Connect with us

Latest news

കർമ്മപഥത്തിൽ രണ്ടര പതിറ്റാണ്ട് , പരിശീലന മികവ് സമ്മാനിച്ചത് അപൂർവ്വ ബഹുമതികൾ ; ഡോ. മാത്യൂസ് ജേക്കബ് പടിയിറങ്ങുന്നത് നേട്ടങ്ങളുടെ നിറവിൽ

Published

on

കോതമംഗലം;ഹൈറേഞ്ച് കവാടം എന്നറിയപ്പെടുന്ന കോതമംഗലത്തെ കായിക കേരളത്തിന്റെ തലസ്ഥാനമാക്കി മാറ്റുന്നതിൽ നിർണ്ണായ പങ്കുവഹിച്ച കായിക പരിശീലകൻ ഡോ. മാത്യൂസ് ജേക്കബ് ഔദ്യോഗിക ജീവിതത്തിൽ നിന്നും പടിയിറങ്ങുന്നു.

അഭിമാനാർഹമായ നിരവധി നേട്ടങ്ങൾ സ്വന്തമാക്കിയാണ് കോതമംഗലം മാർ അത്തനേഷ്യസ് കോളേജിലെ രണ്ടര പതിറ്റാണ്ട് നീണ്ട കായിക അദ്ധ്യാപക ജീവിതത്തിൽ നിന്നാണ് ഈ മാസം 31 -ന് മാത്യൂസ് ജേക്കബ് വിരമിക്കുന്നത്.

കായിക രംഗത്ത് കോളേജിന് എക്കാലത്തും അഭിമാനിക്കാവുന്ന പ്രതിഭകളെ കണ്ടെത്തി,അവരിലൂടെ രാജ്യത്തിന്റെ യശസ് ഉയർത്തി പ്രവർത്തന മേഖലയിൽ വിജയ കിരീടം ചൂടിയ വ്യക്തിയാണ് മാത്യൂസ് ജേക്കബ്.

കോതമംഗലത്ത് വോളിബോൾ കളിക്ക് വേരോട്ടം സൃഷ്ടിക്കുന്നതിനും വോളിബോൾ താരങ്ങളെ വാർത്തെടുക്കുന്നതിനും ഇദ്ദേഹം വഹിച്ച് പങ്ക് നിർണ്ണായകമാണ്.

കോതമംഗലത്തെ കായിക പരീശീലകരിൽ ആദ്യം ഡോക്ടറേറ്റ് കരസ്ഥമാക്കിയതും  മാത്യൂസ് ആണ്. രാജ്യത്തിന് മികച്ച കായിക താരങ്ങളെ സമ്മാനിച്ചതിന്, കേരളത്തിലെ മികച്ച കോളേജ് കായിക അദ്ധ്യാപകനുള്ള സംസ്ഥാന സർക്കാരിന്റെ ജി. വി. രാജ സ്‌പോർട്‌സ് അവാർഡ് 2017 -ൽ ഇദ്ദേഹത്തെ തേടിയെത്തി.

നിരവധി കായിക നേട്ടങ്ങളാണ് ഡോ. മാത്യൂസിലൂടെ എം. എ. കോളേജ് നേടിയത്.1994ൽ ആണ് ഡോ. മാത്യൂസ് കോതമംഗലം എം. എ. കോളേജിൽ കായിക അദ്ധ്യാപകനായി ജോലിയിൽ പ്രവേശിക്കുന്നത്.1992 മുതൽ 94 വരെയുള്ള രണ്ട് വർഷക്കാലം സ്‌പോർട്‌സ് അതോറിറ്റി ഓഫ് ഇന്ത്യ (സായ് )യുടെ വോളി ബോൾ കൊച്ചായിരുന്നു.

എം. എ. കോളേജിന് മികച്ച വോളി ബോൾ ടീമിനെ സൃഷ്ട്ടിക്കുന്നതിൽ മുഖ്യ പങ്ക് മാത്യൂസ് വഹിച്ചു.4 പ്രാവശ്യമാണ് എം. എ. കോളേജ് വോളി ടീം, മാത്യൂസിന്റെ പരിശീലന മികവിൽ എം. ജി. യൂണിവേഴ്‌സിറ്റി കീരിടം നേടിയത്.

9 തവണ എം. ജി. യൂണിവേഴ്‌സിറ്റി യുടെ വോളിബോൾ ടീം പരിശീലകനായും ,3 തവണ കേരള സംസ്ഥാന ടീമിന്റെ പരിശീലകനുമായി സേവനമനുഷ്ടിച്ചു.3 ഫെഡറഷൻ കപ്പ് കളുടെ ടെക്‌നിക്കൽ ഒഫീഷ്യലും,15-ൽ പരം അഖിലേന്ത്യ ടൂർണമെന്റുകളുടെ ഒഫീഷ്യലുമായിരുന്നു.

എം. ജി. യൂണിവേഴ്‌സിറ്റിയുടെ അക്കാദമിക് കൌൺസിൽ അംഗമായും, സ്റ്റാഫ് സെലെക്ഷൻ അംഗമായും, സ്റ്റാഫ് പ്രൊമോഷൻ കമ്മിറ്റി അംഗമായും, എം. ജി. യൂണിവേഴ്‌സിറ്റി കായിക വകുപ്പിന്റെ പി. ജി ബോർഡ് ഓഫ് സ്റ്റഡിസ് അംഗമായും എല്ലാം തിളങ്ങിയ വ്യക്തിയാണ് മാത്യൂസ്. നിരവധി തവണ അത്ലറ്റിക് ഫെഡറഷൻ ഓഫ് ഇന്ത്യയുടെ ടെക്‌നിക്കൽ ഒഫീഷ്യൽ ആയിരുന്നു.

വോളിബോൾ അസോസിയേഷന്റെ എറണാകുളം ജില്ലാ തല മത്സരങ്ങളുടെ ചെയർമാൻ റഫറീയായി 5 വർഷം സേവനം ചെയ്യ്തു.5 വർഷം കേരള സ്റ്റേറ്റ് വോളിബോൾ അസോസിയേഷന്റെ കോച്ചിങ് കമ്മിറ്റി കൺവീനറും ആയിരുന്നു ഇദ്ദേഹം.

ഡോ. മാത്യുസിന്റെ നേതൃത്വത്തിലാണ് 2021 ലെ അഖിലേന്ത്യ അന്തർ സർവകലാശാല ഫുട്‌ബോൾ ചാമ്പ്യൻഷിപ്പും,ദക്ഷിണ മേഖല ഫുട്‌ബോൾ ചാമ്പ്യൻഷിപ്പും കോതമംഗലം എം. എ. കോളേജ് സ്റ്റേഡിയത്തിൽ നടന്നത്.

2002ൽ അഖിലേന്ത്യ അന്തർ സർവകലാശാല പുരുഷ – വനിതാ ക്രോസ് കൺട്രി ചാമ്പ്യൻഷിപ് സംഘടിപ്പിച്ചതും മാത്യൂസിന്റെ നേതൃത്വത്തിലായിരുന്നു.2016ലെ എം. ജി യൂണിവേഴ്‌സിറ്റി അത്ലറ്റിക് ചാമ്പ്യൻഷിപ്പ് കോതമംഗലം എം. എ. കോളേജിൽ സംഘടിപ്പിക്കുന്നതിൽ മുഖ്യ പങ്ക് വഹിച്ചത് ഇദ്ദേഹമാണ്.

ആ വർഷം കോളേജ് ഗെയിംസിൽ ഓവറോൾ ചാമ്പ്യൻമാരായിരുന്നു.രാജ്യത്തിന് തന്നെ അഭിമാനിക്കാവുന്ന തരത്തിൽ നേട്ടങ്ങൾ സ്വന്തമാക്കിയ കായിക താരങ്ങളെ കണ്ടെത്തിയത് വിലയിരുത്തി 2019 ൽ കോതമംഗലം എം. എ. കോളേജിന് മനോരമ ട്രോഫി ലഭിയ്ക്കുന്നതിനും കൊടുത്ത മാത്യൂസിന്റെ പ്രവർത്തനങ്ങൾ സഹായകമായി.

എം. ജി യൂണിവേഴ്‌സിറ്റി പുരുഷ- വനിത നീന്തൽ മത്സരത്തിലും, കായിക മത്സരത്തിലും നിരവധി തവണ എം. എ. കോളേജ് കീരിടം ചൂടിയതിലെ മുഖ്യ വിജയ ശിൽപ്പിയാണ് ഡോ.മാത്യൂസ്.

മുവാറ്റുപുഴ, ഈസ്റ്റ് മാറാടി പുൽപ്പാറയിൽ കുടുംബാംഗമാണ്.കൂത്താട്ടുകുളം, വടകര സെന്റ് ജോൺസ് ഹയർ സെക്കണ്ടറി സ്‌കൂൾ അദ്ധ്യാപിക ജെമി ജോസഫ് ആണ് ഭാര്യ. ജെഫ് ജേക്കബ് മാത്യൂസ്, ജെയ്ക് ജോസഫ് മാത്യൂസ് എന്നിവരാണ് മക്കൾ.

 

Latest news

പണപ്പെട്ടിക്കടുത്ത് ഇരിപ്പുറപ്പിച്ചു, പിന്നാലെ പണാപഹരണം, കടയുടമ കയ്യോടെ പൊക്കി; പോലീസുകാരൻ സസ്‌പെൻഷനിൽ

Published

on

By

പീരുമേട്(ഇടുക്കി);വ്യാപാര സ്ഥാപനത്തിലെ പണപ്പെട്ടിയിൽ നിന്ന് പണം മോഷ്ടിച്ചതായുള്ള ആരോപണം നേരിടുന്ന പോലീസുകാരന് സസ്പെൻഷൻ.

പീരുമേട് സ്റ്റേഷനിലെ സിവിൽ പോലീസ് ഓഫീസർ സാഗർ പി. മധുവിനെയാണ് ഇടുക്കി ജില്ലാ പോലീസ് മേധാവി വി.യു. കുര്യാക്കോസ് സസ്പെൻഡ് ചെയ്തിട്ടുള്ളത്.

പോലീസ് അസോസിയേഷൻ ഇടുക്കി ജില്ലാ വൈസ് പ്രസിഡന്റാണ് സാഗർ. പോലീസിന് നാണക്കേടും അവമതിപ്പും ഉണ്ടാക്കിയതിനാണ് അന്വേഷണ വിധേയമായി സസ്പെൻഡ് ചെയ്തിട്ടുള്ളത്

24 ന് പാമ്പനാർ മാർക്കറ്റ് റോഡിലെ സ്ഥാപനത്തിൽ നിന്നും സാഗർ പണം മോഷ്ടിക്കുകയും കടയുടമ കൈയോടെ പിടികൂടുകയും ചെയ്തതായി മാധ്യമങ്ങളിൽ വാർത്ത വന്നിരുന്നു.ഇതിന്റെ അടിസ്ഥാനത്തിൽ നടന്ന അന്വേഷണത്തെത്തുടർന്നാണ് നടപടി.

ജില്ലാ പോലീസ് മേധാവിയുടെ ഡാൻസാഫിൽ അംഗമായിരുന്ന സാഗർ ഉൾപ്പെട്ട സംഘം മുമ്പ് പാമ്പനാറിലെ യേശുദാസ് എന്നയാളുടെ വ്യാപാര സ്ഥാപനത്തിൽ നിന്നും പുകയില ഉത്പന്നങ്ങൾ പിടികൂടിയിരുന്നു.

ഇതിനു ശേഷം സാഗർ മിക്കപ്പോഴും ഈ സ്ഥാപനത്തിൽ എത്താറുണ്ടായിരുന്നു.സൗഹൃദം മുതലെടുത്ത്
സ്ഥാപനത്തിൽ എത്തിയാൽ ഇയാൾ പണപ്പെട്ടി ഇരയിക്കുന്നതിന് സമീപം കസേരയിൽ ഇയാൾ ഇരിയ്ക്കുകയും പതിവായിരുന്നു.

സംഭവ ദിവസം കടയിലെത്തിയ സാഗർ നാരങ്ങാവെള്ളം ആവശ്യപ്പെട്ടെന്നും ഉടമ നാരങ്ങ വെള്ളം എടുക്കുക്കാൻ തിരിഞ്ഞപ്പോൾ സാഗർ പണപ്പെട്ടിയിൽ നിന്നും പണം അപഹരിച്ചെന്നും ഉടമ ഇത് കയ്യോടെ പിടികൂടിയെന്നുമാണ് പുറത്തുവന്നിട്ടുള്ള വിവരം.

മുമ്പും പല തവണ പോലീസുകാരൻ ഇത്തരത്തിൽ പണം അപഹരിച്ചിട്ടുണ്ടെന്നും 40000 രൂപയോളം നഷ്ടപ്പെട്ടിട്ടുണ്ടെന്നും ഇത് നൽകണമെന്നും സ്ഥാപന ഉടമ ആവശ്യപ്പെട്ടുവെന്നും ഇത് സംബന്ധിച്ചുള്ള വാദപ്രിവാദങ്ങൾ ഒച്ചപ്പാടിൽ കലാശിച്ചെന്നും ഇതാണ് സംഭവം പുറത്തറിയാൻ വഴിയൊരുക്കിയതെന്നുമാണ് സൂചന.

പണം നൽകാൻ പോലീസുകാരൻ സമ്മതിച്ചതിനാൽ സ്ഥാപന ഉടമ ഈ സംഭവത്തിൽ പോലീസിൽ പരാതി നൽകിയിട്ടില്ലന്നാണ് അറയുന്നത്.സാമൂഹ്യ മാധ്യമങ്ങളിലുൾപ്പെടെ വാർത്ത പ്രചരിച്ചതോടെയാണ് ഇപ്പോൾ വകുപ്പുതല നടപടിയുണ്ടായിട്ടുള്ളത്.

കൂടുതൽ അന്വേഷണം നടത്തി വിശദമായ റിപ്പോർട്ട് സമർപ്പിക്കാൻ പീരുമേട് ഡിവൈഎസ്പി ജെ. കുര്യാക്കോസിനെ എസ്പി ചുമതലപ്പെടുത്തി. ഇതിനിടെ സാഗർ കുട്ടിക്കാനത്തെ ഒരു കടയിൽ നിന്ന് പണം തട്ടിയെടുത്തതായുള്ള ആരോപണവും ഉയർന്നിട്ടുണ്ട്.

 

Continue Reading

Latest news

പണാപഹരണം, പരാതി ഒഴിവാക്കിയിട്ടും രക്ഷയില്ല, അന്വേഷണം തുടങ്ങി; പോലീസുകാരൻ ഊരാക്കുടിക്കിൽ

Published

on

By

പീരുമേട് ; വ്യാപാരസ്ഥാപനത്തിൽ ഉടമയെ കബളിപ്പിച്ച് പോലീസുകാരൻ പണം അപഹരിച്ച സംഭവത്തിൽ രഹസ്യന്വേഷണ വിഭാഗം തെളിവെടുത്തു.

പെട്ടിയിൽ നിന്നു പണം മോഷ്ടിച്ച പൊലീസുകാരനെ കടയുടമ കയ്യോടെ പിടികൂടുകയായിരുന്നു.പൊലീസ് അസോസിയേഷൻ ജില്ലാ ഭാരവാഹികൂടിയായ പൊലീസുകാരന്റെയും സഹപ്രവർത്തകരിൽ ചിലരുടെയും സമ്മർദ്ധത്തിന്റെ ഫലമായി കടയുടമ പരാതിയിൽ നിന്നും പിൻമാറിയിരുന്നു.

ഇതിനകം തന്നെ വിവരം മാധ്യമങ്ങളിലൂടെ പുറത്തുവന്ന സാഹചര്യത്തിലാണ് രഹസ്യാന്വേഷണ വിഭാഗം സംഭവത്തെക്കുറിച്ച് അന്വേഷണം ആരംഭിച്ചിട്ടുള്ളത്.

കഴിഞ്ഞ ദിവസം പാമ്പനാർ മാർക്കറ്റ് റോഡിലെ വ്യാപാരസ്ഥാപനത്തിലായിരുന്നു സംഭവം.സ്ഥാപനത്തിലെ നിത്യസന്ദർശകനായ പൊലീസുകാരൻ സോഡാ നാരങ്ങാവെള്ളം ആവശ്യപ്പെട്ടു.കടയുടമയുടെ ശ്രദ്ധ തിരിഞ്ഞപ്പോൾ പണപ്പെട്ടിയിൽ നിന്നും 1000 രൂപ കൈക്കലാക്കുകയും ഉടമ ഇത് കയ്യോടെ പിടികൂടുകയുമായിരുന്നു.

മുൻപു പല തവണ പൊലീസുകാരൻ കടയിൽ എത്തിയപ്പോഴൊക്കെ പെട്ടിയിൽ നിന്നു പണം നഷ്ടപ്പെട്ടിരുന്നു.ഇതുമനസ്സിലാക്കിയ കടയുടമ ജാഗ്രതയാണ് പോലീസുകാരൻ കുടുങ്ങാൻ കാരണം.ബഹളം കേട്ടു സമീപത്തെ കച്ചവട സ്ഥാപനങ്ങളിൽ നിന്നുള്ളവരുമെത്തി.

ഇതോടെ താൻ നഷ്ടപരിഹാരം നൽകാമെന്നായി പൊലീസുകാരൻ.പരാതി നൽകാതിരിക്കാൻ 40,000 രൂപ വാഗ്ദാനം ചെയ്യുകയും 5,000 രൂപ ഉടനടി നൽകുകയുമായിരുന്നു.ഇതിനിടെ ചില വ്യാപാരികൾ പീരുമേട് പൊലീസ് സ്റ്റേഷനിൽ വിവരമറിയിച്ചു.പൊലീസ് സ്ഥലത്തെത്തിയെങ്കിലും നടപടികൾക്ക് തയ്യാറായില്ല എന്ന ആരോപണം വ്യാപകമായിട്ടുണ്ട്.ഒത്തുതീർപ്പ് ചർച്ചകളിലൂടെ പ്രശ്‌നം പരിഹരിക്കാനാണ് സ്ഥത്തെത്തിയ പോലീസ് ഉദ്യോഗസ്ഥർ താൽപര്യം പ്രകടിപ്പിച്ചതെന്ന ആക്ഷേപവും ഉയരുന്നുണ്ട്.്.

സമ്മർദം മുറുകിയതോടെ തനിക്കു പരാതിയില്ലെന്നു മുതിർന്ന പൗരനായ വ്യാപാരി അറിയിച്ചു.മുൻപ് നിരോധിത ലഹരി ഉൽപന്നങ്ങൾ ഇതേ കടയിൽ നിന്നു പൊലീസ് പിടികൂടിയിരുന്നു.

റെയ്ഡിനെത്തിയ പോലീസ് സംഘത്തിൽ ഇപ്പോൾ പണം അപഹരിച്ച സംഭവത്തിൽ കുടുങ്ങിയ പോലീസുകാരനും ഉൾപ്പെട്ടിരുന്നു.ഈ പോലീസുകാരൻ പിന്നീട് കടയുടമയുമായി സൗഹൃദത്തിലാവുകയായിരുന്നു. ഇതു മുതലെടുത്ത്, കടയിലെത്തിയാൽ ഇയാൾ കാഷ് കൗണ്ടറിൽ ഇരിക്കുക പതിവായിരുന്നു.ഈ സാഹചര്യം മുതലെടുത്ത് ഇയാൾ പണം കൈക്കലാക്കുകയായിരുന്നെന്നാണ് പുറത്തുവന്നിട്ടുള്ള വിവരങ്ങളിൽ നിന്നും വ്യക്തമായിട്ടുള്ളത്.

 

Continue Reading

Latest news

4 ഗ്രാം മുതൽ 3 കിലോ വരെ തൂക്കം, ഒറ്റയിടിക്ക് 6000 കിലോമീറ്ററിലേറെ പറക്കും; തട്ടേക്കാട്ടെ ദേശാടകരുടെ വിശേഷങ്ങളറിയാം

Published

on

By

കോതമംഗലം;തട്ടേക്കാട് പക്ഷിസങ്കേതത്തിലേയ്ക്ക് ദേശാടന പക്ഷികളുടെ പ്രവാഹം ഊർജ്ജിതം.

ചൈനീസ് പോണ്ട് ഹെറൺ, ഫോട്ടോ:റെജീവ് തട്ടേക്കാട്‌

ഹിമാലയം,സൈബീരിയ എന്നിവിടങ്ങളിൽ നിന്നുള്ള പക്ഷികളാണ്് ആദ്യം എത്തിയത്.ഇന്ത്യൻ പിറ്റ,ബ്ലാക്ക് ബസ്സ,വിവിധ ഇനത്തിൽപ്പെട്ട ഫ്ലൈക്യാച്ചറുകൾ എന്നിവയാണ് ഇവരിൽ പ്രമുഖർ.

ഈ മാസം ആദ്യമുതൽ ദേശാടനക്കിളികൾ പക്ഷിസങ്കേതത്തിലേക്ക് എത്തിത്തുടങ്ങിയിരുന്നു.ഇപ്പോൾ ഇക്കൂട്ടരുടെ പ്രവാഹം ശക്തിപ്പെട്ടിട്ടുണ്ട്.4 ഗ്രാം മുതൽ 3 കിലോ വരെ തൂക്കമുള്ള പക്ഷികളും ദേശാടകരുടെ കൂട്ടത്തിലുണ്ട്.സൈബീരീയയിൽ നിന്നുള്ള ജലപക്ഷികളിൽ ചിലത് 6000 കിലോമീറ്ററിലേറെ പറന്നാണ് ഇവിടേയ്ക്ക് എത്തുന്നത്.

ബ്ലാക്ക് ബസ്സ,ഫോട്ടോ:റെജീവ് തട്ടേക്കാട്‌

പക്ഷിസങ്കേതത്തിൽ 322 ഇനം പക്ഷികളെ ഇതിനകം തിരിച്ചറിഞ്ഞിട്ടുണ്ട്. ഇതിൽ 40 ശതമാനവും ദേശാടകരാണ്.ഇവിടം അപൂർവ്വവും അത്യപൂർവ്വവുമായ പക്ഷി-ജന്തു-സസ്യജാലങ്ങളുടെയും കലവറയാണെന്ന് ദശാബ്ദങ്ങൾക്ക് മുമ്പെ സ്ഥിരീകരിക്കപ്പെട്ടിരുന്നു.

കോതമംഗലത്തുനിന്നും 12 കിലോമീറ്ററോളം അകലെ പെരിയാർ തീരത്ത് 2500 ഹെക്ടറിലായി വ്യാപിച്ചുകിടക്കുന്ന വനമേഖല ഉൾപ്പെടുന്നതാണ് തട്ടേക്കാട് പക്ഷിസങ്കേതം.

സിംഹം ഒഴികെയുള്ള ഒട്ടുമിക്ക വന്യമൃഗങ്ങളും ഈ വനമേഖലയിൽ ഉണ്ടെന്നാണ് ഇതുവവരെ പുറത്തുവന്നിട്ടുള്ള കണക്കെടുപ്പിൽ വ്യക്തമായിട്ടുള്ളത്.

ചെസ് നെട്ട് വിംഗ് ക്യുക്കു, ഫോട്ടോ:റെജീവ് തട്ടേക്കാട്‌

അന്തിരച്ച പക്ഷിശാത്രജ്ഞൻ ഡോ.സലീം അലിയാണ് ഇവിടം പറവകളുടെ സാമ്രാജ്യമാണെന്ന് സ്ഥിരീകരിച്ചത്.സംസ്ഥാന സർക്കാർ ഇവിടം പക്ഷിസങ്കേതമായി പ്രഖ്യപിച്ചതിന് പിന്നിലും ഇദ്ദേഹത്തിന്റെ ശക്തമായ ഇടപെടലുണ്ട്.ഇന്ന് ലോകത്തെമ്പാടുമുള്ള പക്ഷി നിരീക്ഷകരുടെയും ഗവേഷകരുടെയും ശ്രദ്ധാകേന്ദ്രമാണ് തട്ടേക്കാട് പക്ഷിസങ്കേതം.

വിദേശിയരടക്കം ദിനം പ്രതി നൂറുകണക്കിന് വിനോദ സഞ്ചാരികളും ഇവിടെ എത്തുന്നുണ്ട്.കിഴക്കൻ മേഖലയിലേയ്ക്കുള്ള യാത്രയിൽ വിനോദസഞ്ചാരികളുടെ പ്രധാന ഇടത്താവളം കൂടിയാണ് തട്ടേക്കാട് പക്ഷിസങ്കേതം.

Continue Reading

Trending

error: