Latest news
ആവശ്യക്കാര്ക്ക് വാതില്പ്പടിയില് എംഡിഎംഎ എത്തിച്ചുനല്കും, കറക്കം ന്യൂജെന് ബൈക്കില് ;കാക്കനാട് സ്വദേശി അറസ്റ്റില്
കൊച്ചി: ന്യൂജനന് ബൈക്കില് ചീറിപ്പാഞ്ഞെത്തി മയക്കുമരുന്നുകള് ഡോര് ഡെലിവറി നടത്തി വന്നിരുന്ന യുവാവ് എക്സൈസിന്റെ പിടിയില്.
കാക്കനാട് പടമുഗള് പാലച്ചുവട് സ്വദേശി ചേലക്കപ്പറമ്പില് വീട്ടില് മുനീര് സി.ഐ (29) യാണ്് എറണാകുളം എന്ഫോഴ്സ്മെന്റ് അസ്സി. കമ്മീഷണറുടെ സ്പെഷ്യല് ആക്ഷന് ടീം, എക്സൈസ് ഇന്റലിജന്സ്, എറണാകുളം സിറ്റി റേഞ്ച് എക്സൈസ് എന്നിവരുടെ സംയുക്ത നീക്കത്തില് പിടിയിലായത്.
ഇയാളുടെ പക്കല് നിന്ന് പാര്ട്ടി ഡ്രഗ് എന്ന് വിളിപ്പേരുള്ള 3.5 ഗ്രാം എംഡിഎംഎ കണ്ടെടുത്തു.കാക്കനാടും പരിസര പ്രദേശങ്ങളിലും ഫ്ലാറ്റുകള്, അപ്പാര്ട്ട്മെന്റുകള് എന്നിവ ഉള്പ്പെടെയുള്ള താമസസ്ഥലങ്ങളില് ഓര്ഡര് അനുസരിച്ച് മയക്ക്മരുന്ന് എത്തിച്ച് നല്കിവരുകയായിരുന്നു.
മയക്കുമരുന്ന് ഇടപാടിന് ഉപയോഗിച്ചിരുന്ന ഇയാളുടെ സ്മാര്ട്ട് ഫോണും ന്യൂജനറേഷന് ബൈക്കും എക്സൈസ് കസ്റ്റഡിയില് എടുത്തു.
ആറ് മാസത്തിന് മുന്പ് അടിമാലിയില് വച്ച് ചെറിയ അളവിലുള്ള മയക്ക് മരുന്നുമായി അടിമാലി റേഞ്ച് എക്സൈസ് ഇയാളെ പിടികൂടിയിരുന്നു.ചെറിയ അളവിനെ തുടര്ന്ന് ഇയാള്ക്ക് ജാമ്യം ലഭിക്കുകയും ഈ കേസ്സില് അടുത്തിടെ പിഴത്തുക കോടതിയില് കെട്ടി വയ്ക്കുകയും ചെയ്തിരുന്നു.
ഇയാളെ തുടര്ന്നും നീരീക്ഷിക്കുന്നതിന് വേണ്ടി അസി. കമ്മീഷണറുടെ മേല്നോട്ടത്തിലുള്ള സ്പെഷ്യല് അക്ഷന് ടീമിനേയും എക്സൈസ് ഇന്റലിജന്സ് വിഭാഗത്തിനേയും ചുമതലപ്പെടുത്തിയിരുന്നു.
ഇതെ തുടര്ന്ന് എക്സൈസ് ഷാഡോ ടീമിന്റെ നിരീക്ഷത്തിലായിരുന്ന ഇയാള് വീണ്ടും മയക്ക് മരുന്ന് ഇടപാടുകള് നടത്തുന്നതായി കണ്ടെത്തുകയായിരുന്നു.
കാക്കനാട് പടമുഗള് ബസ്റ്റോപ്പിന് സമീപം മയക്കുമരുന്ന് കൈമാറുന്നതിന് ഇടപാടുകാരെ കാത്ത് ന്യൂജനറേഷന് ബൈക്കില് ഇരിക്കുകയായിരുന്ന ഇയാളെ എക്സൈസ് സംഘം കൈയ്യോടെ പിടികൂടുകയായിരുന്നു.
ഇയാളില് നിന്ന് നിരവധി പേര് മയക്കുമരുന്ന് വാങ്ങി ഉപയോഗിച്ചതായി സൂചനയുണ്ട്.ഗ്രാമിന് 3000 രൂപ നിരക്കില് വില്പ്പന നടത്തിവരുകയായിരുന്നു.പാര്ട്ടി ഡ്രഗ്ഗ് എന്നും മെത്ത് എന്നും അറിയപ്പെടുന്ന ഈ രാസലഹരി ഉപയോഗിച്ചാല് ഏകദേശം 8 മണിക്കൂര് മുതല് 12 മണിക്കൂര് വരെ ഉന്മാദാവസ്ഥയില് തുടരും.
ഇത്തരത്തിലുള്ള ലഹരി ഉപയോഗിക്കുന്നത് ആര്ക്കും തിരിച്ചറിയുവാന് കഴിയില്ല എന്നതും ഉപയോഗിക്കുവാനുള്ള എളുപ്പവുമാണ് ആളുകളെ ഇതിലേക്ക് ആകര്ഷിക്കുന്നത്.
ഇത് ഉപയോഗിച്ച് തുടങ്ങിയാല് ഇതില് കുറഞ്ഞ മറ്റൊരു ലഹരിയിലേയക്ക് ഇറങ്ങി ചെല്ലുവാന് കഴിയില്ലായെന്നത് ഇതിന്റെ വലിയൊരു അപകടാവസ്ഥയായി വിദഗ്ധര് ചൂണ്ടി കാണിക്കുന്നു.
ഇതിന്റെ ഉപയോഗ ക്രമം പാളിയാല് അമിത രക്ത സമ്മര്ദ്ദത്തെ തുടര്ന്ന് ഹൃദയാഘാതം സംഭവിക്കുവാന് ഇടയാക്കുന്നതാണെന്നാണ് വിദഗ്ധ ഭാഷ്യം.ഈ ഇനത്തില്പ്പെട്ട സിന്തറ്റിക് ഡ്രഗ്ഗ് അര ഗ്രാമില് കൂടുതല് കൈവശം വച്ചാല് 10 വര്ഷത്തെ കഠിന തടവും ഒരു ലക്ഷം രൂപ വരെ പിഴയും കിട്ടാവുന്ന കുറ്റമാണ്.
ഇയാളുടെ മയക്കുമരുന്ന് ഇടപാടുകളെക്കുറിച്ച് സമഗ്രമായ അന്വേഷണം നടത്തുമെന്നും കുറ്റക്കാര്ക്കെതിരെ കര്ശന നടപടി സ്വീകരിക്കുമെന്നും ഈ മയക്ക് മരുന്നിന്റെ ഉറവിടത്തെക്കുറിച്ച് വ്യക്തമായ വിവരങ്ങള് ലഭ്യമായിട്ടുണ്ടെന്നും കൂടുതല് അറസ്റ്റ് ഉടന് ഉണ്ടാകുമെന്നുംഅധികൃതര് അറിയിച്ചു.
എറണാകുളം റേഞ്ച് ഇന്സ്പെക്ടര് ഗിരീഷ് കുമാര്, ഇന്റലിജന്സ് പ്രിവന്റീവ് ഓഫീസര് എന് ജി അജിത് കുമാര്, കെ. ജയലാല് , സിറ്റി മെട്രോ ഷാഡോ സിഇഒ എന്.ഡി. ടോമി, സിഇഒ എന്.എം മഹേഷ്, ജെ സാജന് , ഡ്രൈവര് പ്രവീണ് പി സി എന്നിവര് ഉള്പ്പെട്ട സംഘമാണ് പ്രതിയെ കസ്റ്റഡിയില് എടുത്തത്.കോടതിയില് ഹാജരാക്കി, റിമാന്റ് ചെയ്തു.
Latest news
കെഎസ്ആര്ടിസി ബസ് തടഞ്ഞ സംഭവം; മേയര് ആര്യ രാജേന്ദ്രനെതിരെ കേസെടുക്കാതെ പോലീസ്
തിരുവനന്തപുരം ; കെഎസ്ആർടിസി ബസ് തടഞ്ഞ സംഭവത്തില് മേയർ ആര്യ രാജേന്ദ്രനെതിരെ ഡ്രൈവർ യദു നല്കിയ പരാതിയില് കേസെടുക്കാതെ കന്റോണ്മെന്റ് പൊലീസ്. മേയർ ആര്യ രാജേന്ദ്രൻ സഞ്ചരിച്ച കാർ കെഎസ്ആർടിസി ബസ് തടയുകയും ഗതാഗത തടസം ഉണ്ടാക്കുകയും ചെയ്തതിന്റെ സിസിടിവി ദൃശ്യങ്ങള് പുറത്ത് വന്നിട്ടും പോലീസ് ഇതുവരെ കേസെടുക്കാൻ തയ്യാറായിട്ടില്ല.
മേയറുടെ പരാതി പ്രതിരോധിക്കാനാണ് ഡ്രൈവർ പരാതി നല്കിയതെന്നാണ് പൊലീസ് പറയുന്നത്. ഡ്രൈവർ മോശമായി പെരുമാറിയതിനാലാണ് മേയർ ഇടപെട്ടതെന്നും പൊലീസ് വ്യക്തമാക്കിയിട്ടുണ്ട്. എന്നാല്, തന്റെ ഡ്യൂട്ടി തടസപ്പെടുത്തിയതിനു ഹൈക്കോടതിയെ സമീപിക്കാനാണ് ഡ്രൈവർ യദുവിന്റെ നീക്കം.
മേയർക്കും എംഎല്എയ്ക്കും എതിരെ കേസെടുക്കാത്തതിന് എതിരെയും തനിക്കുണ്ടായ മാനനഷ്ടത്തിനും കേസ് ഫയല് ചെയ്യാനൊരുങ്ങുകയാണ് യദു.യദുവിനെ ജോലിയില് നിന്ന് പിരിച്ചുവിടേണ്ടെന്നും തല്ക്കാലത്തേക്ക് മാറ്റി നിർത്താനുമാണ് ഗതാഗത വകുപ്പിന്റെ തീരുമാനം.പിരിച്ചുവിട്ടാല് ജീവനക്കാർക്കിടയില് വ്യാപക പ്രതിഷേധം ഉണ്ടാകുമെന്നനിഗമനത്തിലാണ് ഗതാഗത വകുപ്പ്.
Latest news
ജോലിസ്ഥലത്തേയ്ക്ക് പുറപ്പെട്ട എസ് ഐയെ കാണാനില്ല; പോത്താനിക്കാട് പോലീസ് കേസെടുത്തു,തിരച്ചില് ഊര്ജ്ജിതം
കോതമംഗലം; ജോലിയ്ക്കായി വീട്ടില് നിന്നും പുറപ്പെട്ട പോലീസ് ഉദ്യോഗസ്ഥനെ കാണാനില്ല.
കോതമംഗലം സ്റ്റേഷനിലെ ഗ്രേഡ് എസ് ഐ പൈങ്ങോട്ടൂര് മാമുട്ടത്തില് ഷാജി പോളി(53)നെയാണ് കാണാതായിട്ടുള്ളത്.
ഇന്നലെ രാവിലെ ജോലിയ്ക്കായി വീട്ടില് നിന്നറങ്ങിയ ഇദ്ദേഹം സ്റ്റേഷനില് എത്തിയിരുന്നില്ല.വൈകിട്ടോടെ വീട്ടുകാരും സഹപ്രവര്ത്തകരും ചേര്ന്ന് ഇദ്ദേഹത്തെ കണ്ടെത്താന് തിരച്ചില് ആരംഭിച്ചിരുന്നു.
ഇന്ന് ഉച്ചവരെ വിവരം ഒന്നും ലഭിച്ചില്ല.സംഭവത്തില് പോത്താനിക്കാട് പോലീസ് മിസിംഗ് കേസ് രജിസ്റ്റര് ചെയ്തിട്ടുണ്ട്.എസ്ഐക്ക് വീട്ടില് നിന്നും മാറി നില്ക്കേണ്ടതായി ഒരു പ്രശ്നവും ഇല്ലന്നാണ് പോലീസിന്റെ പ്രാഥമീക അന്വേഷണത്തില് വ്യക്തമായിട്ടുള്ളത്.
Latest news
രാജ്യത്ത് പാചകവാതക സിലിണ്ടറിന്റെ വില കുറഞ്ഞു
ഡൽഹി ; രാജ്യത്ത് ലോക്സഭാ തിരഞ്ഞെടുപ്പ് നടക്കുന്നതിനിടെ തുടർച്ചയായ രണ്ടാം മാസവും എല്പിജി സിലിണ്ടറുകളുടെ വില കുറച്ച് എണ്ണ വിപണന കമ്പിനികൾ.
ഡല്ഹി മുതല് മുംബൈ വരെ സിലിണ്ടർ വിലയില് 19-20 രൂപ വരെ കുറഞ്ഞു. അതേസമയം, ഗാർഹിക ആവശ്യത്തിന് ഉപയോഗിക്കുന്ന 14.2 കിലോഗ്രാം എല്പിജി സിലിണ്ടറിൻ്റെ വിലയില് ഇത്തവണയും മാറ്റമില്ല.
പുതിയ സിലിണ്ടർ വിലകള് ഐഒസിഎല് വെബ്സൈറ്റില് അപ്ഡേറ്റ് ചെയ്തിട്ടുണ്ട്. പുതുക്കിയ വില 2024 മെയ് 1 മുതല് പ്രാബല്യത്തില് വന്നു.
എണ്ണ വിപണന കമ്ബനിയായ ഇന്ത്യൻ ഓയിലിൻ്റെ വെബ്സൈറ്റ് അനുസരിച്ച്, മെയ് 1 മുതല് രാജ്യ തലസ്ഥാനമായ ഡല്ഹിയില് 19 കിലോഗ്രാം വാണിജ്യ ഗ്യാസ് സിലിണ്ടറിൻ്റെ വില 19 രൂപ കുറച്ചു. ഇപ്പോള് 1764.50 രൂപയുണ്ടായിരുന്ന സിലിണ്ടർ 1745.50 രൂപയ്ക്ക് ലഭിക്കും.
അതുപോലെ, മുംബൈയില് വാണിജ്യ എല്പിജി സിലിണ്ടറിൻ്റെ വില 1717.50 രൂപയില് നിന്ന് 1698.50 രൂപയായി കുറഞ്ഞു. ചെന്നൈയിലും ഈ സിലിണ്ടറിന് 19 രൂപ കുറഞ്ഞു, വില 1930 രൂപയില് നിന്ന് 1911 രൂപയായി കുറഞ്ഞിട്ടുണ്ട്.
എന്നാല് കൊല്ക്കത്തയില് വാണിജ്യ സിലിണ്ടറിന് ഒരു രൂപ കൂടി അതായത് 20 രൂപ കുറഞ്ഞു. ഇതുവരെ 1879 രൂപയ്ക്ക് വിറ്റിരുന്ന സിലിണ്ടറിന് 1859 രൂപയായി.
Latest news
ചന്ദ്രഹാസൻ വടുതല വിരമിച്ചു
കൊച്ചി ; ഇൻഫർമേഷൻ പബ്ലിക് റിലേഷൻസ് വകുപ്പ് എറണാകുളം മേഖലാ ഡെപ്യൂട്ടി ഡയറക്ടർ ചന്ദ്രഹാസൻ വടുതല സർവീസിൽ നിന്ന് വിരമിച്ചു.
എറണാകുളം വടുതല സ്വദേശിയായ അദ്ദേഹം എറണാകുളം ജില്ലാ ഇൻഫർമേഷൻ ഓഫീസിൽ അസിസ്റ്റൻ്റ് ഇൻഫർമേഷൻ ഓഫീസറായാണ് ഔദ്യാഗിക ജീവിതം ആരംഭിച്ചത്. പത്തനംതിട്ട, ആലപ്പുഴ ജില്ലകളിൽ ഇൻഫർമേഷൻ ഓഫീസറായും കാക്കനാട് മീഡിയ അക്കാദമി സെക്രട്ടറിയായും പ്രവർത്തിച്ചു.
പത്രപ്രവർത്തന രംഗത്തു നിന്നാണ് അദ്ദേഹം പബ്ലിക് റിലേഷൻസ് വകുപ്പിലെത്തുന്നത്. മുൻ രാജ്യസഭാ എംപിയും എഴുത്തുകാരനും പബ്ലിക് റിലേഷൻസ് വകുപ്പ് അഡീഷണൽ ഡയറക്ടറുമായിരുന്ന ടി.കെ.സി. വടുതലയുടെ മകനാണ്. ഭാര്യ ശ്രീകല. മക്കൾ ശ്രീചന്ദന, ശ്രീനന്ദന.
കാക്കനാട് ഡെപ്യൂട്ടി ഡയറക്ടർ ഓഫീസിൽ ചേർന്ന യാത്രയയപ്പ് യോഗത്തിൽ പി ആർ ഡി തൃശൂർ ഡെപ്യൂട്ടി ഡയറക്ടർ വി ആർ സന്തോഷ്, എറണാകുളം ജില്ല ഇൻഫർമേഷൻ ഓഫീസർ എൻ ബി ബിജു, ആലപ്പുഴ ജില്ലാ ഇൻഫർമേഷൻ ഓഫീസർ കെ എസ് സുമേഷ്, അസിസ്റ്റന്റ് എഡിറ്റർ സി.ടി ജോൺ, ആലപ്പുഴ, പത്തനംതിട്ട, എറണാകുളം ഓഫീസുകളിലെ അസിസ്റ്റന്റ് ഇൻഫർമേഷൻ ഓഫീസർമാരായ സൗമ്യ ചന്ദ്രൻ, എ ടി രമ്യ, എം എൻ സുനിൽകുമാർ എന്നിവരും ഡെപ്യൂട്ടി ഡയറക്ടർ ഓഫീസ്, എറണാകുളം, ആലപ്പുഴ ജില്ലകളിലെ ഇൻഫർമേഷൻ ഓഫീസ് ജീവനക്കാരും പങ്കെടുത്തു.
Latest news
ചെന്നൈയിലെ മലയാളിയായ റെയിൽവേ ഗാർഡിനെ ആക്രമിച്ച കേസിൽ പ്രതി പിടിയിൽ
ചെന്നൈ; മലയാളി വനിതായായ റെയില്വേ ഗാര്ഡിനെ ആക്രമിച്ച 17 വയസ്സുകാരന് മധുരയില് പിടിയിൽ. പരുക്കേറ്റ കൊല്ലം കടവൂര് താമസിക്കുന്ന ഗീതാസില് രാഖി (23) ആണ് ആക്രമണമേടറ്റത്. അപകടനില തരണം ചെയ്തതായി റെയില്വേ അധികൃതര് അറിയിച്ചു. അക്രമി സംഘത്തിലെ മറ്റൊരാള്ക്കായി പൊലീസ് അന്വേഷണം വ്യാപിപ്പിച്ചു.
തിങ്കളാഴ്ച ഉച്ചയ്ക്ക് ഡിണ്ടിഗലില് നിന്ന് തിരുനെല്വേലിയിലേക്കു പോയ ഗുഡ്സ് ട്രെയിനിന്റെ ഗാര്ഡായിരുന്നു രാഖി. മധുര കുടല്നഗറില് ട്രെയിന് സിഗ്നല് കാത്തു കിടക്കവെ, 2 പേര് കോച്ചില് കയറി രാഖിയുടെ സ്വര്ണമാലയും ബാഗും മൊബൈല് ഫോണും കവരാന് ശ്രമിക്കുകയായിരുന്നു.
എതിര്ത്തതോടെ കത്തി ഉപയോഗിച്ച് ആക്രമിച്ച് ഫോണും പണവുമുള്ള ബാഗുമായി കടന്നു.ആക്രമണത്തില് തലയ്ക്കു പരുക്കേറ്റ രാഖിയുടെ നിലവിളി കേട്ടെത്തിയ ജീവനക്കാര് മധുരയിലെ റെയില്വേ ആശുപത്രിയില് പ്രവേശിപ്പിക്കുകയായിരുന്നു.
മദ്യപിക്കാനുള്ള പണത്തിനു വേണ്ടിയാണ് പ്രായപൂര്ത്തിയാകാത്ത സംഘം ഗാര്ഡിനെ ആക്രമിച്ചതാണെന്നാണു പൊലീസ് നിഗമനം
-
Latest news4 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news4 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news2 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്
-
Latest news4 weeks ago
അമ്മുമ്മയും കൊച്ചുമകളും മുങ്ങി മരിച്ചു: സംഭവം മുവാറ്റുപുഴ രണ്ടാർകരയിൽ , പെൺകുട്ടിയുടെ നില ഗുരുതരം
-
Local News4 weeks ago
ബാറ്ററി മോഷണം, പ്രതി പിടിയിൽ