Film News
സാഹായം തേടിയപ്പോള് സുഹൃത്ത് ആശുപത്രിയില് എത്തിച്ചു,പിന്നാലെ മരണം;നടന് കോട്ടയം പ്രതീപ് അന്തരിച്ചു
കോട്ടയം:വേറിട്ട അഭിയപാടവം കൊണ്ട് പ്രേക്ഷകമനസില് ഇടം പിടിച്ച അതുല്യനടന് കോട്ടയം പ്രതിപ് അന്തരിച്ചു.
ഇന്ന് പുലര്ച്ചെ 4.15-ഓടെ ഹൃദയാഘാതത്തെത്തുടര്ന്നാണ് അദ്ദേഹം മരണപ്പെട്ടത്.അസ്വസ്ഥതകള് അനുഭവപ്പെട്ടതിനെത്തുടര്ന്ന് പുലര്ച്ചെ 3 മണിയോടെ സുഹൃത്തിന്റെ സഹായത്തോടെ ആശുപത്രിയില് എത്തിയെങ്കിലും ജീവന് രക്ഷിയ്ക്കാനായില്ല.
കോട്ടയം കുമാരനല്ലൂര് സ്വദേശിയാണ് പ്രദീപ്. ജനിച്ചതും വളര്ന്നതുമെല്ലാം കോട്ടയം ജില്ലയിലെ തിരുവാതുക്കലായിരുന്നു. സ്കൂളില് പഠിക്കുന്ന സമയത്ത് യുവജനോത്സവത്തിലും സ്കൂള് വാര്ഷിക പരിപാടികളിലും പ്രദീപ് സജീവമായിരുന്നു.പാട്ട്, ഡാന്സ്, എകാങ്കനാടകം തുടങ്ങിയവയിലായിരുന്നു പ്രധാനമായും പങ്കെടുത്തിരുന്നത്.
പത്താം വയസ്സില് എന് എന് പിള്ളയുടെ ” ഈശ്വരന് അറസ്റ്റില് ” എന്ന നാടകത്തില് ബാലതാരമായിട്ടാണ് അഭിനയം ജീവിതം ആരംഭിയ്ക്കുന്നത്.40 വര്ഷം നാടകരംഗത്ത് സജീവമായിരുന്നു. കാരാപ്പുഴ സര്ക്കാര് സ്കൂളിലും ബസേലിയസ് കോളജിലും കോപ്പറേറ്റീവ് കോളജിലുമായിട്ടായിരുന്നു വിദ്യഭ്യാസം. 1989 -ല് എല് ഐ സി ജീവനക്കാരനായിരുന്ന പ്രതീപ് അടുത്തകാലത്താണ് വിരമിച്ചത്.
അവസ്ഥാന്തരങ്ങള് എന്ന ടെലിസീരിയലില് ബാലതാരങ്ങളെ ആവശ്യമുണ്ട് എന്ന് പരസ്യം കണ്ട് മകനെയും കൂട്ടി സെറ്റിലെത്തിയപ്പോഴാണ് സീരിയലിലേയ്ക്ക് അവസരം ലഭിയ്ക്കുന്നത്.മകന് ചാന്സില്ലന്നും മുതിര്ന്ന ഒരാളുടെ വേഷം ചെയ്യാന് പറ്റുമെങ്കില് പ്രതീപിന് അവസരം നല്കാമെന്നും അണിയറപ്രവര്ത്തകര് അറിയിക്കുകയായിരുന്നു.
1999 ല് ഐ.വി. ശശി ചിത്രമായ” ഈ നാട് ഇന്നലെ വരെ ” യിലൂടെയാണ് ആദ്യം ബിഗ്സ്ക്രീനിലെത്തുന്നത്.തുടര്ന്ന് നിരവധി ചിത്രങ്ങളില് ചെറു വേഷങ്ങളില് അഭിനയിച്ചു. 2009 ല് ഗൗതം മേനോന്റെ “വിണ്ണൈത്താണ്ടി വരുവായ ” എന്ന ചിത്രത്തിലെ വേഷം ശ്രദ്ധേയമായി. നായികയായ തൃഷയുടെ മലയാളി അമ്മാവന് അയിട്ടാണ് പ്രതീപ് ചിത്രത്തില് “ഇടം ‘പിടിച്ചത്”.
തുടര്ന്ന് ഈ അതുല്യനടനെത്തേടി ഒട്ടനവധി അവവസരങ്ങളെത്തി.തമിഴില് രാജാ റാണി, നന്പനട തുടങ്ങി നിരവധി ചിത്രങ്ങളിലും അഭിനയിച്ചു. ഭാര്യ മായ, മക്കള് വിഷ്ണു, വൃന്ദ.
Film News
ഇരുപത്തിരണ്ടാം പിറന്നാൾ ആഘോഷമാക്കി സാനിയ ഇയ്യപ്പൻ: ചിത്രങ്ങൾ വൈറൽ, പിന്നാലെ വ്യാപക വിമർശനവും
ഗോവ: ഇരുപത്തിരണ്ടാം പിറന്നാൾ ആഘോഷമാക്കി നടി സാനിയ ഇയ്യപ്പൻ്റെ പോസ്റ്റിന് പിന്നാലെ സാമൂഹ്യ മാധ്യമങ്ങളിൽ വ്യാപക വിമർശനം ഉയർന്നു.
അടുത്ത സുഹൃത്തുക്കൾക്കൊപ്പം ഗോവയിലായിരുന്നു നടിയുടെ പിറന്നാൾ ആഘോഷം. ജന്മദിന ചിത്രങ്ങളും നടി ഇൻസ്റ്റഗ്രാമിലൂടെ പങ്കുവെച്ചു.
പോസ്റ്റിന് പിന്നാലെ താരങ്ങൾ ഉൾപ്പെടെ നിരവധി ആളുകളാണ് നടിക്ക് ആശംസകളുമായി എത്തിയത്.
ചിലർ വസ്ത്രധാരണം മോശമാണെന്ന് എഴുതിയപ്പോൾ മറ്റ് ചിലർ അത്തരം വിമർശകർക്കുള്ള മറുപടിയാണ് താരത്തിന്റെ പുതിയ വസ്ത്രം എന്നും കമന്റിൽ കുറിച്ചു.
Film News
ഫെയർപ്ലേ ബെറ്റിങ് ആപ്പ് കോടികളുടെ നഷ്ട്ടമുണ്ടാക്കിയതായി പരാതി:നടി തമന്ന ഭാട്ടിയയോട് ചോദ്യം ചെയ്യലിന് ഹാജരാകാൻ നിർദ്ദേശം
മുംബൈ: ബെറ്റിങ് ആപ്പിൽ നിയമവിരുദ്ധമായി ഐപിഎൽ മത്സരങ്ങൾ സംപ്രേഷണം ചെയ്ത കേസിൽ നടി തമന്ന ഭാട്ടിയക്ക് പോലീസിന്റെ സമൻസ്. മഹാദേവ് ഓൺലൈൻ ഗെയിമിങ്ങിന്റെ അനുബന്ധ ആപ്പായ ‘ഫെയർപ്ലേ’ ബെറ്റിങ് ആപ്പുമായി ബന്ധപ്പെട്ട് രജിസ്റ്റർ ചെയ്ത കേസിലാണ് ഏപ്രിൽ 29ന് ഹാജരാകാൻ മഹാരാഷ്ട്ര സൈബർ സെല്ലിന്റെ നിർദ്ദേശം.
കേസിലെ സാക്ഷിയായാണ് തമന്നയ്ക്ക് സമൻസ് അയച്ചതെന്ന് സൈബർ സെൽ മാധ്യമങ്ങളോട് വിശദീകരിച്ചു. കേസിൽ തുടക്കം മുതൽ തന്നെ ബോളിവുഡ് താരം സഞ്ജയ് ദത്തിന്റെ പേരും ഉയർന്ന് വന്നതിന് പിന്നാലെ നടൻ സഞ്ജയ് ദത്ത്, നടി ജാക്വിലിൻ ഫെർണാണ്ടസ് എന്നിവരുടെ മാനേജർമാരുടെ മൊഴികളും സൈബർ സെൽ രേഖപ്പെടുത്തിയിട്ടുണ്ട്.
ഫെയർപ്ലേ ബെറ്റിങ് ആപ്പിലൂടെ ഐ.പി.എൽ. മത്സരങ്ങൾ അനധികൃതമായി തത്സമയം സംപ്രേഷണം ചെയ്തതായി നേരത്തെ പരാതികൾ ഉയർന്നിരുന്നു. ആപ്പ് വഴി ഐ.പി.എൽ. മത്സരങ്ങൾ കാണാൻ പ്രൊമോഷൻ നടത്തിയതായും ഇത് വഴി വയാകോമിന് കോടികളുടെ നഷ്ടം ഉണ്ടാക്കിയെന്നുമാണ് നടി തമന്ന ഭാട്ടിയക്കെതിരേയുള്ള ആരോപണം.
Film News
90 കോടി പിന്നിട്ട് ‘വര്ഷങ്ങള്ക്കു ശേഷം’
കൊച്ചി ; വിനീത് ശ്രീനിവാസന്റെ സംവിധാനത്തില് ധ്യാന് ശ്രീനിവാസനും പ്രണവ് മോഹന്ലാലും ഒന്നിച്ചെത്തിയ ‘വര്ഷങ്ങള്ക്കു ശേഷം’ 50 കോടി ക്ലബില് ഇടം നേടിയത് ആറുദിവസം കൊണ്ടാണ്.അടുത്ത 100 കോടിയിലേക്ക് കുതിക്കാന് ഒരുങ്ങുകയാണ് ചിത്രം.
സാക്നില്ക്കിന്റെ റിപ്പോര്ട്ടനുസരിച്ച് ചിത്രം ആഗോളതലത്തില് ഇതിനോടകം 90 കോടി കവിഞ്ഞു. വരും ദിവസങ്ങളില് 100 കോടി ക്ലബ്ബില് പടം എത്തുമെന്ന കാര്യത്തില് ഒരു സംശയവുമില്ല. കഴിഞ്ഞ ദിവസം ‘വര്ഷങ്ങള്ക്ക് ശേഷം’ 21.31% ഒക്യുപ്പന്സി നിരക്ക് രേഖപ്പെടുത്തിയിട്ടുണ്ട്.
ഇന്ത്യന് ബോക്സ് ഓഫീസില് നിന്ന് മാത്രം ചിത്രം 30.76 കോടി രൂപ കളക്ഷന് നേടിയിട്ടുണ്ടെന്നാണ് പുറത്ത് വരുന്ന റിപ്പോര്ട്ടുകള്.1970കളില് രണ്ട് സുഹൃത്തുകള് സിനിമാ മോഹവുമായി മദിരാശിയിലേക്ക് എത്തിപ്പെടുന്നതും തുടര്ന്നുള്ള സംഭവങ്ങളിലൂടെയുമാണ് സിനിമയ്ക്കുള്ളിലെ സിനിമ ചിത്രം പറയുന്നത്.
മദിരാശി പ്രമേയമാക്കി ഒരുപാട് ചിത്രങ്ങള് മലയാളത്തില് വന്നു പോയിട്ടുണ്ടെങ്കിലും മൂന്ന് കാലഘട്ടങ്ങളിലൂടെ കഥ പറയുന്ന വിനീത് ശ്രീനിവാസന് സിനിമ തിയേറ്ററുകളില് മികച്ച പ്രതികരണങ്ങളോടെ മുന്നേറുകയാണ്.
Film News
പ്രശസ്ത സംഗീതസംവിധായകൻ കെ ജി ജയൻ അന്തരിച്ചു
കൊച്ചി; പ്രശസ്ത സംഗീത സംവിധായകനും പാട്ടുകാരനുമായ കെ.ജി.ജയൻ (90) അന്തരിച്ചു.നടൻ മനോജ് കെ ജയൻ മകനാണ്. തൃപ്പൂണിത്തുറയിലെ വീട്ടില്വെച്ചാണ് അന്ത്യം.
ചലച്ചിത്ര ഗാനങ്ങളിലൂടെയും ഭക്തിഗാനങ്ങളിലൂടെയും സംഗീതാസ്വാദകരുടെ മനംകവർന്ന സംഗീതപ്രതിഭയായിരുന്നു അദ്ദേഹം. ഇക്കഴിഞ്ഞ ഡിസംബറിലായിരുന്നു കെ.ജി. ജയൻ നവതി ആഘോഷിച്ചത്. സംഗീതജീവിതത്തിന്റെ 63-ാം വർഷത്തിലേക്കും അദ്ദേഹം കടന്നിരുന്നു.
കെ. ജി ജയൻ, കെ.ജി വിജയൻ ഇരട്ടസഹോദരന്മാരുടെ പേര് ചുരുക്കി ‘ജയവിജയ’ എന്നാക്കിയത് നടൻ ജോസ് പ്രകാശ് ആയിരുന്നു. ആ കൂട്ടുകെട്ട് തെക്കേ ഇന്ത്യ മുഴുവൻ അലയടിച്ച ഗാനങ്ങളിലൂടെ പ്രണയമായും ഭക്തിയായും ഹൃദയങ്ങളില് അലയടിച്ചു.
ഇഷ്ടദൈവമായ അയ്യപ്പസ്വാമിക്കു ഗാനാർച്ചന ഒരുക്കിയാണ് ജയവിജയന്മാർ സംഗീതയാത്രയ്ക്കു തുടക്കമിട്ടത്. ശബരിമല ക്ഷേത്രം ഭരിക്കുന്ന ദേവസ്വം ബോർഡ് പുറത്തിറക്കിയ ഒരേയൊരു ഭക്തിഗാന ആല്ബം’ ശബരിമല അയ്യപ്പനി’ലെ ഏറ്റവും ഹിറ്റായ ഗാനങ്ങളിലൊന്നും അവരുടേതാണ്.
സന്നിധാനത്ത് നട തുറക്കുമ്ബോള് കേള്ക്കുന്ന ‘ശ്രീകോവില് നടതുറന്നു’ എന്ന ഗാനം ഇവർ ഈണമിട്ട് പാടിയതാണ്.
Film News
‘വർഷങ്ങൾക്ക് ശേഷം’ പുറത്തിറങ്ങി രണ്ട് ദിവസംകൊണ്ട് നേടിയത് കോടികൾ
കൊച്ചി ; വിനീത് ശ്രീനിവാസൻ സംവിധാനം ചെയ്ത ‘വര്ഷങ്ങള്ക്ക് ശേഷം’ വിജയകരമായി പ്രദര്ശനം തുടരുന്നു.റിലീസ് ചെയ്ത് ആദ്യ രണ്ട് ദിവസങ്ങളില് 5.55 കോടി രൂപയാണ് ചിത്രം നേടിയത്.രണ്ടാം ദിനവും ഒട്ടും കുറയാതെ 2.50 കോടി രൂപ.
ആദ്യ ദിനത്തില് സിനിമയുടെ മൊത്തത്തിലുള്ള മലയാളം ഒക്യുപന്സി 53.83% ആയിരുന്നു.വിഷു റിലീസായി മൂന്ന് സിനിമകളാണ് കഴിഞ്ഞദിവസം പ്രദര്ശനത്തിന് എത്തിയത്.ആവേശം, വര്ഷങ്ങള്ക്ക് ശേഷം, ജയ് ഗണേഷ്. മൂന്ന് ചിത്രങ്ങള്ക്കും നല്ല പ്രതികരണമാണ് ലഭിച്ചത്.
കേരളത്തിന്റെ കളക്ഷന്റെ കാര്യത്തില് ജയ് ഗണേഷ് പിന്നോട്ട് പോയെങ്കിലും മികച്ച ത്രില്ലിംഗ് അനുഭവമാണ് ചിത്രം സമ്മാനിക്കുന്നതെന്ന് പ്രേക്ഷകര് പറയുന്നു.വര്ഷങ്ങള്ക്കു ശേഷം കേരളത്തില് നിന്ന് ആദ്യദിനം നേടിയത് 3 കോടിയും ആവേശം ആദ്യദിനം നേടിയത് 3.50 കോടിയും. ജയ് ഗണേഷ് 50 ലക്ഷം ആണ് നേടിതെന്നാണ് റിപ്പോര്ട്ടുകള്.
-
Latest news4 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news3 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news3 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news3 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news1 week ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized3 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news4 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്