Connect with us

News

വടാട്ടുപാറയിൽ കാട്ടാന പോത്തിനെ കുത്തികൊന്നു; വന്യമൃഗശല്യം ഒഴിവാക്കാൻ നടപടിവേണമെന്ന് ഷിബു തെക്കുംപുറം

Published

on

കോതമംഗലം:വീട്ടുവളപ്പിൽ നിന്നിരുന്ന പോത്തിനെ കാട്ടാന കൂത്തിക്കൊന്നു.വടാട്ടുപാറ മാവിൻചുവട് തുമ്പനിരപ്പേൽ ജോസിന്റെ പോത്തിനെയാണ് ഇന്ന് പുലർച്ചെ കാട്ടാന കുത്തി കൊന്നത്.പോത്തിന്റെ ശരീരത്തിൽ കൊമ്പ് ആഴത്തിൽ ഇറങ്ങിയിട്ടുണ്ട്.

വനാതിർത്തിയോട് ചേർന്നുകിടക്കുന്ന പ്രദേശത്ത് അടുത്ത കാലത്ത് കാട്ടാനകളുടെ ആക്രമണം വ്യാപമായിരുന്നു.ഒരു വർഷം മുൻപ് മീരാൻസിറ്റി ഭാഗത്ത് താമസിക്കുന്ന ഐഷയുടെ ആടിനെ പുലി പിടിച്ചിരുന്നു.നഷ്ടപരിഹാരം നേടിയെടുക്കുന്നതിനായി ഐഷ നടത്തിയ നീക്കങ്ങളെല്ലാം വൃഥാവിലാവുകയായിരുന്നു.

വനാതിർത്തിയോട് ചേർന്ന് കിടക്കുന്ന ജനവാസമേഖലകളിലെ വന്യമൃഗശല്യം തടയാൻ അടിയന്തിര നടപടികൾ സ്വീകരിയ്ക്കണമെന്ന് യുഡിഎഫ് ജില്ലാ കൺവീനർ ഷിബു തെക്കുംപുറം ആവശ്യപ്പെട്ടു.

യൂഡിഎഫ് നേതാക്കൾക്കും ജനപ്രതിനിധികൾക്കുെ ഒപ്പം വടാട്ടുപാറയിൽ കാട്ടാന ആക്രമണം ഉണ്ടായ സ്ഥലവും പോത്തിനെ നഷ്ടപ്പെട്ട ജോസിനെയും കണ്ട് വിവരങ്ങൾ ശേഖരിച്ച ശേഷം മാധ്യമങ്ങളോട് സംസാരിയ്ക്കുകയായിരുന്നു അദ്ദേഹം.

വന്യമൃഗങ്ങളുടെ ശല്യം തടയുന്നതിനും നാശനഷ്ടം സംഭവിച്ചവർക്കുള്ള നഷ്ടപരിഹാരം നൽകുന്നതിലും സർക്കാർ വീഴ്ച്ച വരുത്തുകയാണ്. ഒരു വർഷം മുൻപ് മീരാൻസിറ്റി ഭാഗത്ത് താമസിക്കുന്ന ഐഷയുടെ ആടിനെ പുലി പിടിച്ചിരുന്നു. നഷ്ടപരിഹാരത്തിനായി ആ സാധു സ്ത്രീ കയറിയിറങ്ങാത്ത ഓഫിസുകളില്ല. ഇതുവരെ ഒരു രൂപ പോലും ലഭിച്ചിട്ടില്ല.

മാവിൻചുവട് പ്രദേശത്ത് രാത്രി കാലങ്ങളിൽ ഫോറസ്റ്റ് ഗാർഡുമാരെ നിയമിച്ചാൽ ഇത്തരം സംഭവങ്ങൾ ഒരു പരിധ വരെ തടയാനാവും .ഇതിന് തുണ്ടം ഫോറസ്റ്റ് റെയിഞ്ചോഫീസർ ആവശ്യമായ നടപടികൾ സ്വീകരിയ്ക്കണം.ഷിബു തെക്കുംപുറം കൂട്ടിച്ചേർത്തു.

ജെയിംസ് കൊറേമ്പേൽ, എൽദോസ് ബേബി,ഇ.സി.റോയ്, ബിൻസി മോഹനൻ, കെ.എ.സിബി,ജോഷി പൊട്ടക്കൽ, രേഖ രാജു, കെ.എസ്.സനൂപ്,സാബു ജോസ്, ജോൺസൺ എന്നിവരും ഒപ്പം ഉണ്ടായിരുന്നു.

Latest news

വൈദ്യൂത നിരക്ക് വർദ്ധന പ്രാബല്യത്തിൽ; പെട്ടിക്കടകൾ , ബങ്കുകൾ , തട്ടുകടകൾ തുടങ്ങിയവയ്ക്ക് കൂടുതൽ ആനൂകൂല്യം

Published

on

By

തിരുവനന്തപുരം;സംസ്ഥാനത്തെ വൈദ്യൂതി നിരക്ക് വർദ്ധനപ്രാബല്യത്തിൽ. 6.6% വർധന വരുത്തിയിട്ടുള്ള 2022-23 വർഷത്തെ വൈദ്യുതി നിരക്കുകൾക്ക് റഗുലേറ്ററി കമ്മിഷൻ അംഗീകാരം നൽകി.

നിരക്കുവർധനയിലൂടെ കെഎസ്ഇബിക്ക് 1000 കോടിയോളം രൂപയുടെ വരുമാനം ലഭിക്കും.

പ്രതിമാസം 50 യൂണിറ്റുവരെ വൈദ്യുതി ഉപയോഗിക്കുന്ന ഗാർഹിക ഉപഭോക്താക്കൾക്കു വർധനയില്ല. 25 ലക്ഷം ഉപഭോക്താക്കൾക്ക് ഈ ആനുകൂല്യം ലഭിക്കും. പ്രതിമാസം 150 യൂണിറ്റുവരെ ഉപയോഗിക്കുന്ന ഗാർഹിക ഉപഭോക്താക്കൾക്ക് പരമാവധി വർധനവ് 25 പൈസ. 88 ലക്ഷം ഉപഭോക്താക്കൾക്ക് ഈ ആനുകൂല്യം ലഭിക്കും.

അനാഥാലയങ്ങൾ, അങ്കണവാടികൾ, വൃദ്ധസദനങ്ങൾ തുടങ്ങിയവയെ നിരക്കു വർധനയിൽനിന്ന് ഒഴിവാക്കി. എൻഡോസൾഫാൻ ബാധിതർക്കുള്ള സൗജന്യ നിരക്ക് നിലനിർത്തി. കാർഷിക ഉപഭോക്താക്കൾക്ക് എനർജി ചാർജ് വർധിപ്പിച്ചില്ല. 4.76 ലക്ഷം ഉപഭോക്താക്കൾക്ക് ഈ ആനുകൂല്യം ലഭിക്കും. കാർഷിക ഉപഭോക്താക്കളുടെ ഫിക്‌സഡ് ചാർജ് 5രൂപ കൂട്ടി.

ചെറിയ പെട്ടിക്കടകൾ, ബങ്കുകൾ, തട്ടുകടകൾ തുടങ്ങിയ വിഭാഗങ്ങൾക്കുള്ള കുറഞ്ഞ നിരക്കിന്റെ താരിഫ് ആനുകൂല്യം 1000 വാൾട്ടിൽനിന്ന് 2000 വാൾട്ടായി വർധിപ്പിച്ചിട്ടുണ്ട്.

 

Continue Reading

Latest news

ശുചിമുറിയിലും വിദ്യാർത്ഥിനികൾക്ക് നേരെ ലൈംഗീക അതിക്രമം;യുവാവ് അറസ്റ്റിൽ

Published

on

By

കൊച്ചി;ശുചിമുറയിൽക്കയറി ഒളിച്ചിരുന്ന് വിദ്യാർത്ഥികൾക്ക് നേരെ ലൈംഗീക അതിക്രമം നടത്തിയ യുവാവ് അറസ്റ്റിൽ.പള്ളുരുത്തി എംഎൽഎ റോഡിൽ മംഗലത്ത് ഗഫൂർ(35) ആണ് അറസ്റ്റിലായത്.

ചെങ്ങമനാട് കഴിഞ്ഞ 20-നാണ് സംഭവം.ആരും കാണാതെ കുട്ടികൾ ഉപയോഗിക്കുന്ന ശുചിമുറിയിൽ കയറി ഒളിച്ചിരുന്നാണ് ഇയാൾ കുട്ടികളെ ഉപദ്രവിച്ചത്.

കുട്ടികൾ ബഹളം വച്ചതോടെ ബൈക്കിൽ കയറി രക്ഷപ്പെട്ട ഇയാൾ മുങ്ങി നടക്കുകയായിരുന്നു.സ്‌കൂൾ അധികൃതരുടെ പരാതിയിൽ ചെങ്ങമനാട് പൊലീസ് നടത്തിയ അന്വേഷണത്തിലാണ് ഇയാൾ പിടിയിലായത്.

പള്ളുരുത്തിയിൽ നിന്നാണ് ഇയാളെ കണ്ടെത്തിയത്. എഴുവയസ്സുള്ള കുഞ്ഞിനെ ലൈംഗികമായി ഉപദ്രവിച്ച സംഭവത്തിൽ അരൂർ സ്റ്റേഷനിൽ ഇയാൾക്കെതിരെ കേസുണ്ട്.

ചെങ്ങമനാട് എസ്എച്ച്ഒ എസ്.എം.പ്രദീപ് കുമാർ, എസ്‌ഐമാരായ പി.ജെ.കുര്യാക്കോസ്, എസ്.ഷെഫിൻ, വി.എൽ.ആനന്ദ് തുടങ്ങിയവരുടെ നേതൃത്വത്തിൽ നടത്തിയ അന്വേഷണത്തിലാണ് ഇയാൾ പിടിയിലായത്.

 

Continue Reading

Latest news

ഓട്ടോ തട്ടി ,തെന്നിമാറി ബസിനടിയിൽപ്പെട്ട ബൈക്ക് യാത്രക്കാരന് ദാരുണാന്ത്യം

Published

on

By

കോട്ടയം ;ദശീയപാത 1830-ൽ മുണ്ടക്കയത്തിന് സമീപം വാഹനാപകടം.ബസ്സിനടയിൽപ്പെട്ട ബൈക്ക് യാത്രക്കാരന് ദാദാരുണാന്ത്യം.

പെരുവന്താനം ചുഴുപ്പ് ഇരവുകൂന്നേൽ ആക്‌സൺ (24) ആണ് മരിച്ചത്. മരുതുംമൂടിനും മെഡിക്കൽ ട്രസ്റ്റ് കവലയ്ക്കും ഇടയിലാണ് അപകടം.

ഓട്ടോ മറ്റൊരുവാഹനത്തെ മറികടക്കുമ്പോൾ ബൈക്കിൽ തട്ടുകയും തെന്നി മാറി ബസിനടിയിൽപ്പെടുകയുമായിരുന്നു. ആക്‌സണിന്റെ മൃതദേഹം മുണ്ടക്കയം ഈസ്റ്റിലെ സ്വകാര്യ ആശുപത്രിയിൽ സൂക്ഷിച്ചിരിക്കുകയാണ്.പോലീസ് മേൽ നടപടി സ്വീകരിച്ചുവരുന്നു.

 

Continue Reading

Trending

instagram volgers kopen volgers kopen buy windows 10 pro buy windows 11 pro

error: