Connect with us

News

ചെയ്ത ജോലിക്ക് കൂലി ചോദിച്ചപ്പോള്‍ വധഭീഷിണി;മനംനൊന്ത് വിഷം കഴിച്ച സിപിഐ നേതാവ് അവശനിലയില്‍

Published

on

മൂന്നാര്‍ ; സി പി ഐ ലോക്കല്‍ കമ്മിറ്റി അംഗം വിഷം ഉളളില്‍ച്ചെന്ന് അവശനിലയില്‍.സംഭവം മൂടിവയ്ക്കാന്‍ ആസൂത്രിത നീക്കം നടന്നെന്ന് പരക്കെ ആക്ഷേപം.

ആനവിരട്ടി വില്ലേജില്‍ ലക്ഷ്മി കോളനിയില്‍ താമസിക്കുന്ന എന്‍ രാജേന്ദ്രനാണ് 4 ദിവസമായി മൂന്നാര്‍ ടാറ്റ ടീ ആശുപത്രിയില്‍ അത്യാഹിത വിഭാഗത്തില്‍ കഴിയുന്നത്. ഭൂമാഫിയയുടെ ചതി പ്രയോഗത്തിന്റെ ഇരയായ വിഷമത്തിലായിരിക്കാം രാജേന്ദ്രന്‍ വിഷം കഴിച്ചതെന്നാണ് ബന്ധുക്കളും അടുപ്പമുള്ളവരും വിശ്വസിയ്ക്കുന്നത്.

സംഭവത്തില്‍ ആശുപത്രിയില്‍ നിന്നും ലഭിച്ച ഇന്റിമേഷന്റെ അടിസ്ഥാനത്തില്‍ സംഭവത്തില്‍ പ്രാഥമീക അന്വേഷണം നടത്തിയെന്നാണ് പോലീസ് നല്‍കുന്ന സൂചന.രോഗിക്ക് വേണ്ട ചികത്സ ലഭ്യമാക്കുന്നതിന് ബന്ധുക്കളോട് പോലീസ് നിര്‍ദ്ദേശിച്ചിട്ടുമുണ്ട്.

ഉത്തരവാദിത്വപ്പെട്ട ഉദ്യോഗസ്ഥനോട്,കുറച്ച് കാര്യങ്ങള്‍ അറിയിക്കാനുണ്ടെന്ന് രാജേന്ദ്രന്റെ അടുത്ത ബന്ധു അറിയിച്ചെന്നും ഈ അവസരത്തില്‍ ഇപ്പോള്‍ ചികത്സ നടക്കട്ടെ ..ബാക്കി കാര്യങ്ങളെല്ലാം പിന്നീട് എന്ന തരത്തില്‍ ഇദ്ദേഹം പ്രതികരിച്ചെന്നും മറ്റുമുള്ള പ്രചാരണവും നടക്കുന്നുണ്ട്.

ഇതിനിടെ രാജേന്ദ്രന്റെ ഭാര്യ കന്നിയമ്മ വെള്ളത്തൂവല്‍ സര്‍ക്കിള്‍ ഇന്‍സ്‌പെക്ടറുടെ പേരില്‍ എഴുതിയ പരാതിയുടെ കോപ്പി മിക്ക മാധ്യമങ്ങള്‍ക്കും ലഭിച്ചിട്ടുണ്ട്.എന്നാല്‍ ഇങ്ങനെയൊരു പരാതി ഇതുവരെ ലഭിച്ചിട്ടില്ലെന്ന നിലപാടിലാണ് ഇന്നലെ പോലീസ് സ്വീകരിച്ചത്.

ഭൂമാഫിയയുടെ ഇടപെടലിനെത്തുടര്‍ന്ന് പരാതി പോലീസ് മൂടവയ്ക്കുകയായിരുന്നോ എന്ന സംശയവും ഉയരുന്നിട്ടുണ്ട്.

രാജേന്ദ്രന്‍ സി .പി .ഐ .ലോക്കല്‍ കമ്മിറ്റി അംഗവും എ .ഐ .ടി യു .സി .മുന്‍ നേതാവും ആണ് കന്നിയമ്മയുടെ പരാതിയുടെ ഉള്ളടക്കം ചുവടെ..

മുന്‍ എം എല്‍ എ എസ് രാജേന്ദ്രനെതിരെയും ആരോപണം

2020 ല്‍ മന്നാംകണ്ടം വില്ലേജില്‍ അടിമാലി കല്ലുവെട്ടുകുഴിയില്‍ അബ്ദുല്‍ സലാം,ദേവികുളം മുന്‍ എം .എല്‍ .എ .എസ്.രാജേന്ദ്രന്‍ ,സി .പി .ഐ .അടിമാലി മണ്ഡലം സെക്രട്ടറി വിനു സ്‌കറിയ എന്നിവരുടെ നിര്‍ദേശ പ്രകാരം ലക്ഷ്മി പുളിമൂട്ടില്‍ എസ്റ്റേറ്റ് ഭാഗത്ത് ഉദ്ദേശം 35 ഏക്കറോളം ഭൂമി കാട് വെട്ടുന്നതിന് കരാര്‍ എടുത്തിരുന്നു.

ഒരേക്കറിന് മുപ്പതിനായിരം രൂപ നിരക്കിലാണ് ജോലി ഏറ്റെടുത്തത്.വീട്ടുകാരും പണിക്കാരെ കൂട്ടിയും കാട് പൂര്‍ണ്ണമായും വെട്ടി നല്‍കി .കരാര്‍ പ്രകാരം പറഞ്ഞിരുന്ന പത്തരലക്ഷം രൂപ നല്‍കാത്തതിനെ തുടര്‍ന്ന് അതിനു പകരമായി അബ്ദുല്‍ സലാമിന്റെ ഉടമസ്ഥതയിലുള്ള മൂന്നേക്കര്‍ ഭൂമി എഴുതി നല്‍കാമെന്ന വ്യവസ്ഥയില്‍ കരാര്‍ എഴുതിയിരുന്നു.

പിന്നീടാണ് ഈ മൂന്നേക്കറും ഉള്‍പ്പടെ 35 ഏക്കറും , മറ്റൊരാള്‍ക്ക് പാട്ടത്തിനായും അബ്ദുല്‍ സലാം എഴുതി നല്‍കിയ ഭൂമിയും സര്‍ക്കാര്‍ വകയാണെന്ന് അറിയുന്നത്.ഇതേ തുടര്‍ന്ന് സ്ഥലം വേണ്ടെന്നും കൂലിയായി പറഞ്ഞിരുന്ന പത്തരലക്ഷം രൂപ വേണമെന്നും രാജേന്ദ്രന്‍ ആവശ്യപ്പെട്ടു.പിന്നീട് ഇതിന്റെ പേരില്‍ അബ്ദുല്‍ സലാം രാജേന്ദ്രനെ വധിക്കുമെന്ന് ഭീഷണിപ്പെടുത്തുകയും മുന്‍ എം എല്‍ എ എസ് രാജേന്ദ്രന്‍ സമ്മര്‍ദം ചെലുത്തുകയും ചെയ്തു.

കടബാദ്ധ്യതയും ഭീഷിണിയും മൂലം മാനസികമായി തകര്‍ന്നതിനെത്തുടര്‍ന്ന്് വിഷം കഴിച്ചു.ഇപ്പോള്‍ ടാറ്റ ആശുപത്രയില്‍ പ്രവേശിപ്പിച്ചിരിക്കുകയാണ്.ഇക്കാര്യങ്ങളെല്ലാം സി പി ഐ പള്ളിവാസല്‍ ലോക്കല്‍ സെക്രട്ടറി വി എസ് പ്രകാശിന് അറിയാമെന്നും പരാതിയില്‍ സൂചിപ്പിച്ചിട്ടുണ്ട്.

 

Latest news

യാത്രക്കാരുടെ സംതൃപ്തി സർവേയിൽ സിയാലിന് ചരിത്ര നേട്ടം

Published

on

By

നെടുമ്പാശേരി;കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്(സിയാൽ) യാത്രക്കാരുടെ സംതൃപ്തി സർവേയിൽ വിമാനത്താവള ചരിത്രത്തിലെ ഏറ്റവും ഉയർന്ന റാങ്കിംഗ് ലഭിച്ചു.

ആഗോളതലത്തിൽ വിമാനത്താവള പ്രവർത്തനങ്ങൾ ഏകീകരിക്കുന്ന എയർപോർട്ട് കൗൺസിൽ ഇന്റർനാഷണൽ (എ സി ഐ ) നടത്തിയ യാത്രക്കാരുടെ സംതൃപ്തി സർവേയിലാണ് സിയാൽ 5ൽ 4.99 എന്ന സ്‌കോർ നേടി, അഭിമാനാർഹമായ നേട്ടം സ്വന്തമാക്കിയത്.

വിമാനത്താവളത്തിന്റെ 23 വർഷത്തെ ചരിത്രത്തിലെ ഏറ്റവും ഉയർന്ന സ്‌കോറാണിത്.2022ലെ ആദ്യ പാദത്തിൽ ലോകത്തിലെ 244 വിമാനത്തലവളങ്ങളിലാണ് എ സി ഐ സർവ്വേ നടത്തിയത്.

വിമാനത്താവങ്ങളിലെ പുറപ്പെടൽ യാത്രക്കാർക്ക് ഒരുക്കിയിരിക്കുന്ന സൗകര്യങ്ങളും ടെർമിനലുകളിലെ വൃത്തിയുമെന്നയിരുന്നു ആദ്യപാദ സർവേയിലെ പ്രധാന വിഷയങ്ങൾ.എല്ലാ വിമാന സർവീസുകളുടെയും വിവിധ പ്രായ വിഭാഗത്തിൽപെടുന്നവരുടെയും പ്രാതിനിധ്യം ഉറപ്പാക്കി എ സി ഐ വിശദമായി നടത്തുന്ന സർവേയാണിത്.

5 പ്രധാന മാനദണ്ഡങ്ങളെ അടിസ്ഥാനമാക്കിയാണ് സർവ്വേ നടത്തിയത്ത്.എയർപോർട്ട് ശുചിത്വം,സുരക്ഷ സംവിധാനങ്ങൾ,വാഷ്റൂം-ടോയ്ലറ്റുകളുടെ ലഭ്യത,ഗേറ്റ് ഏരിയകളിലെ വിശ്രമ സൗകര്യം,എയർപോർട്ടിൽ എത്താനുള്ള മാർഗ്ഗം തുടങ്ങിയവനായിരുന്നു മാനദണ്ഡങ്ങൾ.

സിയാലിന്റെയും അനുബന്ധ എജൻസികളുടെയും ഒറ്റക്കെട്ടായ പ്രവർത്തനമാണ് കൊച്ചി വിമാനത്താവളത്തിന്റെ ഉയർന്ന റാങ്ക് ലഭിക്കാൻ കാരണമെന്ന് സിയാൽ മാനേജിംഗ് ഡയറക്ടർ എസ്.സുഹാസ് പറഞ്ഞു.

 

Continue Reading

Latest news

നെല്ലിക്കുഴി കവർച്ച;ഷാജഹാൻ പടിയിൽ,കൃത്യം നടത്തിയത് കണ്ണൂർ ജിയിലിൽ നിന്നും മോചിതനായതിന് പിന്നാലെ

Published

on

By

കോതമംഗലം;സൂപ്പർ മാർക്കറ്റ് കുത്തി തുറന്ന് പണം അപഹരിച്ച കേസിൽ ഒരാൾ പിടിയിൽ.

ഇരമല്ലൂർ നെല്ലിക്കുഴി പൂമറ്റം കവലയിൽ തേലക്കാട്ട് വീട്ടിൽ ഷാജഹാൻ (45) ആണ് കോതമംഗലം പോലീസിന്റെ പിടിയിലായത്. കഴിഞ്ഞ മാസം നെല്ലിക്കുഴിയിലെ സൂപ്പർ മാർക്കറ്റിന്റെ ഷട്ടർ കുത്തി തുറന്ന് കൗണ്ടറിൽ ഉണ്ടായിരുന്ന പണം കവർന്ന് രക്ഷപെടുകയായിരുന്നു.

പ്രത്യേക സംഘം രൂപീകരിച്ച് പോലീസ് നടത്തിയ നീക്കത്തിലാണ് പെരുമ്പാവൂരിൽ നിന്നും ഷാജഹാൻ പിടിയിലായത്. സംസ്ഥാനത്തെ വിവിധ പോലീസ് സ്റ്റേഷനുകളിലെ മോഷണകേസുകളിൽ ഇയാൾ പ്രതിയാണ്.

മോഷണ കുറ്റത്തിന് ശിക്ഷിക്കപ്പെട്ട് കണ്ണൂർ സെൻട്രൽ ജയിലിൽ ആയിരുന്ന ഷാജഹാൻ കഴിഞ്ഞ മാസം ശിക്ഷ കഴിഞ്ഞ് ഇറങ്ങിയിരുന്നു.ജയിലിൽ നിന്നിറങ്ങി ദിവസങ്ങൾക്കുള്ളിലാണ് ഇയാൾ നെല്ലിക്കുഴിയിൽ കവർച്ച നടത്തിയത്.

അന്വേഷണ സംഘത്തിൽ ഇൻസ്‌പെക്ടർ അനീഷ് ജോയ്, എസ്.ഐ മാരായ കെ.എസ്.ഹരിപ്രസാദ്, അജി, എ.എസ്.ഐ മാരായ കെ.എം.സലിം. എം.എം.റജി, എസ്.സി.പി.ഒ മാരായ റ്റി.ആർ.ശ്രീജിത്ത്, നിജാസ്, നിഷാന്ത് കുമാർ, നിയാസ് മീരാൻ എന്നിവരാണ് ഉണ്ടായിരുന്നത്.

 

Continue Reading

Latest news

ലൈല മരണപ്പെട്ടത് വിഷബാധ മൂലം ; അലിമുത്തിന്റെ മൊഴിയിൽ പൊരുത്തക്കേട്; ദരൂഹതയകറ്റാൻ പോലീസ് ഇടപെടൽ ശക്തം

Published

on

By

കോതമംഗലം; വീട്ടിൽ അവശനിലയിൽ കാണപ്പെട്ട യുവതി മരിച്ചത് ശക്തിയേറിയ വിഷം ഉള്ളിച്ചെന്നിട്ടെന്ന് പോസ്റ്റ്‌മോർട്ടത്തിൽ സൂചന.ദൂരൂഹത അകറ്റാൻ പോലീസ് ഇടപെടൽ ശക്തം.

നേര്യമംഗലം മുഞ്ചക്കൽ ഇബ്രാഹിമിന്റെ മകൾ ലൈലയാണ് മരണപ്പെട്ടത്. ഞായറാഴ്ച വൈകിട്ട് 5 മണിയോടെ ലൈലയെയും ബന്ധുവെന്ന് പറയപ്പെടുന്ന അലിമുത്തിനെയും നെല്ലിമറ്റത്തെ വാടകവീട്ടിൽ അവശനിലയിൽ കണ്ടെത്തുകയായിരുന്നു.

ഊന്നുകൽ പോലീസെത്തി ഇവരെ ആശുപത്രിയിൽ എത്തിക്കുകയുമായിരുന്നു.ലൈല താമസിയാതെ മരണപ്പെട്ടു.അലിമുത്ത് കളമശേരി മെഡിക്കൽ കോളേജിൽ ചികത്സയിലാണ്.

ഇന്നലെ ലൈയുടെ മൃതദ്ദേഹം ഇന്നലെ പോസ്റ്റുമോർട്ടം നടത്തി.ശക്തിയേറിയ വിഷം ഉള്ളിൽച്ചന്നതെന്നത് മൂലമാണ്് മരണപ്പെട്ടതെന്നാണ് പ്രാഥമീക പോസ്റ്റുമോർട്ടം റിപ്പോർട്ടിലെ സൂചന.

കൽക്കണ്ടം പൊടിച്ച് കഴിച്ചിരുന്നെന്നും തുടർന്നാണ് അവശരായതെന്നും അലിമുത്ത് പോലീസിനോട് വ്യക്തമാക്കിയിരുന്നു.കൽക്കണ്ടത്തിൽ നിന്നും വിഷബാധയുണ്ടാവാൻ സാധ്യതയില്ലന്നാണ് പോലീസ് നിഗമനം.സംഭവത്തിൽ കൂടുതൽ അന്വേഷണം ആവശ്യമാണെന്നും രാസപരിശോധന ഫലം കൂടി ലഭ്യമായാലെ കൃത്യാമായ വിവരങ്ങൾ വ്യക്തമാവു എന്നാണ് പോലീസ് പറയുന്നത്.

 

Continue Reading

Trending

instagram volgers kopen volgers kopen buy windows 10 pro buy windows 11 pro

error: