കോതമംഗലം; പുലർച്ചെ 2 മണിയോടെ വഴിതെറ്റി കാട്ടുകൊമ്പൻ സ്വകാര്യവ്യക്തിയുടെ കിണറ്റിൽ വീണു.4 മണിയോടെ രക്ഷപ്രവർത്തനത്തിന് വനപാലകസംഘം എത്തി.

പിന്നാലെ നഷ്ടപരിഹാരത്തെച്ചൊല്ലിയും സുരക്ഷപ്രശ്‌നങ്ങൾ ഉയർത്തിയും നാട്ടുകാരുടെ പ്രതിഷേധം.തുടർന്ന് ഉദ്യോഗസ്ഥ സംഘത്തിന്റെയും ജനപ്രതിനിധികളുടെയും നേതൃത്വത്തിൽ മാരത്തോൺ ചർച്ച.10 മണിക്കൂറിന് ശേഷം ഒത്തുതീർപ്പ്.വൈകിട്ട് 5 മണിയോടുത്ത് കാട്ടുകൊമ്പനെ കയ്‌ക്കെത്തിച്ച് ,കാടുകയറ്റൽ.പിന്നാലെ പതിഷേധവും.

ഇന്നലെ കോട്ടപ്പടി പ്ലാച്ചേരിയിൽ കാട്ടാന സ്വകാര്യവ്യക്തിയുടെ കിണറ്റിൽ അകപ്പെട്ടതുമുതൽ കരകയറ്റി, കാട്ടിൽ എത്തിക്കുന്നതുവരെയുള്ള സംഭവപരമ്പരകളുടെ ഏകദേശ രൂപം ഇങ്ങിനെ.

ഇന്നലെ പുലർച്ചെ 2 മണിയോടടുത്താണ് മൂന്ന് ആനകൾ കോട്ടപ്പടി പ്ലാച്ചേരിയിലെ ജനവാസ മേഖലയിൽ എത്തിയത്.ആന കൂട്ടം എത്തിയതറിഞ്ഞ് ടോർച്ചും വെളിച്ചവുമൊക്കെ തെളിച്ച് നാട്ടുകാർ ഇവയെ ജനവാസ കേന്ദ്രങ്ങളിൽനിന്നും തുരത്താൻ ശ്രമം ആരംഭിച്ചിരുന്നു.

ഇതിനിടെയാണ് 10 വയസ്സ് പ്രായം തോന്നിക്കുന്ന കൊമ്പൻ കിണറ്റിൽ വീണത്.പത്തോളം വീട്ടുകാർ കുടിവെള്ളത്തിന് ഉപയോഗിക്കുന്ന കിണറായിരുന്നു ഇത്. വനംവകുപ്പ് ഉദ്യോഗസ്ഥർ പുലർച്ചെ 4 മണിയോടെ വിവരം അറിഞ്ഞ് സ്ഥലത്തെത്തി.

വനംവകുപ്പിന്റെ നീക്കം പാളി

കിണിറിന്റെ തീരം ഇടിച്ച് കൊമ്പനെ കരയ്ക്കുകയറ്റി വിടുന്നതിനായി പദ്ധതി തയ്യാറാക്കി,മണ്ണുമാന്തി യന്ത്രവും അനുബന്ധ സജ്ജീകരണങ്ങളുമായിട്ടാണ് ഉദ്യോഗസ്ഥ സംഘം എത്തിയത്.

ആന അകപ്പെട്ട സ്വകാര്യവ്യക്തിയുടെ പുരയിടത്തിലേയ്ക്ക് വഴി തീർത്താലെ മണ്ണുമാന്തിയന്ത്രം എത്തിക്കാൻ കഴിയുമായിരുന്നുള്ളു.ഉദ്യോഗസ്ഥ സംഘം ഇതിനുള്ള മാർഗ്ഗങ്ങൾ ആരായവെയാണ് നാട്ടുകാർ പൊടുന്നനെ പ്രതിഷേധവുമായി രംഗത്തെത്തുന്നത്.

കിണറിന്റെ അറ്റകുറ്റ പണികൾ നടത്താൻ ആവശ്യമായ തുക നൽകണം,മേലിൽ ആനശല്യം ഉണ്ടാകാതിരിയ്ക്കാൻ നടപടികൾ സ്വീകരിയ്ക്കണം തുടങ്ങിയവയായരുന്നു നാട്ടുകാരുടെ ആവശ്യം.

ഇക്കാര്യത്തിൽ വനംവകുപ്പ് ഉദ്യോഗസ്ഥരുടെ ഉറപ്പ് സ്വീകരിയ്ക്കില്ലന്നും മന്ത്രിയോ കളക്ടറോ അടക്കമുള്ള ഉദ്യോഗസ്ഥർ ഇടപെട്ട് പ്രശ്‌നം പരിഹരിയ്ക്കണമെന്നുമായിരുന്നു ജനക്കൂട്ടത്തിന്റെ ആവശ്യം.

നേരം പുലർന്നതോടെ ആനയെ കാണാൻ നാട്ടുകാർ കിണറിന് ചുറ്റും തടിച്ചുകൂടി.ഈ സമയം പോലീസും സ്ഥലത്തുണ്ടായിരുന്നു.കാണികളുടെ തിരക്ക് കൂടിയതോടെ കിണറിന് ചുറ്റും വടം വലിച്ച് കെട്ടി പോലീസ് കാണികൾക്ക് സുരക്ഷയൊരുക്കി.ഇതിനിടയിൽ ആന കിണറിന്റെ ഒരു വശം ഇടിച്ചിട്ട് രക്ഷപെടാൻ പരിശ്രമം ആരംഭിച്ചിരുന്നു.

കാണികളുടെ തിരക്ക് ,പോലീസ് വലഞ്ഞു

കാണികളുടെ തിക്കും തിരക്കും വർദ്ധിച്ചതോടെ മാധ്യപ്രവർത്തകരെ ഒഴിച്ച് ബാക്കിയുള്ളവരെ കിണറിന്റെ തൊട്ടടുത്തുനിന്നും മാറ്റി.ഇതോടെ നാട്ടുകാരിൽ ഒരു വിഭാഗം ഇടഞ്ഞു.മാധ്യമപ്രവർത്തകരെയും മാറ്റണമെന്നായിരുന്നു ഇക്കൂട്ടരുടെ ആവശ്യം.

സ്ഥിതിഗതികൾ കൈവിട്ടുപോകുമെന്ന് മനസിലാക്കി,പോലീസ് ഉദ്യോഗസ്ഥർ മാധ്യമപ്രവർത്തകരെയും ജനക്കൂട്ടത്തെ നിയന്ത്രിയ്ക്കാൻ കെട്ടിയ വടത്തിന് അപ്പുറം കടത്തി.അപ്പോൾ സമയം ഉച്ചയ്ക്ക് 12 മണിയോടടുത്തിരുന്നു.ഇതിനിടയിൽ സ്ഥത്തെത്തുണ്ടായിരുന്ന നാട്ടുകാർ പിരവിട്ട് ഉച്ചഭക്ഷണം തയ്യാറാക്കി.കൂടി നിന്നവരിൽ ഒട്ടുമിക്കവരും കഞ്ഞിയും പറയും കഴിയ്ക്കാനെത്തി.

ഇതിനിടയിൽ മലയാറ്റൂർ ഡിഎഫ്ഒയും ഏതാനും ഉന്നത വനംവകുപ്പ് ഉദ്യോഗസ്ഥരും സ്ഥലത്തെത്തി വീട്ടുകാരും ജനപ്രതിനിധികളും നാട്ടുകാരുമായി പ്രശനം ചർച്ച ചെയ്ത് പരിഹരിയ്ക്കുന്നതിനുള്ള നീക്കം ആരംഭിച്ചിരുന്നു.പിന്നാലെ ആർഡിഒയും സ്ഥലത്തെത്തി.

കോതമംഗലം എംഎൽഎ ആന്റണി ജോൺ,പെരമ്പാവൂർ എംഎൽഎ എൽദോസ് കുന്നപ്പിള്ളി,ജില്ല യൂഡിഎഫ് ചെയർമാൻ ഷിബുതെക്കുംപുറം കോട്ടപ്പടി പഞ്ചായത്ത് പ്രസിഡന്റ് ,മെമ്പർമാർ,വിവിധ രാഷ്ട്രീയ കക്ഷിനേതാക്കൾ എന്നിവരും പ്രശ്‌നപരിഹാരത്തിനുള്ള ചർച്ചകളിൽ പങ്കാളികളായി.

നാട്ടുകാരുടെ ആവശ്യം അംഗീകരിച്ച് അധികൃതർ

ഉച്ചയ്ക്ക് ഒന്നരയോടടുത്ത് വൻപോലീസ് സംഘം സ്ഥലത്തെത്തി.ഇതോടെ നിരവധി ഊഹാഭോഹങ്ങളും പ്രചരിച്ചു.ഇതോടെ പ്രതിഷേധക്കാരിൽ ചിലർ രോക്ഷപ്രകടനവുമായി ഉദ്യോഗസ്ഥർക്കെതിരെ തിരിഞ്ഞു.

കിണറ്റിൽ വീണ ആന സ്ഥിരം പ്രശ്‌നക്കാരനാണെന്നും അതിനാൽ മയക്കുവെടി വച്ച് ആനയെ ഇവിടെ നിന്നും മാറ്റണമെന്നുമായിരുന്നു ജനക്കൂട്ടത്തിന്റെ മുഖ്യ ആവശ്യം.പിന്നാലെ റവന്യു-പോലീസ് -വനം വകുപ്പുകളിലെ ഉന്നതർ തമ്മിൽ ആശയവിനിമയം നടത്തി ആക്ഷൻപ്ലാൻ തയ്യാറാക്കി.

തുടർന്ന് ജനപ്രതിനിധികളുടെ സാന്നിദ്ധ്യത്തിൽ ആർഡിഒ തീരുമാനങ്ങൾ ജനക്കൂട്ടത്തെ അറിയിച്ചു.നാട്ടുകാർ ഉന്നയിച്ച പ്രധാന ആവശ്യങ്ങൾ അംഗീകരിയ്ക്കുന്നെന്നും തന്റെ പരിധിയിൽപ്പെടാത്ത കാര്യങ്ങൾ ഉന്നത ഉദ്യോഗസ്ഥരെ അറയിച്ച് പരിഹാരം കാണുമെന്നുമായിരുന്നു ആഡിഒയുടെ അറയിപ്പിന്റെ ചുരുക്കം.

പിന്നാലെ കോട്ടപ്പടി പഞ്ചായത്തിലെ 4 വാർഡുകളിൽ നിരോധനാജ്ഞ പ്രഖ്യാപിച്ചു.ഇതെത്തുടർ മാധ്യമ പ്രവർത്തകർ ഒഴിച്ചുള്ള എല്ലാവരെയും പോലീസ് പ്രദേശത്തുനിന്നും നീക്കി.സമീപ റോഡുകളിൽ പോലീസ് പെട്രോളിംഗും ഏർപ്പെടുത്തി.

ഇതിനകം ആനയെ കരയ്ക്ക് കയറ്റി വിടും വരെ പാതയോരത്തെ വീടുകളിൽ കഴിയുന്നവർ പുറത്തിറങ്ങരുതെന്ന് വനംവകുപ്പ് ഉദ്യോഗസ്ഥർ മുന്നറയിപ്പും നൽകിയിരുന്നു.

കൊമ്പനെ കരയ്ക്ക് കയറ്റിയത് മഴയത്ത് ,പ്രതിഷേധം തുടരുന്നു

താമസിയാതെ വഴിയൊരുക്കി,മണ്ണുമാന്തി യന്ത്രം സ്ഥലത്തെത്തിച്ചു.പിന്നയെും തിരക്കിട്ട ചർച്ചകൾ.അപ്പോൾ സമയം 5 മണിയോടടുത്തു.ഈ സമയം മഴ ആരംഭിച്ചിരുന്നു.പിന്നെയെല്ലാം ശരവേഗത്തിൽ.കിണറിന്റെ തിട്ടിടിച്ച് ആനയെ കരയ്ക്കുകയറ്റാൻ ഉദ്യോഗസ്ഥ സംഘം നീക്കം ആരംഭിച്ചു.

