അടിമാലി;വിഷം കഴിച്ച് മലമുകളിൽ അവശനിലയിൽ കിടന്നിരുന്നു യുവാവിനെ കണ്ടെത്തി,ദുർഘട പാതയിലൂടെ ചുമന്ന് ആശുപത്രിയിൽ എത്തിച്ച് ജീവൻ രക്ഷിച്ചു.അടിമാലി പോലീസിന് കൊടുക്കാം ഒരു ബിഗ് സല്യൂട്ട്.

ആയിരം ഏക്കർ സ്വദേശീയായ 22 കരാന്റെ ജീവനാണ് പോലീസിന്റെ സമയോജിത ഇടപെടൽ മൂലം രക്ഷപെട്ടത്.അടിമാലി താലൂക്ക് ആശുപത്രിയിൽ പ്രഥമീക ചികത്സ ലഭ്യമാക്കിയ ശേഷം വിദഗ്ധ ചികത്സയ്ക്കായി ആലുവ രാജഗിരി ആശുപത്രയിലേയ്ക്ക്് മാറ്റിയ യുവാവ് അപകടനില തരണം ചെയ്തതായിട്ടാണ് പോലീസിന് ലഭിച്ചിട്ടുള്ള വിവരം.

ശനിയാഴ്ച വൈകിട്ട് 6 മണിയോടെ ആയിരം ഏക്കർ സ്വദേശിയും മകനും അടിമാലി പോലീസ് സ്‌റ്റേഷനിൽ എത്തി സഹായം തേടുകയായിരുന്നു.മൂത്തമകൻ 4 മണിയോടെ ബൈക്കുമായി വീട്ടിൽ നിന്നിറങ്ങിയെന്നും ആറുമണിയോടടുത്ത് മൊബൈലിൽ വിളിച്ചപ്പോൾ വിഷം കഴിച്ചിട്ടുണ്ടെന്ന് അറിയിച്ചെന്നും എവിടെയാണ് ചോദിച്ചിട്ട് പ്രതികരിച്ചില്ലന്നും പിതാവ് വെളിപ്പെടുത്തുകയായിരുന്നു.

അന്വേഷണം എവിടെ തുടങ്ങണമെന്ന് എത്തുംപിടിയുമില്ലാതിരുന്ന സമയത്താണ് 6 മണിയോടുത്ത് യുവാവ് സാമൂഹിക മാധ്യമത്തിൽ പങ്കുവച്ച് വീഡിയോ പോലീസിന്റെ ശ്രദ്ധയിൽപ്പെടുന്നത്.

നാടിനോടുള്ള തന്റെ ഇഷ്ടം തുറന്നുപറയുന്ന വീഡിയോയിരുന്നു അത്.ലോകത്ത് മറ്റെവിടെക്കാളും തനിക്ക് സന്തോഷം നൽകുന്നത് സ്വന്തം നാടാണെന്നും അതുകൊണ്ടാണ് പ്രൊഫൈലുകളിൽ നാടിന്റെ പേരുകൂടി ഉൾപ്പെടുത്തിയിട്ടുള്ളതെന്നും മറ്റും യുവാവ് വിഷമത്തോടെ വിഡിയോയിൽ പറയുന്നുണ്ട്.

വീഡിയോ സൂക്ഷമമായി പരിശോധിച്ചപ്പോൾ നന്നായി കാറ്റുള്ള പ്രദേശത്തുനിന്നാണ് ചിത്രീകരിച്ചിട്ടുള്ളതെന്ന് വ്യക്തമായി.തുടർന്ന് ഒരുനിമഷം പോലും പഴാക്കാതെ ലക്ഷമി എസ്‌റ്റേറ്റിലെ മലമുകളിലേയ്ക്ക് പോലീസ് വാഹനം പുറപ്പെട്ടു.

സ്ഥലത്തെത്തി നടത്തിയ തിരച്ചിലിൽ യുവാവിനെ കണ്ടെത്താനായില്ല.ഇതോടെ ദൗത്യസംഘം അൽപ്പം നിരാശയിലായി.കൂമ്പൻപാറയ്ക്കടുത്തുള്ള പെട്ടിമുടി വ്യൂപോയിന്റും സമാന സാഹചര്യമുള്ള പ്രദേശമാണെന്ന വിലയിരുത്തലിൽ,തിരച്ചിൽ അവിടേയ്ക്കും വ്യാപിപ്പിക്കാൻ പോലീസ് സംഘം തീരുമാനിച്ചു.

വാഹനം എത്തുന്ന സ്ഥലത്തുനിന്നും ഒന്നര കിലോമീറ്ററീലേറെ ദുർഘടപാത താണ്ടി വേണം മലമുകളിൽ എത്താൻ എന്നതായിരുന്നു ഇവിടെ പോലീസ് സംഘത്തെ കാത്തിരുന്ന പ്രധാന വെല്ലുവിളി.

സഹായത്തിനായി യുവാവിന്റെ അയൽവാസികളിൽ ചിലരും പോലീസിനൊപ്പം എത്തിയിരുന്നു.ഇതിനടയിൽ യുവാവിന്റെ സഹോദരനും സുഹൃത്തും ബൈക്കിൽ ചുറ്റിക്കറങ്ങി മറ്റൊരുവഴിക്കും അന്വേഷണം നടത്തുന്നുണ്ടായിരുന്നു.

വ്യൂപോയിന്റിന് താഴെ വാഹനം എത്തിയപ്പോൾ തന്നെ പാതയോരത്ത് ഒരു ബൈക്ക് ഇരിക്കുന്നതായി പോലീസ് സംഘത്തിന്റെ ശ്രദ്ധയിൽപ്പെട്ടു.ഇതോടെ യുവാവ് മലമുകളിൽ ഉണ്ടാവാമെന്ന് പോലീസ് സംഘം ഏറെക്കുറെ ഉറപ്പിച്ചു.പിന്നാലെ ഓടിയും നടന്നുമൊക്കെ പരമാവധി വേഗത്തിൽ പോലീസ് സംഘവും കൂടെയുണ്ടായിരുന്നവരും മലയുടെ മുകളിലെത്തി.

മലമുകളിൽ നടത്തിയ തിരച്ചിലിൽ അവശനിലയിൽ യുവാവിനെ കണ്ടെത്തി.തുടർന്ന് പോലീസുകാരും ഒപ്പമുണ്ടായിരുന്നവരും ചേർന്ന് ചുമന്ന് ,ഏറെ ക്ലേശപ്പെട്ട് വാഹനം കിടക്കുന്ന പ്രദേശത്ത് എത്തിയ്ക്കുകയും രാത്രി 9.30 തിനോടടുത്ത് അടിമാലി താലൂക്ക് ആശുപത്രിയിൽ എത്തിയ്ക്കുകയുമായിരുന്നു.

വ്യത്യസ്തവും ആകർഷകവുമായ കണ്ടുപിടുത്തങ്ങൾ നടത്തിയിട്ടുള്ള യുവാവ് ഇതിനകം നിരവധി പുരസ്‌കാരങ്ങളും സ്വന്തമാക്കിയിരുന്നു.ഇതുവഴി പോലീസുകാരിൽ ചിലർക്കും യുവാവിനെ മുൻപരിചയം ഉണ്ടായിരുന്നു.

തമിഴ്‌നാട്ടിലെ ജോലിസ്ഥലത്ത് വച്ച് സ്ഥലവാസികളായ ചിലർ നിരന്തം ഭീഷിണിപ്പെടുത്തിയിരുന്നെന്നും ഇതെത്തുടർന്നുള്ള മാനസീക പീഡനം താങ്ങനാവാതെയാണ് യുവാവ് വിഷം കഴിച്ചതെന്നാണ് പോലീസിന്റെ പ്രാഥമീക അന്വേഷണത്തിൽ വ്യക്തമായിട്ടുള്ളത്.

സി ഐ ക്ലീറ്റസ് കെ ജോസ്, എസ് ഐ മാരായ ജൂഡി റ്റി പി ,എസ് സി പി ഒ അജിത്,സിപിഒ ദീപു എന്നിവർ രക്ഷാദൗത്യത്തിന് നേതൃത്വം നൽകി.

1 / 1

❮ ❯