Uncategorized
സേറയ്ക്ക് ഇനി ദേവികുളത്ത് “സുഖവാസം” ; സന്തോഷത്തിന്റെ നിറവില് ആര്യയും കുടുംബാംഗങ്ങളും
(വീഡിയോ കാണാം)
കൊച്ചി: ഒടുവില് സേറയ്ക്കൊപ്പം ആര്യ നാട്ടിലെത്തി.യുദ്ധം കൊടുമ്പിരി കൊണ്ട യുക്രൈനില് നിന്നും ഏറെ ക്ലേശങ്ങള് സഹിച്ചാണ് ആര്യ വളര്ത്തുനായ സേറയെയും കൊണ്ട് ഇന്ന് പുലര്ച്ചെ 1.30 തോടെ ദേവികുളത്തെ താമസസ്ഥലത്ത് എത്തിയത്.
വൈകിട്ട് 5 മണിയോടെ നെടുംമ്പാശേരിയില് വിമാനം ഇറങ്ങിയപ്പോള് ആര്യയെയും സേറയെയും സ്വീകരിയ്ക്കാന് മതാപിതാക്കളും സുഹൃത്തുക്കളും ഉള്പ്പെടെ നിരവധി പേര് കാത്തുനില്ക്കുന്നുണ്ടായിരുന്നു.
വണ്ടിെപ്പരിയാര് സ്വദേശിയായ ആല്ഡ്രിന്റെ മകളാണ് ആര്യ.ഇപ്പോള് കുടുംബം ദേവികുളത്താണ് താമസിയ്ക്കുന്നത്.ആല്ഡ്രിന് ഹാരിസണ് മലയാളം റ്റീ കമ്പിനിയിലെ ഫീല്ഡ് ഓഫീസറാണ്.
എല്ലാത്തിനും ദൈവത്തോട് നന്ദിപറയുന്നു.മനസ്സില് ലക്ഷ്യമിട്ടതുപോലെ എല്ലാം നടന്നു.റുമേനിയയില് നിന്നും യാത്രയ്ക്ക് തടസം നേരിട്ടപ്പോള് മുതല് ആരംഭിച്ച പ്രതിസന്ധികള് പരിഹരിയ്ക്കാന് കേന്ദ്ര ഗവണ്മെന്റും കേരള ഹൗസിലെ ജീവനക്കാരും മന്ത്രി വി ശിവന്കുട്ടിയും ഡീന് കുര്യക്കോസ് എം പിയും നിരവധി ഉദ്യോഗസ്ഥരും ഒപ്പം ഉണ്ടായിരുന്നു.എല്ലാവര്ക്കും നന്ദി.നെടുമ്പാശേരിയില് മാധ്യമങ്ങളോട് സംസാരിക്കവെ ആര്യ വ്യക്തമാക്കി.
എന്തുതോന്നുന്നു എന്നുള്ള ചോദ്യത്തിന് ഇപ്പോള് ലോകത്തില് ഏറ്റവും കൂടുതല് സന്തോഷിയ്ക്കുന്ന വ്യക്തി താനായിരിയ്ക്കുമെന്നായിരുന്നു ആര്യയുടെ പ്രതികരണം.ഇവരുടെ
വരുടെ കട്ട സപ്പോര്ട്ടാണ് എല്ലാത്തിലും മുഖ്യം.മാതാപിതാക്കളെ ചേര്ത്ത് നിര്ത്തി ആര്യ പറഞ്ഞു.എയര് ഇന്ത്യ വിമാനത്തിലാണ് ഡല്ഹിയില് നിന്നും ആര്യ സേറയോടൊപ്പം കൊച്ചിയില് എത്തിയത്.
വിദ്യാഭ്യാസമന്ത്രി വി. ശിവന്കുട്ടി ഇടപെട്ട് ആര്യയ്ക്കും സേറയ്ക്കും കേരളത്തിലേക്കുള്ള യാത്ര സുഗമമാക്കാന് റസിഡന്റ് കമ്മീഷണറെയും നോര്ക്ക സിഇഒയെയും ചുമതലപ്പെടുത്തിയിരുന്നു.
നേരത്തെ, സേറയെ വിമാനത്തില് പ്രവേശിപ്പിക്കാന് കഴിയില്ലെന്ന് എയര്ഏഷ്യ കമ്പനി തയ്യാറായില്ല.സ്വീകരിച്ചിയുക്രൈനില് നിന്നും ഡല്ഹിയിലെത്തിയ മലയാളികളെ നാട്ടിലെത്തിക്കാന് സര്ക്കാര് ഏര്പ്പാട് ചെയ്തത് എയര്ഏഷ്യ വിമാനമായിരുന്നു.ഇതുകൂടാതെ ഇന്ഡിഗോ വിമാനത്തിലും സേറയ്ക്ക് യാത്ര വിലക്ക് നേരിട്ടിരുന്നു.
ദേവികളത്തെ ക്വാര്ട്ടേഴ്സില് സേറയ്ക്കായി പ്രത്യേക സംവിധാനങ്ങള് ഒന്നും ഒരുക്കിയിട്ടില്ല.കുടുംബാംഗങ്ങള്ക്കൊപ്പം മുറിയ്ക്കുള്ളില് തന്നെയാണ് സേറയും കഴിയുക.ഭക്ഷണവും ഉറക്കവും കഴിഞ്ഞതോടെ സേറയുടെ ക്ഷീണം മാറി.കുടുംബാംഗങ്ങളോടും കാണാനെത്തുന്നവരോടും സ്നേഹം പങ്കിടുന്ന തിരക്കിലാണിപ്പോള് ഈ വിദേശി സെലിബ്രിറ്റി.
യാത്രയ്ക്കിടെ കാല് നിലത്ത് കുത്താന് മടിയ്ക്കുന്നത് കണ്ട് ആര്യ സേറയെ എടുത്തുകൊണ്ടാണ് പിന്നീട് കീലോമീറ്ററുകളോളം നടന്നത്.ഇതിനായി കരുതല് ശേഖരത്തിലെ ഭക്ഷണവും വെള്ളവും പോലും ആര്യയ്ക്ക് ഭാഗീകമായി ഉപേക്ഷിയ്ക്കേണ്ടിവന്നു.ഷെല്ലാക്രണം രൂക്ഷമായിരിയ്ക്കെ,എന്തും സംഭവിച്ചേയ്ക്കാവുന്ന സാഹചര്യം താമസ്ഥലത്തുനിന്നും ഇന്ത്യ ഗവണ്മെന്റ് യാത്ര സൗകര്യം ഒരുക്കിയിരിയ്ക്കുന്ന പ്രദേശത്തേയ്ക്കുള്ള ഇവരുടെ യാത്ര.
Uncategorized
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
കോതമംഗലം; ഒരെ നമ്പറിൽ 2 ടിപ്പറുകൾ.നേര്യമംഗലത്ത് റോഡ് പണിസ്ഥലത്താണ് ഒരെ നമ്പറിൽ രണ്ട് ടിപ്പറുകൾ കാണപ്പെട്ടത്.വാഹനങ്ങളുടെ വീഡിയോ എം4 മലയാളത്തിന് ലഭിച്ചു.
കെഎൽ 44 ബി 2747 എന്നാണ് രണ്ട് ടിപ്പറുകളുടെയും നമ്പർ പ്ലേറ്റിൽ രേഖപ്പെടുത്തിയിട്ടുള്ളത്.
ഒരെ നമ്പർ എന്നുമാത്രമല്ല ടിപ്പറുകളുടെ നിറവും ഒന്നുതന്നെ.
റോഡുപണി നടക്കുമ്പോൾ ടാങ്കറുകളിൽ വെള്ളവുമായിട്ടാണ് ടിപ്പറുകൾ എത്തിയത്.ഒരെ നമ്പർ ശ്രദ്ധയിൽപ്പെട്ടതോടെ സ്ഥലവാസി ടിപ്പറുകളുടെ വീഡിയോ എടുത്തത്.
സംഭവം ശ്രദ്ധയിൽപ്പെട്ട അടിമാലി പോലീസ് ഉച്ചമുതൽ വാഹനം കണ്ടെത്താൻ തിരച്ചിൽ ആരംഭിച്ചിട്ടുണ്ട്.മോട്ടോർ വാഹനവകുപ്പിന്റെ വെബ്സൈറ്റിലെ രേഖകൾ പ്രകാരം ബിജു ജോർജ്ജ് എന്നാണ് വാഹന ഉടമയുടെ പേര്.ഈ പേരിലുള്ളയാളാണ് റോഡ് നിർമ്മാണം കരാർ എടുത്തിട്ടുള്ളത് എന്ന വിവരവും പുറത്തുവന്നിട്ടുണ്ട്.
ഒരെ നമ്പറിൽ നേര്യമംഗലത്ത് രണ്ട് ടിപ്പറുകൾ ,വീഡിയോ കാണാം
Uncategorized
വാഹനാപകടം; കാറും ഓട്ടോയും കൂട്ടിമുട്ടി,പോസ്റ്റിന് ഇടയിൽ കുടുങ്ങിയ ഡ്രൈവർ മരിച്ചു
തൃശ്ശൂർ: തളിക്കുളത്ത് ഓട്ടോയും കാറും കൂട്ടിയിടിച്ച് ഓട്ടോ ഡ്രൈവർക്ക് ദാരുണാദ്യം.തളിക്കുളം സ്വദേശി രതീഷാണ് മരിച്ചത്.
കാറുമായി കൂട്ടിയിടിച്ച് ഓട്ടോ നിയന്ത്രണം വിട്ട് സമീപത്തെ ഇലക്ട്രിക് പോസ്റ്റിൽ ഇടിക്കുകയും മറിഞ്ഞ ഓട്ടോയുടെ മുകളിലേക്ക് പോസ്റ്റ് വീഴുകയുമായിരുന്നു.
ഇന്നുച്ചയ്ക്ക് 1:30 നാണ് തളിക്കുളം ഹൈസ്കൂൾ മൈതാനത്തിന് സമീപം അപകടമുണ്ടായത്. അരമണിക്കൂറോളം പോസ്റ്റിനും ഓട്ടോയ്ക്കും ഇടയിൽ കുടുങ്ങിയ രതീഷിനെ ഏറെനേരത്തെ ശ്രമത്തിനൊടുവിൽലാണ് പുറത്തെടുത്തത്.
സമീപവാസികളുടെ നേതൃത്വത്തിൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.അപകടത്തിൽ കാറിൽ ഉള്ളവർക്കും സാരമായി പരിക്കേറ്റു എന്നാണ് ലഭിക്കുന്ന പ്രാഥമിക വിവരം.
Latest news
കഥാകൃത്തും നോവലിസ്റ്റുമായ ടി.എന് പ്രകാശ് അന്തരിച്ചു: ഓർമ്മയായത് ഒരുപിടി നല്ല പുസ്തകങ്ങളുടെ ശിൽപ്പി
കണ്ണൂര്: പ്രശസ്ത കഥാകൃത്തും നോവലിസ്റ്റുമായ ടി എന് പ്രകാശ് അന്തരിച്ചു. 69-ാം വയസിലാണ് പ്രിയ എഴുത്തുകാരന് ജീവിതത്തിൻറെ തിരക്കുകളിൽ നിന്നും വിട പറഞ്ഞത്.
ഹൃദയാഘാതത്തെ തുടര്ന്ന് കണ്ണൂരിലെ സ്വകാര്യ ആശുപത്രിയിലായിരുന്നു അന്ത്യം.കേരള സാഹിത്യ അക്കാദമി പുരസ്കാര ജേതാവുംശ്രദ്ധേയമായ പുസ്തകങ്ങളുടെ രചയിതാവുമാണ് ടി. എം പ്രകാശൻ.
കൈകേയി ആണ് ഏറ്റവും ശ്രദ്ധ ആകർഷിച്ച നോവല്.പുരാണ കഥാപാത്രമായ കൈകേയിയെ വ്യത്യസ്തമായി അവതരിപ്പിച്ചതിന് നോവല് നിരൂപക പ്രശംസ നേടിയിരുന്നു. തണല്, താപം, വിധവകളുടെ വീട് തുടങ്ങിയവയാണ് മറ്റ് പ്രധാന കൃതികള്.
നിരവധിയായ ചെറുകഥകളും ബാലസാഹിത്യ കൃതികളും എഴുതിയിട്ടുണ്ട്. കണ്ണൂര് ജില്ലാ വിദ്യാഭ്യാസ ഓഫീസറായാണ് വിരമിച്ചത്. കഥാകൃത്ത് ടി എന് പ്രകാശിന്റെ നിര്യാണത്തില് മുഖ്യമന്ത്രി പിണറായി വിജയൻ ഉൾപ്പെടെയുള്ളവർ അനുശോചനം രേഖപ്പെടുത്തി.
Uncategorized
സപ്ലൈകോയില് ഈസ്റ്റർ വിഷു സബ്സിഡി സാധനങ്ങള് എത്താൻ വൈകും
തിരുവനന്തപുരം ; സംസ്ഥാനത്തെ ഈസ്റ്റർ വിഷു അടുക്കുന്നത്തോടെ സബ്സിഡി സാധനങ്ങള് സപ്ലൈകോയില് എത്താൻ വൈകും എന്ന് ഭക്ഷ്യവകുപ്പ്. നിലവിലെ സബ്സിഡി സാധനങ്ങള്ക്ക് പുറമേ ഈസ്റ്റർ വിഷു സബ്സിഡി സാധനങ്ങള് കൂടി ചേർത്ത് വിതരണം ചെയ്യുമെന്ന് ഭക്ഷ്യവകുപ്പ് അറിയിച്ചു.
സബ്സിഡി അരിയുടെ കുറവുള്ളതുകാരണം കെ റൈസ് കൂടി സബ്സിഡി വിഭാഗങ്ങളിലേക്ക് ചേർത്താണ് വിതരണം ചെയ്യുന്നത്.
കെ റൈസിന്റെ വിപണന ദിനത്തിലെ പ്രധാന പ്രഖ്യാപനം കൂടിയായിരുന്നു സബ്സിഡി സാധനങ്ങള്ക്ക് പുറമേ ഈസ്റ്ററിനോടനുബന്ധിച്ച് ഭക്ഷ്യ സാധനങ്ങള് വിലകുറച്ച് വില്പ്പന നടത്തുമെന്നത്.ഭക്ഷ്യവകുപ്പ് മന്ത്രിയാണ് ഇക്കാര്യം പ്രഖ്യാപിച്ചതും.
പയർ വർഗ്ഗങ്ങള് ഉള്പ്പെടെയുള്ള സാധനങ്ങള്ക്ക് സബ്സിഡി നല്കും. എന്നാല് ഇതുവരെ സപ്ലെയ്കോയില് ഈസ്റ്റർ വിഷു ആനുകൂല്യ സാധനങ്ങളുടെ ഫണ്ട് പോലും അനുവദിച്ചിട്ടില്ല.
നിലവില് സംസ്ഥാനത്തെ സപ്ലൈകോകള് കാലിയാണ്. സബ്സിഡി സാധനങ്ങളായ 11 ഇനങ്ങളാണ് കിട്ടാനില്ലാത്തത്. ഇത് പ്രതിക്ഷിച്ചെത്തുന്നവർ നിരാശയോടെ മടങ്ങേണ്ട അവസ്ഥയാണ് ഇപ്പോഴുള്ളത്.
അതേസമയം മറ്റ് സാധനങ്ങള്ക്ക് വിലകുറച്ച് വിതരണം ചെയ്യുമെന്ന് സർക്കാർ പ്രഖ്യാപിച്ചിരുന്നു. സപ്ലൈകോ സംസ്ഥാനത്തിന്റെ ബ്രാൻഡാണെന്ന് മുഖ്യമന്ത്രി പ്രഖ്യാപിച്ചെങ്കിലും ക്ഷാമത്തിന് മാത്രം അറുതിയില്ല
Uncategorized
ഗൂഡല്ലൂരിൽ വീണ്ടും കാട്ടാന ആക്രമണം; യുവാവ് മരിച്ചു
തമിഴ്നാട്: ഗൂഡല്ലൂരിൽ കാട്ടാന ആക്രമണത്തിൽ ഒരു മരണം. ഓവാലി പെരിയ ചൂണ്ടി സ്വദേശി പ്രശാന്ത് ആണ് കൊല്ലപ്പെട്ടത്.
ഇന്നലെ രാത്രി 10:45 നാണ് സംഭവം. ജനവാസ മേഖലയിൽ ഇറങ്ങിയ കാട്ടാനയെ വനപാലകരോടൊപ്പം തുരത്തിയ ശേഷം വീട്ടിലേക്ക് മടങ്ങുമ്പോഴാണ് ആക്രമണം.
വനപാലക സംഘം പ്രശാന്തിനെ ഗൂഡല്ലൂരിലെ ആശുപത്രിയിൽ പ്രവേശിപ്പിച്ചു.
പിന്നീട് പരിക്ക് ഗുരുതരമായതിനെ തുടർന്ന് ഊട്ടി മെഡിക്കൽ കോളേജിൽ പ്രവേശിപ്പിച്ചെങ്കിലും ചികിത്സയിലിരിക്കെ രാവിലെ 6 മണിയോടുകൂടി മരിച്ചു.
ഒരാഴ്ചയ്ക്കിടെ മൂന്നു പേർ ഇവിടെ കാട്ടാന ആക്രമണത്തിൽ കൊല്ലപ്പെട്ടു
-
Latest news3 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news2 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news2 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news2 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news4 weeks ago
കോതമംഗലം ചേലാട് വൃദ്ധയെ തലയ്ക്കടിച്ച് കൊലപ്പെടുത്തി
-
Uncategorized2 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news3 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
കള്ളാട് കൊലപാതകം; തെളിവുകളുടെ അഭാവം വെല്ലുവിളി, പ്രതിയെക്കുറിച്ച് സൂചനയില്ല, അന്വേഷണം ഊർജിതമെന്നും പോലീസ്