ഈ സമയം സ്ഥലം ഉടമയുടെ വീട്ടിലുണ്ടായിരുന്ന ആർഡിഒയുടെ മുന്നിൽ ആശങ്ക അറിയിച്ച് വീണ്ടും നാട്ടുകാരെത്തി.എല്ലാം താൻ പറഞ്ഞതുപോലെ തന്നെ നടക്കുമെന്ന് ഈ സന്ദർഭത്തിലും ആർഡിഒ ഉറപ്പുനൽകി.ഏതാണ്ട് അരമണിക്കൂറോളം നീണ്ട പരിശ്രമത്തിനൊടുവിൽ ആന കരയ്ക്കുകയറി.

കരയ്ക്കുകയറി കൊമ്പൻ മണ്ണുമാന്തി യന്ത്രത്തിന് നേരെ അക്രമാസക്തനായി.പിന്നാലെ ഒറ്റപ്പാച്ചിൽ ,പടക്കം പൊട്ടിച്ചും ഒച്ചവച്ചും വനംവകുപ്പിന്റെ വാച്ചർമാരും ഉദ്യോഗസ്ഥരും പിന്നാലെ ഒട്ടം അവസാനിച്ചത് ഏതാനും കിലോമീറ്റർ അകലെ 50 ഏക്കറോളം വരുന്ന റബ്ബർ തോട്ടത്തിൽ.പിന്നീട് ആന ഏങ്ങോട്ടുപോയി എന്ന കാര്യത്തിൽ ഇനിയും വ്യക്തതയില്ല.

ആനയയെ കരയ്ക്ക് കയറ്റി വീട്ടതിന് പിന്നാലെ വീ്ണ്ടും ജനങ്ങൾ പ്രതിഷേധവുമായി രംഗത്തെത്തി.ഉദ്യോഗസ്ഥർ ഉറപ്പുപാലിച്ചില്ലന്നും വനംവകുപ്പ് ഉദ്യോഗസ്ഥർ സ്ഥലത്തെത്തി നേരത്തെ നൽകിയ വാഗ്ദാനങ്ങൾ പാലിയ്ക്കണമെന്നുമായിരുന്നു നാട്ടുകാരുടെ ആവശ്യം.

തങ്ങളുടെ ആവശ്യം അംഗീകരിയ്ക്കാതെ മണ്ണുമാന്തി യന്ത്രം സ്ഥലത്തുനിന്ന് നീക്കാൻ അനുവദിയ്ക്കില്ലന്നാണ് നാട്ടുകാരുടെ നിലപാട്.ഇന്ന് രാവിലെയും പ്രതിഷേധം തുടരുകയാണ്.

ദേ.................
നിങ്ങൾ അറിഞ്ഞോ അടിമാലി 🏤സെന്റ്. ജോസഫ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷനിൽ പ്ലസ് ടു തോറ്റ കുട്ടികൾക്ക് പ്ലസ് ടു തതുല്യമായ ഡിപ്ലോമ മെഡിക്കൽ കോഴ്സുകളിലേക്കുള്ള അഡ്മിഷൻ ആരംഭിച്ചിരിക്കുന്നു
👉D. Voc MLT
👉D. Voc In Dialysis Technology
👉D. Voc in Radiology
👉D. Voc in X-ray Technology
എന്നി കോഴ്സുകളും
പ്ലസ് ടു ഏതു സബ്ജെക്ടിൽ ജയിച്ച കുട്ടികൾക്ക് (Humanities, Commerce, Science) ഡിഗ്രി മെഡിക്കൽ കോഴ്സുകളിലേക്കും അഡ്മിഷൻ എടുക്കാം
👉B. Voc in MLT
👉B. Voc in Dialysis Technology
👉B. Voc in Radiology
👉B. Voc in OT Technology
👉B. Voc in X-ray Technology
👉B. Voc in Patient Care
👉B. Voc in Hospital Administration
ഉടൻ വിളിക്കുക
☎️9447597766
9446309303