Latest news
സൈക്കിളിംഗിനിടെ അപകടം,കാരണം ഡ്രൈവറുടെ അശ്രദ്ധയെന്ന് ആക്ഷേപം;ദുരന്തം തലനാരിഴയ്ക്ക് ഒഴിവാകുകയായിരുന്നെന്നും സൂചന
തൊടുപുഴ;സംസ്ഥാന സ്കൂൾ ഗെയിംസിലെ സൈക്ലിംഗ് ചാമ്പ്യൻഷിപ്പിൽ പങ്കെടുത്ത മത്സരാർത്ഥികൾക്ക് പരിക്കേൽക്കാൻ കാരണം അനൗൺസ്മെന്റ് വാഹനത്തിലെ ഡ്രൈവറുടെ അശ്രദ്ധയെന്ന് സൂചന.
മൂന്നു വിദ്യാർത്ഥികൾക്കും മത്സരം കണ്ടുകൊണ്ടിരുന്ന ആളുകൾക്കും അപകടത്തിൽ പരിക്കേറ്റിരുന്നു.
അരിക്കുഴ കൃഷിഭവൻ മുതൽ മൂഴിക്കൽ ക്ഷേത്രം വരെയുള്ള ഭാഗത്ത് നടന്ന സീനിയർ പെൺകുട്ടികളുടെ സൈക്ലിംഗ് മത്സരത്തിനിടെയാണ് ഇന്നലെ രാവിലെ 8:15 ഓടുകൂടി അപകടം സംഭവിച്ചത്.
തിരുവനന്തപുരം ലക്ഷ്മിഭായി നാഷണൽ കോളേജ് ഓഫ് ഫിസിക്കൽ എജ്യുക്കേഷനിൽ(എൽ.എൻ.സി.പി.ഇ) നിന്നും പരിശീലനം നടത്തിയ കെ ആർ പ്രിയാമണി. അനക്സിയ മരിയ തോമസ്. എറണാകുളത്തെ മറ്റൊരു സ്കൂൾ ആയ സെൻറ് തെരേസാസ് സ്കൂളിലെ വിദ്യാർത്ഥിനി കരോലിൻ നിജിൽ എന്നിവർക്കും വണ്ടൻമേട് സ്വദേശിയായ എൻ.ഗിരീഷ് എന്നിവർക്കും അപകടത്തിൽ പരിക്കേറ്റു.
ഗിരീഷിന്റെ മകന് ഉള്പ്പെടെ 16 പേരാണ് മത്സരത്തില് പങ്കെടുത്തത്. 5 കിലോമീറ്റര് വീതം ഉള്ള മൂന്ന് ലാപ്പായി നടത്തിയ മത്സരം, അവസാന ഘട്ടത്തിലേയ്ക്ക് നീങ്ങവെയായിരുന്നു കാഴ്ചക്കാരെ ഞെട്ടിച്ച അപകടം.
വാഹനങ്ങള് കടന്നുവരരുതെന്ന് അനൗണ്സ് ചെയ്യാനായി സംഘാടകര് ഏര്പ്പാടാക്കിയ ഗുഡ്സ് ഓട്ടോ പെട്ടെന്ന് വെട്ടിത്തിരിഞ്ഞ് റോഡിന് കുറുകെ എത്തിയതാണ് അപകടത്തിന് കാരണമായത്.
വാഹനങ്ങൾ കടന്നു വരരുതെന്ന് അനൗൺസ് ചെയ്യാനായി സംഘാടകർ ഏർപ്പാടാക്കിയ ഗുഡ്സ് ഓട്ടോ പെട്ടെന്ന് വെട്ടിത്തിരിഞ്ഞ് റോഡിന് കുറുകെ എത്തിയതാണ് അപകടത്തിന് കാരണമായത്.
വാഹനത്തിൽ ഇടിക്കാതെ മത്സരാർത്ഥികൾ സൈക്കിൾ വെട്ടിച്ചപ്പോൾ നിയന്ത്രണം തെറ്റി കാണികൾക്കിടയിലേക്ക് ഇടിച്ചുകയറിയും മറിഞ്ഞും ആണ് ആളുകൾക്ക് പരിക്കേറ്റത് .
പരിക്കേറ്റവരെ ഉടൻതന്നെ തൊട്ടടുത്തുള്ള സ്വകാര്യ ആശുപത്രിയിൽ പ്രവേശിപ്പിക്കുകയും ചികിത്സ ലഭ്യമാക്കുകയും ചെയ്തു. ആരുടെയും നില ഗുരുതരമല്ല. എല്ലാവരും ആശുപത്രി വിട്ടു.
Latest news
കാവേരി നദിയിൽ കുളിക്കാനിറങ്ങിയ 5 പേർ മുങ്ങി മരിച്ചു: മരിച്ചവർ എഞ്ചിനീയറിംഗ് വിദ്യാർഥികൾ
ബംഗളുരു:കനക്പുര മേക്കേദാട്ടു അണക്കെട്ടിന് സമീപം കാവേരി നദിയിൽ കുളിക്കുന്നതിനിടയിൽ 5 എൻജിനീയറിങ് കോളേജ് വിദ്യാർത്ഥികൾക്ക് ദാരുണാന്ത്യം. ഹർഷിത, വർഷ, സ്നേഹ, അഭിഷേക്, തേജസ്സ് എന്നിവരാണ് മരിച്ചത്.
ബംഗളുരുവിലെ സ്വകാര്യ എൻജിനീയറിങ് കോളേജിലെ വിദ്യാർത്ഥികളായിരുന്നു.11 പേരടങ്ങിയ സംഘമായി മേക്കെദാട്ടു സന്ദർശിക്കാൻ എത്തിയപ്പോഴായിരുന്നു അപകടം. 5 പേരുടെയും മൃതദേഹങ്ങൾ കണ്ടെടുത്തു.
Latest news
ഓയൂരിലെ കുട്ടിയെ തട്ടികൊണ്ടുപോയ സംഭവം: 3ാം പ്രതിയുടെ ജാമ്യാപേക്ഷ തള്ളി അഡീഷനൽ സെഷൻസ് കോടതി
കൊല്ലം: ഓയൂരിലെ കുട്ടിയെ തട്ടികൊണ്ടുപോയ സംഘത്തിലെ പ്രധാനികളിൽ ഒരാളായ അനുപമയുടെ ജാമ്യാപേക്ഷ തള്ളി അഡീഷനൽ സെഷൻസ് കോടതി. പഠനം തുടരണമെന്ന് ആവശ്യപ്പെട്ടുകൊണ്ട് ഒന്നാം പ്രതി കെ.ആർ.പത്മകുമാറിന്റെയും, (51) ഭാര്യ അനിതകുമാരിയുടെയും, (39) മകൾ അനുപമ നൽകിയ ഹർജിയിലാണ് കോടതി വാദം കേട്ടത്.
അനുപമയുടെ ആവശ്യം അംഗീകരിച്ചാൽ സാക്ഷികളെ ഭീഷണിപ്പെടുത്താൻ സത്യതയുണ്ടെന്ന് ചൂണ്ടിക്കാട്ടി പ്രോസിക്യുട്ടിഷൻ ജാമ്യാപേക്ഷയെ എതിർക്കുകയും കോടതി ഇത് അംഗീകരിക്കുകയുമായിരുന്നു. കേസുമായി ബന്ധപെട്ട് ആദ്യ 2 പ്രതികളും ഇതുവരെ ജാമ്യാപേക്ഷ സമർപ്പിച്ചിട്ടില്ല.
ഈ കഴിഞ്ഞ നവംബർ അവസാനമാണ് 6 വയസ്സുകാരിയെ കാറിൽ തട്ടികൊണ്ട് പോയത്. തൊട്ടടുത്ത ദിവസം കൊല്ലം ആശ്രമ മൈദാനിയിൽ കുട്ടിയെ ഉപേക്ഷിച്ച് കടന്ന് കളഞ്ഞ പ്രതികളെ ഡിസംബർ 1ന് പിടികൂടി. പ്രതികൾക്കതിരെ പൂയപ്പള്ളി പൊലീസ് റജിസ്റ്റർ ചെയ്ത കേസിൽ ജില്ലാ റൂറൽ ക്രൈംബ്രാഞ്ച് സംഘം തുടരാനോക്ഷണം നടത്തി ഫെബ്രുവരി 8ന് കുറ്റപത്രം സമർപ്പിക്കുകയായിരുന്നു.
Latest news
വാഹനാപകടം:കാർ യാത്രക്കാരായ 5 പേർക്ക് ദാരുണാന്ത്യം
കണ്ണൂർ: കണ്ണപുരം പുന്നച്ചേരിയിൽ നിയന്ത്രണം തെറ്റിയ കാർ ഗ്യാസ് ലോറിയിൽ ഇടിച്ച് കയറി അപകടം. അപകടത്തിൽ ഒരു കുടുബത്തിലെ 4 പേരും ഡ്രൈവറും മരിച്ചു.പുന്നച്ചേരി പെട്രോൾ പമ്പിന് സമീപം ഇന്നലെ രാത്രിയായിരുന്നു അപകടം.
4 പേർ സംഭവസ്ഥലത്തും പരുക്കേറ്റ 9 വയസ്സുകാരൻ പരിയാരം മെഡിക്കൽ കോളേജിലുമാണ് മരിച്ചത്.
കാസർകോട് ഭീമനടി മണ്ഡപം കമ്മാടത്ത് ചൂരിക്കാട്ട് സുധാകരൻ (52), സുധാകരന്റെ ഭാര്യ അജിത (35), ഭാര്യാപിതാവ് പുത്തൂർ കൊഴുമ്മൽ കൃഷ്ണൻ (65) അജിതയുടെ സഹോദരൻ അജിത്തിന്റെ മകൻ ആകാശ് (9) വാഹനമോടിച്ച കാസർകോട് കാലിച്ചാനടുക്കം ശാസ്താംപാറ ശ്രീശൈലത്തിൽ കെ.എൻ.പത്മകുമാർ (59) എന്നിവരാണ് മരിച്ചത്.
കണ്ണൂർ ഭാഗത്ത് നിന്നും പയ്യന്നൂർ ഭാഗത്തേക്ക് പോകുബോഴായിരുന്നു അപകടം. കാറിന് പിന്നിലായി സഞ്ചരിച്ച ലോറിയിടിച്ചതിനെ തുടർന്ന് നിയന്ത്രണം തെറ്റിയ കാർ എതിർ ദിശയിൽ വന്ന ഗ്യാസ് സിലിണ്ടറുമായി കുട്ടിയിടിക്കുകയായിരുന്നു എന്നാണ് നിഗമനം. അപകടത്തിൽ കാർ പൂർണമായും തകർന്ന നിലയിലായിരുന്നു.
അപകടം കണ്ട് ഓടിക്കൂടിയ പ്രേദേശവാസികളാണ് രക്ഷ പ്രവർത്തനത്തിന് നേതൃത്വം നൽകിയത്. തുടർന്ന് കണ്ണപുരം പൊലീസും അഗ്നിരക്ഷാ സേനയും സ്ഥലത്തെത്തി. കാർ വെട്ടിപൊളിച്ച ശേഷമാണ് എല്ലാവരെയും പുറത്തെടുക്കാൻ സാധിച്ചത്. അപകടത്തിനിടയാക്കിയതായി സംശയിക്കുന്ന 2 ലോറി ഡ്രൈവർമാരെയും പോലീസ് കസ്റ്റഡിയിലെടുത്തു. മോട്ടോർ വാഹന വകുപ്പും സ്ഥലത്തെത്തി. മകൻ സൗരവിനെ കോഴിക്കോട് വിദ്യാഭ്യാസ സ്ഥാപനത്തിൽ സിഎയ്ക്ക് ചേർത്ത് വരുബോഴായിരുന്നു അപകടം.
Latest news
കേരളത്തിലെ ഡ്രൈവിംഗ് ലൈസന്സ് ടെസ്റ്റില് മേയ് രണ്ട് മുതല് മാറ്റം
തിരുവനന്തപുരം ; കേരളത്തിലെ ഡ്രൈവിംഗ് ലൈസന്സ് ടെസ്റ്റില് മേയ് രണ്ട് മുതല് മാറ്റം നിലവില്വരും. ഇനി മുതല് റോഡ് ടെസ്റ്റിന് ശേഷം മാത്രമായിരിക്കും ‘H’ ടെസ്റ്റ് അനുവദിക്കുക. നിലവിലെ റോഡ് ടെസ്റ്റ് രീതിയില് നിന്ന് വ്യത്യസ്തമായിട്ടായിരിക്കും പുതിയ രീതിയിലേക്ക് മാറുക.
മോട്ടോര് വെഹിക്കിള് ഡിപ്പാര്ട്മെന്റ് നടത്തുന്ന ഡ്രൈവിംഗ് ലൈസന്സ് ടെസ്റ്റിലെ മാറ്റം സംബന്ധിച്ച് വിശദമായ സര്ക്കുലര് പുറത്തിറക്കുമെന്നും ഗതാഗത കമ്മീഷണര് അറിയിച്ചു. സുപ്രധാനമായ മറ്റൊരു തീരുമാനത്തില് ഒരു ദിവസം നല്കുന്ന മൊത്തം ഡ്രൈവിംഗ് ലൈസന്സുകളുടെ എണ്ണം 60 ആയി നിജപ്പെടുത്തിയിട്ടുണ്ട്.
ആദ്യമായി ടെസ്റ്റില് പങ്കെടുക്കുന്ന 40 പേര്ക്കും അതോടൊപ്പം മുന്പ് ടെസ്റ്റില് പരാജയപ്പെട്ട 20 പേര്ക്കുള്ള റീ ടെസ്റ്റ് എന്ന നിലയിലുമായിരിക്കും ലൈസന്സ് നല്കുക. പ്രതിദിനം 30 പേര്ക്ക് മാത്രം ലൈസന്സ് എന്നതും ഒപ്പം റോഡ് ടെസ്റ്റില് കര്ശന രീതികള് എന്നിവയുമാണ് ഗതാഗത മന്ത്രി കെ.ബി ഗണേഷ്കുമാര് ആദ്യം നല്കിയ നിര്ദേശം.
മന്ത്രിയുടെ ഈ തീരുമാനത്തില് ഇളവ് വരുത്തിയാണ് പ്രതിദിന ലൈസന്സുകളുടെ എണ്ണം 30ല് നിന്ന് 60 ആക്കി ഉയര്ത്തിയിരിക്കുന്നത്. പുതിയ ട്രാക്കുകള് തയ്യാറാകാത്തതിനാന് ‘H’ ടെസ്റ്റ് തുടരുമെന്നും മന്ത്രി അറിയിച്ചു. പുതിയ ട്രാക്കൊരുക്കി ടെസ്റ്റ് നടത്താനുള്ള സൗകര്യങ്ങള് പൂര്ത്തിയാകാത്ത സാഹചര്യത്തിലാണ് നിര്ദേശം. പ്രതിദിനം നൂറിലധികം ലൈസന്സ് നല്കിയ ഉദ്യോഗസ്ഥരെ കൊണ്ട് പരസ്യമായി മോട്ടാര്വാഹന വകുപ്പ് പരീക്ഷയും നടത്തിച്ചു.
15 ഉദ്യോഗസ്ഥര്ക്കായിരുന്നു ഇത്തരത്തില് പരസ്യ പരീക്ഷ. പ്രതിദിനം നൂറിലധികം ലൈസന്സ് നല്കുന്ന പതിനഞ്ച് എംവിഐമാരെയാണ് തിരുവനന്തപുരം മുട്ടത്തറയില് വിളിച്ചുവരുത്തി പരസ്യ പരീക്ഷ നടത്തിയത്.
സമയക്രമം സംബന്ധിച്ച് ഇവര് നടപടികള് കൃത്യമായി പാലിക്കുന്നില്ലെന്നാണ് മന്ത്രി തന്നെ ആരോപിച്ചിരുന്നത്. അതേസമയം പരസ്യപരീക്ഷയില് പങ്കെടുക്കാനെത്തിയവരില് ഭൂരിഭാഗംപേരും ഡ്രൈവിംഗ് ലൈസന്സ് ടെസ്റ്റില് പരാജയപ്പെടുകയും ചെയ്തു.
Latest news
കാർ പരസ്യബോർഡിൽ ഇടിച്ച്, മറിഞ്ഞു: ഒരു മരണം, 3 പേർക്ക് പരുക്ക്
പാലക്കാട്: കണ്ണൂർ ദേശിയ പാതയിലെ പരസ്യബോർഡിൽ കാർ ഇടിച്ച് മറിഞ്ഞതിനെ തുടർന്ന് ഒരു മരണം. പൊള്ളാച്ചി കൊടൈക്കനാൽ പല്ലങ്കി സ്വദേശി തങ്കമുത്തു (55) ആണ് മരിച്ചത്. ഒപ്പം സഞ്ചരിച്ച 3 പേരെ പരിക്കുകളോടെ സ്വകാര്യ ആശുപത്രയിൽ പ്രേവേശിപ്പിച്ചു.
മകളെ നെടുമ്പാശ്ശേരി എയർപോർട്ടിൽ വിട്ട് തിരികെവരുബോഴാണ് അപകടമുണ്ടായത്. തങ്കമുത്തുവിന്റെ മകനും ഭാര്യയും ബന്ധുവുമാണ് പരുക്ക് പറ്റിയവർ. ചികിത്സയിൽ തുടരുന്ന ഇവരുടെ ആരോഗ്യനില ഗുരുതരമല്ല.
-
Latest news4 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news3 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news3 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news2 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news4 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്