Latest news
യുവതിയുടെ പിന്നാലെ നടന്ന് ശല്യം,തോക്കിൻ മുനയിൽ നിർത്തി, തട്ടിക്കൊണ്ടുപോകൽ; തലക്കോട് സ്വദേശി അറസ്റ്റിൽ
മൂവാറ്റുപുഴ;ഒരുമാസത്തോളം പിന്നാലെ നടന്ന് ശല്യം.വഴങ്ങുന്നില്ലന്ന് കണ്ടപ്പോൾ തോക്കുചൂണ്ടി,കാറിൽക്കയറ്റി സ്ഥലം വിടാൻ നീക്കം.തുടർന്ന് അത്ഭുതകരമായ രക്ഷപെടൽ.യുവതിയുടെ പരാതിയിൽ 26 കാരൻ അറസ്റ്റിൽ.
നേര്യമംഗലം തലക്കോട് പുത്തൻകുരിശ് മലയൻക്കുന്നേൽ വീട്ടിൽ രാഹുൽ ജയൻ (26) നെയാണ് സംഭവവുമായി ബന്ധപ്പെട്ടുള്ള പരാതിയിൽ മൂവാറ്റുപുഴ പോലീസ് അറസ്റ്റ് ചെയ്തത്.
ഒരു മാസമായി ഇയാൾ യുവതിയെ പിറകെ നടന്ന് ശല്യപ്പെടുത്തുകയായിരുന്നു. 21 ന് ഉച്ചയോടെ മൂവാറ്റുപുഴ കോടതി പരസരത്തുനിന്നം രാഹുൽ യുവതിയെ എയർ പിസ്റ്റൾ ചൂണ്ടി ഭീഷണിപ്പെടുത്തി കാറിൽക്കയറ്റി സ്ഥലം വിടാൻ ശ്രമം നടത്തി.
ഭയന്നുവിറച്ച യുവതി ഉച്ചത്തിൽ കരഞ്ഞ്, സഹായം തേടുകയായിരുന്നു.യുവതിയുടെ കരച്ചിൽകേട്ട ചിലർ വാഹനം തടഞ്ഞതോടെ രാഹുൽ കാറിൽ നിന്ന് ഇറങ്ങുകയും ഓടി രക്ഷപെടുകയായിരുന്നു.
പിന്നീട് നടത്തിയ തിരച്ചിലിൽ കച്ചേരിത്താഴുത്തുനിന്നും ഇയാൾ പിടിയിലായി.എസ്.ഐമാരായ മാഹിൻ സലിം, വിഷ്ണു രാജ്, ഒ.വി റെജി, എസ്.സി.പി.ഒ
മാരായ പി.എൻ രതീശൻ,പി.എ ഷിബു , സിബി ജോർജ്, കെ.എം ഷക്കീർ , ആർ.ഒ അജിംസ് എന്നിവരാണ് അന്വേഷണ സംഘത്തിലുണ്ടായിരുന്നത്.
Latest news
കഞ്ചാവുമായി യാത്ര ചെയ്ത യുവാക്കൾ ടി.ടി ഇയെ ആക്രമിച്ചു
പാലക്കാട്:വടക്കാഞ്ചേരിയിൽ ട്രെയിനിൽ ടിക്കറ്റ് ഇല്ലാത്തത് ചോദ്യം ചെയ്ത ടി.ടി.ഇമാർക്ക് നേരെ യാത്രക്കാരന്റെ ആക്രമണം. ബാംഗ്ലൂർ കന്യാകുമാരി എക്സ്പ്രസ്സിലെ ടി.ടി.ഇമാരായ ഉത്തർപ്രദേശ് സ്വദേശി മനോജ് വർമ, തിരുവനന്തപുരം സ്വദേശി ഷമ്മി രാജ, ചെന്നൈ എക്സ്പ്രസിലെ ടിടിഇ ആർദ്ര കെ.അനിൽ എന്നിവരാണ് ആക്രമണത്തിനിരയായത്.
വടകരയിൽ വച്ചായിരുന്നു സംഭവങ്ങളുടെ തുടക്കം.ആക്രമണവുമായി ബന്ധപ്പെട്ട് കൊല്ലം സ്വദേശി അശ്വിൻ, പൊന്നാനി സ്വദേശി ആഷിഖ് എന്നിവരെ ആർപിഎഫ് അറസ്റ്റ് ചെയ്തു. ഇവരുടെ പക്കൽ നിന്നും പരിശോധനയിൽ കഞ്ചാവും കണ്ടെടുത്തു.
ചെന്നൈ എക്സ്പ്രസിൽ ജനറൽ ടിക്കറ്റ് എടുത്ത് സ്ലീപ്പർ ക്ലാസിൽ യാത്ര ചെയ്യുകയായിരുന്നു ഇവർ. ഇത് ചോദ്യം ചെയ്തതാണ് പ്രതികളെ പ്രകോപിപ്പിച്ചത്.
മദ്യലഹരിയിലായിരുന്ന പ്രതികളിൽ ഒരാൾ ടി.ടി.ഇ മനോജ് വർമ്മയെ തള്ളിയിടുകയും പിന്നാലെ വാക്ക് തർക്കം ഉണ്ടാവുകയുമായിരുന്നു.ആക്രമണത്തിനുശേഷം ഇറങ്ങിയോടാൻ ശ്രമിച്ച പ്രതികളിൽ ഒരാളെ ശുചിമുറിയിൽ നിന്നാണ് പിടികൂടിയത്.
അതേസമയം ഇതുമായി ബന്ധപ്പെട്ട് പരാതികൾ ഒന്നും ലഭിച്ചിട്ടില്ലെന്നാണ് റെയിൽവേ പോലീസിന്റെ വിശദീകരണം.
Latest news
പ്ലസ് വണ് അപേക്ഷ ഇന്നുമുതല്; ആദ്യ അലോട്ട്മെന്റ് ജൂണ് അഞ്ചിന്
തിരുവനന്തപുരം ; സംസ്ഥാനത്ത് 2024-25 അധ്യയനവര്ഷത്തെ ഹയര്സെക്കന്ഡറി/ വൊക്കേഷണല് ഹയര് സെക്കന്ഡറി പ്രവേശന നടപടി ഇന്ന് ( വ്യാഴാഴ്ച) ആരംഭിക്കും.ഏകജാലക സംവിധാനം വഴിയാണ് പ്രവേശനം. ഓണ്ലൈനില് 25 വരെ അപേക്ഷിക്കാം.
hscap.kerala.gov.in വഴിയാണ് ഹയര്സെക്കന്ഡറി പ്രവേശനത്തിന് അപേക്ഷ സമര്പ്പിക്കേണ്ടത്. വെബ്സൈറ്റില് പബ്ലിക് എന്ന വിഭാഗത്തില് നിന്ന് വിവരങ്ങള് മനസിലാക്കാം. www.admission.dge.kerala.gov.in ലെ ക്ലിക്ക് ഫോര് ഹയര് സെക്കന്ഡറി അഡ്മിഷന് വഴിയാണ് അഡ്മിഷന് സൈറ്റില് പ്രവേശിക്കേണ്ടത്.
create candidate login-sws ലിങ്കിലൂടെ ലോഗിന് ചെയ്യണം. മൊബൈല് ഒടിപി വഴിയാണ് പാസ് വേര്ഡ് ക്രിയേറ്റ് ചെയ്യുന്നത്.
ഒരു റവന്യൂ ജില്ലയിലെ എല്ലാ സ്കൂളിലേക്കുമായി ഒരൊറ്റ അപേക്ഷ മതി. എന്നാല് മറ്റു ജില്ലകളില് താല്പ്പര്യമുണ്ടെങ്കില് പ്രത്യേകം അപേക്ഷ നല്കണം. അപേക്ഷാഫീസായ 25 രൂപ പ്രവേശനസമയത്ത് അടച്ചാല് മതി. സര്ട്ടിഫിക്കറ്റുകള് അപേക്ഷയോടൊപ്പം നല്കേണ്ടതില്ല. ഭിന്നശേഷിക്കാരും പത്താംക്ലാസില് other സ്കീമില് ഉള്പ്പെട്ടവരും ബന്ധപ്പെട്ട സര്ട്ടിഫിക്കറ്റുകള് അപ്ലോഡ് ചെയ്യണം.
എയ്ഡഡ് സ്കൂളുകളിലെ മാനേജ്മെന്റ്/അണ് എയ്ഡഡ്/ കമ്യൂണിറ്റി ക്വാട്ടയിലെ പ്രവേശനം ആഗ്രഹിക്കുന്ന വിദ്യാര്ഥികള് താല്പ്പര്യമുള്ള സ്കൂളുകളില് നേരിട്ട് അപേക്ഷ സമര്പ്പിക്കണം.
പ്ലസ് വണ് പ്രവേശനത്തിനുള്ള ട്രയല് അലോട്ട്മെന്റ് മെയ് 29ന് നടക്കും. ആദ്യ അലോട്ട്മെന്റ് ജൂണ് അഞ്ചിനും രണ്ടാം അലോട്ട്മെന്റ് ജൂണ് 12നും മൂന്നാം അലോട്ട്മെന്റ് ജൂണ് 19നും ആയിരിക്കും. ജൂണ് 24ന് ക്ലാസ് തുടങ്ങും. സംസ്ഥാനത്തെ 389 വൊക്കേഷണല് ഹയര്സെക്കന്ഡറി സ്കൂളിലെ പ്രവേശനത്തിന് www.admission.dge.kerala.gov.in എന്ന വെബ്സൈറ്റിലൂടെ അപേക്ഷിക്കണം.
Latest news
ഉറങ്ങിക്കിടന്ന 10 വയസുകാരിയെ തട്ടിക്കൊണ്ടുപോയി പീഡിപ്പിച്ച സംഭവത്തില് കൂടുതല് വിവരങ്ങള് പുറത്ത്
കാസര്കോട്; പടന്നക്കാട് വീട്ടില് ഉറങ്ങിക്കിടന്ന 10 വയസുകാരിയെ തട്ടിക്കൊണ്ടുപോയി പീഡിപ്പിച്ച സംഭവത്തില് കൂടുതല് വിവരങ്ങള് പുറത്ത്.
മലയാളം സംസാരിക്കുന്ന മെലിഞ്ഞ ശരീര പ്രകൃതിയുള്ള ആളാണ് തന്നെ തട്ടിക്കൊണ്ട് പോയതെന്ന് പെണ്കുട്ടി വെളിപ്പെടുത്തിയതായിട്ടാണ് പുറത്തുവന്നിട്ടുള്ള വിവരങ്ങള്.ഇയാളെ കണ്ടെത്താന് പൊലീസ് തിരച്ചില് ഊര്ജ്ജിതമാക്കി.
കഴിഞ്ഞ ദിവസം പുലര്ച്ചെയാണ് പെണ്കുട്ടി പീഡനത്തിന് ഇരയായത്. കുട്ടിയുടെ സ്വര്ണാഭരണവും നഷ്ടപ്പെട്ടിട്ടുണ്ട്.
Latest news
ഡിഗ്രി വിദ്യാര്ത്ഥിയെയും പ്ലസ്ടുക്കാരിയെയും ട്രെയിന് തട്ടി മരിച്ച നിലയില് കണ്ടെത്തി
കൊല്ലം;ഇന്സ്റ്റഗ്രാം വഴി പരിചയപ്പെട്ട ഡിഗ്രി വിദ്യാര്ത്ഥിയും പ്ലസ്്ടുക്കാരിയും ട്രെയിന് തട്ടി മരിച്ച നിലയില് കണ്ടെത്തി.
ചന്ദനത്തോപ്പ് മാമൂട് അനന്തുഭവനില് പരേതനായ ശശിധരന് പിള്ളയുടെ മകന് എസ്.അനന്തു (18), സുഹൃത്തായ എറണാകുളം കളമശ്ശേരി വട്ടേക്കുന്നം പാറപ്പുറത്ത് (കടൂരപറമ്പില്) മധുവിന്റെ മകള് മീനാക്ഷി (18) എന്നിവരാണ് മരിച്ചത്
വൈകിട്ട് 5.30ന് കല്ലുംതാഴം റെയില്വേ ഗേറ്റിന് സമീപം പാല്ക്കുളങ്ങര തെങ്ങയ്യത്ത് ഭാഗത്താണ് ഇരുവരെയും ട്രെയിന് തട്ടി മരിച്ചനിലയില് കണ്ടത്.
കൊല്ലത്ത് നിന്നും എറണാകുളം ഭാഗത്തേക്ക് പോയ ഗാന്ധിധാം എക്സ്പ്രസ് ട്രെയിന് ഇടിച്ചായിരുന്നു അപകടം. റെയില്വേ ട്രാക്കിലൂടെ നടന്നുവന്ന ഇരുവരും ട്രെയിന് വരുന്നതു കണ്ടപ്പോള് കെട്ടിപ്പിടിച്ച് നിന്നതായി ദൃക്സാക്ഷികള് വെളിപ്പെടുത്തിയിരുന്നു.
കൊല്ലം ഫാത്തിമ മാതാ കോളജിലെ മലയാളം ഒന്നാംവര്ഷ ബിരുദ വിദ്യാര്ഥിയാണ് അനന്തു. മീനാക്ഷി പ്ലസ്ടു കഴിഞ്ഞ വിദ്യാര്ഥിയാണ്. ഇരുവരും ഇന്സ്റ്റഗ്രാം വഴി ഒരുമാസം മുന്പാണ് പരിചയപ്പെട്ടത്.
സിനിമ കാണാന് പോകുന്നു എന്നുപറഞ്ഞാണ് അനന്തു വീട്ടില്നിന്ന് ഇറങ്ങിയത്. തിങ്കളാഴ്ച രാവിലെ സേ പരീക്ഷ എഴുതുന്നതിനുവേണ്ടി ഫീസ് അടയ്ക്കാന് പോകുന്നുവെന്ന് പറഞ്ഞാണ് മീനാക്ഷി വീട്ടില്നിന്ന് ഇറങ്ങിയത്.
വൈകുന്നേരവും തിരിച്ചെത്താത്തതിനെ തുടര്ന്ന് വീട്ടുകാര് പൊലീസിനെ സമീപിക്കുകയായിരുന്നു.
Health
സംസ്ഥാനത്ത് വീണ്ടും അമീബിക് മസ്തിഷ്ക ജ്വരം ; മലപ്പുറം സ്വദേശിയായ അഞ്ച് വയസുകാരി ഗുരുതരാവസ്ഥയില്
മലപ്പുറം ; സംസ്ഥാനത്ത് വീണ്ടും അമീബിക് മസ്തിഷ്കജ്വരം സ്ഥിരീകരിച്ചു. മലപ്പുറം ജില്ലയിലെ മൂന്നിയൂർ സ്വദേശിനിയായ അഞ്ചുവയസുകാരിയാണ് കോഴിക്കോട് മെഡിക്കല് കോളേജില് തീവ്രപരിചരണ വിഭാഗത്തില് ചികിത്സയിലുള്ളത്.
മലപ്പുറം മൂന്നിയൂർ സ്വദേശിയായ പെണ്കുട്ടിയാണ് മെഡിക്കല് കോളേജിലെ തീവ്രപരിചരണ വിഭാഗത്തിലെ വെന്റിലേറ്ററില് തുടരുന്നത്. കടലുണ്ടിപ്പുഴയില് കുളിച്ചപ്പോഴാണ് അമീബ ശരീരത്തില് എത്തിയതെന്നാണ് വിവരം.
കേരളത്തില് മുമ്ബ് ചുരുക്കം ചിലര്ക്ക് മാത്രമാണ് അമീബിക് മസ്ഷ്ക ജ്വരം ബാധിച്ചിട്ടുള്ളത്. അതേസമയം, ചികിത്സയ്ക്ക് ആവശ്യമായ ഒരു മരുന്ന് കേരളത്തില് ലഭ്യമല്ലെന്ന് ബന്ധുക്കള് പറഞ്ഞു. സമാനമായ രോഗ ലക്ഷണങ്ങളുമായി മറ്റു നാലു കുട്ടികളെക്കൂടി മെഡിക്കല് കോളേജില് പ്രവേശിപ്പിച്ചിട്ടുണ്ട്.
-
Latest news4 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Latest news1 week ago
വൈദീകനും ഇടവകക്കാരിയും തമ്മിലുള്ള അടുപ്പം അതിരുവിട്ടു, വാട്സാപ്പ് ചാറ്റ് പുറത്ത്; വിശ്വാസികള് അങ്കലാപ്പില്
-
Latest news2 weeks ago
മുന്വൈരാഗ്യം മൂലം അടിമാലി ആനക്കുളത്ത് ഓട്ടോ ഡ്രൈവറെ വെട്ടികൊലപ്പെടുത്താന് ശ്രമം;മൂന്നുപേര് പിടിയില്
-
Latest news4 weeks ago
അടിമാലിയിൽ നിന്നും കാണാതായ വർക്ക്ഷോപ്പ് നടത്തിപ്പുകാരനെ തൂങ്ങിമരിച്ച നിലയിൽ കണ്ടെത്തി
-
Latest news5 days ago
പെറ്റമ്മയെ കൊന്നിട്ടും ജിജോയ്ക്ക് കുലുക്കമില്ല, ശാപവാക്കുകള് കൊണ്ട് എതിരേറ്റ് നാട്ടുകാരും;കൗസല്യ കൊലക്കേസ് തെളിവെടുപ്പ് അവസാനഘട്ടത്തില്
-
Latest news2 weeks ago
ജോലിസ്ഥലത്തേയ്ക്ക് പുറപ്പെട്ട എസ് ഐയെ കാണാനില്ല; പോത്താനിക്കാട് പോലീസ് കേസെടുത്തു,തിരച്ചില് ഊര്ജ്ജിതം
-
Latest news4 weeks ago
നദിയിൽ ബോട്ട് കീഴ്മേൽ മറിഞ്ഞ് അപകടം; 6 കുട്ടികൾ മരിച്ചു, രക്ഷാപ്രവർത്തനം തുടരുന്നു
-
Latest news1 week ago
3 പവൻ്റെ സ്വർണ്ണമാലക്കുവേണ്ടി അമ്മയെ ശ്വാസം മുട്ടിച്ച് കൊലപ്പെടുത്തിയ മകൻ അറസ്റ്റിൽ