്ള തൊടുപുഴ ഒന്നാം ക്ലാസ് മാജിസ്ട്രേറ്റ് കോടതിയുടെ ഉത്തരവ് നിലനിൽക്കെയാണ് സംഭവം.

13 വർഷം മുമ്പാണ് ഇരുവരും വിവാഹിതരായത്.പിന്നീട് നിരന്തരം അശ്വതിയെ സരസൻ മാനസികമായി ശാരീരികമായി പീഡിപ്പിച്ചിരുന്നതായിട്ടാണ് സൂചന. ഇത് സംബന്ധിച്ച് നിരവധി തവണ പോലീസിൽ പരാതി എത്തിയിരുന്നു.

സംഭവദിവസം വണ്ണപ്പുറം അമ്പലപ്പടിയിൽ വച്ച് സരിൻ അശ്വതിയുമായി വഴക്കിടുകയും ഇവരെ ഉപദ്രവിക്കുകയും ചെയ്തിരുന്നു.ഇതിന്റെ മനോവിഷമത്താലാണ് അശ്വതി ജീവൻ വെടിഞ്ഞതെന്നാണ് പോലീസിന്റെ പ്രാഥമീക നിഗമനം.

കാളിയാർ എസ്എച്ച്ഒ എച്ച് എൽ ഹണി, എസ്ഐ കണ്ണദാസ് രാജേഷ് സിപിഒമാരായ, സുനിൽ, അനീഷ് സത്താർ എന്നിവരുടെ നേതൃത്വത്തിലുള്ള പോലീസ് സംഘമാണ് അറസ്റ്റ് ചെയ്തത്.കോടതിയിൽ ഹാജരാക്കി, റിമാൻഡ് ചെയ്തു.

 

Continue Reading

Local News

വനമേഖലകളെ വലംവയ്ക്കും, പുലർച്ചെ 4-ന് തിരച്ച് രാത്രി 9.30-ന് തിരച്ചെത്തും; കെഎസ്ആർടിസി കോതമംഗലം-ഗവി യാത്രയ്ക്ക് തുടക്കമായി

Published

on

By

കോതമംഗലം കെ.എസ്.ആർ.ടി.സി ഡിപ്പോയിൽ നിന്നും ഗവിയിലേക്കുള്ള വിനോദയാത്രയ്ക്ക് തുടക്കമായി.ആദ്യ യാത്ര ആന്റണി ജോൺ എം.എൽ.എ ഫ്‌ലാഗ് ഓഫ് ചെയ്തു.

പുലർച്ചെ 4 ന് കോതമംഗലം ഡിപ്പോയിൽ നിന്നും ആരംഭിക്കുന്ന ട്രിപ്പ് മൂവാറ്റുപുഴ – തൊടുപുഴ – പാല- പൊൻകുന്നം – മണിമല – റാന്നി വഴി പത്തനംതിട്ട വഴി ഗവിയിലെത്തും.

മൂഴിയാർ – ആങ്ങാംമുഴി – കക്കി ഡാം- കൊച്ചുപമ്പ- ഗവി – സത്രം – വള്ളക്കടവ് – വഴി വണ്ടിപ്പെരിയാറിൽ എത്തി പരുന്തുംപാറ കൂടി സന്ദർശിച്ച് അതേ റൂട്ടിൽ തന്നെയാണ് മടക്കം. രാത്രി 9.30 ന് കോതമംഗലത്ത് തിരിച്ചെത്തും വിധത്തിലാണ് യാത്ര ക്രമീകരിച്ചിരിക്കുന്നത്. എൻട്രി ഫീസും , ഉച്ച ഭക്ഷണവും ഉൾപ്പെടെ 2000 രൂപയാണ് ഒരാൾക്ക് ടിക്കറ്റ് നിരക്ക് നിശ്ചയിച്ചിട്ടുള്ളത്.

ഫ്‌ലാഗ് ഓഫ് ചടങ്ങിൽ അസിസ്റ്റന്റ് ട്രാസ്‌പോർട്ട് ഓഫീസർ കെ.ജി ജയകുമാർ അധ്യക്ഷത വഹിച്ചു.ജനറൽ കൺട്രോളിങ്ങ് ഇൻസ്‌പെക്ടർ അനസ് ഇബ്രാഹിം, ടൂർ കോ- ഓഡിനേറ്റർ എൻ.ആർ. രാജീവ്, കെ.പി. സാജു, പി.എ. നജ്മുദ്ദീൻ, എൻ. രാജീവ് തുടങ്ങിയവർ പങ്കെടുത്തു.

ഗവി യാത്ര പോകാൻ ആഗ്രഹിക്കുന്നവർ മുൻകൂട്ടി ബുക്ക് ചെയ്യാം.മൊബൈൽ നമ്പർ- 94479 84511, 94465 25773

 

Continue Reading

Latest news

വൻ മയക്കുമരുന്നുവേട്ട, 563 കുപ്പി ബ്രൗൺ ഷുഗറുമായി ആസം സ്വദേശി പിടിയിൽ, എക്‌സൈസിന് വീണ്ടും അഭിമാനനേട്ടം

Published

on

By

 

കോതമംഗലം;563 കുപ്പി ബ്രൗൺ ഷുഗറുമായി ആസം സ്വദേശി പിടിയിൽ.എക്‌സൈസിന് അഭിമാനനേട്ടം.

കോതമംഗലം എക്‌സ്സൈസ് സിഐ ജോസ് പ്രതാപിന്റെ നേതൃത്വത്തിലുള്ള ഉദ്യോഗസ്ഥ സംഘത്തിന്റെ അന്വേഷണ മികവാണ് പെരുമ്പാവൂരിൽ നിന്നും കോതമംഗലത്തെത്തി,വൻതോതിൽ ബ്രൗൺ ഷുഗർ വിൽപ്പന നടത്തിയിരുന്ന അസം നാഘോൺ സ്വദേശി ഷകൂർ അലി (32) പിടിയിലാവുന്നതിന് വഴിയൊരുക്കിയത്.

ഇന്നലെ ഉച്ചക്ക് സംശയാസ്പദമായ സാഹചര്യത്തിൽ കണ്ടെത്തിയ പെരുമ്പാവൂർ സ്വദേശിയെ ചോദ്യം ചെയ്തതിൽ നിന്നും ലഭിച്ച സൂചനകളുടെ അടിസ്ഥാനത്തിൽ രാത്രിയോടെ നടത്തിയ റെയ്ഡിലാണ് കോതമംഗലം റവന്യൂ ടവറിന് പരിസരത്തുനിന്നും ജോസ് പ്രതാപിന്റെ നേതൃത്വത്തിലുള്ള ഉദ്യോഗസ്ഥ സംഘം ഷകൂർ അലി (32)യെ പിടികൂടുന്നത്.

വൈകുന്നേരങ്ങളിലും രാത്രിയിലും റവന്യൂ ടവർ പരിസരത്ത് വ്യാപകമായ മയക്കു മരുന്ന് വില്പന നടക്കുന്നതായുള്ള വിവരത്തിന്റൈ അടിസ്ഥാനത്തിൽ മേഖലയിൽ എക്‌സ്സൈസ് ഷാഡോ ടീമിനെ വിന്യസിച്ചിരുന്നു.

കോതമംഗലത്ത് ഇതുവരെ നടത്തിയതിൽ ഏറ്റവും വലിയ മയക്കുമരുന്ന് വേട്ടയാണ് ഇതെന്ന് സി ഐ ജോസ് പ്രതാപ് പറഞ്ഞു.ഷകൂർ അലി മുൻപ് നിരവധി തവണ കോതമംഗലത്ത് ബ്രൗൺ ഷുഗർ വില്പന നടത്തിയതായി വിവരം ലഭിച്ചിട്ടുണ്ട്.

അസമിൽ നിന്ന് വൻ തോതിൽ ബ്രൗൺ ഷുഗർ കേരളത്തിലേക്ക് കടത്തുന്ന മാഫിയ യിലെ കണ്ണിയാണ് ഷകൂർ. പിടിച്ചെടുത്ത ബ്രൗൺ ഷുഗറിനു 17 ലക്ഷം വിലവരും . അദ്ദേഹം വിശദമാക്കി.

ഇതിനകം ബ്രൗൺഷുഗർ വിൽപ്പന സംഘത്തിലെ നിരവധിപേരെ എക്‌സൈസ് സംഘം അഴിക്കുള്ളിലാക്കിയിരുന്നു.

പ്രിവന്റീവ് ഓഫീസർ കെ എ നിയാസ്, ജയ് മാത്യൂസ്, സിഇഒ മാരായ എം എം നന്ദു, കെ സി എൽദോ, പി റ്റി രാഹുൽ, ഡ്രൈവർ ബിജു പോൾ എന്നിവരും റെ യ്ഡിൽ പങ്കാളികളായി.

 

Continue Reading

Trending

error: