Connect with us

Latest news

സന്തോഷിന്റെ ക്രൂരതയിൽ ഞെട്ടിവിറച്ച് നാട്ടുകാർ; വിദ്യയുടെ ആരോഗ്യനിലയിൽ പുരോഗതി,അറ്റുപോയ കൈപ്പത്തിയും വിരലുകളും തുന്നിച്ചേർത്തു

Published

on

പത്തനംതിട്ട;സന്തോഷിന്റെ ക്രൂരതയിൽ ഞെട്ടിവിറച്ച് നാട്ടുകാർ.ഭാര്യ കലഞ്ഞൂർ പറയൻകോട് ചാവടിമലയിൽ വിദ്യയുടെ ഇടതുകൈപ്പത്തിയും വലതുകൈയ്യിലെ വിരലുകളുടെ അരിഞ്ഞിട്ട ഇയാളുടെ കൊടും ക്രൂരതയറിഞ്ഞ ഉറ്റവരുടെയും അടുപ്പക്കാരുടെയും അമ്പരപ്പ് ഇനിയും വിട്ടുമാറിയിട്ടില്ല.

സന്തോഷിന്റെ വെട്ടേറ്റ് ഭാര്യ വിദ്യയുടെ ഇടതുകൈപ്പത്തി അറ്റുപോയിരുന്നു.വലത് കൈയ്യിലെ വിരലുകളും മുറിഞ്ഞു.തിരുവനന്തപുരം മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലുള്ള വിദ്യയുടെ ആരോഗ്യനില നേരിയ തോതിൽ മെച്ചപ്പെട്ടു.

ബോധം തെളിഞ്ഞപ്പോൾ അമ്മയോട് മകനെപ്പറ്റി തിരക്കിയിരുന്നു.അറ്റുപോയ കൈപ്പത്തി 8 മണിക്കൂർ നീണ്ട ശസ്ത്രക്രിയയിലൂടെ തുന്നിച്ചേർത്തിരുന്നു.പരിക്കേറ്റ വിദ്യയുടെ പിതാവ് വിജയനും മെഡിക്കൽ കോളജ് ആശുപത്രിയിൽ ചികിത്സയിലാണ്. ഇദ്ദേഹത്തിന്റെ പരുക്ക് ഗുരുതരമല്ല.

വിദ്യയെ ശനിയാഴ്ചയാണ് ഭർത്താവ് സന്തോഷ് (28) വെട്ടി പരിക്കേൽപ്പിച്ചത്.സംഭവത്തിനുശേഷം കഴിഞ്ഞ ദിവസം പുലർച്ചെ കൂടൽ പൊലീസ് ഇൻസ്പെക്ടർ ജി.പുഷ്പകുമാറിന്റെ നേതൃത്വത്തിൽ അടൂരിൽ നിന്ന് ഇയാളെ കസ്റ്റഡിയിലെടുത്തിരുന്നു.ചോദ്യം ചെയ്യലിലാണ് ആക്രമണത്തിനുള്ള കാരണത്തെക്കുറിച്ച് സന്തോഷ് വെളിപ്പെടുത്തിയത്.കോടതിയിൽ ഹാജരാക്കി, റിമാൻഡ് ചെയ്തു.

വിവാഹമോചന കേസിന്റെ ഭാഗമായി നടന്ന കൗൺസലിങ്ങിനെ തുടർന്ന്, മാസത്തിൽ 2 തവണ നേരിലും 2 തവണ വിഡിയോ കോൺഫറൻസിലൂടെയും കുട്ടിയെ കാണാൻ സന്തോഷിനെ അനുവദിക്കണമെന്ന് കോടതി നിർദേശിച്ചിരുന്നു.എന്നാൽ ഒരാഴ്ച മുൻപ് മകനെ തനിക്ക് പൂർണമായും വിട്ടുതരണമെന്ന് സന്തോഷ് ഫോണിലൂടെ വിദ്യയോട് ആവശ്യപ്പെട്ടിരുന്നു.ഈ ആവശ്യം വിദ്യ നിഷേധിച്ചതാണ് ആക്രമണത്തിന് കാരണം.

 

1 / 1

Latest news

വാഹനാപകടത്തിൽ പരിക്കേറ്റ് ചികത്സയിലായിരുന്ന മകൾ മരിച്ചു, പിന്നാലെ മാതാവ് ജീവനൊടുക്കി; ദാരുണ സംഭവം കോതമംഗലം നെല്ലിക്കുഴിയിൽ

Published

on

By

കോതമംഗലം :വാഹനാപകടത്തിൽ  പരിക്കേറ്റ് ചികിത്സയിലായിരുന്ന മകൾ മരിച്ചു. പിന്നാലെ മാതാവ് ജീവനൊടുക്കി. കോതമംഗലം നെല്ലിക്കുഴിയിലാണ് ദാരുണ സംഭവം.

രണ്ട് മാസം മുമ്പ് ചിറയിൻകീഴിലുണ്ടായ  വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ യൂസി കോളേജ് എംബിഎ  വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത് നായിക്കിന്റെ മകൾ സ്നേഹ(24) (സോനു )ഇന്നലെ രാത്രിയിലാണ് മരണപ്പെട്ടത്.

മരണവാർത്ത അറിഞ്ഞതിന് പിന്നാലെ സ്നേഹയുടെ മാതാവ് ഗായത്രി( 45)നെല്ലിക്കുഴി കമ്പനിപ്പടിയിൽ  താമസ സ്ഥലത്ത് ജീവനൊടുക്കുകയായിരുന്നു.

കഴിഞ്ഞ മുപ്പതു വർഷത്തോളമായി കോതമംഗലത്ത് ജ്വല്ലറിയിൽ
ജീവനക്കാരനായിരുന്നു ഹനുമന്ത്.
കമ്പ്യൂട്ടർ വിദ്യാർത്ഥി
ശിവകുമാർ ഹനുമന്ത് സ്നേഹയുടെ സഹോദരനാണ്.

അയൽവാസികളും, നാട്ടുകാരുമായി വളരെ സൗഹൃദത്തിൽ കഴിഞ്ഞിരുന്ന സ്നേഹയുടെയും, ഗായത്രിയുടെയും മരണ വാർത്ത നാടിനെ ഒന്നാകെ ദുഃഖതിലാഴ്ത്തി.

രണ്ടു പേരുടെയും മൃദദേഹം പോസ്റ്റ്മോർട്ടത്തിന് ശേഷം സ്വദേശത്തേക്ക് കൊണ്ടു പോകാനുള്ള ഒരുക്കങ്ങൾ പൂർത്തിയായി.

1 / 1

Continue Reading

Latest news

അടിമാലിയിൽ വൃദ്ധയെ കൊലപ്പെടുത്തി ആഭരണങ്ങൾ കവർച്ച ചെയ്ത സംഭവം; പ്രതികൾ പിടിയിൽ

Published

on

By

അടിമാലി: അടിമാലിയിൽ വൃദ്ധയെ കഴുത്തറുത്ത് കൊലപ്പെടുത്തി ആഭരണങ്ങൾ കവർച്ച ചെയ്ത സംഭവത്തിൽ പ്രതികൾ പിടിയിൽ.

കൊല്ലം കിളികൊല്ലൂർ സേവ്യർ
കോട്ടേജിൽ അലക്സ്, ഇയാൾക്കൊപ്പം താമസിച്ചുവരുന്ന കവിത എന്നിവരെയാണ് സംഭവവുമായി ബന്ധപ്പെട്ട് അടിമാലി പോലീസ് കസ്റ്റഡിയിൽ എടുത്തിട്ടുള്ളത്.
അടിമാലി കുരിയൻസ് പടിക്ക്  സമീപം താമസിക്കുന്ന  നടുവേലിൽ കിഴക്കേതിൽ പരേതനായ കാസിമിന്റെ ഭാര്യ ഫാത്തിമ (70) യെയാണ് ഇവർ കൊലപ്പെടുത്തിയത്.
സ്വർണ്ണാഭരണം കവർച്ച ചെയ്യുന്നതിനാണ്
കൊല നടത്തിയതെന്ന് അലക്സ് പോലീസിൽ സമ്മതിച്ചതായിട്ടാണ് സൂചന. കൊലയ്ക്കുശേഷം ഫാത്തിമ ധരിച്ചിരുന്ന വളകളും മാലയും മറ്റും ഇവർ ഊരിയെടുത്തു.
ഇതിൽ ഒന്നരപവൻ അടിമാലിയിലെ പണമിടപാട് സ്ഥാപനത്തിൽ പണയ
പ്പെടുത്തി 60000 രൂപ തരപ്പെടുത്തി , കാറിൽ കോതമംഗലം വരെയെത്തി ഇവർ പാലക്കാട് ഭാഗത്തേയ്ക്ക് ബസിൽ യാത്ര തിരിയ്ക്കുകയായിരുന്നു.
പാലക്കാട് കുഴൽമന്ദം ഭാഗത്തുവച്ചാണ് ഇരുവരെയും പോലീസ് കസ്റ്റ
ഡിയിൽ എടുത്തതെന്നാണ് അറിയുന്നത്. അലക്സ് മുമ്പ് മോഷണം അടക്കം 6 കേസുകളിൽ പ്രതിയാണെന്നാണ് സൂചന.
ഇന്നലെ  വൈകിട്ട് 5 മണിയോടെ വീട്ടിലെത്തിയ ഇവർ കുറച്ച് സമയം വീടിൻ്റെ മുൻവശത്ത് ഇരുന്ന്  ഫാത്തിമയുമായി സംസാരിച്ച ശേഷം തന്ത്രത്തിൽ അകത്തേക്ക് കൂട്ടിക്കൊണ്ടുപോയി കഴുത്തറക്കുക
യായിരുന്നു. കൊലയ്ക്കു ശേഷം മൃതദേഹത്തിന് ചുറ്റും മുളകുപൊടി വിതറിയ ശേഷമാണ് ഇവർ സ്ഥലം വിട്ടത്.
കഴിഞ്ഞ ഒരാഴ്ചയോളമായി ഇവർ അടിമാലിയിൽ ഉണ്ടായിരുന്നെ
ന്നും പോലീസ് അന്വേഷണത്തിൽ വ്യക്തമായി. ഇവരെ കോതമംഗലത്തെത്തിച്ച കാർ
ഡ്രൈവർ നൽകിയ സുചനകളാണ് പോലീസിന് പ്രതികളെ പിടികൂടുന്നതിന് സഹായകമായത്.
മകൻ സുബൈറിനോടൊപ്പമാണ് ഫാത്തിമ താമസിച്ചിരുന്നത്. ഇന്നലെ വൈകുന്നേരം നാല് മണിയോടെ സുബൈർ ടൗണിൽ പോയിരുന്നു.
തിരിച്ച്  ഏഴുമണിയോടെ ഇയാൾ  വീട്ടിലെത്തിയപ്പോഴാണ് മാതാവ് രക്തത്തിൽ കുളിച്ച് കിടക്കുന്ന നിലയിൽ കണ്ടത്.
ബെഡ്റൂമിൽ നിലത്ത് തറയിൽ കമിഴ്ന്നു കിടക്കുന്ന നിലയിലാണ് മൃതദേഹം കാണപ്പെട്ടത്. അടിമാലി  പോലീസ് മേൽ നടപടികൾ സ്വീകരിച്ചു.
1 / 1

Continue Reading

Latest news

ജസ്നയുടെ തിരോധാനം:വസ്ത്രത്തെ ചുറ്റിപ്പറ്റി ദുരൂഹത ആരോപിച്ച് പിതാവ് കോടതിയിൽ

Published

on

By

കോട്ടയം: മുക്കൂട്ടുതറയിൽനിന്ന് 6 വർഷം മുൻപ് ദുരൂഹസാഹചര്യത്തിൽ കാണാതായ ജെസ്ന മരിയ ജയിംസിന്റെ(21)  വസ്ത്രത്തെ ചുറ്റിപ്പറ്റി ദുരൂഹത.

രക്തക്കറ പുരണ്ട ജെസ്നയുടെ മുറിക്കുള്ളിൽ നിന്നും കണ്ടെടുത്ത വസ്ത്രങ്ങൾ കേന്ദ്രീകരിച്ച് അന്വേഷണം ഉണ്ടായില്ലെന്നാണ് പിതാവ് ജെയിംസ് ജോസഫ് കോടതിയിൽ നൽകിയ ഹർജിയിൽ ഉന്നയിക്കുന്ന വാദം.

ജസ്ന ധരിച്ചിരുന്ന വസ്ത്രങ്ങളിലുള്ളത് ആർത്തവ രക്തമാണോ അതോ ഗർഭകാല രക്തമാണോ എന്ന് പരിശോധിക്കണമെന്നും പിതാവ് ഹർജിയിൽ ആവശ്യപ്പെടുന്നു.കാണാതായതിന് പിന്നാലെ ജെസ്നയുടെ മുറിയിൽ നിന്നും കണ്ടെടുത്ത വസ്ത്രത്തില്‍ അമിതമായ രക്തക്കറയുണ്ടായിരുന്നു.

അന്വേഷണത്തിന്റെ ഭാഗമായി ക്രൈംബ്രാഞ്ച് സംഘം ഈ വസ്ത്രം ശേഖരിച്ചെങ്കിലും കൃത്യമായി തെളിവുകൾ ശേഖരിച്ചില്ലെന്നും പിതാവ് ഹർജിയിൽ ആരോപിച്ചു. കാണാതാകുന്നതിന് ഏതാനും മാസങ്ങൾക്ക് മുന്‍പ് അമിതമായ വയറുവേദനയെ തുടർന്ന് ജെസ്ന സ്വകാര്യ ആശുപത്രിയില്‍ ചികിത്സ തേടിയിരുന്നതായും ഈ സാഹചര്യത്തിൽ ജെസ്നയുടെ വസ്ത്രങ്ങളിലുള്ളത് ആര്‍ത്തവ രക്തമാണോ ഗര്‍ഭകാല രക്തമാണോ എന്ന് പരിശോധിക്കണമെന്നും പിതാവ് നൽകിയ ഹർജിയിൽ പറയുന്നു.

അതേസമയം പിതാവ് ആരോപിക്കുന്ന ജെസ്നയുടെ അജ്ഞാത സുഹൃത്ത് ബന്ധുവായ യുവാവാണെന്നാണ് ക്രൈംബ്രാഞ്ചിന്റെ നിഗമനം. അജ്ഞാത സുഹൃത്തുമായി എല്ലാ വ്യാഴാഴ്ചകളിലും ജെസ്ന കൂടിക്കാഴ്ച നടത്തിയിരുന്നതായുള്ള വിവരം പിതാവ് വെളിപ്പെടുത്തിയിരുന്നു.

ഈ ആരാധനാലയം പ്രദേശത്തെ ഒരു ക്രിസ്ത്യൻ പള്ളിയാണ് എന്നാണ് മുൻപ് കേസ് അന്വേഷിച്ച ക്രൈംബ്രാഞ്ചിന്റെയും അവകാശവാദം.

എന്നാൽ  രക്തക്കറ പുരണ്ട വസ്ത്രം ലഭിച്ചതായി കേസ് അന്വേഷിച്ച ക്രൈംബ്രാഞ്ച് സംഘം നിലപാട് വ്യക്തമാക്കിയപ്പോൾ വസ്ത്രം ലഭിച്ചിരുന്നില്ലെന്നും ജെസ്നക്ക് ഗർഭകാല ലക്ഷണങ്ങളോന്നും തന്നെ ഉണ്ടായിരുന്നില്ല എന്നും ചികിത്സിച്ച ഡോക്ടര്‍മാര്‍ മൊഴി നൽകിയതായി സിബിഐ പറഞ്ഞു.

2 അന്വേഷണ സംഘങ്ങളും വ്യത്യസ്ത നിലപാടുകളിൽ ഉറച്ചുനിൽക്കുന്ന സാഹചര്യത്തിലാണ് കേസ് അവസാനിപ്പിക്കരുത് എന്ന ആവശ്യവുമായി പിതാവ് കോടതിയെ സമീപിച്ചത്.

1 / 1

Continue Reading

Latest news

വേനൽ ചൂടിൽ റെക്കോർഡ് കുതിപ്പ്:പൈനാപ്പിൾ വില ഉയരുന്നു

Published

on

By

മുവാറ്റുപുഴ: പൈനാപ്പിൾ വിലയിൽ റെക്കോർഡ് കുതിപ്പ്. പൊള്ളുന്ന വേനലിൽ ഉണക്ക് ബാധിച്ചതിനെ തുടർന്നും പൈനാപ്പിൾ ലഭ്യതയിൽ 50 % കുറവ് ഉണ്ടായതും തിരഞ്ഞെടുപ്പ്, വിഷു, വിവാഹങ്ങൾ, കൊടും ചൂട് എന്നിവ മൂലം ഡിമാൻഡ് വർധിച്ചതുമാണ് വില വർദ്ധനവിന് കാരണം.

പഴുത്ത പൈനാപ്പിൾ വില 61 രൂപയായായപ്പോൾ പച്ചയ്ക്ക് 59 രൂപയായും ഉയർന്നു.

10 വർഷത്തിനിടെയുള്ള റെക്കോർഡ് വിലയാണിത്. കഴിഞ്ഞ വർഷം ഇതേ കാലയളവിൽ 47 രൂപയായിരുന്നു പച്ച പൈനാപ്പിൾ വില എങ്കിൽ പഴുത്ത പൈനാപ്പിൾ വില 53 രൂപയായിരുന്നു.

10 രൂപയോളമാണ് കഴിഞ്ഞ വർഷത്തെക്കാൾ വില വർധന.എന്നാൽ വേനൽ ഉണക്ക് ബാധിച്ച് ഉൽപാദനം കുറഞ്ഞ സമയവും വലിയ ലാഭം ഒന്നുമില്ലെന്നാണ് കർഷകരുടെ അഭിപ്രായം.

1 / 1

Continue Reading

Latest news

കേരളത്തിൽ ഇന്ന് വിഷു ; കണിയൊരുക്കി ഉണ്ണികണ്ണനെ കണികണ്ട് മലയാളികൾ

Published

on

By

മലയാളികളുടെ പ്രധാന ആഘോഷങ്ങളില്‍ ഒന്നാണ് വിഷു. സമൃദ്ധിയുടെ നേര്ക്കാഴ്ച്ചകളിലേക്ക് മലയാളി കണി കണ്ടുണരുന്ന ദിനം. പുതിയ വർഷത്തിന്റെ തുടക്കമായും ഒരു വർഷത്തെ കൃഷിയിറക്കാനുള്ള ദിവസമായും വിഷു ആഘോഷിച്ചു വരുന്നു.

മേടസംക്രാന്തി ദിനത്തിലാണ് വിഷു ആഘോഷിക്കുന്നത്. കണിയൊരുക്കലാണ് വിഷുവുമായി ബന്ധപ്പെട്ട പ്രധാന ചടങ്ങുകളില്‍ ഒന്ന്. വിളവെടുപ്പ് ഉത്സവം എന്നു പേരുള്ളതു കൊണ്ടു തന്നെ കാർഷിക വിളകൾക്കാണ് കണിയില്‍ പ്രാധാന്യം.

കത്തിച്ചു വെച്ച നിലവിളക്കിനു മുന്നില്‍ ഓട്ടുരുളിയില്‍ കൊന്നപ്പൂവ്, വെള്ളരിക്ക, ചക്ക, മാങ്ങ, മറ്റു ഫലവർഗങ്ങള്‍, നാളികേരം, അഷ്ടമംഗല്യം, അരി, കോടിമുണ്ട്, സ്വർണം, പണം എന്നിവയെല്ലാം ഒരുക്കി വിളഞ്ഞു പാകമായ മഞ്ഞ നിറത്തിലുള്ള വെള്ളരി എന്നിവയെല്ലാം കൃഷ്ണന് കാണിക്കയായി വക്കുന്നു.

കണി ഉരുളിയില്‍ വാല്‍ക്കണ്ണാടിയും വയ്ക്കണമെന്നാണ് നിഷ്ഠ. രാമായണം, മഹാഭാരതം, ഭഗവദ്ഗീത തുടങ്ങിയ ഗ്രന്ഥങ്ങളും കൃഷ്ണപ്രതിമയോ ഫോട്ടോയോ കൂടെ വയ്ക്കുന്ന പതിവുമുണ്ട്. വെള്ളം നിറച്ച കിണ്ടിയും ചിലയിടങ്ങളില്‍ കണിയ്ക്ക് ഒപ്പം വയ്ക്കാറുണ്ട്.

ബ്രാഹ്മമുഹൂർത്തത്തിലാവണം വിഷു കണി കാണേണ്ടത്. സൂര്യോദയത്തിനു മുൻപുള്ള 48 മിനിറ്റിനു മുൻപ് വേണം കാണിക്കണ്ടുണരാൻ. രാത്രിയിലെ പതിനാലാമത്തെ മുഹൂർത്തമാണു ബ്രാഹ്മമുഹൂർത്തം. അതായത്, സൂര്യോദയം ആറു മണിക്കെങ്കില്‍ പുലർച്ചെ 4.24നു ബ്രാഹ്മമുഹൂർത്തം തുടങ്ങും. 5.12ന് അവസാനിക്കും.

വിഷു ആശംസകളുമായി മുഖ്യമന്ത്രി 

വിഷു നമ്മുടെ സമ്പന്നമായ കാർഷിക പാരമ്ബര്യത്തിന്റെ ആഘോഷവും അടയാളപ്പെടുത്തലുമാണ്. സമ്പൽസമൃദ്ധവും സംതൃപ്തിയും നിറഞ്ഞ ഒരു നല്ല നാളേക്ക് വേണ്ടിയുള്ള പ്രതീക്ഷകളാണ് വിഷു ആഘോഷങ്ങളുടെ കാതല്‍. സാമൂഹ്യജീവിതത്തിൽ കർഷകനെയും കാർഷികവൃത്തിയെയും കേന്ദ്രസ്ഥാനത്തു പ്രതിഷ്ഠിക്കുന്നു എന്നതുതന്നെയാണ് ഇതര ഉത്സവങ്ങളിൽ നിന്ന് ഇതിനെ വേറിട്ടുനിർത്തുന്നത്.

നമ്മുടെ കാർഷിക സംസ്കാരം തിരിച്ചുപിടിക്കാനും സമ്പുഷ്ട്ടമാക്കാനുമുള്ള ഓർമ്മപ്പെടുത്തലാവട്ടെ ഈ വർഷത്തെ വിഷു. ജാതി, മത ഭേദങ്ങളില്ലാത്ത മനുഷ്യമനസ്സുകളുടെ സമത്വത്തെ ഉയർത്തിയെടുക്കുന്നതിന് പ്രചോദനം നല്കും അത്. നാനാ ജാതി മതസ്ഥർ ഒത്തൊരുമയോടെ ജീവിക്കുന്ന നമ്മുടെ രാജ്യത്ത് വർഗീയ ഭിന്നിപ്പുണ്ടാക്കാൻ പ്രതിലോമ ശക്തികള്‍ ഗൂഢമായ പദ്ധതികളുമായി മുന്നോട്ടുപോവുകയാണ്. ഈ അപകടത്തെ തിരിച്ചറിഞ്ഞു പ്രതിരോധിക്കാൻ നാം ശ്രദ്ധിക്കേണ്ടതുണ്ട്.

ഇരുളിനു മേലുള്ള വെളിച്ചത്തിന്റെ വിജയമായും വിഷുവിനെ ഐതിഹ്യങ്ങള് കാണുന്നുണ്ട്. സാഹോദര്യവും സമത്വവും പുലരുന്ന ഒരു പുതുലോകം കെട്ടിപ്പടുക്കാനുള്ള ചുവടുവെപ്പായി ഈ വിഷു ആഘോഷങ്ങള്‍ മാറട്ടെ. ഏവർക്കും വിഷു ആശംസകള്‍.

1 / 1

Continue Reading

Trending

error: