Connect with us

Latest news

കൗണ്ടർ വെയിറ്റും ഷട്ടറും കാണാനില്ല, പറമ്പിക്കുളം ഡാമിൽ നിന്നും നീരൊഴുക്ക് ശക്തം;21 കൂടുംബങ്ങളെ മാറ്റിപ്പാർപ്പിച്ചു

Published

on

പാലക്കാട്;പറമ്പിക്കുളം ഡാമിന്റെ തകർന്ന ഷട്ടർ പുനസ്ഥാപിച്ച് ,നീരൊഴുക്കുനിയന്ത്രിക്കാൻ 10 ദിവസമെങ്കിലും വേണ്ടിവരുമെന്ന്് തമിഴ്‌നാട് ജലവിഭവമന്ത്രി ദുരൈ മുരുകൻ.ചെന്നൈയിൽ മാധ്യമ പ്രവർത്തകരോട് സംസാരിക്കെവെയാണ് അദ്ദേഹം ഇക്കാര്യം വ്യക്തമാക്കിയത്.

ഷട്ടറുകളെ ബന്ധിപ്പിക്കുന്ന ചങ്ങല പൊട്ടി കോൺക്രീറ്റ് ബീം അടർന്നു മാറിയതാണ് തകരാനുള്ള കാരണം. അഞ്ചര5.5 ടിഎംസി വെള്ളം ഇതിനകം ഒഴുകിപ്പോയിട്ടുണ്ടെന്നാണ് കണക്ക്.

നീരൊഴുക്ക് കുറഞ്ഞാൽ മാത്രമേ ഷട്ടർ പുനസ്ഥാപിച്ച് ജലമൊഴുക്ക് നിയന്ത്രിക്കാനാകൂ എന്നതാണ് നിലവിലെ സ്ഥിതി.ഇന്നലെ പുലർച്ചെ രണ്ടുമണിയോടെയാണ് ഡാമിന്റെ 3 ഷട്ടറുകളിൽ നടുവിലത്തെ ഷട്ടർ തകർന്നത്.

നൈറ്റ് ഡ്യൂട്ടിയിലുണ്ടായിരുന്ന സെക്യൂരിറ്റി ജീവനക്കാരനാണ് ഷട്ടറിൽനിന്നു വലിയ ശബ്ദം കേട്ടതായി അറിയിച്ചത്. പരിശോധിച്ചപ്പോൾ പുഴയിലേക്ക് അപകടകരമായ രീതിയിൽ വെള്ളം കുത്തിയൊലിക്കുന്നത് ശ്രദ്ധയിൽപെടുകയായിരുന്നു.

വിവരം പുറത്തുവന്നയുടൻ പറമ്പിക്കുളം ഫോറസ്റ്റ് റെയിഞ്ചിലെ ആദിവാസി മേഖലയിൽനിന്നുള്ള 21 കുടുംബങ്ങളെ മാറ്റിപ്പാർപ്പിച്ചു.ഷട്ടറും കൗണ്ടർ വെയിറ്റും കുത്തൊഴുക്കിൽപ്പെട്ട് കാണാതായതായിട്ടാണ് സൂചന.

തുടർച്ചയായി 20,000 ക്യുസെക്‌സ് വെള്ളമാണ് പുറത്തേക്ക് ഒഴുകി കൊണ്ടിരിക്കുന്നത്.ഇതിനെത്തുടർന്ന് തൃശൂർ പെരിങ്ങൽക്കുത്ത് ഡാമിലെ വെള്ളം ഇന്നലെ പരമാവധി ജലനിരപ്പിലെത്തിയിരുന്നു.

തൃശൂർ വൈൽഡ് ലൈഫ് വാർഡനും ചിറ്റൂർ തഹസിൽദാരും സ്ഥിതിഗതികൾ നീരീക്ഷിച്ചുവരുന്നു.തീരപ്രദേശങ്ങളിൽ താമസിക്കുന്നവർ ജാഗ്രത പാലിക്കണമെന്ന് കലക്ടർ നിർദേശിച്ചിട്ടുണ്ട്.

മുതലമടയിലാണ് ഡാം സ്ഥിതി ചെയ്യുന്നതെങ്കിലും ഡാമിന്റെ പ്രവർത്തനവും നിയന്ത്രണവും തമിഴ്‌നാടിനാണ്.ഡാമിലെ ജലനിരപ്പ് ഉയർന്നതിനെത്തുടർന്ന് ഒരു മാസം മുൻപ് മൂന്നു ഷട്ടറുകളും 10 സെന്റീമീറ്റർ തുറന്നിരുന്നു. 1,825 അടിയാണ് ഡാമിന്റെ സംഭരണശേഷി.

 

 

1 / 1

Advertisement

Latest news

വാഹനാപകടത്തിൽ പരിക്കേറ്റ് ചികത്സയിലായിരുന്ന മകൾ മരിച്ചു, പിന്നാലെ മാതാവ് ജീവനൊടുക്കി; ദാരുണ സംഭവം കോതമംഗലം നെല്ലിക്കുഴിയിൽ

Published

on

By

കോതമംഗലം :വാഹനാപകടത്തിൽ  പരിക്കേറ്റ് ചികിത്സയിലായിരുന്ന മകൾ മരിച്ചു. പിന്നാലെ മാതാവ് ജീവനൊടുക്കി. കോതമംഗലം നെല്ലിക്കുഴിയിലാണ് ദാരുണ സംഭവം.

രണ്ട് മാസം മുമ്പ് ചിറയിൻകീഴിലുണ്ടായ  വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ യൂസി കോളേജ് എംബിഎ  വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത് നായിക്കിന്റെ മകൾ സ്നേഹ(24) (സോനു )ഇന്നലെ രാത്രിയിലാണ് മരണപ്പെട്ടത്.

മരണവാർത്ത അറിഞ്ഞതിന് പിന്നാലെ സ്നേഹയുടെ മാതാവ് ഗായത്രി( 45)നെല്ലിക്കുഴി കമ്പനിപ്പടിയിൽ  താമസ സ്ഥലത്ത് ജീവനൊടുക്കുകയായിരുന്നു.

കഴിഞ്ഞ മുപ്പതു വർഷത്തോളമായി കോതമംഗലത്ത് ജ്വല്ലറിയിൽ
ജീവനക്കാരനായിരുന്നു ഹനുമന്ത്.
കമ്പ്യൂട്ടർ വിദ്യാർത്ഥി
ശിവകുമാർ ഹനുമന്ത് സ്നേഹയുടെ സഹോദരനാണ്.

അയൽവാസികളും, നാട്ടുകാരുമായി വളരെ സൗഹൃദത്തിൽ കഴിഞ്ഞിരുന്ന സ്നേഹയുടെയും, ഗായത്രിയുടെയും മരണ വാർത്ത നാടിനെ ഒന്നാകെ ദുഃഖതിലാഴ്ത്തി.

രണ്ടു പേരുടെയും മൃദദേഹം പോസ്റ്റ്മോർട്ടത്തിന് ശേഷം സ്വദേശത്തേക്ക് കൊണ്ടു പോകാനുള്ള ഒരുക്കങ്ങൾ പൂർത്തിയായി.

1 / 1

Continue Reading

Latest news

അടിമാലിയിൽ വൃദ്ധയെ കൊലപ്പെടുത്തി ആഭരണങ്ങൾ കവർച്ച ചെയ്ത സംഭവം; പ്രതികൾ പിടിയിൽ

Published

on

By

അടിമാലി: അടിമാലിയിൽ വൃദ്ധയെ കഴുത്തറുത്ത് കൊലപ്പെടുത്തി ആഭരണങ്ങൾ കവർച്ച ചെയ്ത സംഭവത്തിൽ പ്രതികൾ പിടിയിൽ.

കൊല്ലം കിളികൊല്ലൂർ സേവ്യർ
കോട്ടേജിൽ അലക്സ്, ഇയാൾക്കൊപ്പം താമസിച്ചുവരുന്ന കവിത എന്നിവരെയാണ് സംഭവവുമായി ബന്ധപ്പെട്ട് അടിമാലി പോലീസ് കസ്റ്റഡിയിൽ എടുത്തിട്ടുള്ളത്.
അടിമാലി കുരിയൻസ് പടിക്ക്  സമീപം താമസിക്കുന്ന  നടുവേലിൽ കിഴക്കേതിൽ പരേതനായ കാസിമിന്റെ ഭാര്യ ഫാത്തിമ (70) യെയാണ് ഇവർ കൊലപ്പെടുത്തിയത്.
സ്വർണ്ണാഭരണം കവർച്ച ചെയ്യുന്നതിനാണ്
കൊല നടത്തിയതെന്ന് അലക്സ് പോലീസിൽ സമ്മതിച്ചതായിട്ടാണ് സൂചന. കൊലയ്ക്കുശേഷം ഫാത്തിമ ധരിച്ചിരുന്ന വളകളും മാലയും മറ്റും ഇവർ ഊരിയെടുത്തു.
ഇതിൽ ഒന്നരപവൻ അടിമാലിയിലെ പണമിടപാട് സ്ഥാപനത്തിൽ പണയ
പ്പെടുത്തി 60000 രൂപ തരപ്പെടുത്തി , കാറിൽ കോതമംഗലം വരെയെത്തി ഇവർ പാലക്കാട് ഭാഗത്തേയ്ക്ക് ബസിൽ യാത്ര തിരിയ്ക്കുകയായിരുന്നു.
പാലക്കാട് കുഴൽമന്ദം ഭാഗത്തുവച്ചാണ് ഇരുവരെയും പോലീസ് കസ്റ്റ
ഡിയിൽ എടുത്തതെന്നാണ് അറിയുന്നത്. അലക്സ് മുമ്പ് മോഷണം അടക്കം 6 കേസുകളിൽ പ്രതിയാണെന്നാണ് സൂചന.
ഇന്നലെ  വൈകിട്ട് 5 മണിയോടെ വീട്ടിലെത്തിയ ഇവർ കുറച്ച് സമയം വീടിൻ്റെ മുൻവശത്ത് ഇരുന്ന്  ഫാത്തിമയുമായി സംസാരിച്ച ശേഷം തന്ത്രത്തിൽ അകത്തേക്ക് കൂട്ടിക്കൊണ്ടുപോയി കഴുത്തറക്കുക
യായിരുന്നു. കൊലയ്ക്കു ശേഷം മൃതദേഹത്തിന് ചുറ്റും മുളകുപൊടി വിതറിയ ശേഷമാണ് ഇവർ സ്ഥലം വിട്ടത്.
കഴിഞ്ഞ ഒരാഴ്ചയോളമായി ഇവർ അടിമാലിയിൽ ഉണ്ടായിരുന്നെ
ന്നും പോലീസ് അന്വേഷണത്തിൽ വ്യക്തമായി. ഇവരെ കോതമംഗലത്തെത്തിച്ച കാർ
ഡ്രൈവർ നൽകിയ സുചനകളാണ് പോലീസിന് പ്രതികളെ പിടികൂടുന്നതിന് സഹായകമായത്.
മകൻ സുബൈറിനോടൊപ്പമാണ് ഫാത്തിമ താമസിച്ചിരുന്നത്. ഇന്നലെ വൈകുന്നേരം നാല് മണിയോടെ സുബൈർ ടൗണിൽ പോയിരുന്നു.
തിരിച്ച്  ഏഴുമണിയോടെ ഇയാൾ  വീട്ടിലെത്തിയപ്പോഴാണ് മാതാവ് രക്തത്തിൽ കുളിച്ച് കിടക്കുന്ന നിലയിൽ കണ്ടത്.
ബെഡ്റൂമിൽ നിലത്ത് തറയിൽ കമിഴ്ന്നു കിടക്കുന്ന നിലയിലാണ് മൃതദേഹം കാണപ്പെട്ടത്. അടിമാലി  പോലീസ് മേൽ നടപടികൾ സ്വീകരിച്ചു.
1 / 1

Continue Reading

Latest news

ജസ്നയുടെ തിരോധാനം:വസ്ത്രത്തെ ചുറ്റിപ്പറ്റി ദുരൂഹത ആരോപിച്ച് പിതാവ് കോടതിയിൽ

Published

on

By

കോട്ടയം: മുക്കൂട്ടുതറയിൽനിന്ന് 6 വർഷം മുൻപ് ദുരൂഹസാഹചര്യത്തിൽ കാണാതായ ജെസ്ന മരിയ ജയിംസിന്റെ(21)  വസ്ത്രത്തെ ചുറ്റിപ്പറ്റി ദുരൂഹത.

രക്തക്കറ പുരണ്ട ജെസ്നയുടെ മുറിക്കുള്ളിൽ നിന്നും കണ്ടെടുത്ത വസ്ത്രങ്ങൾ കേന്ദ്രീകരിച്ച് അന്വേഷണം ഉണ്ടായില്ലെന്നാണ് പിതാവ് ജെയിംസ് ജോസഫ് കോടതിയിൽ നൽകിയ ഹർജിയിൽ ഉന്നയിക്കുന്ന വാദം.

ജസ്ന ധരിച്ചിരുന്ന വസ്ത്രങ്ങളിലുള്ളത് ആർത്തവ രക്തമാണോ അതോ ഗർഭകാല രക്തമാണോ എന്ന് പരിശോധിക്കണമെന്നും പിതാവ് ഹർജിയിൽ ആവശ്യപ്പെടുന്നു.കാണാതായതിന് പിന്നാലെ ജെസ്നയുടെ മുറിയിൽ നിന്നും കണ്ടെടുത്ത വസ്ത്രത്തില്‍ അമിതമായ രക്തക്കറയുണ്ടായിരുന്നു.

അന്വേഷണത്തിന്റെ ഭാഗമായി ക്രൈംബ്രാഞ്ച് സംഘം ഈ വസ്ത്രം ശേഖരിച്ചെങ്കിലും കൃത്യമായി തെളിവുകൾ ശേഖരിച്ചില്ലെന്നും പിതാവ് ഹർജിയിൽ ആരോപിച്ചു. കാണാതാകുന്നതിന് ഏതാനും മാസങ്ങൾക്ക് മുന്‍പ് അമിതമായ വയറുവേദനയെ തുടർന്ന് ജെസ്ന സ്വകാര്യ ആശുപത്രിയില്‍ ചികിത്സ തേടിയിരുന്നതായും ഈ സാഹചര്യത്തിൽ ജെസ്നയുടെ വസ്ത്രങ്ങളിലുള്ളത് ആര്‍ത്തവ രക്തമാണോ ഗര്‍ഭകാല രക്തമാണോ എന്ന് പരിശോധിക്കണമെന്നും പിതാവ് നൽകിയ ഹർജിയിൽ പറയുന്നു.

അതേസമയം പിതാവ് ആരോപിക്കുന്ന ജെസ്നയുടെ അജ്ഞാത സുഹൃത്ത് ബന്ധുവായ യുവാവാണെന്നാണ് ക്രൈംബ്രാഞ്ചിന്റെ നിഗമനം. അജ്ഞാത സുഹൃത്തുമായി എല്ലാ വ്യാഴാഴ്ചകളിലും ജെസ്ന കൂടിക്കാഴ്ച നടത്തിയിരുന്നതായുള്ള വിവരം പിതാവ് വെളിപ്പെടുത്തിയിരുന്നു.

ഈ ആരാധനാലയം പ്രദേശത്തെ ഒരു ക്രിസ്ത്യൻ പള്ളിയാണ് എന്നാണ് മുൻപ് കേസ് അന്വേഷിച്ച ക്രൈംബ്രാഞ്ചിന്റെയും അവകാശവാദം.

എന്നാൽ  രക്തക്കറ പുരണ്ട വസ്ത്രം ലഭിച്ചതായി കേസ് അന്വേഷിച്ച ക്രൈംബ്രാഞ്ച് സംഘം നിലപാട് വ്യക്തമാക്കിയപ്പോൾ വസ്ത്രം ലഭിച്ചിരുന്നില്ലെന്നും ജെസ്നക്ക് ഗർഭകാല ലക്ഷണങ്ങളോന്നും തന്നെ ഉണ്ടായിരുന്നില്ല എന്നും ചികിത്സിച്ച ഡോക്ടര്‍മാര്‍ മൊഴി നൽകിയതായി സിബിഐ പറഞ്ഞു.

2 അന്വേഷണ സംഘങ്ങളും വ്യത്യസ്ത നിലപാടുകളിൽ ഉറച്ചുനിൽക്കുന്ന സാഹചര്യത്തിലാണ് കേസ് അവസാനിപ്പിക്കരുത് എന്ന ആവശ്യവുമായി പിതാവ് കോടതിയെ സമീപിച്ചത്.

1 / 1

Continue Reading

Latest news

ഒമ്പതാം ക്ലാസ് കടക്കാൻ സേ പരീക്ഷയും:ലക്ഷ്യം വിദ്യാർത്ഥികളുടെ നിലവാരം ഉറപ്പാക്കൽ

Published

on

By

തിരുവനന്തപുരം: സംസ്ഥാനത്തെ പൊതു വിദ്യാലയങ്ങളിൽ ഇനി ‘സേവ്.എ. ഇയർ'(സേ) പരീക്ഷയും.9ാം ക്ലാസിലെ വാർഷിക പരീക്ഷയിൽ ഏറ്റവും താഴ്ന്ന ഗ്രേഡ് നേടിയ( ഡി,ഇ ) വിദ്യാർത്ഥികൾക്ക് വേണ്ടിയാണ് അവധിക്കാലത്ത് വീണ്ടും പരീക്ഷ നടത്തുന്നത്.

10ാം ക്ലാസ് പ്രവേശനത്തിന് മുൻപായി മൂല്യനിർണയത്തിലൂടെ കുട്ടികളുടെ നിലവാരം ഉറപ്പാക്കുന്നതിനാണ് പരീക്ഷ.സ്കൂൾ തലത്തിൽ ചോദ്യപേപ്പർ തയാറാക്കി പരീക്ഷ നടത്താനാണ് വിദ്യാഭ്യാസ ഡയറക്ടറുടെ നിർദേശം. മേയ് 10 ന് മുൻപായി ഈ പരീക്ഷ ഹൈസ്കൂളുകളിൽ നടത്താനാണ് തീരുമാനം.

നിലവിനിലവിലെ വിദ്യാഭ്യാസ അവകാശ നിയമ പ്രകാരം 8ാം ക്ലാസ് വരെയുള്ള എല്ലാ കുട്ടികൾക്കും അടുത്ത ക്ലാസിലേക്ക് പ്രവേശനം നൽകുന്ന രീതി തുടരുമെങ്കിലും വാർഷിക പരീക്ഷ എഴുതിയിരിക്കണം.  പരീക്ഷ എഴുതാൻ സാധിക്കാതെ പോയ 8ാം ക്ലാസ് വരെയുള്ളവർക്കായി സ്കൂൾ തലത്തിൽ ചോദ്യപ്പേപ്പർ തയാറാക്കി വീണ്ടും പരീക്ഷ നടത്തും.

പരീക്ഷയുടെ അടിസ്ഥാനത്തിലുള്ള സ്ഥാനക്കയറ്റ പട്ടിക മേയ് 2ന് പ്രസിദ്ധീകരിക്കാനാണ് തീരുമാനം.കൂടാതെ പൊതു വിദ്യാലയങ്ങളിൽ പ്രവേശനം ആഗ്രഹിക്കുന്ന എല്ലാ കുട്ടികൾക്കും പ്രവേശനം ഉറപ്പാക്കണമെന്നും പൊതു വിദ്യാഭ്യാസ ഡയറക്ടർ നിർദേശിച്ചു.

1 / 1

Continue Reading

Latest news

വേനൽ ചൂടിൽ റെക്കോർഡ് കുതിപ്പ്:പൈനാപ്പിൾ വില ഉയരുന്നു

Published

on

By

മുവാറ്റുപുഴ: പൈനാപ്പിൾ വിലയിൽ റെക്കോർഡ് കുതിപ്പ്. പൊള്ളുന്ന വേനലിൽ ഉണക്ക് ബാധിച്ചതിനെ തുടർന്നും പൈനാപ്പിൾ ലഭ്യതയിൽ 50 % കുറവ് ഉണ്ടായതും തിരഞ്ഞെടുപ്പ്, വിഷു, വിവാഹങ്ങൾ, കൊടും ചൂട് എന്നിവ മൂലം ഡിമാൻഡ് വർധിച്ചതുമാണ് വില വർദ്ധനവിന് കാരണം.

പഴുത്ത പൈനാപ്പിൾ വില 61 രൂപയായായപ്പോൾ പച്ചയ്ക്ക് 59 രൂപയായും ഉയർന്നു.

10 വർഷത്തിനിടെയുള്ള റെക്കോർഡ് വിലയാണിത്. കഴിഞ്ഞ വർഷം ഇതേ കാലയളവിൽ 47 രൂപയായിരുന്നു പച്ച പൈനാപ്പിൾ വില എങ്കിൽ പഴുത്ത പൈനാപ്പിൾ വില 53 രൂപയായിരുന്നു.

10 രൂപയോളമാണ് കഴിഞ്ഞ വർഷത്തെക്കാൾ വില വർധന.എന്നാൽ വേനൽ ഉണക്ക് ബാധിച്ച് ഉൽപാദനം കുറഞ്ഞ സമയവും വലിയ ലാഭം ഒന്നുമില്ലെന്നാണ് കർഷകരുടെ അഭിപ്രായം.

1 / 1

Continue Reading

Trending

error: