കോതമംഗലം:ശിശുരോഗ വിദഗ്ദരുടെ ഇന്ത്യയിലെ ഏറ്റവും വലിയ സംഘടനയായ ഇന്ത്യൻ അക്കാദമി ഓഫ് പീഡിയാട്രിക്‌സ് (ഐ എ പി) കേരളയുടെ മികച്ച സെക്രട്ടറിക്കുള്ള അവാർഡ് കോതമംഗലം മാർ ബസേലിയസ് മെഡിക്കൽ മിഷൻ ഹോസ്പിറ്റലിലെ ശിശുരോഗ വിദഗ്ദനും, ഐഎംഎ മുവാറ്റുപുഴ ജോയിന്റ് സെക്രട്ടറിയുമായ ഡോ. മുഹമ്മദ് ഹസന് ലഭിച്ചു.

കൊച്ചി ഐഎംഎ ഹാളിൽ നടന്ന 50-ാമത് സംസ്ഥാന സമ്മേളനത്തിലായിരുന്നു അവാർഡ് പ്രഖ്യാപനം

ഇന്ത്യൻ അക്കാദമി ഓഫ് പീഡിയാട്രിക്‌സിന്റെ 5 സംസ്ഥാന അവാർഡുകൾ ഐ എ പി മലനാടിന് ലഭിച്ചു.

കോതമംഗലം : നേര്യമംഗലം ജില്ലാ കൃഷി ഫാമിൽ തൊഴിലാളി സംഗമം സംഘടിപ്പിച്ചു.സംഗമം ആന്റണി ജോൺ എംഎൽഎ ഉദ്ഘാടനം ചെയ്തു.

ഫാമിൽ നടപ്പിലാക്കി വരുന്ന ആർ കെ ഐ,ആർ കെ വി വൈ വികസന പദ്ധതികളെക്കുറിച്ച് വിലയിരുത്തി.നേര്യമംഗലം ഫാമിന്റെ ചരിത്രത്തിലെ ഏറ്റവും വലിയ വികസന പ്രവർത്തനങ്ങളാണ് ഇപ്പോൾ സാധ്യമായിട്ടുള്ളതെന്ന് എംഎൽഎ പറഞ്ഞു.

ആർ കെ ഐ 2019 – 20 പ്രകാരം കെ എൽ ഡി സി ഏറ്റെടുത്തു നടപ്പിൽ വരുത്തുന്നത് ഡവലപ്‌മെന്റ് ഓഫ് ഇന്റഗ്രേറ്റഡ് ഫാമിങ്ങ് സിസ്റ്റം,ഹൈടെക് സ്ട്രക്ചർ ഫോർ വെജിറ്റേറ്റീവ് പ്രൊപ്പഗേഷൻ, കൺസ്ട്രക്ഷൻ ഓഫ് ട്രെയിനിങ്ങ് സെന്റർ,കുളം,ചെക്ക്ഡാം,സ്‌മോൾ സ്‌കെയിൽ പ്രോസസിങ്ങ് യൂണിറ്റ് എന്നീ പദ്ധതികളും,ആർ കെ വി വൈ പദ്ധതി പ്രകാരം ക്രോപ്പ് മ്യൂസിയം,ഇന്റഗ്രേറ്റഡ് ഫാമിങ്ങ് സിസ്റ്റം,ആർട്ടിഫിഷ്യൽ മീൻ കുളം,മഷ്‌റൂം കൾട്ടിവേഷൻ മുതലായവയാണ് പദ്ധതികൾ.

പദ്ധതികൾ പൂർത്തിയാവുന്ന മുറയ്ക്ക് 2 വർഷത്തിനുള്ളിൽ നേര്യമംഗലം ജില്ലാ കൃഷിത്തോട്ടം മികവിന്റെ കേന്ദ്രമാക്കി മാറ്റുമെന്നും എംഎൽഎ പറഞ്ഞു.ചടങ്ങിൽ ജില്ലാ പഞ്ചായത്ത് മെമ്പർ കെ കെ ദാനി,പഞ്ചായത്ത് വൈസ് പ്രസിഡന്റ് ജിംസിയ ബിജു,ബ്ലോക്ക് പഞ്ചായത്ത് മെമ്പർ പി എം കണ്ണൻ,പഞ്ചായത്ത് മെമ്പർ സൗമ്യ ശശി,ട്രേഡ് യൂണിയൻ നേതാക്കളായ പി എം ശിവൻ,കെ പി വിജയൻ,എം വൈ യാക്കോബ്,ഫാം സൂപ്രണ്ട് സൂസൻ ലി തോമസ് എന്നിവർ സംസാരിച്ചു.

കോതമംഗലം ; മാലിന്യങ്ങളും കാടും നിറഞ്ഞ് ശോചനീയവസ്ഥയിലായ തങ്കളം -കാക്കനാട് പാതയുടെ ഇരുവശങ്ങളും ശുചീകരിക്കുന്നു.
നെല്ലിക്കുഴി ഗ്രാമപഞ്ചായത്ത് 8 -ാം വാർഡ് മെമ്പർ കെ കെ നാസറിന്റെ നേതൃത്വത്തിൽ കുടുംബശ്രീ യൂണിറ്റുകളെ ഉപയോഗ പെടുത്തിയാണ് ശുചീകരണ പ്രവർത്തനങ്ങൾ മുന്നേറുന്നത്.
ദിവസേന നൂറ് കണക്കിന് വാഹനങ്ങളും വഴിയാത്രികരും ഉപയോഗിക്കുന്ന ഈ പാതയുടെ ഇരുവശങ്ങളും അറവ് ,പ്ലാസ്റ്റിക് മാലിന്യങ്ങളും മറ്റും നിറഞ്ഞ് കണ്ടാൽ അറയ്ക്കുന്ന വനിലയിലേയ്‌ക്കെത്തിയിരുന്നു.
രാവിലെയും വൈകിട്ടും സ്ത്രീകൾ അടക്കം നിരവധി ആളുകൾ ആണ് ഇവിടെ നടക്കാനായി എത്തുന്നത്.ഭീതിപെടുത്തുന്ന രീതിയിൽ ഇരുവശങ്ങളിലും കാട് കയറുകയും നിരവധി വാഹനങ്ങൾ അപകടത്തിൽപ്പെടുകയും ചെയ്തതോടെയാണ് വാർഡ് മെമ്പർ കെ കെ നാസറിന്റെ നേതൃത്വത്തിൽ തങ്കളം കാക്കനാട് പാതയോരങ്ങൾ ശുചീകരിക്കാൻ തീരുമാനിച്ചത്.
തുടർന്നങ്ങോട്ട് റോഡിലേക്ക് മാലിന്യങ്ങൾ വലിച്ചെറിയുന്നവരെ കണ്ടെത്തി നിയമ നടപടികൾ അടക്കം സ്വീകരിക്കുമെന്ന് അദ്ദേഹം പറഞ്ഞു.9 -ാംവാർഡ് അംഗം ബീന ബാലചന്ദ്രൻ,മൊയ്തീൻ ഷ,താഹിറ സുധീർ,അനുപ് തങ്കപ്പൻ,എൻ എ ജാഫർ തുടങ്ങിയവർ ശുചീകരണ പ്രവർത്തനങ്ങളുടെ ഉദ്ഘാടന ചടങ്ങിൽ സംബന്ധിച്ചു .