അടിമാലി;”മൂത്തുമ്മയെ ചുറ്റകയ്ക്ക് തലയ്ക്കടിച്ചുവീഴ്ത്തി,പേടിയും സങ്കടവും കാരണം സ്തംഭച്ചുപോയി.മൂത്തുമ്മ തറയില്‍ വീണു.ശരീരം നിശ്ചലമാവുന്നതുവരെ അയാള്‍ നോക്കി നിന്നു.പിന്നെ പിടിച്ചുവലിച്ച് സമീപത്തെ എന്റെ വീട്ടിലേയ്ക്ക് കൊണ്ടുപോയി,രക്തത്തില്‍കുളിച്ചുകിടക്കുന്ന സഹോദരനെയും ഉമ്മയെയും കാണിച്ചു.അലറിക്കരഞ്ഞപ്പോള്‍ വലിച്ചിഴച്ച് വീടിനടുത്തെ ഷെഡ്ഡിലേയ്ക്ക് കൊണ്ടുപോയി.പിന്നെ തടഞ്ഞുവച്ച് അതിക്രൂരമായി ഉപദ്രവിച്ചു”

ഉറ്റവര്‍ക്കും തനിയ്ക്കും നേരെയുണ്ടായ ആക്രമണത്തെക്കുറിച്ച് 14 കാരി വെള്ളത്തൂവല്‍ പോലീസിന് മുമ്പാകെ നടത്തിയ വെളിപ്പെടുത്തലിന്റെ ഏകദേശ രൂപം ഇങ്ങിനെ.2021 ഒക്ടോബര്‍ 3-ന് പുലര്‍ച്ചെയായിരുന്നു ആക്രമണം.പെണ്‍കുട്ടിയുടെ മൊഴിപ്രകാരം പോലീസ് ചാര്‍ജ്ജ് ചെയ്ത കേസില്‍ ഇന്നലെ ഇടുക്കി അതിവേഗ കോടതി പ്രതിക്ക് വധ ശിക്ഷ വിധിച്ചിരുന്നു.

പെണ്‍കുട്ടിയുടെ ഉമ്മയുടെ സഹോഹരിയ്‌ക്കൊപ്പം താമസിച്ചിരുന്ന വണ്ടിപ്പെരിയാര്‍ മ്ലാമല സ്വദേശിയാണ് കേസിലെ പ്രതി.കെട്ടിട നിര്‍മ്മാണ തൊഴിലാളിയായ ഇയാള്‍ക ചുറ്റിക കൊണ്ട് പെണ്‍കുട്ടിയുടെ ഉമ്മയെയും സഹോദരനെയും മൂത്തുമ്മയെയും അടിച്ചുവീഴ്ത്തുകയായിരുന്നു.6 വയസുകാരനായ സഹോദരന്‍ തല തകര്‍ന്ന് മരണപ്പെട്ടിരുന്നു.ആശുപത്രിയില്‍ എത്തിച്ച് നടത്തിയ പരിശോധനയില്‍ പെണ്‍കുട്ടി ലൈംഗീക അതിക്രമത്തിന് ഇരയായതായി പോലീസ് സ്ഥിരീകരിച്ചിരുന്നു.

ഇതെത്തുടര്‍ന്ന് ഇയാള്‍ക്കെതിരെ പോക്‌സോ വകുപ്പുകൂടി ഉള്‍പ്പെടുത്തിയാണ് പോലീസ് കോടതിയില്‍ കുറ്റപത്രം സമര്‍പ്പിച്ചത്.പോലീസ് വിവരങ്ങള്‍ ആരാഞ്ഞപ്പോള്‍ പെണ്‍കുട്ടി ഏറെ ഭീതിയോടെയാണ് പ്രതികരിച്ചത്.രക്തത്തില്‍ കുളിച്ചുകിടക്കുന്ന ഉറ്റവരെ നേരില്‍ കണ്ടതിന്റെ ഞെട്ടലും തനിയ്ക്കുനേരെ ഉണ്ടായ ഉപദ്രവത്തെത്തുടര്‍ന്നുള്ള അസ്വസ്തകളും കൊല്ലുമെന്ന ഭീതിയില്‍ രാത്രി ഒളിവില്‍ കഴിയേണ്ടി വന്നതിന്റെ ആകുലതകളുമാണ് ഇതിന് കാരണമെന്ന് പോലീസിന് വ്യക്തമായി.

തുടര്‍ന്ന് ആവശ്യമായ കൗണ്‍സിംഗ് നല്‍കിയതടെയാണ് പെണ്‍കുട്ടി ഏറെക്കുറെ സാധാരണ നിലയിലേയ്ക്ക് എത്തിയത്.പെണ്‍കുട്ടിയില്‍ നിന്നും ലഭിച്ച വിവരങ്ങളാണ് കേസില്‍ നിര്‍ണ്ണായകമായത്.പരിക്കേറ്റ ഉറ്റവര്‍ ഏറെ നാളത്തേ ചികത്സയ്ക്ക് ശേഷമാണ് അപകട നില തരണം ചെയ്തത്.

തന്നെയും പങ്കാളിയെയും അകറ്റിയത് പെണ്‍കുട്ടിയുടെ ഉമ്മയും മൂത്തുമ്മയും ആണെന്നുള്ള സംശയത്തെത്തുടര്‍ന്നാണ് ആക്രമണം നടത്തിയതെന്ന്് പ്രതി പോലീസില്‍ സമ്മതിച്ചിരുന്നു.

ആനച്ചാല്‍ ആമക്കണ്ടത്തെ നടുക്കിയ സംഭവത്തിലെ പ്രതിക്ക് വധശിക്ഷ ലഭിച്ചത് വെള്ളത്തൂവല്‍ പൊലീസിന് അഭിമാനിയ്ക്കാവുന്ന നേട്ടമാണെന്നാണ് ചൂണ്ടികാണിയ്ക്കപ്പെടുന്നത്.

പുലര്‍ച്ചെ നടന്ന അരുംകൊലയില്‍ പ്രതിയെ അന്ന് രാത്രിയില്‍ വെള്ളത്തൂവല്‍ മുതുവാംകുടിയില്‍ നിന്നും പോലീസ് കസ്റ്റഡിയില്‍ എടുത്തിരുന്നു.
ഇടുക്കി ജില്ലാ പൊലീസ് മേധാവിയായിരുന്ന കറുപ്പസാമിയുടെയും ഡിവൈഎസ്പി ഇമ്മാനുവല്‍ പോളിന്റെയും മേല്‍നോട്ടത്തില്‍ വെള്ളത്തൂവല്‍ പൊലീസ് ഇന്‍സ്‌പെക്ടര്‍ ആര്‍.കുമാറിന്റെ നേതൃത്വത്തില്‍ എസ്‌ഐമാരായ സജി എന്‍ പോള്‍, സന്തോഷ്, എഎസ്‌ഐമാരായ സിബി,ജോളി എന്നിവര്‍ ചേര്‍ന്നായിരുന്നു കേസ് അന്വേഷിച്ചത്.

കോടതിയില്‍ 73 സാക്ഷികളെ വിസ്തരിച്ചു. 93 രേഖകളും 59 തൊണ്ടിസാധനങ്ങളും ഹാജരാക്കി. വധശിക്ഷയ്‌ക്കെതിരെ ഹൈക്കോടതിയെ സമീപിക്കുമെന്ന് പ്രതിഭാഗം അറിയിച്ചു.

വണ്ടിപ്പെരിയാര്‍ മ്ലാമലയില്‍ ഭാര്യയും മക്കളും ഉണ്ടായിരുന്ന പ്രതി 4 വര്‍ഷം മുന്‍പാണ് ഇവരെ ഉപേക്ഷിച്ച് മേസ്തിരിപ്പണിക്കായി ആമക്കണ്ടത്ത് എത്തിയത്. തുടര്‍ന്നാണ് ആമക്കണ്ടത്തെ യുവതിയെ ഭാര്യയാക്കിയത്. ഈ യുവതിയുടെ സഹോദരിയെ ആക്രമിക്കുകയും മകനെ കൊലപ്പെടുത്തുകയും മകളെ പീഡിപ്പിക്കുകയും ചെയ്ത കേസിലാണ് ശിക്ഷ.

കൊലപാതകത്തിന് ഒരു മാസം മുന്‍പ് പ്രതിയും ഭാര്യയുമായി വഴക്കുണ്ടായി.തുടര്‍ന്ന് ഇയാള്‍ അമ്പഴച്ചാലില്‍ വാടകവീട്ടിലേക്ക് താമസം മാറി. ഈ വാടകവീട്ടില്‍ നിന്ന് 2021 ഒക്ടോബര്‍ രണ്ടിന് സന്ധ്യയ്ക്ക് ഓട്ടോറിക്ഷ വിളിച്ചാണ് ഇയാള്‍ ആനച്ചാലില്‍ എത്തിയത്.

മഴയുള്ളതിനാല്‍ കടയില്‍നിന്ന് കുട വാങ്ങി. രാത്രിയോടെ നടന്ന് ആമക്കണ്ടത്ത് മുന്‍പ് ഭാര്യയോടൊപ്പം താമസിച്ചിരുന്ന വീട്ടിലെത്തി.അവിടെ ആരും താമസമുണ്ടായിരുന്നില്ല.തുടര്‍ന്നു പുലര്‍ച്ചെ, ഭാര്യയുടെ സഹോദരിയും മക്കളും താമസിക്കുന്ന വീട്ടിലെത്തി കൊലപാതകം നടത്തിയെന്നാണ് കേസ്.

വിഷം കൊണ്ട് അട്ടകളെ തുരത്തിയെന്ന് പ്രതി,ആത്മഹത്യചെയ്യാന്‍ കഴിഞ്ഞില്ലന്നും പരിതേവനം

ആക്രമണം സംബന്ധിച്ച വിവരങ്ങള്‍ പുറത്തുപറഞ്ഞാല്‍ ആത്മഹത്യചെയ്യുമെന്ന് പറഞ്ഞ് പ്രതി, പെണ്‍കുട്ടിയെ ഭീഷണിപ്പെടുത്തിടിരുന്നു.വിഷക്കുപ്പി പെണ്‍കുട്ടിയെ കാണിയ്ക്കുകയും ചെയ്തിരുന്നു.ഈ വിവരം പുറത്തുവന്നതോടെ പ്രതി ആത്മഹത്യ ചെയ്തിട്ടുണ്ടാവുമെന്ന് പൊലീസ് സംശയിച്ചിരുന്നു.

വിഷം കൊണ്ട് അട്ടകളെ തുരത്തിയെന്ന് പ്രതി,ആത്മഹത്യചെയ്യാന്‍ കഴിഞ്ഞില്ലന്നും പരിതേവനം

രക്ഷപ്പെടുന്നതിനുള്ള പ്രതിയുടെ അടവായിരുന്നുവെന്നു പിന്നീട് ബോധ്യപ്പെട്ടു.പിടിയിലായപ്പോള്‍ ഇതെക്കുറിച്ച് പോലീസ് ചോദിച്ചപ്പോള്‍ കാലില്‍ കടിച്ച അട്ടകളെ കൊല്ലാന്‍ വിഷം ഉപയോഗിച്ചതിനാല്‍ തീര്‍ന്നുപോയെന്നായിരുന്നു പ്രതിയുടെ പ്രതികരണം.

ആക്രമണത്തിന് പ്രതി ശേഷം യൂക്കാലി പ്ലാന്റേഷനിലൂടെ നടന്ന്, ധരിച്ചിരുന്ന വസ്ത്രം ചെങ്കുളം അണക്കെട്ടില്‍ക്കളഞ്ഞു.തുടര്‍ന്ന് കുളിച്ച് കയ്യില്‍ കരുതിയിരുന്ന വസ്ത്രം ധരിച്ചാണ് ഇവിടെ നിന്നും സ്ഥലം വിട്ടത്.ചെങ്കുളം ഡാമില്‍ക്കളഞ്ഞ മുണ്ടും ഷര്‍ട്ടും സ്‌കൂബ ടീം മുങ്ങിയെടുത്തു. ഈ വസ്ത്രത്തിലെ ചോരക്കറ കണ്ടെത്തിയത് കേസില്‍ നിര്‍ണായക തെളിവായി.

(കേസില്‍ പോക്‌സോ വകുപ്പ് കൂടി ചേര്‍ത്തിട്ടുള്ളതിനാല്‍ വാര്‍ത്തിയില്‍ പ്രതിയുടെ അടക്കം പേരും വിലാസവും ചിത്രവും നല്‍കുന്നത് നിയമ വിരുദ്ധമായതിനാല്‍ ഒഴിവാക്കിയിട്ടുണ്ട്.)

ദേ.................
നിങ്ങൾ അറിഞ്ഞോ അടിമാലി 🏤സെന്റ്. ജോസഫ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷനിൽ പ്ലസ് ടു തോറ്റ കുട്ടികൾക്ക് പ്ലസ് ടു തതുല്യമായ ഡിപ്ലോമ മെഡിക്കൽ കോഴ്സുകളിലേക്കുള്ള അഡ്മിഷൻ ആരംഭിച്ചിരിക്കുന്നു
👉D. Voc MLT
👉D. Voc In Dialysis Technology
👉D. Voc in Radiology
👉D. Voc in X-ray Technology
എന്നി കോഴ്സുകളും
പ്ലസ് ടു ഏതു സബ്ജെക്ടിൽ ജയിച്ച കുട്ടികൾക്ക് (Humanities, Commerce, Science) ഡിഗ്രി മെഡിക്കൽ കോഴ്സുകളിലേക്കും അഡ്മിഷൻ എടുക്കാം
👉B. Voc in MLT
👉B. Voc in Dialysis Technology
👉B. Voc in Radiology
👉B. Voc in OT Technology
👉B. Voc in X-ray Technology
👉B. Voc in Patient Care
👉B. Voc in Hospital Administration
ഉടൻ വിളിക്കുക
☎️9447597766
9446309303