News
ഓഫ് റോഡ് സഫാരിയ്ക്കെതിരെ മോട്ടോര് വാഹന വകുപ്പ് ; മറയൂരില് 32 കേസുകള്,ലൈസന്സ് റദ്ദാക്കാനും നീക്കം
മറയൂര് ; വിനോദസഞ്ചാര കേന്ദ്രങ്ങളില് അനധികൃതമായി നടന്നുവരുന്ന ഓഫ് റോഡ് സഫാരികള്ക്കെതിരെയും അപകടസാധ്യത സൃഷിടിയ്ക്കുന്ന തരത്തില് വാഹനം ഓടിച്ച് ,വീഡിയോ എടുത്ത് സാമൂഹിക മാധ്യമങ്ങളില് പോസ്റ്റുചെയ്യുന്നതിനെരെയും കര്ശന നടപടിയുമായി മോട്ടോര്വാഹന വകുപ്പ്.
കഴിഞ്ഞ ദിവസം മറയൂര് മേഖലയില് നടത്തിയ വാഹന പരിശോധനയില് മോട്ടര് വാഹന വകുപ്പ് 32 കേസുകള് രജിസ്റ്റര് ചെയ്തിരുന്നു.ഇതില് അപകടകര
മാകും വിധം വാഹനമോടിച്ച് വീഡിയോ സാമൂഹിക മാധ്യമത്തില് പോസ്റ്റ് ചെയ്തയാള്ക്കെതിരെയുള്ള കേസും ഉള്പ്പെട്ടിട്ടുണ്ട്.ഈ കേസില് ഡ്രൈവറുടെ ലൈസന്സ് റദ്ദ് ചെയ്യാന് ശുപാര്ശ ചെയ്തതായി മോട്ടോര്വാഹന വകുപ്പുദ്യോഗസ്ഥര് അറിയിച്ചു.
സ്വകാര്യ വാഹനത്തില്,മഫ്തിയിലാണ് ഉദ്യോഗസ്ഥര് പരിശോധന്ക്കെത്തിയത്. ഒറ്റ ദിവസത്തെ പരിശോധനയില് കേരള -തമിഴ്നാട് അതിര്ത്തി മേഖലയായ മറയൂരില് നിന്നുമാത്രം ഇത്രയും കേസുകള് രജിസറ്റര് ചെയ്തത് ഉദ്യോഗസ്ഥര് ഗ്ൗരവത്തോടെയാണ് കാണുന്നത്.
വിനോദ സഞ്ചാരികളെയും കൊണ്ട് മലമുകളിലേയ്ക്കുള്ള ഓഫ് റോഡ് യാത്ര അപകടങ്ങള്ക്ക് കാരണമാവുന്നുണ്ടെന്നുള്ള വിലയിരുത്തലുകളുടെ അടിസ്ഥാനത്തിലാണ് അധികൃതര് പരിശോധകള് കര്ശനമാക്കിയിട്ടുള്ളത്.
വിവിധ കേസുകളിലായി വാഹനങ്ങളില് ഉടമകളില് നിന്നും രണ്ട് ലക്ഷത്തോളം രൂപ പിഴ ഈടാക്കുകയും ചെയ്തിട്ടുണ്ട്. മറയൂരില് ട്രാഫിക് നിയമങ്ങള് വ്യാപകമായി ലംഘിക്കപ്പെടുന്നു എന്ന വിവരത്തിന്റെ അടിസ്ഥാനത്തിലായിരുന്നു മോട്ടാര് വാഹന വകുപ്പിന്റെ മിന്നല് പരിശോധന.
ഔദ്യോഗിക വാഹനം കണ്ടാല് നടപടികളില് നിന്നു രക്ഷപെടാന് വാഹനങ്ങള് നിരത്തിലിറക്കാതെയും പിടികൊടുക്കാതെയും ഉടമകളും ഡ്രൈവര്മാരും രക്ഷപെടുന്നതൊഴിവാക്കുന്നതിനായിരുന്നു സ്വകാര്യ വാഹനത്തില് എത്തി , മഫ്തിയില് പരിശോധന്ക്കിറങ്ങാന് ഉദ്യോഗസ്ഥര് തയ്യാറആയത്.
മറയൂരിലെ പ്രധാന വിനോദസഞ്ചാര കേന്ദ്രങ്ങളിലൊന്നായ മുരുകന് മലയില് ഇത്തരത്തിലുള്ള നിരവധി വാഹനങ്ങള് യാത്രക്കാരുടെ ജീവന് അപകടത്തിലാക്കുന്ന വിധത്തില് സവാരി നടത്തുന്നതായി കണ്ടെത്തിയിട്ടുണ്ട്.
ഇടുക്കി റീജണല് ട്രാന്സ്പോര്ട്ട് ഓഫീസ് എന്ഫോഴ്മെന്റിന്റെ ഭാഗമായ മോട്ടോര് വെഹിക്കിള് ഇന്സ്പെക്ടര് വി.അനില് കുമാര്, അസിസ്റ്റന്റ് മോട്ടോര് വെഹിക്കള് ഇന്സ്പെക്ടര്മാരായ ദീപു ആര്.നായര്, ജിനു ജേക്കബ് എന്നിവരുടെ നേതൃത്വത്തിലായിരുന്നു പരിശോധന.
Latest news
ബാഹ്യ ഇടപെടൽ തടഞ്ഞില്ല:രഹസ്യസ്വഭാവം കാക്കുന്നതിലും വീഴ്ച, പോളിങ് ഉദ്യോഗസ്ഥർക്ക് സസ്പെൻഷൻ
കണ്ണൂർ: മുതിർന്ന പൗരന്മാരുടെ വീട്ടിലെത്തി വോട്ട് രേഖപ്പെടുത്തുന്ന പ്രക്രിയയിൽ ബാഹ്യ ഇടപെടൽ തടയാതിരുന്ന പോളിങ് സംഘത്തിലെ ഉദ്യോഗസ്ഥർക്ക് സസ്പെൻഷൻ.
സ്പെഷൽ പോളിങ് ഓഫിസർ, പോളിങ് അസിസ്റ്റന്റ്, മൈക്രോ ഒബ്സർവർ, സ്പെഷൽ പൊലീസ് ഓഫിസർ, വിഡിയോഗ്രാഫർ എന്നിവരെയാണ് ജില്ലാ തിരഞ്ഞെടുപ്പ് ഓഫിസർ കൂടിയായ ജില്ലാ കലക്ടർ അരുൺ കെ.വിജയൻ സസ്പെൻഡ് ചെയ്തത്.
നിയമവിരുദ്ധമായി പ്രവർത്തിച്ച വ്യക്തിക്കും തിരഞ്ഞെടുപ്പ് സംഘത്തിനുമെതിരെ ക്രിമിനൽ നടപടികൾ സ്വാകരിക്കുന്നതിനായി സിറ്റി പൊലീസ് കമ്മിഷണർ വഴി ഔദ്യോഗികമായി കണ്ണപുരം പൊലീസ് സ്റ്റേഷനിൽ റിപ്പോർട്ട് സമർപ്പിച്ചു.
കല്യാശ്ശേരി നിയമസഭ മണ്ഡലത്തിലെ പഞ്ചായത്തിൽ 164-ാം ബൂത്തിൽ ഏപ്രിൽ 18നാണ് സംഭവം.
എടക്കാടൻ ഹൗസിൽ ദേവി (92) യുടെ വീട്ടിലെത്തി വോട്ട് ചെയ്യിക്കുമ്പോൾ വോട്ടിന്റെ രഹസ്യസ്വഭാവം നഷ്ട്ടപ്പെടുന്ന തരത്തിലുള്ള ബാഹ്യ ഇടപെടൽ ഉണ്ടായത് ശ്രദ്ധയിൽ പെട്ടതിനെ തുടർന്ന് മണ്ഡലം ഉപഭരണാധികാരി നടത്തിയ അന്വേഷണത്തെ തുടർന്നാണ് നടപടി.
അഞ്ചാം പീടിക കപ്പോട് കാവ് ഗണേശൻ എന്നയാൾ വോട്ടിങ് നടപടിയിൽ ഇടപെട്ടതായും ഇത് 1951ലെ ജനപ്രതിനിധ്യ നിയമത്തിന്റെ 128-ാം വകുപ്പിന്റെ ലംഘനമാണെന്നും ജില്ലാ കലക്ടർ മുഖ്യ തിരഞ്ഞെടുപ്പ് ഓഫീസർക്ക് നൽകിയ റിപ്പോർട്ടിൽ വക്തമാക്കിയിരുന്നു.
ഇവർക്കെതിരെ വകുപ്പുതല നടപടിക്കും പൊലീസ് അന്വേഷണത്തിനും ജില്ലാ കലക്ടറുടെ റിപ്പോർട്ടിൽ ശുപാർശ ചെയ്തതോടൊപ്പം ഇന്ത്യൻ ശിക്ഷാ നിയമം 171-ാം വകുപ്പിന്റെ ലംഘനവും നടന്നതായി റിപ്പോർട്ടിൽ പരാമർശിച്ചിട്ടുണ്ട് .
Latest news
ചെമ്മീൻ കറി കഴിച്ചതിന് പിന്നാലെ ശാരീരിക അസ്വസ്ഥത:വരാപ്പുഴയിൽ 46കാരൻ മരിച്ചു.
കൊച്ചി: ആലങ്ങാട് ചെമ്മീൻ കറി കഴിച്ചതിന് പിന്നാലെ ശാരീരിക അസ്വസ്ഥതകൾ മൂലം മധ്യവയസ്കൻ മരിച്ചു.നീറിക്കോട് കളത്തിപ്പറമ്പിൽ സിബിൻദാസ് (46) ആണ് മരിച്ചത് .
ചെമ്മീൻ കറി കഴിച്ചതിന് തൊട്ട് പിന്നാലെ ശ്വാസ തടസ്സം നേരിടുകയായിരുന്നു. വരാപ്പുഴയിലെ സ്വകാര്യ ആശുപത്രിയിലേക്ക് കൊണ്ടുപോകുന്നതിനിടെയായിരുന്നു മരണം.
ആന്തരികാവയവങ്ങളുടെ സാമ്പിൾ പരിശോധനയ്ക്ക് അയച്ചതായി പോലീസ് പറഞ്ഞു. സംസ്കാരം നാളെ രാവിലെ 11 മണിക്ക് വീട്ടുവളപ്പിൽ. ഭാര്യ: സ്മിത മക്കൾ: പൃഥ്വി, പാർവണേന്ദു
Latest news
സുഗന്ധഗിരി മരംമുറി;ഡിഎഫ്ഒ അടക്കം 3 പേരുടെ സസ്പെന്ഷന് മരവിപ്പിച്ചെന്ന് സൂചന,പിന്നില് ബാഹ്യ ഇടപെടല് എന്നും ആക്ഷേപം
കോഴിക്കോട്; സുഗന്ധഗിരി മരംമുറി സംഭവത്തില് നടപടി താഴെത്തട്ടില് ഒതുക്കാന് നീക്കമെന്ന് ആക്ഷേപം.
സംഭവത്തില് കല്പറ്റ ഡിഎഫ്ഒ ഷജ്ന, കല്പ്പറ്റ ഫ്ളയിങ് സ്ക്വാഡ് റേഞ്ച് ഓഫിസര് എം.സജീവന്, ഡെപ്യൂട്ടി റേഞ്ച് ഓഫിസര് (ഗ്രേഡ്) ബീരാന് കുട്ടി എന്നിവര്ക്കെതിരെയുള്ള വകുപ്പുതല നടപടികള് മന്ത്രി ഇടപെട്ട് മരവിപ്പിച്ചതായി സൂചന.
സസ്പെന്ഷ്ന് ഉത്തരവ് ഇറങ്ങി 24 മണിക്കൂറിനുള്ളിലാണ് മന്ത്രിയുടെ ഇടപെടല് ഉണ്ടായിട്ടുള്ളതെന്നും ഇതിന് പിന്നില് ശക്തമായ ബാഹ്യഇടപെടല് ഉണ്ടെന്നുമാണ് പരക്കെ ഉയര്ന്നിട്ടുള്ള ആരോപണം.
ബുധനാഴ്ച അര്ധരാത്രിയോടെയാണ് ഷജ്ന ഉള്പ്പെടെ മൂന്നുപേരെയും സസ്പെന്ഡ് ചെയ്തുകൊണ്ടുള്ള ഉത്തരവ് ഇറങ്ങിയത്.
വയനാട് സുഗന്ധഗിരിയില്നിന്ന് 126 മരങ്ങള് മുറിച്ചുകടത്തിയ സംഭവത്തില് വിജിലന്സ് നല്കിയ അന്വേഷണ റിപ്പോര്ട്ടിന്റെ അടിസ്ഥാനത്തിലാണ് ഉദ്യോഗസ്ഥരെ സസ്പെന്റ് ചെയ്തത്.
18 ജീവനക്കാര്ക്ക് സംഭവത്തില് പങ്കുണ്ടെന്നാണ് വിജിലന്സിന്റെ കണ്ടെത്തല്.വിജിലന്സ് അഡിഷനല് പ്രിന്സിപ്പല് ചീഫ് ഫോറസ്റ്റ് കണ്സര്വേറ്റര് ആണ് നടപടിക്ക് ശുപാര്ശ ചെയ്തത്.
സൗത്ത് വയനാട് ഡിവിഷണല് ഫോറസ്റ്റ് ഓഫീസര് സജ്ന.എ, കല്പ്പറ്റ റെയ്ഞ്ച് ഓഫീസര് നീതു.കെ, ഫ്ലൈയിംഗ് സ്ക്വാഡ് റെയ്ഞ്ച് ഓഫീസര് സജീവന്.കെ., സെക്ഷന് ഫോറസ്റ്റ് ഓഫീസര്മാരായ കെ.കെ ചന്ദ്രന്, വീരാന്കുട്ടി, ഏഴ് ബീറ്റ് ഫോറസ്റ്റ് ഓഫീസര്മാര്, ആറ് വാച്ചര്മാര് എന്നിവര്ക്കെതിരെയാണ് വിജിലന്സ് നടപടി ശുപാര്ശ ചെയ്തിരുന്നത്.
ഫലത്തില് കല്പ്പറ്റ റേഞ്ച് ഓഫിസര് കെ.നീതുവിനെതിരെയുള്ള സസ്പെന്ഷന് നടപടി മാത്രമാണ് ഇപ്പോള് നിലനില്ക്കുന്നതെന്നാണ് ചൂണ്ടികാണിയ്ക്കപ്പെടുന്നത്.
പരിശോധനകളില്ലാതെ മരം മുറിക്കാന് അനുമതി നല്കി, കേസുകള് റജിസ്റ്റര് ചെയ്തിട്ടും കുറ്റവാളികള് മരം കടത്തി, പ്രതികളെക്കുറിച്ച് അറിവുണ്ടായിട്ടും നിയമത്തിനു മുന്നില് കൊണ്ടുവന്നില്ല തുടങ്ങിയ കുറ്റങ്ങളാണ് ഉദ്യോഗസ്ഥര്ക്കെതിരെ ചുമത്തിയിരിക്കുന്നത്.
വയനാട് സുഗന്ധഗിരി ആദിവാസി കോളനിയിലെ വീടുകള്ക്ക് ഭീഷണിയായി നിന്ന 20 മരങ്ങള് മുറിക്കാന് നല്കിയ പെര്മിറ്റിന്റെ മറവില് 126 മരങ്ങള് അനധികൃതമായി മുറിച്ചുമാറ്റിയെന്നാണ് വിജിലന്സ് കണ്ടെത്തല്.
Latest news
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
റാന്നി;യുവതിയെ വീട്ടിലെ കിടപ്പുമുറിയില് തൂങ്ങി മരിച്ച നിലയില് കണ്ടെത്തിയ സംഭവത്തില് ഭര്ത്താവ് അറസ്റ്റില്.വെച്ചൂച്ചിറ മുക്കുട്ടുതറ കാവുങ്കല് വീട്ടില് സുനില്കുമാറിനേയാണ് (40) വെച്ചൂച്ചിറ പൊലീസ് അറസ്റ്റുചെയ്തിട്ടുള്ളത്.
ആത്മഹത്യാ പ്രേരണക്കുറ്റമാണ് ഇയാളുടെ പോരില് പോലീസ് ചാര്ജ്ജ് ചെയ്തിട്ടുള്ളത്.സുനില് കുമാറിന്റെ ഭാര്യ സൗമ്യയെ വീട്ടിലെ കിടപ്പുമുറിയില് തൂങ്ങി മരിച്ച നിലയില് കണ്ടെത്തിയിരുന്നു.
കുടുംബ പ്രശ്നങ്ങളെത്തുടര്ന്ന് ഇരുവരും ഒരുമിച്ച് മരിയ്ക്കാന് തീരുമാനിച്ചെന്നും സൗമ്യയ്ക്ക് ജീവനൊടുക്കാന് ഫാനില് കയര് കെട്ടികൊടുത്ത് ശേഷം സുനില്കുമാര് തീരുമാനത്തില് നിന്ന്് പിന്മാറുകയായിരുന്നെന്ന് അന്വേഷണത്തില് വ്യക്തമായെന്നും തുടര്ന്നാണ് ഇയാളെ അറസ്റ്റുചെയ്തിട്ടുള്ളതെന്നുമാണ് പോലീസ് വിശദീകരണം.
Latest news
മോഷണകേസില് “കുടുക്കി”,പിന്നാലെ ചെയ്യാത്ത കുറ്റത്തിന് ജയില് വാസം; മനോവിഷമം മൂലം ഡ്രൈവര് ജീവനൊടുക്കി
കൊല്ലം;മോഷണകുറ്റത്തിന് പോലീസ് അറസ്റ്റുചെയ്യുകയും നിരപരാധി എന്ന് ബോദ്ധ്യപ്പെട്ടതിനെത്തുടര്ന്ന് കോടതി കുറ്റവിമുക്തനാക്കുകയും ചെയ്ത അഞ്ചല് അഗസ്ത്യക്കോട് രതീഷ് ഭവനില് രതീഷ് (38) ജീവനൊടുക്കി.
പോലീസിന്റെ ശാരീരിക പീഡനങ്ങള് മൂലം ആരോഗ്യവും കേസ് നടത്തിപ്പുമൂലം വന്തുകയും നഷ്ടപ്പെട്ടിരുന്നെന്നും ഇതെത്തുടര്ന്നുള്ള മനോവിഷമം താങ്ങാനാവാതെയാണ് രതീഷ് ജീവനൊടുക്കുകയായിരുന്നെന്നാണ് കുടുംബാംഗങ്ങള് അടുപ്പക്കാരുമായി പങ്കിട്ട വിവരം.
രശ്മിയാണ് രതീഷിന്റെ ഭാര്യ. മക്കള്: കാര്ത്തിക്, വൈഗ.
കേസില് രതീഷ് മാസങ്ങളോളം റിമാന്റിലായിരുന്നു.വര്ഷങ്ങള്ക്കു ശേഷം യഥാര്ഥ പ്രതി പിടിയിലായപ്പോള് കോടതി ഇയാളെ കുറ്റവിമുക്തനാക്കുകയായിരുന്നു.
അഞ്ചല് ടൗണിലെ ഓട്ടോറിക്ഷ ഡ്രൈവറായിരുന്ന രതീഷിനെ 2014 സെപ്റ്റംബറിലാണ് പോലീസ് മോഷണ കേസില് കുടുക്കിയത്. ടൗണിലെ മെഡിക്കല് സ്റ്റോറില് കവര്ച്ച നടത്തിയെന്നാരോപിച്ചായിരുന്നു അറസ്റ്റ് ചെയ്തത്.
പോലീസ് ക്രൂരമായി മര്ദ്ദിച്ചെന്നും അവശനായി രതീഷ് സെല്ലില് തളര്ന്ന് വീണെന്നും മറ്റുമുള്ള വിവരങ്ങള് പിന്നാലെ പുറത്തുവന്നിരുന്നു. രരതീഷിനെതിരെ തട്ടിക്കൂട്ടിയ തെളിവുകളാണ് പോലീസ് കോടതിയില് ഹാജരാക്കിയതെന്നും മറ്റുമുള്ള ആരോപങ്ങളും ഉയര്ന്നിരുന്നു.
സംഭവം കുടുംബത്തില് സൃഷ്ടിച്ച ബുദ്ധിമുട്ടുകള് ചെറുതല്ല.നാട്ടുകാരുടെ കുത്തുവാക്കുകളും കളിയാക്കലും മൂലം രതീഷിന്റെ ഭാര്യയും കുട്ടികളും അനുഭവിച്ച മനോവിഷമം വിവരണാതീതമാണ്.ഉറ്റവരുടെ സ്ഥിതിയും വിഭിന്നമായിരുന്നില്ല.
കുടുംബത്തിന്റെ ഏക വരുമാന മാര്ഗമായിരുന്ന ഓട്ടോറിക്ഷ തുരുമ്പെടുത്ത് നശിച്ചു.ഇതും രതീഷിന്റെ മാനസിക വിഷമം വര്ദ്ധിയ്ക്കുന്നതിന് കാരണമായി എന്നാണ് ചൂണ്ടികാണിയ്്ക്കപ്പെടുന്നത്.
-
Latest news3 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news2 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news2 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news2 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news4 weeks ago
കോതമംഗലം ചേലാട് വൃദ്ധയെ തലയ്ക്കടിച്ച് കൊലപ്പെടുത്തി
-
Uncategorized2 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news3 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
കള്ളാട് കൊലപാതകം; തെളിവുകളുടെ അഭാവം വെല്ലുവിളി, പ്രതിയെക്കുറിച്ച് സൂചനയില്ല, അന്വേഷണം ഊർജിതമെന്നും പോലീസ്