കൊല്ലം;യുവാവുമായി ഒരു മണിക്കൂറിലധികം മൊബൈലില്‍ സംസാരിച്ച ശേഷം പെണ്‍കുട്ടി തൂങ്ങി മരിച്ചു.പത്തനാപുരം പട്ടാഴിയില്‍ വീടിനുളളില്‍ ഷാളിലാണ് പെണ്‍കുട്ടി ജീവനൊടുക്കിയത്.

കലയപുരം സ്വദേശിയായ യുവാവുമായി പെണ്‍കുട്ടി പ്രണയത്തിലായിരുന്നു.മരണത്തിന് മുമ്പ് ഈ യുവാവുമായി ഒരു മണിക്കൂറിലധികം പെണ്‍കുട്ടി മൊബൈലില്‍ സംസാരിച്ചിരുന്നു.
കശുവണ്ടി ഫാക്ടറി തൊഴിലാളിയായ അമ്മ ജോലിക്ക് പോയപ്പോഴാണ് തൂങ്ങിമരിച്ചത്.

ശബ്ദം കേട്ട് സഹോദരന്‍ ഓടിയെത്തി, തുണി അറുത്തിട്ട് അടുത്തുളളവരുടെ സഹായത്തോടെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

പെണ്‍കുട്ടിയുടെ മൊബൈല്‍ ഫോണ്‍ കുന്നിക്കോട് പൊലീസ് കസ്റ്റഡിയിലെടുത്തു. മൃതദേഹം പോസ്റ്റ്‌മോര്‍ട്ടത്തിനായി പാരിപ്പളളി മെഡിക്കല്‍ കോളജിലേക്ക് മാറ്റി.പോലീസ് മേല്‍ നടപടി സ്വീകരിച്ചുവരുന്ന

കോതമംഗലം;കുടുംബശ്രീ തെരഞ്ഞെടുപ്പ് ഭരണ സ്വാധീനം ഉപയോഗിച്ച് അട്ടിമറിക്കുന്നതായി പരാതി.

നെല്ലിക്കുഴി ഗ്രാമ പഞ്ചായത്ത് 10-ാം വാര്‍ഡിലെ സ്‌നേഹദീപം കുടുംബശ്രീയുടെ ത്രിതല തെരഞ്ഞെടുപ്പ് ഈ മാസം 9-ന് നടത്തിയിരുന്നെന്നും എന്നാല്‍ ഭാരവാഹിത്വം ലഭിയ്ക്കാത്തതിന്റെ പേരില്‍ തൊഴിലുറപ്പ്- കുടംബശ്രീ പദ്ധതികളില്‍ അഴിമതി നടത്തിയിട്ടുള്ള അംഗം ഉന്നിയിച്ച പരാതിയില്‍ ഈ തിരഞ്ഞെടുപ്പ് ബന്ധപ്പെട്ടവര്‍ റദ്ദാക്കിയെന്നുമാണ് ആരോപണം ഉയര്‍ന്നിട്ടുള്ളത്.

അഞ്ചംഗ ഭാരവാഹികളെ തെരഞ്ഞെടുക്കുകയും ഇതിന്റെ റിപ്പോര്‍ട്ട് സി ഡി എസില്‍ എത്തിക്കുകയും ചെയ്തിരുന്നെന്നും ഇതിന് പിന്നാലെയാണ് പരാതി ഉണ്ടാവുന്നതെന്നും സിഡിഎസ് ചെയര്‍പേഴ്‌സന്റേയും ഈ വാര്‍ഡിലെ കുടുംബശ്രീ അംഗം കൂടിയായ സിഡിഎസ് അക്കൗണ്ടന്റിന്റേയും ഒത്താശയോടെയാണ്് പരാതിക്കാരി രംഗത്തെത്തിയതെന്നും തുടര്‍നന്നാണ് തിരഞ്ഞൈടുപ്പ് റദ്ദാക്കിയതായി അറിയിപ്പെത്തുന്നതെന്നും മഹിളാ കോണ്‍ഗ്രസ് നെല്ലിക്കുഴി മണ്ഡലം പ്രസിഡന്റും മുന്‍ പഞ്ചായത്ത് അംഗവുമായ രഹന നൂറുദ്ദീന്‍ ആരോപിച്ചു.

പിന്നീട് ഈ മാസം 15-ന് പാഞ്ചായത്ത് ഓഫീസില്‍ വച്ച് തെരഞ്ഞെടുപ്പ് നടത്തുവാന്‍ തീരുമാനിച്ചിരുന്നു.അന്ന കോറം തികയാത്തതിനാല്‍ യോഗം പിരിച്ചുവിടുകയായിരുന്നു.12 അംഗങ്ങള്‍ ഉള്ള കുടുംബശ്രീയില്‍ 5 അംഗങ്ങള്‍ മാത്രമാണ് പങ്കെടുത്തത.് തുടര്‍ന്ന് പിറ്റേന്ന് ഞായറാഴ്ച ആയിരുന്നിട്ടുകൂടി പഞ്ചായത്ത് ഓഫീസില്‍ യോഗം ചേര്‍ന്ന് തിരഞ്ഞെടുപ്പ്് നടത്താമെന്ന ധാരണയില്‍ അംഗങ്ങള്‍ പിരിഞ്ഞു.

ഞായറാഴ്ച യോഗം ചേര്‍ന്നെങ്കിലും കോറം തികഞ്ഞില്ല. ഈ സ്ഥിതിയില്‍ കുടുംബശ്രീ അംഗത്തിന്റെ ഭരണപക്ഷ പാര്‍ട്ടി പ്രവര്‍ത്തകനായ മകന്‍ ഇടപ്പെട്ട് തെരഞ്ഞെടുപ്പില്‍ താത്പ്പര്യമില്ലാത്ത കുടുംബശ്രീ അംഗങ്ങളെ തെറ്റിധരിപ്പിച്ചും ഭീക്ഷണിപ്പെടുത്തിയും തെരഞ്ഞെടുപ്പില്‍ പങ്കെടുപ്പിക്കുകയായിരുന്നു.എന്നിട്ടും 12 അംഗങ്ങളില്‍ 7 പേര്‍ മാത്രമാണ് തിരഞ്ഞെടുപ്പില്‍ പങ്കാളികളായത്.

സ്ത്രീ ശാസ്ത്രീകരണത്തിന്റെ കൊടുമുടിയില്‍ നില്‍ക്കുന്ന കുടുംബശ്രീ പ്രസ്ഥാനത്തില്‍ പോലും സ്ത്രീകള്‍ക്ക് സ്വതന്ത്രമായി നിലപാട് സ്വീകരിയ്ക്കാന്‍ കഴിയാത്ത സാഹചര്യമാണ് നിലനില്‍ക്കുന്നത്. ഈ തെരഞ്ഞെടുപ്പിനെതിരെ റിട്ടേണിംഗ് ഓഫീസര്‍ക്കും ഡെപ്യൂട്ടി കളക്ടര്‍ക്കും പരാതി നല്‍കിയിട്ടുണ്ട്.

നെല്ലിക്കുഴി പഞ്ചായത്തിലെ കുടുംബശ്രീ തിരഞ്ഞെടുപ്പുകളില്‍ ഇത്തരത്തിലുള്ള ഭരണസ്വാധീനം ഉപയോഗിച്ചുള്ള ഇടപ്പെടലുകള്‍ നടക്കുന്നുണ്ട് ഇതിനെതിരെ ശക്തമായ നിയമ നടപടികളുമായി പോവുകും.രഹന നൂറുദ്ദീന്‍ വ്യക്തമാക്കി.

കോട്ടയം: ഈസ്റ്റ് പോലീസ് അവശനിലയില്‍ ആശുപത്രിയില്‍ എത്തിച്ച കോട്ടയം വിമലഗിരി സ്വദേശി ഷാന്‍ ബാബു മരണപ്പെട്ടത് തലച്ചോറിലെ രക്തസ്രാവം മൂലമെന്ന് പ്രഥമീക പോസ്റ്റുമോര്‍ട്ടം റിപ്പോര്‍ട്ട് .

ഇന്നലെ പുലര്‍ച്ചെ 3 മണിയോടടുത്ത് സ്‌റ്റേഷനിലെ ഗുണ്ടാലിസ്റ്റില്‍ ഉള്‍പ്പെട്ടതും കാപ്പ ചുമത്തി നാടുകടത്തുകയും ചെയ്തിരുന്ന കെഡി ജോമോനാണ് തോളിലേറ്റി ഷാന്‍ ബാബുവിനെ സ്‌റ്റേഷന്റെ മുറ്റത്ത് കൊണ്ടിട്ടത്. ഇവന്‍ ഗുണ്ടായാണ്, ഞാന്‍ കൊന്നു എന്നും മറ്റും ഇയാള്‍ പോലീസുകാരെ നോക്കി ആക്രോശിയ്ക്കുകയും ചെയ്തു.

ജോമോനെ പോലീസ് തല്‍സമയംപോലീസ് കസ്റ്റഡിയില്‍ എടുക്കുകയായിരുന്നു.പിന്നാലെ ഷാന്‍ ബാബുവിനെ കോട്ടയം ജില്ലാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിയ്ക്കാനായില്ല.

പട്ടിക പോലെയുള്ള വസ്തു ഉപയോഗിച്ച് തലയ്ക്ക് അടിയേറ്റിട്ടുണ്ടെന്നാണ് പോസ്റ്റുമോര്‍ട്ടം റിപ്പോര്‍ട്ടിലെ സൂചന.ശരീരത്തില്‍ പലഭാഗത്തും മര്‍ദ്ദനമേറ്റ പരിക്കുകളും കണ്ടെത്തി.

ഗുണ്ടാപകയാണ് കൊലയ്ക്ക് കാരണമായിട്ടുള്ളത് എന്നാണ് പോലീസ് നിഗമനം.
ജോമോനും സംഘവും ഷാന്‍ബാബുവിനെ വീട്ടില്‍ നിന്നും ഓട്ടോറിക്ഷയില്‍ തട്ടിക്കൊണ്ടുവന്ന് മര്‍ദ്ദിച്ച് കൊലപ്പെടുത്തുകയായിരുന്നെന്നാണ് പോലീസ് നിഗമനം.

ഷാന്‍ ബാബുവിനെ കാണാനില്ലന്ന് കാണിച്ച് മാതാവ് പോലീസില്‍ പരാതി നല്‍കി 2 മണിക്കൂര്‍ തികയുന്നതിന് മുന്നെയാണ് ഷാന്‍ ബാബുവിനെയും തോളിലിട്ട് ജോമോന്‍ സ്‌റ്റേഷനുമുന്നില്‍ എത്തി പോലീസിനെ വെല്ലുവിളിച്ചത്.കൃത്യത്തില്‍ നേരിട്ട് പങ്കെടുത്ത 5 പേരെ കൂടി പോലീസ് കസ്റ്റഡിയില്‍ എടുത്തു.