കോതമംഗലം: ഇത്തവണയും പതിവ് തെറ്റിയില്ല, റവന്യൂ ജില്ലാ സ്‌കൂള്‍ കായികമേളയുടെ ആദ്യദിനം മെഡല്‍വേട്ടയുമായി കോതമംഗലം ഉപജില്ല കുതിപ്പ് തുടങ്ങി.

കോതമംഗലം എം.എ കോളജ് ഗ്രൗണ്ടില്‍ തുടങ്ങിയ മീറ്റില്‍ 27 ഫൈനലുകള്‍ പൂര്‍ത്തിയായപ്പോള്‍ 12 സ്വര്‍ണവും, 14 വെള്ളിയും, ആറ് വെങ്കലവുമടക്കം 106 പോയിന്റാണ് കോതമംഗലത്തിന്റെ സമ്പാദ്യം.

മൂന്ന് വീതം സ്വര്‍ണവും വെള്ളിയും, രണ്ട് വെങ്കലവുമായി രണ്ടാം സ്ഥാനത്തുള്ള നോര്‍ത്ത് പറവൂരിന്റെ അക്കൗണ്ടില്‍ 27 പോയിന്റുണ്ട്.രണ്ട് സ്വര്‍ണമടക്കം 26 പോയിന്റുള്ള അങ്കമാലി ഉപജില്ലയാണ് തൊട്ടുപിന്നില്‍.

വൈപ്പിന്‍ 22, കോലഞ്ചേരി 19 ഉപജില്ലകളാണ് യഥാക്രമം നാലും അഞ്ചും സ്ഥാനങ്ങളില്‍. മറ്റു ഉപജില്ലകളുടെ പോയിന്റ് നില: മൂവാറ്റുപുഴ 18, പെരുമ്പാവൂര്‍ 15, കലൂര്‍കാട് 13, ആലുവ 13, കൂത്താട്ടുകുളം 5, എറണാകുളം 3, തൃപ്പൂണിത്തുറ 2. എറണാകുളം, തൃപ്പൂണിത്തുറ ഉപജില്ലകള്‍ ഒഴികെയുളള ടീമുകള്‍ ആദ്യദിനം സ്വര്‍ണപട്ടികയില്‍ ഇടം നേടി.

കോതമംഗലം ഉപജില്ലയുടെ പകുതി പോയിന്റുകളും നിലവിലെ ചാമ്പ്യന്‍മാരായ കോതമംഗലം മാര്‍ബേസില്‍ എച്ച്എസ്എസിന്റേതാണ്.

ആറ് സ്വര്‍ണവും അഞ്ച് വെള്ളിയും മൂന്ന് വെങ്കലവുമടക്കം 48 പോയിന്റ്.രണ്ടാം സ്ഥാനത്തുള്ള കോതമംഗലം കീരമ്പാറ സെന്റ് സ്റ്റീഫന്‍ എച്ചഎസ്എസ് 39 പോയിന്റുമായി (5 സ്വര്‍ണം, 4 വെളളി, 2 വെങ്കലം) സ്‌കൂള്‍ ചാമ്പ്യന്‍ പട്ടികയില്‍ രണ്ടാം സ്ഥാനത്തുണ്ട്.

അങ്കമാലി മൂക്കന്നൂര്‍ സാക്രഡ് ഹേര്‍ട്ട് ഓര്‍ഫനേജ് എച്ച്്എസാണ് മൂന്നാം പടിയില്‍. ഒരോ വീതം സ്വര്‍ണവും വെങ്കലവും രണ്ട് വെള്ളിയുമടക്കം 12 പോയിന്റ്. നോര്‍ത്ത് പറവൂര്‍ കൂനമ്മാവ് സെന്റ് ഫിലോമിനാസ് എച്ച്എസ്എസ് 9, കീരമ്പാറ സെന്റ് സ്റ്റീഫന്‍സ് ഗേള്‍സ് എച്ച്എസ് 9, വൈപ്പിന്‍ നായരമ്പലം ബിവിഎച്ച്എസ് 6, മൂവാറ്റുപുഴ നിര്‍മല എച്ച്എസ്എസ് 6, നോര്‍ത്ത് പറവൂര്‍ കൂനമ്മാവ് സെന്റ് ജോസഫ്സ് എച്ച്എസ്എസ് 6 ടീമുകളാണ് യഥാക്രമം നാലു മുതല്‍ എട്ടുവരെ സ്ഥാനങ്ങളില്‍.

മണ്‍ട്രാക്കിലെ മത്സരം താരങ്ങളുടെ പ്രകടനത്തെയും ബാധിച്ചു.ആദ്യദിനം മീറ്റ് റെക്കോഡുകളുണ്ടായില്ല.മതിയായ ടീമുകളില്ലാത്തതിനാല്‍ സബ്ജൂനിയര്‍ പെണ്‍ 4-100 റിലേ, ജൂനിയര്‍ ആണ്‍, പെണ്‍ വിഭാഗങ്ങളുടെ 4-400 റിലേ മത്സരങ്ങളുടെ ഫൈനല്‍ നേരിട്ട് നടത്തി.

ഗ്ലാമര്‍ ഇനങ്ങളായ സീനിയര്‍ 100 മീറ്റര്‍ മത്സരങ്ങള്‍ ഉള്‍പ്പെടെ ഇന്ന് 34 ഇനങ്ങളിലാണ് ഫൈനല്‍.

മേള ആന്റണി ജോണ്‍ എംഎല്‍എ ഉദ്ഘാടനം ചെയ്തു. നഗരസഭ ചെയര്‍മാന്‍ കെ.കെ ടോമി അധ്യക്ഷനായി. ഉദ്ഘാടന ചടങ്ങിനോടനുബന്ധിച്ച് നടന്ന മാര്‍ച്ച്പാസ്റ്റില്‍ കോതമംഗലം സെന്റ് ജോര്‍ജ്, മാര്‍ബേസില്‍, സെന്റ് അഗസ്റ്റിന്‍സ് സ്‌കൂളുകളിലെ വിദ്യാര്‍ഥികള്‍ ചേര്‍ന്ന് അവതരിപ്പിച്ച ഫ്ളാഷ്മോബും ഡിസ്പ്ലേയും ശ്രദ്ധേയമായി

പ്രതിഷേധവുമായി കായിക അധ്യാപകര്‍

കോതമംഗലം: ജില്ലാ സ്‌കൂള്‍കായികമേളയില്‍ പ്രതിഷേധവുമായി കായിക അധ്യാപകര്‍.

കെ.ഇ.ആര്‍ പരിഷ്‌ക്കരണത്തില്‍ കായിക അധ്യാപകരെ ഒഴിവാക്കുന്നതിലും,ഹൈസ്‌കൂള്‍, യു.പി നിയമനം ലഭിച്ച കായിക അധ്യാപകരെ സ്പെഷലിസ്റ്റ് കാറ്റഗറിയില്‍ ഒതുക്കി തരംതാഴ്ത്തുന്ന സര്‍ക്കാര്‍ സമീപനത്തിലും പ്രതിഷേധിച്ചായിരുന്നു സമരം.

ഉദ്ഘാടന സമ്മേളനത്തിനിടെ അധ്യാപകര്‍ ഗ്രൗണ്ടിലിറങ്ങി പ്ലക്കാര്‍ഡുമായി പ്രതിഷേധിക്കുകയായിരുന്നു. ഡി.പി.ഇ.ടി.എ, കെ.പി.എസ്.പി.ഇ.ടി.എ എന്നീ കായിക അധ്യപക സംഘടനകളുടെ നേതൃത്വത്തിലായിരുന്നു പ്രതിഷേധം.

കായിക അധ്യാപക മേഖലയെ തകര്‍ക്കാന്‍, സര്‍ക്കാര്‍ താല്‍ക്കാലിക നിയമനങ്ങള്‍ നടത്തി സ്ഥിരം നിയമനങ്ങള്‍ ഇല്ലായ്മ ചെയ്യുകയാണെന്ന് പ്രതിഷേധക്കാര്‍ ആരോപിച്ചു. സംഘടന നേതാക്കളായ വി.എ സൈന, അമേഴ്സണ്‍ ലൂയിസ്, ഷൈജി ജേക്കബ് തുടങ്ങിയവര്‍ നേതൃത്വം നല്‍കി.

കായിക മേളയില്‍ സിനിമ ചിത്രീകരണവും

മത്സരങ്ങള്‍ നടക്കുമ്പോള്‍ നടന്‍ വിഷ്ണു ഉണ്ണികൃഷ്ണനും കൂട്ടരും സിനിമ ചിത്രീകരണത്തിന്റെ തിരക്കിലായിരുന്നു.

ഇന്നലെ രാവിലെ ഗ്രൗണ്ടില്‍ മത്സരംഗങ്ങള്‍ തുടങ്ങിയപ്പോള്‍ തന്നെ സിനിമ ചിത്രീകരണവും ആരംഭിച്ചിരുന്നു.വിഷ്ണു ഉണ്ണികൃഷ്ണന്‍ നായകനായ ഇടിയന്‍ ചന്തു എന്ന ചിത്രത്തിന്റെ ചിത്രീകരണമാണ് മത്സരത്തിനൊപ്പം മുന്നേറിയത്.

ഗ്രൗണ്ടില്‍ സംഘാടകര്‍ക്ക് ഒരു വിധത്തിലുള്ള തടസങ്ങളും സൃഷ്ടിയ്ക്കാതെയായിരുന്നു.ചിത്രീകരണം.

ആദ്യമൊന്നും സിനിമ ചിത്രീകരണം ആരുടെയും ശ്രദ്ധയില്‍പ്പെട്ടിരുന്നില്ല എന്നതാണ് വാസ്തവം.പിന്നീട് വിവരം അറിഞ്ഞ് മാധ്യമപ്രവര്‍ത്തകരില്‍ ചിലര്‍ കാമറയുമായി കൂട്ടം കൂടിയതോടെയാണ് കാണികള്‍ ഇതെക്കുറിച്ച് അറിയുന്നത്.ഗ്രൗണ്ടില്‍ കാണികള്‍ക്കായുള്ള ഇരിപ്പിടത്തില്‍ ,താരം നായികയ്ക്കൊപ്പം ഇരിയ്ക്കുന്നതും ഇവര്‍ തമ്മില്‍ സൗഹൃദം പങ്കിടുന്നതുമായ ദൃശ്യങ്ങളാണ് ചിത്രീകരിച്ചിരുന്നത്.

സിനിമയില്‍ മുഖം കാണിക്കാനായതിന്റെ സന്തോഷത്തില്‍ വിദ്യാര്‍ത്ഥിനികള്‍

നടന്‍ വിഷ്ണു ഉണ്ണികൃഷ്ണനുമായി സൗഹൃദം പങ്കിടാനും സിനിമ ചിത്രീകരണത്തില്‍ പങ്കാളികളാവാനും കഴിഞ്ഞതിന്റെ സന്തോഷത്തിലാണ് കോതമംഗലം സെന്റ് അഗസ്റ്റിന്‍ ഗേള്‍സ് സ്‌കൂളിലെ ഒരു പറ്റം വിദ്യാര്‍ത്ഥിനികള്‍.

വിഷ്ണു ഉണ്ണികൃഷ്ണന്‍ നായകനായ ഇടിയന്‍ ചന്തു എന്ന ചിത്രത്തിനുവേണ്ടിയുള്ള രംഗത്തിലാണ് വിദ്യാര്‍ത്ഥിനികള്‍ പങ്കാളികളായത്.നടനും നായികയും കായിക മത്സരങ്ങള്‍ കാണുകയും പ്രോത്സാഹിപ്പിക്കുകയും ചെയ്യുന്ന രംഗമാണ് ചിത്രീകരിച്ചത്.

കൈകളില്‍ വെള്ള റിബണ്‍ കെട്ടി റോസ് നിറത്തിലുള്ള ടോപ്പും കറുത്ത പാന്റും വെള്ളത്തൊപ്പിയും അണിഞ്ഞാണ് ഇന്നലെ രാവിലെ വിദ്യാര്‍ത്ഥിനികള്‍ കളിക്കളത്തിലെത്തിയത്.

ദേ.................
നിങ്ങൾ അറിഞ്ഞോ അടിമാലി 🏤സെന്റ്. ജോസഫ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷനിൽ പ്ലസ് ടു തോറ്റ കുട്ടികൾക്ക് പ്ലസ് ടു തതുല്യമായ ഡിപ്ലോമ മെഡിക്കൽ കോഴ്സുകളിലേക്കുള്ള അഡ്മിഷൻ ആരംഭിച്ചിരിക്കുന്നു
👉D. Voc MLT
👉D. Voc In Dialysis Technology
👉D. Voc in Radiology
👉D. Voc in X-ray Technology
എന്നി കോഴ്സുകളും
പ്ലസ് ടു ഏതു സബ്ജെക്ടിൽ ജയിച്ച കുട്ടികൾക്ക് (Humanities, Commerce, Science) ഡിഗ്രി മെഡിക്കൽ കോഴ്സുകളിലേക്കും അഡ്മിഷൻ എടുക്കാം
👉B. Voc in MLT
👉B. Voc in Dialysis Technology
👉B. Voc in Radiology
👉B. Voc in OT Technology
👉B. Voc in X-ray Technology
👉B. Voc in Patient Care
👉B. Voc in Hospital Administration
ഉടൻ വിളിക്കുക
☎️9447597766
9446309303