ന്യൂഡൽഹി: വളരെ അപൂർവമായ ഒരു പ്രതിഭാസത്തിനായിരിക്കും ഇന്ത്യ ഏപ്രിൽ 8ന് സാക്ഷ്യം വഹിക്കുക. പക്ഷെ നിർഭാഗ്യവച്ചാൽ ഇന്ത്യ ഉൾപ്പെടെയുള്ള ഏഷ്യൻ രാജ്യങ്ങൾക്ക് ഇത് കാണാൻ സാധിക്കില്ല എന്നാണ് വിദഗ്ധർ വ്യക്തമാക്കുന്നത്.

അമേരിക്ക, മെക്‌സിക്കോ, കാനഡ തുടങ്ങിയ വടക്കനമേരിക്കൻ രാജ്യങ്ങളിൽ സമ്പൂർണ സൂര്യഗ്രഹണം ദർശിക്കാൻ സാധിക്കുമെന്ന് പറയുന്നുണ്ടെങ്കിലും അതും പൂർണമായും സത്യമാകില്ല എന്നാണ് വിലയിരുത്തൽ.

അമേരിക്കയിൽ ടെക്‌സസ് മുതൽ മെയ്ൻ വരെയുള്ള സംസ്ഥാനങ്ങളിൽ പൂർണ സൂര്യഗ്രഹണം തന്നെയായിരിക്കും കാണാനാവുക. അമേരിക്കയിലെ മറ്റിടങ്ങൾ, ചില കരീബിയൻ രാജ്യങ്ങൾ, കൊളംബിയ, വെനസ്വേല, സ്‌പെയിൻ, ബ്രിട്ടൻ, പോർച്ചുഗൽ, ഐസ്‌ലൻഡ് തുടങ്ങിയ രാജ്യങ്ങളിൽ ഭാഗിക സൂര്യഗ്രഹണമാണ് കാണാനാവുക.

അതെസമയം സമ്പുർണ സൂര്യഗ്രഹണവുമായി ബന്ധപ്പെട്ട് യു.എസ് സർക്കാർ പ്രത്യേക മുന്നറിയിപ്പുകളാണ് നൽകിയിരിക്കുന്നത്. വളർത്ത് മൃഗങ്ങളുടെ ഉടമകൾ പ്രത്യേകം ശ്രദ്ദിക്കണമെന്ന് മുന്നറിയിപ്പിൽ സൂചിപ്പിക്കുന്നു.

2024ലെ സമ്പൂർണ്ണ സൂര്യഗ്രഹണം യു.എസിൽ ഏപ്രിൽ 8നാണ് നടക്കുക. മെയ്ൻ മുതൽ ടെക്സാസ് വരെ ദൃശ്യമാകുന്ന സൂര്യഗ്രഹണം ആയിരിക്കും എന്നാണ് ശാസ്ത്രജ്ഞർ അഭിപ്രായപ്പെടുന്നത്.

സമ്പൂർണ്ണ സൂര്യഗ്രഹത്തിൻ്റെ സമയത്തും അതിന് മൻപും വളർത്ത് മൃഗങ്ങൾ വിചിത്രമായ പെരുമാറ്റം കാണിച്ചേക്കാം എന്നാണ് ശാസ്ത്രജ്ഞർ മുന്നറിയിപ്പ് നൽകുന്നത്.

ഇടിമിന്നൽ കാണുമ്പോഴും പടക്കത്തിന്റെയോ ഇടിവെട്ടിന്റെയോ ശബ്ദങ്ങൾ കേൾക്കുബോഴും ഉണ്ടാകുന്ന രീതിയിൽ വളർത്ത് മൃഗങ്ങളിൽ ഉത്കണ്ഠയുടെയും ആശങ്കയുടെയും ലക്ഷണങ്ങൾ ഉണ്ടായക്കാമെന്ന് മുന്നറിയിപ്പുകൾ സൂചിപ്പിക്കുന്നു.

മുന്നറിയിപ്പുകൾ കൃതയമായി പാലിച്ച് വളർത്ത്മൃഗങ്ങളുടെ ഉടമകൾ സമ്പൂർണ്ണ സൂര്യഗ്രഹണ സമയത്ത് മൃഗങ്ങളെ വീടുകൾക്കുള്ളിൽ സൂക്ഷിക്കണമെന്ന് നിർദ്ദേശമുണ്ട്. ഈ സമയത്ത് മൃഗങ്ങൾ സാധാരണമായ രീതിയിൽ നഖങ്ങൾ നീട്ടാനോ ഒച്ചയുണ്ടാക്കാനോ കൂടുകൾക്കുള്ളിൽ ഓടി നടക്കാനോ സാധ്യതയുണ്ടെന്ന് ശാസ്ത്രജ്ഞർ അറിയിക്കുന്നു.

എന്നാൽ മാറ്റ് ചിലപ്പോൾ ചില മൃഗങ്ങൾ പതിവിന് വിപരീതമായി വളരെ നിശബ്ദമായിരിക്കാനും സാധ്യതയുണ്ട് എന്നും സുചിപ്പിക്കുന്നു. ഇത്തരം സാഹചര്യങ്ങൾ കണക്കിലെടുത്ത് ഉടമകൾ പരമാവധി മൃഗങ്ങളെ കരുതലോടെ ശ്രദ്ധിക്കണമെന്നാണ് യുഎസ് മുന്നറിയിപ്പ് നൽകിയിട്ടുള്ളത്.

സൂര്യഗ്രഹണം ഇന്ത്യയിൽ എങ്ങനെ കാണാൻ സാധിക്കും?

ഏപ്രിൽ 8 ന് ഇന്ത്യൻ സമയം രാത്രി 9:13 മുതൽ ഏപ്രിൽ 9 വെളുപ്പിന് 2:22 വരെയാണ് വിവിധ ഇടങ്ങളിൽ ഗ്രഹണം കാണാനാവുക. ഈ പ്രതിഭാസത്തെക്കുറിച്ചുളള അവബോധം വളർത്തുന്നതിന്റെ മുന്നോടിയായി നാസ വിപുലമായ പല മുന്നൊരുക്കങ്ങളും നടത്തിയിട്ടുണ്ട്.

അതിലൊന്നാണ് തത്സമയ സംപ്രേഷണം. 3 മണിക്കൂർ നേരത്തേക്ക് നിരവധി വടക്കനമേരിക്കൻ പ്രദേശങ്ങളിൽ നിന്നുള്ള ദൃശ്യങ്ങൾ നാസ തത്സമയം സംപ്രേക്ഷണം ചെയ്യും.

സ്‌പേസ് സ്റ്റേഷനിലിരുന്ന് വീക്ഷിക്കുന്നവരുടെ അനുഭവങ്ങളും വിതക്തരുടെ കാഴ്ചപ്പാടുകളും , സൂര്യഗ്രഹണത്തിന്റെ കാഴ്ചയുമെല്ലാം ഉൾപ്പെടുത്തിയുള്ള പ്രക്ഷേപണം ശാസ്ത്രപ്രേമികൾക്ക് ആസ്വാദകരമായിരിക്കുമെന്നാണ് നാസയുടെ വിലയിരുത്തൽ.

ഏപ്രിൽ 8ന് രാത്രി 10:30 മുതൽ ഏപ്രിൽ 9ന് വെളുപ്പിന് 1:30 വരെയായിരിക്കും നാസയുടെ സംപ്രേഷണപരിപാടികൾ.ഗ്രഹണ സമയത്ത് കമന്ററി ആവശ്യമില്ലാത്തവർക്കായി ടെലസ്‌കോപ്പിൽ നിന്ന് നേരിട്ടുള്ള ദൃശ്യങ്ങൾ സംപ്രേഷണം ചെയ്യും.

ഇത് നാസ ടെലിവിഷന്റെ മീഡിയ ചാനലിലും യൂട്യൂബിലും ലഭ്യമായിരിക്കും. ഡാളസ്, നയാഗ്ര ഫോൾസ്, മെക്‌സിക്കോ തുടങ്ങിയ ഇടങ്ങളിൽ നിന്നായിരിക്കും ദൃശ്യങ്ങൾ ലയഭ്യമാക്കുക. നാസാ പ്ലസ്, നാസാ ടിവി, നാസ വെബ്‌സൈറ്റ് തുടങ്ങിയ ഓൺലൈൻ പ്ലാറ്റുഫോമുകളിലും ഇത് കാണാൻ സാധിക്കും.

കൂടാതെ, രാജ്യാന്തര ബഹിരാകാശ നിലയത്തിലെ സഞ്ചാരികളുമൊത്തുള്ള സംഭാഷണങ്ങൾ, ഗ്രഹണവുമായി ബന്ധപ്പെട്ട് നാസ നടത്തുന്ന പരീക്ഷണങ്ങളുടെ അടിസ്ഥാനത്തിലുള്ള വിവരങ്ങൾ എല്ലാം ഈസമയം പ്രക്ഷേപണം ചെയ്യാനും ആലോചിക്കുന്നുണ്ട്.

അമേരിക്കയിൽ പലയിടങ്ങളിലും ഗ്രഹണം ഒന്നിച്ചിരുന്ന് വീക്ഷിക്കാനുള്ള ക്ഷണങ്ങളും ആളുകൾക്ക് ലഭിച്ചു. സമ്പൂർണ ഗ്രഹണം വീക്ഷിക്കാവുന്ന പ്രദേശത്ത് നാസയുടെ ഒരു സെന്റർ മാത്രമാണ് നിലവിലുള്ളത് “ഒഹായോയിലെ ഗ്ലെൻ റീസേർച്ച് സെന്റർ”. അവിടെ നിന്നും തത്സമയ സംപ്രേഷണം ഉണ്ടായിരിക്കും.

ചന്ദ്രൻ ഭൂമിക്കും സൂര്യനുമിടയിലൂടെ കടന്ന് പോകുന്ന സമയത്താണ് സമ്പൂർണ സൂര്യഗ്രഹണം ഉണ്ടാകുന്നത്.  ഗ്രഹണം ദൃശ്യമാകുന്ന സ്ഥലങ്ങളിൽ സൂര്യൻ പൂർണമായി മറയുകയും ഈ സമയങ്ങളിൽ പുലരുമ്പോഴും ഇരുളുമ്പോഴും ആകാശം മാറ്റമില്ലാതെ കാണപ്പെടുകയുംചെയ്യും.

ആകാശം മേഘാവൃതമല്ലെങ്കിൽ സൂര്യന്റെ പുറംപാളിയായ കൊറോണ (പുറമെയുള്ള മണ്ഡലം) വീക്ഷിക്കാൻ സാധിക്കും.പൂർണ ഗ്രഹണം നീണ്ട് നിൽക്കുക 4 മിനിറ്റും 27 സെക്കൻഡും മാത്രമായിരിക്കും.

വിദേശികളടക്കം ഗ്രഹണം വീക്ഷിക്കാൻ ആഗ്രഹിക്കുന്നവർ ഇത്തരം സന്ദർഭങ്ങളിൽ എടുക്കേണ്ട മുൻകരുതലുകൾ അറിഞ്ഞുവെക്കണ്ടത് അത്യാവിശ്യമാണ്. സാധാരണ കൂളിങ് ഗ്ലാസുകൾ വച്ച് ഗ്രഹണം കാണാൻ ശ്രമിക്കരുത്.

സുരക്ഷിതമല്ലാത്ത ലെൻസുകൾ ഉപയോഗിച്ച് ഗ്രഹണം വീക്ഷിച്ചാൽ കാഴ്ചയ്ക്ക് സാരമായ തകരാർ സംഭവിക്കാൻ സത്യതയുള്ളതിനാൽ ഈ സന്ദർഭത്തിനായി സേഫ് സോളാർ ഫിൽറ്ററുകൾ ഉപയോഗിക്കാം.

വ്യാജമായ സോളാർ വ്യൂവറുകളും ലഭ്യമായതിനാൽ സേഫ് സോളാർ വ്യൂവിങ് ഗ്ലാസ് ആണ് ഉപയോഗിക്കുന്നതെങ്കിൽ ഇത് ഐഎസ്ഒ 12312-2 രാജ്യാന്തര ഗുണനിലവാരം ഉള്ളതായിരിക്കണം.

ഈ വട്ടം കഴിഞ്ഞ 2 പതിറ്റാണ്ടിനിടയിൽ കണ്ടതിലും വ്യക്തതയോടെ ഗ്രഹണം വീക്ഷിക്കാൻ സാധിക്കുമെന്നാണ് എല്ലാവരുടെയും അനുമാനം.ഇത്തരം സംഭവങ്ങൾ പ്രപഞ്ചത്തെ പറ്റി കൂടുതൽ പഠിക്കാനുള്ള സദ്യതകൾക്ക് തുടക്കമിടുമെന്നാണ് ശാസ്ത്ര ലോകത്തിന്റെ പ്രതീക്ഷ.

1 / 1

❮ ❯