Connect with us

Latest news

വേമ്പനാട്ട് കായല്‍ നീന്തിക്കടക്കുന്ന ആദ്യത്തെ പ്രായം കുറഞ്ഞ പെണ്‍കുട്ടിയായി ഗായത്രി പ്രവീണ്‍; 6 വയസ്സുകാരി നീന്തിയത് 4.5 കിലോമീറ്റര്‍

Published

on

വൈക്കം;6 വയസുകാരി നീന്തിക്കടന്നത് റിക്കോര്‍ഡിലേയ്ക്ക്.കോതമംഗലം പുതുപ്പാടി കനേഡിയന്‍ സെന്‍ട്രല്‍ സ്‌കൂളിലെ ഒന്നാം ക്ലാസ് വിദ്യാര്‍ത്ഥിനി ഗായത്രി പ്രവീണ്‍ ആണ് വേമ്പനാട്ട് കായലിലെ ഏറ്റവും വീതികൂടിയ ഭാഗം നീന്തിക്കടന്ന് റിക്കോര്‍ഡിട്ടത്.

വാരപ്പെട്ടി ഇളങ്ങവം പുളിക്കാംകുന്നത് പ്രവീണ്‍-ചിഞ്ചു ദമ്പതികളുടെ മകളാണ് ഗായത്രി പ്രവിണ്‍.വേമ്പനാട്ട് കായല്‍ നീന്തിക്കടക്കുന്ന ഏറ്റവും പ്രായം കുറഞ്ഞ പെണ്‍കുട്ടിയെന്ന അപൂര്‍വ്വ ബഹുമതിയാണ് ഈ കൊച്ചുമിടുക്കി സ്വന്തമാക്കിയരിയ്ക്കുന്നത്.1 മണിക്കൂര്‍ 20 മിനിട്ടുകൊണ്ടാണ് ഗായത്രി കായല്‍ നീന്തിക്കടന്നടന്നത്.

ഇന്ത്യ ബുക്ക് ഓഫ് റെക്കോര്‍ഡ് ലക്ഷ്യമിട്ടാണ്് ഗായത്രി നീന്തല്‍പ്രകടനം നടത്തിയത്.നടപടികള്‍ പൂര്‍ത്തിയാവുന്ന മുറയ്ക്കായിരിയ്ക്കും ഔദ്യോഗീക ഫലപ്രഖ്യാപനം.ഇന്നലെ രാവിലെ 8.20 തോടെയാണ് ആലപ്പുഴ ചേര്‍ത്തല തവണ കടവില്‍ നിന്ന് ഗായത്രി നീന്തല്‍ ആരംഭിച്ചത്്.4.5 കിലോമീറ്ററോളം നീന്തിയാണ് മറുകരയിലെ വൈക്കം ബീച്ചില്‍ എത്തിയത്.

ബീച്ചിലെത്തിയ ഗായത്രിയെ കാഴ്ചക്കാരായി എത്തിയിരുന്നവര്‍ ഹര്‍ഷാരവത്തോടെയാണ് സ്വീകരിച്ചത്്.പരിശീലകന്‍ ബിജു തങ്കപ്പനും സഹപരിശീലകന്‍ വാരപ്പെട്ടി സ്വദേശി സജിത്ത് എന്നിവര്‍ സുരക്ഷ കണക്കിലെത്ത് ഗായത്രിയ്‌ക്കൊപ്പം ബീച്ചുവരെ നീന്തി.ബന്ധപ്പെട്ട പോലീസ് ഫയര്‍ഫോഴ്സ് അധികൃതരുടെ അനമതിയും നീന്തല്‍പ്രകടനത്തിന് ലഭിച്ചിരുന്നു.

ആലപ്പുഴ തവണക്കടവില്‍ ദെലിമാ ജോജോ എംഎല്‍എ നീന്തല്‍ ഫ്ലാഗ് ഓഫ് ചെയ്തു.പരിശീകന്റെയും മാതാപിതാക്കളുടെയും മുത്തച്ഛന്റെയും അനുഗ്രഹം വാങ്ങിയ ശേഷമാണ് ഗായത്രി നീന്തല്‍ ആരംഭിച്ചത്.വൈക്കം ബീച്ചില്‍ ഗായത്രിയ്ക്ക് ഊഷ്്മളമായ സ്വീകരണമാണ് ഒരുക്കിയിരുന്നത്.

സ്വീകരണ പരിപാടി നടന്‍ ചെമ്പില്‍ അശോകന്‍ ഉല്‍ഘാടനം ചെയ്തു.സി കെ ആശ എംഎല്‍എ ,വൈക്കം മുന്‍സിപ്പല്‍ ചെയര്‍പേഴ്സ്ണ്‍ രാധിക ശ്യം,വൈക്കം ബ്ലോക്ക് പഞ്ചായത്ത് പ്രസിഡന്റ് അഡ്വ.കെ കെ രഞ്ജിത്ത് ,മുന്‍ മുന്‍സിപ്പല്‍ ചെയര്‍പേഴ്സണ്‍ ഇന്ദിരാദേവി,പി ശിവദാസ്,രമേശ് ,രഞ്ജിത്ത് ,പ്രോഗ്രാം കോ-ഓര്‍ഡിനേറ്റര്‍ ശിഹാബ് സൈനുദ്ദീന്‍ എന്നിവര്‍ പങ്കെടുത്തു.ചടങ്ങില്‍ വിശിഷ്ടാഥിതികള്‍ ഗായത്രിക്ക് മെമന്റോകളും സമ്മാനിച്ചു.

കായലില്‍ പരിശീലനത്തിന് അനുമതി ലഭിയ്ക്കില്ലന്ന സ്ഥിതിയാണ് നിലവിലുള്ളത്.അതുകൊണ്ട് കുളങ്ങളിലും പുഴകളിലുമൊക്കെയായിയരുന്നു പരിശീലനം.മൂന്ന് ,മൂന്നര മണിക്കൂര്‍ വരെ കാര്യമായ ക്ഷീണമില്ലാതെ ഗായത്രി നീന്തിയിരുന്നു.പോലീസിലും ഫയര്‍ ഫോഴ്‌സിലും രേഖമൂലം അപേക്ഷ നല്‍കിയിരുന്നു.അപേക്ഷ പ്രകാരം ബന്ധപ്പെട്ട അധികൃതര്‍ നീന്തലിന് അനുമതിയും നല്‍കിയിരുന്നു.ഇതുപ്രകാരമാണ് ഇന്ന് നീന്തല്‍ നടത്തിയത് .ഗായത്രിയുടെ പിതാവ് പ്രവിണ്‍ പറഞ്ഞു.

1 / 1

Latest news

വാഹനാപകടത്തിൽ പരിക്കേറ്റ് ചികത്സയിലായിരുന്ന മകൾ മരിച്ചു, പിന്നാലെ മാതാവ് ജീവനൊടുക്കി; ദാരുണ സംഭവം കോതമംഗലം നെല്ലിക്കുഴിയിൽ

Published

on

By

കോതമംഗലം :വാഹനാപകടത്തിൽ  പരിക്കേറ്റ് ചികിത്സയിലായിരുന്ന മകൾ മരിച്ചു. പിന്നാലെ മാതാവ് ജീവനൊടുക്കി. കോതമംഗലം നെല്ലിക്കുഴിയിലാണ് ദാരുണ സംഭവം.

രണ്ട് മാസം മുമ്പ് ചിറയിൻകീഴിലുണ്ടായ  വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ യൂസി കോളേജ് എംബിഎ  വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത് നായിക്കിന്റെ മകൾ സ്നേഹ(24) (സോനു )ഇന്നലെ രാത്രിയിലാണ് മരണപ്പെട്ടത്.

മരണവാർത്ത അറിഞ്ഞതിന് പിന്നാലെ സ്നേഹയുടെ മാതാവ് ഗായത്രി( 45)നെല്ലിക്കുഴി കമ്പനിപ്പടിയിൽ  താമസ സ്ഥലത്ത് ജീവനൊടുക്കുകയായിരുന്നു.

കഴിഞ്ഞ മുപ്പതു വർഷത്തോളമായി കോതമംഗലത്ത് ജ്വല്ലറിയിൽ
ജീവനക്കാരനായിരുന്നു ഹനുമന്ത്.
കമ്പ്യൂട്ടർ വിദ്യാർത്ഥി
ശിവകുമാർ ഹനുമന്ത് സ്നേഹയുടെ സഹോദരനാണ്.

അയൽവാസികളും, നാട്ടുകാരുമായി വളരെ സൗഹൃദത്തിൽ കഴിഞ്ഞിരുന്ന സ്നേഹയുടെയും, ഗായത്രിയുടെയും മരണ വാർത്ത നാടിനെ ഒന്നാകെ ദുഃഖതിലാഴ്ത്തി.

രണ്ടു പേരുടെയും മൃദദേഹം പോസ്റ്റ്മോർട്ടത്തിന് ശേഷം സ്വദേശത്തേക്ക് കൊണ്ടു പോകാനുള്ള ഒരുക്കങ്ങൾ പൂർത്തിയായി.

1 / 1

Continue Reading

Latest news

അടിമാലിയിൽ വൃദ്ധയെ കൊലപ്പെടുത്തി ആഭരണങ്ങൾ കവർച്ച ചെയ്ത സംഭവം; പ്രതികൾ പിടിയിൽ

Published

on

By

അടിമാലി: അടിമാലിയിൽ വൃദ്ധയെ കഴുത്തറുത്ത് കൊലപ്പെടുത്തി ആഭരണങ്ങൾ കവർച്ച ചെയ്ത സംഭവത്തിൽ പ്രതികൾ പിടിയിൽ.

കൊല്ലം കിളികൊല്ലൂർ സേവ്യർ
കോട്ടേജിൽ അലക്സ്, ഇയാൾക്കൊപ്പം താമസിച്ചുവരുന്ന കവിത എന്നിവരെയാണ് സംഭവവുമായി ബന്ധപ്പെട്ട് അടിമാലി പോലീസ് കസ്റ്റഡിയിൽ എടുത്തിട്ടുള്ളത്.
അടിമാലി കുരിയൻസ് പടിക്ക്  സമീപം താമസിക്കുന്ന  നടുവേലിൽ കിഴക്കേതിൽ പരേതനായ കാസിമിന്റെ ഭാര്യ ഫാത്തിമ (70) യെയാണ് ഇവർ കൊലപ്പെടുത്തിയത്.
സ്വർണ്ണാഭരണം കവർച്ച ചെയ്യുന്നതിനാണ്
കൊല നടത്തിയതെന്ന് അലക്സ് പോലീസിൽ സമ്മതിച്ചതായിട്ടാണ് സൂചന. കൊലയ്ക്കുശേഷം ഫാത്തിമ ധരിച്ചിരുന്ന വളകളും മാലയും മറ്റും ഇവർ ഊരിയെടുത്തു.
ഇതിൽ ഒന്നരപവൻ അടിമാലിയിലെ പണമിടപാട് സ്ഥാപനത്തിൽ പണയ
പ്പെടുത്തി 60000 രൂപ തരപ്പെടുത്തി , കാറിൽ കോതമംഗലം വരെയെത്തി ഇവർ പാലക്കാട് ഭാഗത്തേയ്ക്ക് ബസിൽ യാത്ര തിരിയ്ക്കുകയായിരുന്നു.
പാലക്കാട് കുഴൽമന്ദം ഭാഗത്തുവച്ചാണ് ഇരുവരെയും പോലീസ് കസ്റ്റ
ഡിയിൽ എടുത്തതെന്നാണ് അറിയുന്നത്. അലക്സ് മുമ്പ് മോഷണം അടക്കം 6 കേസുകളിൽ പ്രതിയാണെന്നാണ് സൂചന.
ഇന്നലെ  വൈകിട്ട് 5 മണിയോടെ വീട്ടിലെത്തിയ ഇവർ കുറച്ച് സമയം വീടിൻ്റെ മുൻവശത്ത് ഇരുന്ന്  ഫാത്തിമയുമായി സംസാരിച്ച ശേഷം തന്ത്രത്തിൽ അകത്തേക്ക് കൂട്ടിക്കൊണ്ടുപോയി കഴുത്തറക്കുക
യായിരുന്നു. കൊലയ്ക്കു ശേഷം മൃതദേഹത്തിന് ചുറ്റും മുളകുപൊടി വിതറിയ ശേഷമാണ് ഇവർ സ്ഥലം വിട്ടത്.
കഴിഞ്ഞ ഒരാഴ്ചയോളമായി ഇവർ അടിമാലിയിൽ ഉണ്ടായിരുന്നെ
ന്നും പോലീസ് അന്വേഷണത്തിൽ വ്യക്തമായി. ഇവരെ കോതമംഗലത്തെത്തിച്ച കാർ
ഡ്രൈവർ നൽകിയ സുചനകളാണ് പോലീസിന് പ്രതികളെ പിടികൂടുന്നതിന് സഹായകമായത്.
മകൻ സുബൈറിനോടൊപ്പമാണ് ഫാത്തിമ താമസിച്ചിരുന്നത്. ഇന്നലെ വൈകുന്നേരം നാല് മണിയോടെ സുബൈർ ടൗണിൽ പോയിരുന്നു.
തിരിച്ച്  ഏഴുമണിയോടെ ഇയാൾ  വീട്ടിലെത്തിയപ്പോഴാണ് മാതാവ് രക്തത്തിൽ കുളിച്ച് കിടക്കുന്ന നിലയിൽ കണ്ടത്.
ബെഡ്റൂമിൽ നിലത്ത് തറയിൽ കമിഴ്ന്നു കിടക്കുന്ന നിലയിലാണ് മൃതദേഹം കാണപ്പെട്ടത്. അടിമാലി  പോലീസ് മേൽ നടപടികൾ സ്വീകരിച്ചു.
1 / 1

Continue Reading

Latest news

കേരളത്തിൽ ഇന്ന് വിഷു ; കണിയൊരുക്കി ഉണ്ണികണ്ണനെ കണികണ്ട് മലയാളികൾ

Published

on

By

മലയാളികളുടെ പ്രധാന ആഘോഷങ്ങളില്‍ ഒന്നാണ് വിഷു. സമൃദ്ധിയുടെ നേര്ക്കാഴ്ച്ചകളിലേക്ക് മലയാളി കണി കണ്ടുണരുന്ന ദിനം. പുതിയ വർഷത്തിന്റെ തുടക്കമായും ഒരു വർഷത്തെ കൃഷിയിറക്കാനുള്ള ദിവസമായും വിഷു ആഘോഷിച്ചു വരുന്നു.

മേടസംക്രാന്തി ദിനത്തിലാണ് വിഷു ആഘോഷിക്കുന്നത്. കണിയൊരുക്കലാണ് വിഷുവുമായി ബന്ധപ്പെട്ട പ്രധാന ചടങ്ങുകളില്‍ ഒന്ന്. വിളവെടുപ്പ് ഉത്സവം എന്നു പേരുള്ളതു കൊണ്ടു തന്നെ കാർഷിക വിളകൾക്കാണ് കണിയില്‍ പ്രാധാന്യം.

കത്തിച്ചു വെച്ച നിലവിളക്കിനു മുന്നില്‍ ഓട്ടുരുളിയില്‍ കൊന്നപ്പൂവ്, വെള്ളരിക്ക, ചക്ക, മാങ്ങ, മറ്റു ഫലവർഗങ്ങള്‍, നാളികേരം, അഷ്ടമംഗല്യം, അരി, കോടിമുണ്ട്, സ്വർണം, പണം എന്നിവയെല്ലാം ഒരുക്കി വിളഞ്ഞു പാകമായ മഞ്ഞ നിറത്തിലുള്ള വെള്ളരി എന്നിവയെല്ലാം കൃഷ്ണന് കാണിക്കയായി വക്കുന്നു.

കണി ഉരുളിയില്‍ വാല്‍ക്കണ്ണാടിയും വയ്ക്കണമെന്നാണ് നിഷ്ഠ. രാമായണം, മഹാഭാരതം, ഭഗവദ്ഗീത തുടങ്ങിയ ഗ്രന്ഥങ്ങളും കൃഷ്ണപ്രതിമയോ ഫോട്ടോയോ കൂടെ വയ്ക്കുന്ന പതിവുമുണ്ട്. വെള്ളം നിറച്ച കിണ്ടിയും ചിലയിടങ്ങളില്‍ കണിയ്ക്ക് ഒപ്പം വയ്ക്കാറുണ്ട്.

ബ്രാഹ്മമുഹൂർത്തത്തിലാവണം വിഷു കണി കാണേണ്ടത്. സൂര്യോദയത്തിനു മുൻപുള്ള 48 മിനിറ്റിനു മുൻപ് വേണം കാണിക്കണ്ടുണരാൻ. രാത്രിയിലെ പതിനാലാമത്തെ മുഹൂർത്തമാണു ബ്രാഹ്മമുഹൂർത്തം. അതായത്, സൂര്യോദയം ആറു മണിക്കെങ്കില്‍ പുലർച്ചെ 4.24നു ബ്രാഹ്മമുഹൂർത്തം തുടങ്ങും. 5.12ന് അവസാനിക്കും.

വിഷു ആശംസകളുമായി മുഖ്യമന്ത്രി 

വിഷു നമ്മുടെ സമ്പന്നമായ കാർഷിക പാരമ്ബര്യത്തിന്റെ ആഘോഷവും അടയാളപ്പെടുത്തലുമാണ്. സമ്പൽസമൃദ്ധവും സംതൃപ്തിയും നിറഞ്ഞ ഒരു നല്ല നാളേക്ക് വേണ്ടിയുള്ള പ്രതീക്ഷകളാണ് വിഷു ആഘോഷങ്ങളുടെ കാതല്‍. സാമൂഹ്യജീവിതത്തിൽ കർഷകനെയും കാർഷികവൃത്തിയെയും കേന്ദ്രസ്ഥാനത്തു പ്രതിഷ്ഠിക്കുന്നു എന്നതുതന്നെയാണ് ഇതര ഉത്സവങ്ങളിൽ നിന്ന് ഇതിനെ വേറിട്ടുനിർത്തുന്നത്.

നമ്മുടെ കാർഷിക സംസ്കാരം തിരിച്ചുപിടിക്കാനും സമ്പുഷ്ട്ടമാക്കാനുമുള്ള ഓർമ്മപ്പെടുത്തലാവട്ടെ ഈ വർഷത്തെ വിഷു. ജാതി, മത ഭേദങ്ങളില്ലാത്ത മനുഷ്യമനസ്സുകളുടെ സമത്വത്തെ ഉയർത്തിയെടുക്കുന്നതിന് പ്രചോദനം നല്കും അത്. നാനാ ജാതി മതസ്ഥർ ഒത്തൊരുമയോടെ ജീവിക്കുന്ന നമ്മുടെ രാജ്യത്ത് വർഗീയ ഭിന്നിപ്പുണ്ടാക്കാൻ പ്രതിലോമ ശക്തികള്‍ ഗൂഢമായ പദ്ധതികളുമായി മുന്നോട്ടുപോവുകയാണ്. ഈ അപകടത്തെ തിരിച്ചറിഞ്ഞു പ്രതിരോധിക്കാൻ നാം ശ്രദ്ധിക്കേണ്ടതുണ്ട്.

ഇരുളിനു മേലുള്ള വെളിച്ചത്തിന്റെ വിജയമായും വിഷുവിനെ ഐതിഹ്യങ്ങള് കാണുന്നുണ്ട്. സാഹോദര്യവും സമത്വവും പുലരുന്ന ഒരു പുതുലോകം കെട്ടിപ്പടുക്കാനുള്ള ചുവടുവെപ്പായി ഈ വിഷു ആഘോഷങ്ങള്‍ മാറട്ടെ. ഏവർക്കും വിഷു ആശംസകള്‍.

1 / 1

Continue Reading

Latest news

അടിമാലിയിൽ വയോധികയെ തലയ്ക്കടിച്ച് കൊലപ്പെടുത്തി

Published

on

By

അടിമാലി: വീട്ടിൽ വയോധികയുടെ മൃതദ്ദേഹം. അടിമാലി കുരിയൻസ് പടിക്ക്  സമീപം താമസിക്കുന്ന  നടുവേലിൽ കിഴക്കേതിൽ പരേതനായ കാസിമിന്റെ ഭാര്യ ഫാത്തിമ (70) യെ യാണ് വീടിനുള്ളിൽ മരിച്ച നിലയിൽ കണ്ടെത്തിയത്.
തലയിൽ നിന്നും രക്തം വാർന്നിരുന്നു.
ഇന്ന്  വൈകിട്ട് ഏഴരയുടെയാണ്  സംഭവം പുറംലോകം അറിയുന്നത്.
മകൻ സുബൈറിനോടൊപ്പമാണ് ഫാത്തിമ താമസിച്ചിരുന്നത്. വൈകുന്നേരം നാല് മണിയോടെ സുബൈർ ടൗണിൽ പോയിരുന്നു.
തിരിച്ച്  ഏഴുമണിയോടെ ഇയാൾ  വീട്ടിലെത്തിയപ്പോഴാണ് മാതാവ് രക്തത്തിൽ കുളിച്ച് കിടക്കുന്ന നിലയിൽ കണ്ടത്.
ബെഡ്റൂമിൽ നിലത്ത് തറയിൽ കമിഴ്ന്നു കിടക്കുന്ന നിലയിലാണ് മൃതദേഹം കാണപ്പെട്ടത്. അടിമാലി പോലീസ് മേൽ നടപടികൾ സ്വീകരിച്ചുവരുന്നു.
1 / 1

Continue Reading

Latest news

വിഷു ആഘോഷം; ഗുരുവായൂരിലും ശബരിമലയിലും വിപുലമായ ക്രമീകരണങ്ങൾ

Published

on

By

കൊച്ചി: കണിക്കൊന്നയും കണിവെള്ളരിയുമായി തയ്യാറായിരിക്കുകയാണ് മലയാളികൾ. ഐശ്വര്യത്തിന്റെയും സന്തോഷത്തിന്റെയും സമൃദ്ധിയുടെയും നല്ല വിഷുവിനെ വരവേൽക്കാൻ .

കനത്ത ചൂടും തിരഞ്ഞെടുപ്പ് തിരക്കുകളും മലയാളിയുടെ വിഷു ആഘോഷങ്ങൾക്ക് അല്പം പോലും മാറ്റം വരുത്തിയിട്ടില്ല. വിഷുദിനത്തിൽ പായസങ്ങളടക്കം സദ്യ വിളമ്പാൻ ഹോട്ടലുകളിലും കേറ്ററിങ് സ്ഥാപനങ്ങളിലും തയാറെടുപ്പുകൾ പൊടി പെടിക്കുകയാണ്.

വേനൽ മഴയുടെ അകമ്പടിയോടെ വിഷുവിനെ വരവേൽക്കാം എന്നാണ് മലയാളികളുടെ പ്രതീക്ഷ.

പുലർച്ചെ 2:42 മുതൽ 3:42 വരെയാണ് ഗുരുവായൂരിൽ വിഷുക്കണി ദർശനം.
ശനിയാഴ്ച രാത്രി തൃപ്പുകക്കുശേഷം ശാന്തിയേറ്റ കീഴ്ശാന്തി ശ്രീകോവിലിന്റെ മുഖമണ്ഡപത്തിൽ കണിയൊരുക്കും.

ഓട്ടുരുളിയില്‍ നാളികേരം, ചക്ക, ഉണക്കലരി, മാമ്പഴം, ഗ്രന്ഥം,സ്വര്‍ണം, വാല്‍ക്കണ്ണാടി, പുതുപ്പണം, കൊന്നപ്പൂവ് എന്നിവയാണ് കണി ഒരുക്കുന്നതിനായി തിരഞ്ഞെടുക്കുക.

മേൽശാന്തി ആദ്യം ഗുരുവായൂരപ്പനെ കണി കാണിക്കും.തുടർന്ന് അലങ്കാരത്തോടെയുള്ള സ്വർണ്ണത്തിടമ്പ് പൊൻവീടത്ത് എഴുന്നള്ളിച്ച് വയ്ക്കും.

ശ്രീലക വാതിൽ തുറക്കുന്നതോടെയാണ് ഭക്തർക്കും ദർശിക്കാനുള്ള അവസരം ലഭിക്കുക. ശബരിമലയിൽ പുലർച്ചെ 3 മണി മുതൽ 7 മണി വരെയാണ് വിഷുക്കണി ദർശനം.

13ന് പുലർച്ചെ 3ന് വിഷുക്കണി ഒരുക്കി അത്താഴ പൂജയ്ക്ക് ശേഷം അടയ്ക്കുന്ന നട 14ന് പുലർച്ചെ 3ന് തുറന്നശേഷം ശ്രീകോവിലിലെ ദീപങ്ങൾ തെളിയിച്ച് ആദ്യം അയ്യപ്പനെ കാണിക്കും. ഭക്തർക്ക്  തന്ത്രിയും മേൽശാന്തിയും  വിഷുക്കൈനീട്ടം നൽകും.

1 / 1

Continue Reading

Trending

error: