Connect with us

News

ലഹരി നീണ്ടുനിൽക്കും , ജീവനും ഭീഷിണി ; ‘ സ്‌നോബോൾ ‘ കടത്തിയ ആസാംസ്വദേശി പിടിയിൽ

Published

on

ആലുവ:മൈക്രോഗ്രാം അളവിൽ അകത്തുചെന്നാൽ പോലും ഡി ജെ പാർട്ടികളിൽ ക്ഷിണിയ്ക്കാതെ പങ്കെടുക്കാൻ കഴിയുന്ന മാരകലഹരി മരുന്നുമായി ആസാം സ്വദേശി ആലുവയിൽ പിയിയിൽ.

അസ്സം സ്വദേശി ഇംദാദുൾ ഹക്കി(29) നെയാണ് മുന്തിയ ഇനം ഹെറോയിനുമായി ആലുവ റേഞ്ച് എക്‌സൈസ് സംഘം പിടികൂടിയത്. ആലുവയിലും പരിസരങ്ങളിലും വൻതോതിൽ മയക്കുമരുന്നുകൾ എത്തിച്ചുകൊടുക്കുന്ന സംഘത്തിലെ പ്രധാന കണ്ണിയാണ് ഇയാളെന്ന് എക്‌സൈസ് അധികൃതർ അറിയിച്ചു.

‘ സ്‌നോബോൾ ‘എന്ന ഓമനപ്പേരിൽ അറിയപ്പെടുന്ന ഹെറോയിനാംണ് എക്‌സൈസ് സംഘം ഇയാളിൽ നിന്നും കണ്ടെടുത്തത്.ഇയാളുടെ പക്കൽ നിന്നും 3 ഗ്രാം ഹെറോയിൻ കണ്ടെടുത്തിട്ടുള്ളത്.കിക്ക് ഏറെ നേരം നിൽക്കുമെന്നതിനാൽ ഈ ഇനത്തിൽപ്പെട്ട ഹെറോയിന് ആവശ്യക്കാർ ഏറെയാണ്.

2 മില്ലിഗ്രാമിന് 3000 രൂപ ഈടാക്കിയാണ് താൻ ഹെറോയിൻ നിൽപ്പന നടത്തിയിരുന്നതെന്ന് ഇയാൾ ചോദ്യം ചെയ്യലിൽ വെളിപ്പെടുത്തിയതായി അധികൃതർ വ്യക്തമാക്കി.ഇടനിലക്കാരുടെ മുൻകൂട്ടിയുള്ള ഓർഡർ പ്രകാരമാണ് ഇയാൾ ഹെറോയിൻ എത്തിച്ചുനൽകിയിരുന്നത്.

അസ്സാമിലെ ഗുവഹത്തിലുള്ള ലഹരി മാഫിയ സംഘങ്ങളിൽ നിന്നാണ് ഇയാൾ മയക്ക് മരുന്ന് കേരളത്തിൽ എത്തിക്കുന്നത്.വെറും മൈക്രോഗ്രാം മാത്രം ഉപയോഗിച്ചാൽ ഇതിന്റെ രാസലഹരി മണിക്കൂറുകളോളം നിലനിൽക്കുന്നതിനാൽ നിശാ പാർട്ടികൾക്കും മറ്റും ഇത് വളരെ വ്യാപകമായി ഉപയോഗിക്കപ്പെടുന്നു.

ക്ഷീണം, തളർച്ച എന്നിവ കൂടാതെ കൂടുതൽ ഉന്മേഷത്തോടു കൂടി ഡി ജെ പാർട്ടികളിൽ പങ്കെടുക്കുവാൻ സാധിക്കുന്നു എന്നതാണ് ഇതിന് പ്രിയം ഏറാൻ കാരണം.എന്നാൽ ഇതിന്റെ ഉപയോഗക്രമം പാളിയാൽ അമിത രക്തസമ്മർദം മൂലം ഹൃദയാഘാതം സംഭവിക്കാൻ ഇടയുണ്ടെന്നാണ് ആരോഗ്യമേഖലയിലെ വിദഗ്ധരുടെ വിലയിരുത്തൽ.

ഏതാനും മാസങ്ങൾക്ക് മുൻപ് മയക്ക് മരുന്നുമായി പിടിയിലായ ബംഗാൾ സ്വദേശിയിൽ നിന്ന് ലഭിച്ച രഹസ്യവിവരത്തെ തുടർന്ന് ഇയാൾ ആലുവ റേഞ്ച് എക്‌സൈസ് സംഘത്തിന്റെ നിരീക്ഷണത്തിലായിരുന്നു.

ആലുവ മാറമ്പിള്ളിക്ക് സമീപം ഹെറോയിനുമായി ആവശ്യക്കാരെ  കാത്തുനിൽക്കുനിൽക്കുകയായിരുന്ന ഇയാളെ എക്‌സൈസ് സംഘം കൈയ്യോടെ പിടികൂടുകയായിരുന്നു.

ഇയാളിൽ നിന്നും നിന്ന് മയക്കുമരുന്നുകൾ വാങ്ങുന്ന ഉപഭോക്താക്കളെ കേന്ദ്രീകരിച്ച് അന്വേഷണം നടത്തുമെന്നും കൂടുതൽ അറസ്റ്റ് ഉടൻ ഉണ്ടാകുമെന്നും മയക്കുമരുന്നിന്റെ ഉറവിടം സംബന്ധിച്ച് ഡിപ്പാർട്ട്‌മെന്റിന്റെ സാദ്ധ്യമായ എല്ലാ മാർഗ്ഗത്തിലും മറ്റുവകുപ്പുകളുടെ സഹകരണത്തോടെയും സമഗ്ര അന്വേഷണം നടത്തുമെന്നും എക്‌സൈസ് അധികൃതർ അറിയിച്ചു.

ഇൻസ്‌പെക്ടർ ആർ. അജിരാജിന്റെ നേതൃത്വത്തിൽ പ്രിവന്റീവ് ഓഫീസർ ടി.വി.ജോൺസൻ ഷാഡോ ടീം അംഗങ്ങളായ എൻ ഡി ടോമി, എൻ ജി അജിത്കുമാർ, സിവിൽ എക്‌സൈസ് ഓഫീസർ രജിത്ത് ആർ നായർ എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്.

 

Latest news

പണപ്പെട്ടിക്കടുത്ത് ഇരിപ്പുറപ്പിച്ചു, പിന്നാലെ പണാപഹരണം, കടയുടമ കയ്യോടെ പൊക്കി; പോലീസുകാരൻ സസ്‌പെൻഷനിൽ

Published

on

By

പീരുമേട്(ഇടുക്കി);വ്യാപാര സ്ഥാപനത്തിലെ പണപ്പെട്ടിയിൽ നിന്ന് പണം മോഷ്ടിച്ചതായുള്ള ആരോപണം നേരിടുന്ന പോലീസുകാരന് സസ്പെൻഷൻ.

പീരുമേട് സ്റ്റേഷനിലെ സിവിൽ പോലീസ് ഓഫീസർ സാഗർ പി. മധുവിനെയാണ് ഇടുക്കി ജില്ലാ പോലീസ് മേധാവി വി.യു. കുര്യാക്കോസ് സസ്പെൻഡ് ചെയ്തിട്ടുള്ളത്.

പോലീസ് അസോസിയേഷൻ ഇടുക്കി ജില്ലാ വൈസ് പ്രസിഡന്റാണ് സാഗർ. പോലീസിന് നാണക്കേടും അവമതിപ്പും ഉണ്ടാക്കിയതിനാണ് അന്വേഷണ വിധേയമായി സസ്പെൻഡ് ചെയ്തിട്ടുള്ളത്

24 ന് പാമ്പനാർ മാർക്കറ്റ് റോഡിലെ സ്ഥാപനത്തിൽ നിന്നും സാഗർ പണം മോഷ്ടിക്കുകയും കടയുടമ കൈയോടെ പിടികൂടുകയും ചെയ്തതായി മാധ്യമങ്ങളിൽ വാർത്ത വന്നിരുന്നു.ഇതിന്റെ അടിസ്ഥാനത്തിൽ നടന്ന അന്വേഷണത്തെത്തുടർന്നാണ് നടപടി.

ജില്ലാ പോലീസ് മേധാവിയുടെ ഡാൻസാഫിൽ അംഗമായിരുന്ന സാഗർ ഉൾപ്പെട്ട സംഘം മുമ്പ് പാമ്പനാറിലെ യേശുദാസ് എന്നയാളുടെ വ്യാപാര സ്ഥാപനത്തിൽ നിന്നും പുകയില ഉത്പന്നങ്ങൾ പിടികൂടിയിരുന്നു.

ഇതിനു ശേഷം സാഗർ മിക്കപ്പോഴും ഈ സ്ഥാപനത്തിൽ എത്താറുണ്ടായിരുന്നു.സൗഹൃദം മുതലെടുത്ത്
സ്ഥാപനത്തിൽ എത്തിയാൽ ഇയാൾ പണപ്പെട്ടി ഇരയിക്കുന്നതിന് സമീപം കസേരയിൽ ഇയാൾ ഇരിയ്ക്കുകയും പതിവായിരുന്നു.

സംഭവ ദിവസം കടയിലെത്തിയ സാഗർ നാരങ്ങാവെള്ളം ആവശ്യപ്പെട്ടെന്നും ഉടമ നാരങ്ങ വെള്ളം എടുക്കുക്കാൻ തിരിഞ്ഞപ്പോൾ സാഗർ പണപ്പെട്ടിയിൽ നിന്നും പണം അപഹരിച്ചെന്നും ഉടമ ഇത് കയ്യോടെ പിടികൂടിയെന്നുമാണ് പുറത്തുവന്നിട്ടുള്ള വിവരം.

മുമ്പും പല തവണ പോലീസുകാരൻ ഇത്തരത്തിൽ പണം അപഹരിച്ചിട്ടുണ്ടെന്നും 40000 രൂപയോളം നഷ്ടപ്പെട്ടിട്ടുണ്ടെന്നും ഇത് നൽകണമെന്നും സ്ഥാപന ഉടമ ആവശ്യപ്പെട്ടുവെന്നും ഇത് സംബന്ധിച്ചുള്ള വാദപ്രിവാദങ്ങൾ ഒച്ചപ്പാടിൽ കലാശിച്ചെന്നും ഇതാണ് സംഭവം പുറത്തറിയാൻ വഴിയൊരുക്കിയതെന്നുമാണ് സൂചന.

പണം നൽകാൻ പോലീസുകാരൻ സമ്മതിച്ചതിനാൽ സ്ഥാപന ഉടമ ഈ സംഭവത്തിൽ പോലീസിൽ പരാതി നൽകിയിട്ടില്ലന്നാണ് അറയുന്നത്.സാമൂഹ്യ മാധ്യമങ്ങളിലുൾപ്പെടെ വാർത്ത പ്രചരിച്ചതോടെയാണ് ഇപ്പോൾ വകുപ്പുതല നടപടിയുണ്ടായിട്ടുള്ളത്.

കൂടുതൽ അന്വേഷണം നടത്തി വിശദമായ റിപ്പോർട്ട് സമർപ്പിക്കാൻ പീരുമേട് ഡിവൈഎസ്പി ജെ. കുര്യാക്കോസിനെ എസ്പി ചുമതലപ്പെടുത്തി. ഇതിനിടെ സാഗർ കുട്ടിക്കാനത്തെ ഒരു കടയിൽ നിന്ന് പണം തട്ടിയെടുത്തതായുള്ള ആരോപണവും ഉയർന്നിട്ടുണ്ട്.

 

Continue Reading

Latest news

പണാപഹരണം, പരാതി ഒഴിവാക്കിയിട്ടും രക്ഷയില്ല, അന്വേഷണം തുടങ്ങി; പോലീസുകാരൻ ഊരാക്കുടിക്കിൽ

Published

on

By

പീരുമേട് ; വ്യാപാരസ്ഥാപനത്തിൽ ഉടമയെ കബളിപ്പിച്ച് പോലീസുകാരൻ പണം അപഹരിച്ച സംഭവത്തിൽ രഹസ്യന്വേഷണ വിഭാഗം തെളിവെടുത്തു.

പെട്ടിയിൽ നിന്നു പണം മോഷ്ടിച്ച പൊലീസുകാരനെ കടയുടമ കയ്യോടെ പിടികൂടുകയായിരുന്നു.പൊലീസ് അസോസിയേഷൻ ജില്ലാ ഭാരവാഹികൂടിയായ പൊലീസുകാരന്റെയും സഹപ്രവർത്തകരിൽ ചിലരുടെയും സമ്മർദ്ധത്തിന്റെ ഫലമായി കടയുടമ പരാതിയിൽ നിന്നും പിൻമാറിയിരുന്നു.

ഇതിനകം തന്നെ വിവരം മാധ്യമങ്ങളിലൂടെ പുറത്തുവന്ന സാഹചര്യത്തിലാണ് രഹസ്യാന്വേഷണ വിഭാഗം സംഭവത്തെക്കുറിച്ച് അന്വേഷണം ആരംഭിച്ചിട്ടുള്ളത്.

കഴിഞ്ഞ ദിവസം പാമ്പനാർ മാർക്കറ്റ് റോഡിലെ വ്യാപാരസ്ഥാപനത്തിലായിരുന്നു സംഭവം.സ്ഥാപനത്തിലെ നിത്യസന്ദർശകനായ പൊലീസുകാരൻ സോഡാ നാരങ്ങാവെള്ളം ആവശ്യപ്പെട്ടു.കടയുടമയുടെ ശ്രദ്ധ തിരിഞ്ഞപ്പോൾ പണപ്പെട്ടിയിൽ നിന്നും 1000 രൂപ കൈക്കലാക്കുകയും ഉടമ ഇത് കയ്യോടെ പിടികൂടുകയുമായിരുന്നു.

മുൻപു പല തവണ പൊലീസുകാരൻ കടയിൽ എത്തിയപ്പോഴൊക്കെ പെട്ടിയിൽ നിന്നു പണം നഷ്ടപ്പെട്ടിരുന്നു.ഇതുമനസ്സിലാക്കിയ കടയുടമ ജാഗ്രതയാണ് പോലീസുകാരൻ കുടുങ്ങാൻ കാരണം.ബഹളം കേട്ടു സമീപത്തെ കച്ചവട സ്ഥാപനങ്ങളിൽ നിന്നുള്ളവരുമെത്തി.

ഇതോടെ താൻ നഷ്ടപരിഹാരം നൽകാമെന്നായി പൊലീസുകാരൻ.പരാതി നൽകാതിരിക്കാൻ 40,000 രൂപ വാഗ്ദാനം ചെയ്യുകയും 5,000 രൂപ ഉടനടി നൽകുകയുമായിരുന്നു.ഇതിനിടെ ചില വ്യാപാരികൾ പീരുമേട് പൊലീസ് സ്റ്റേഷനിൽ വിവരമറിയിച്ചു.പൊലീസ് സ്ഥലത്തെത്തിയെങ്കിലും നടപടികൾക്ക് തയ്യാറായില്ല എന്ന ആരോപണം വ്യാപകമായിട്ടുണ്ട്.ഒത്തുതീർപ്പ് ചർച്ചകളിലൂടെ പ്രശ്‌നം പരിഹരിക്കാനാണ് സ്ഥത്തെത്തിയ പോലീസ് ഉദ്യോഗസ്ഥർ താൽപര്യം പ്രകടിപ്പിച്ചതെന്ന ആക്ഷേപവും ഉയരുന്നുണ്ട്.്.

സമ്മർദം മുറുകിയതോടെ തനിക്കു പരാതിയില്ലെന്നു മുതിർന്ന പൗരനായ വ്യാപാരി അറിയിച്ചു.മുൻപ് നിരോധിത ലഹരി ഉൽപന്നങ്ങൾ ഇതേ കടയിൽ നിന്നു പൊലീസ് പിടികൂടിയിരുന്നു.

റെയ്ഡിനെത്തിയ പോലീസ് സംഘത്തിൽ ഇപ്പോൾ പണം അപഹരിച്ച സംഭവത്തിൽ കുടുങ്ങിയ പോലീസുകാരനും ഉൾപ്പെട്ടിരുന്നു.ഈ പോലീസുകാരൻ പിന്നീട് കടയുടമയുമായി സൗഹൃദത്തിലാവുകയായിരുന്നു. ഇതു മുതലെടുത്ത്, കടയിലെത്തിയാൽ ഇയാൾ കാഷ് കൗണ്ടറിൽ ഇരിക്കുക പതിവായിരുന്നു.ഈ സാഹചര്യം മുതലെടുത്ത് ഇയാൾ പണം കൈക്കലാക്കുകയായിരുന്നെന്നാണ് പുറത്തുവന്നിട്ടുള്ള വിവരങ്ങളിൽ നിന്നും വ്യക്തമായിട്ടുള്ളത്.

 

Continue Reading

Latest news

4 ഗ്രാം മുതൽ 3 കിലോ വരെ തൂക്കം, ഒറ്റയിടിക്ക് 6000 കിലോമീറ്ററിലേറെ പറക്കും; തട്ടേക്കാട്ടെ ദേശാടകരുടെ വിശേഷങ്ങളറിയാം

Published

on

By

കോതമംഗലം;തട്ടേക്കാട് പക്ഷിസങ്കേതത്തിലേയ്ക്ക് ദേശാടന പക്ഷികളുടെ പ്രവാഹം ഊർജ്ജിതം.

ചൈനീസ് പോണ്ട് ഹെറൺ, ഫോട്ടോ:റെജീവ് തട്ടേക്കാട്‌

ഹിമാലയം,സൈബീരിയ എന്നിവിടങ്ങളിൽ നിന്നുള്ള പക്ഷികളാണ്് ആദ്യം എത്തിയത്.ഇന്ത്യൻ പിറ്റ,ബ്ലാക്ക് ബസ്സ,വിവിധ ഇനത്തിൽപ്പെട്ട ഫ്ലൈക്യാച്ചറുകൾ എന്നിവയാണ് ഇവരിൽ പ്രമുഖർ.

ഈ മാസം ആദ്യമുതൽ ദേശാടനക്കിളികൾ പക്ഷിസങ്കേതത്തിലേക്ക് എത്തിത്തുടങ്ങിയിരുന്നു.ഇപ്പോൾ ഇക്കൂട്ടരുടെ പ്രവാഹം ശക്തിപ്പെട്ടിട്ടുണ്ട്.4 ഗ്രാം മുതൽ 3 കിലോ വരെ തൂക്കമുള്ള പക്ഷികളും ദേശാടകരുടെ കൂട്ടത്തിലുണ്ട്.സൈബീരീയയിൽ നിന്നുള്ള ജലപക്ഷികളിൽ ചിലത് 6000 കിലോമീറ്ററിലേറെ പറന്നാണ് ഇവിടേയ്ക്ക് എത്തുന്നത്.

ബ്ലാക്ക് ബസ്സ,ഫോട്ടോ:റെജീവ് തട്ടേക്കാട്‌

പക്ഷിസങ്കേതത്തിൽ 322 ഇനം പക്ഷികളെ ഇതിനകം തിരിച്ചറിഞ്ഞിട്ടുണ്ട്. ഇതിൽ 40 ശതമാനവും ദേശാടകരാണ്.ഇവിടം അപൂർവ്വവും അത്യപൂർവ്വവുമായ പക്ഷി-ജന്തു-സസ്യജാലങ്ങളുടെയും കലവറയാണെന്ന് ദശാബ്ദങ്ങൾക്ക് മുമ്പെ സ്ഥിരീകരിക്കപ്പെട്ടിരുന്നു.

കോതമംഗലത്തുനിന്നും 12 കിലോമീറ്ററോളം അകലെ പെരിയാർ തീരത്ത് 2500 ഹെക്ടറിലായി വ്യാപിച്ചുകിടക്കുന്ന വനമേഖല ഉൾപ്പെടുന്നതാണ് തട്ടേക്കാട് പക്ഷിസങ്കേതം.

സിംഹം ഒഴികെയുള്ള ഒട്ടുമിക്ക വന്യമൃഗങ്ങളും ഈ വനമേഖലയിൽ ഉണ്ടെന്നാണ് ഇതുവവരെ പുറത്തുവന്നിട്ടുള്ള കണക്കെടുപ്പിൽ വ്യക്തമായിട്ടുള്ളത്.

ചെസ് നെട്ട് വിംഗ് ക്യുക്കു, ഫോട്ടോ:റെജീവ് തട്ടേക്കാട്‌

അന്തിരച്ച പക്ഷിശാത്രജ്ഞൻ ഡോ.സലീം അലിയാണ് ഇവിടം പറവകളുടെ സാമ്രാജ്യമാണെന്ന് സ്ഥിരീകരിച്ചത്.സംസ്ഥാന സർക്കാർ ഇവിടം പക്ഷിസങ്കേതമായി പ്രഖ്യപിച്ചതിന് പിന്നിലും ഇദ്ദേഹത്തിന്റെ ശക്തമായ ഇടപെടലുണ്ട്.ഇന്ന് ലോകത്തെമ്പാടുമുള്ള പക്ഷി നിരീക്ഷകരുടെയും ഗവേഷകരുടെയും ശ്രദ്ധാകേന്ദ്രമാണ് തട്ടേക്കാട് പക്ഷിസങ്കേതം.

വിദേശിയരടക്കം ദിനം പ്രതി നൂറുകണക്കിന് വിനോദ സഞ്ചാരികളും ഇവിടെ എത്തുന്നുണ്ട്.കിഴക്കൻ മേഖലയിലേയ്ക്കുള്ള യാത്രയിൽ വിനോദസഞ്ചാരികളുടെ പ്രധാന ഇടത്താവളം കൂടിയാണ് തട്ടേക്കാട് പക്ഷിസങ്കേതം.

Continue Reading

Trending

error: