Uncategorized
പോലീസിനെ കണ്ടപ്പോൾ മുങ്ങി,കണ്ടെത്തിയത് ചാക്കുകണക്കിന് പുകയില ഉൽപ്പന്നങ്ങൾ; റഹീം മുഹമ്മദിനെ കണ്ടെത്താൻ തിരച്ചിൽ ഊർജ്ജിതം
തൊടുപുഴ;വിദ്യാർത്ഥികൾ അടക്കമുള്ള ആവശ്യക്കാർക്ക് പുകയില ഉൽപന്നങ്ങൾ വിൽപ്പന നടത്തി വന്നിരുന്ന മുതലക്കോടം കടപ്ലാക്കൽ റഹീംമുഹമ്മദിനെ(45) കണ്ടെത്താൻ പോലീസ് തിരച്ചിൽ ഊർജ്ജിതമാക്കി.
ഇന്നലെ തൊടുപുഴ ഡിവൈഎസ്പി എം ആർ മധു ബാബുവിന്റെ നേതൃത്വത്തിലുള്ള പോലീസ് സംഘം ഇയാളെ പിൻതുടർന്ന് പിടികൂടാൻ നടത്തിയ നീക്കം വിഫലമായിരുന്നു.ചാഴിക്കാട് ആശുപത്രിയിക്ക് സമീപം സ്കൂട്ടറിൽ എത്തിയ ഇയാൾ പോലീസ് സംഘത്തിന്റെ മുന്നിൽ അകപ്പെടുകയായിരുന്നു.
പോലീസ് പിൻതുടരുന്നുണ്ടെന്ന് മനസ്സിലാക്കിയ ഇയാൾ ആശുപത്രി വളപ്പിലേയ്ക്ക് സ്കൂട്ടർ ഓടിച്ചുകയറ്റിയ ശേഷം വാഹനം ഉപേക്ഷിച്ച് പുഴയുടെ ഭാഗത്തേയ്ക്ക് ഓടി രക്ഷപെടുകയായിരുന്നു.
യുവാവ് പോലീസിനെ കണ്ട് ബൈക്ക് ഉപേക്ഷിച്ച് രക്ഷപെട്ടു.വാഹനം കസ്റ്റഡിയിൽ എടുത്തു.റെയിഡിൽ ഒന്നര ലക്ഷത്തിലേറെ രൂപയുടെ പുകയില ഉൽപ്പന്നങ്ങൾ പോലീസ് കണ്ടെടുത്തു.
ഇയാൾ വിദ്യാർത്ഥികൾ താമസിയ്ക്കുന്ന ഹോസ്റ്റലുകളിൽ എത്തി റഹീം പുകയില ഉൽപ്പന്നങ്ങൾ വിൽപ്പന നടത്തുന്നുണ്ടെന്ന് പോലീസിന് രഹസ്യവിവരം ലഭിച്ചിരുന്നു.തുടർന്ന് ഇയാളുടെ സ്കൂട്ടറിന്റെ നമ്പർ പോലീസ് തപ്പിയെടുത്തു.ഇതിന്റെ അടിസ്ഥാനത്തിൽ ഇയാളെ കണ്ടെത്താൻ അന്വേഷവും ആരംഭിച്ചിരുന്നു.ഇതിനിടയിലാണ് ഇയാൾ പോലീസിന്റെ മുന്നിൽപ്പെട്ടത്.
ഇയാൾ ഓടി രക്ഷപെട്ടതിന് പിന്നാലെ വാഹനം പോലീസ് കസ്റ്റഡിയിൽ എടുത്തു.തുടർന്ന് കാരിക്കോട് ആശുപത്രിയ്ക്ക് സമീപം ഇയാൾ രണ്ട് മുറികൾ വാടകയ്ക്ക് എടുത്തിട്ടുണ്ടെന്ന് പോലീസംഘത്തിന്റെ അന്വേഷണത്തിൽ വ്യക്തമായി.
്പോലീസ് പൂട്ടുതകർത്ത് കെട്ടിടത്തിനുള്ളിൽക്കടന്ന് പരിശോധിച്ചപ്പോഴാണ് ചാക്കുകളിൽ സൂക്ഷിച്ചിരുന്ന പുകയില ഉൽപ്പന്നങ്ങൾ കണ്ടെടുത്തത്.ഒന്നരലക്ഷത്തോളം രൂപ വിലവരുന്ന പുകയില ഉൽപ്പന്നങ്ങൾ തമിഴ്നാട്ടിൽ നിന്നെത്തിച്ചതാണെന്നാ പോലീസ് അനുമാനം.
Latest news
കഥാകൃത്തും നോവലിസ്റ്റുമായ ടി.എന് പ്രകാശ് അന്തരിച്ചു: ഓർമ്മയായത് ഒരുപിടി നല്ല പുസ്തകങ്ങളുടെ ശിൽപ്പി
കണ്ണൂര്: പ്രശസ്ത കഥാകൃത്തും നോവലിസ്റ്റുമായ ടി എന് പ്രകാശ് അന്തരിച്ചു. 69-ാം വയസിലാണ് പ്രിയ എഴുത്തുകാരന് ജീവിതത്തിൻറെ തിരക്കുകളിൽ നിന്നും വിട പറഞ്ഞത്.
ഹൃദയാഘാതത്തെ തുടര്ന്ന് കണ്ണൂരിലെ സ്വകാര്യ ആശുപത്രിയിലായിരുന്നു അന്ത്യം.കേരള സാഹിത്യ അക്കാദമി പുരസ്കാര ജേതാവുംശ്രദ്ധേയമായ പുസ്തകങ്ങളുടെ രചയിതാവുമാണ് ടി. എം പ്രകാശൻ.
കൈകേയി ആണ് ഏറ്റവും ശ്രദ്ധ ആകർഷിച്ച നോവല്.പുരാണ കഥാപാത്രമായ കൈകേയിയെ വ്യത്യസ്തമായി അവതരിപ്പിച്ചതിന് നോവല് നിരൂപക പ്രശംസ നേടിയിരുന്നു. തണല്, താപം, വിധവകളുടെ വീട് തുടങ്ങിയവയാണ് മറ്റ് പ്രധാന കൃതികള്.
നിരവധിയായ ചെറുകഥകളും ബാലസാഹിത്യ കൃതികളും എഴുതിയിട്ടുണ്ട്. കണ്ണൂര് ജില്ലാ വിദ്യാഭ്യാസ ഓഫീസറായാണ് വിരമിച്ചത്. കഥാകൃത്ത് ടി എന് പ്രകാശിന്റെ നിര്യാണത്തില് മുഖ്യമന്ത്രി പിണറായി വിജയൻ ഉൾപ്പെടെയുള്ളവർ അനുശോചനം രേഖപ്പെടുത്തി.
Uncategorized
സപ്ലൈകോയില് ഈസ്റ്റർ വിഷു സബ്സിഡി സാധനങ്ങള് എത്താൻ വൈകും
തിരുവനന്തപുരം ; സംസ്ഥാനത്തെ ഈസ്റ്റർ വിഷു അടുക്കുന്നത്തോടെ സബ്സിഡി സാധനങ്ങള് സപ്ലൈകോയില് എത്താൻ വൈകും എന്ന് ഭക്ഷ്യവകുപ്പ്. നിലവിലെ സബ്സിഡി സാധനങ്ങള്ക്ക് പുറമേ ഈസ്റ്റർ വിഷു സബ്സിഡി സാധനങ്ങള് കൂടി ചേർത്ത് വിതരണം ചെയ്യുമെന്ന് ഭക്ഷ്യവകുപ്പ് അറിയിച്ചു.
സബ്സിഡി അരിയുടെ കുറവുള്ളതുകാരണം കെ റൈസ് കൂടി സബ്സിഡി വിഭാഗങ്ങളിലേക്ക് ചേർത്താണ് വിതരണം ചെയ്യുന്നത്.
കെ റൈസിന്റെ വിപണന ദിനത്തിലെ പ്രധാന പ്രഖ്യാപനം കൂടിയായിരുന്നു സബ്സിഡി സാധനങ്ങള്ക്ക് പുറമേ ഈസ്റ്ററിനോടനുബന്ധിച്ച് ഭക്ഷ്യ സാധനങ്ങള് വിലകുറച്ച് വില്പ്പന നടത്തുമെന്നത്.ഭക്ഷ്യവകുപ്പ് മന്ത്രിയാണ് ഇക്കാര്യം പ്രഖ്യാപിച്ചതും.
പയർ വർഗ്ഗങ്ങള് ഉള്പ്പെടെയുള്ള സാധനങ്ങള്ക്ക് സബ്സിഡി നല്കും. എന്നാല് ഇതുവരെ സപ്ലെയ്കോയില് ഈസ്റ്റർ വിഷു ആനുകൂല്യ സാധനങ്ങളുടെ ഫണ്ട് പോലും അനുവദിച്ചിട്ടില്ല.
നിലവില് സംസ്ഥാനത്തെ സപ്ലൈകോകള് കാലിയാണ്. സബ്സിഡി സാധനങ്ങളായ 11 ഇനങ്ങളാണ് കിട്ടാനില്ലാത്തത്. ഇത് പ്രതിക്ഷിച്ചെത്തുന്നവർ നിരാശയോടെ മടങ്ങേണ്ട അവസ്ഥയാണ് ഇപ്പോഴുള്ളത്.
അതേസമയം മറ്റ് സാധനങ്ങള്ക്ക് വിലകുറച്ച് വിതരണം ചെയ്യുമെന്ന് സർക്കാർ പ്രഖ്യാപിച്ചിരുന്നു. സപ്ലൈകോ സംസ്ഥാനത്തിന്റെ ബ്രാൻഡാണെന്ന് മുഖ്യമന്ത്രി പ്രഖ്യാപിച്ചെങ്കിലും ക്ഷാമത്തിന് മാത്രം അറുതിയില്ല
Uncategorized
ഗൂഡല്ലൂരിൽ വീണ്ടും കാട്ടാന ആക്രമണം; യുവാവ് മരിച്ചു
തമിഴ്നാട്: ഗൂഡല്ലൂരിൽ കാട്ടാന ആക്രമണത്തിൽ ഒരു മരണം. ഓവാലി പെരിയ ചൂണ്ടി സ്വദേശി പ്രശാന്ത് ആണ് കൊല്ലപ്പെട്ടത്.
ഇന്നലെ രാത്രി 10:45 നാണ് സംഭവം. ജനവാസ മേഖലയിൽ ഇറങ്ങിയ കാട്ടാനയെ വനപാലകരോടൊപ്പം തുരത്തിയ ശേഷം വീട്ടിലേക്ക് മടങ്ങുമ്പോഴാണ് ആക്രമണം.
വനപാലക സംഘം പ്രശാന്തിനെ ഗൂഡല്ലൂരിലെ ആശുപത്രിയിൽ പ്രവേശിപ്പിച്ചു.
പിന്നീട് പരിക്ക് ഗുരുതരമായതിനെ തുടർന്ന് ഊട്ടി മെഡിക്കൽ കോളേജിൽ പ്രവേശിപ്പിച്ചെങ്കിലും ചികിത്സയിലിരിക്കെ രാവിലെ 6 മണിയോടുകൂടി മരിച്ചു.
ഒരാഴ്ചയ്ക്കിടെ മൂന്നു പേർ ഇവിടെ കാട്ടാന ആക്രമണത്തിൽ കൊല്ലപ്പെട്ടു
Uncategorized
മലയാറ്റൂർ കുരിശുമുടി തീർത്ഥാടനം; മുന്നൊരുക്കങ്ങൾ പൂർത്തിയായി, വിശ്വാസികളുടെ പ്രവാഹം ഊർജ്ജിതം
കൊച്ചി;അന്താരാഷ്ട്ര തീർത്ഥാടന കേന്ദ്രമായ മലയാറ്റൂർ കുരിശുമുടി തീർത്ഥാടനത്തിന്റെ മുന്നൊരുക്കങ്ങൾ പൂർത്തിയായതായി മലയാറ്റൂർ സെന്റ്.തോമസ് ചർച്ച് വികാരി ഫാ. വർഗീസ് മണവാളൻ വാർത്താ സമ്മേളനത്തിൽ അറിയിച്ചു.
ഈ വർഷത്തെ തീർത്ഥാടനത്തിന് അഭൂതപൂർവ്വമായ തിരക്കാണ് അനുഭവപ്പെടുന്നത്. കടുത്ത വേനൽചൂട്
ഉള്ളതിനാൽ തീർത്ഥാടകരുടെ ആവശ്യത്തിന് കുടിവെള്ളം കരുതിയിട്ടുണ്ടെന്നും ഇതിനായി വാട്ടർ അതോറിറ്റി, പള്ളി നേരിട്ടെത്തിക്കുന്ന ജലം
എന്നിവ പൈപ്പ് ലൈൻ വഴി മലമുകളിലേക്കും എത്തിക്കാനുള്ള നടപടികൾ സ്വീകരിച്ചതായും വികാരി പറഞ്ഞു.
പെസഹാ വ്യാഴം ദു:ഖ വെള്ളി, ശനി, ഈസ്റ്റർ ഞായർ എന്നി ദിവസങ്ങളിൽ മലമുകളിലും താഴത്തെ പള്ളിയിലും വിശുദ്ധ തിരുകർമങ്ങൾ ഉണ്ടായിരിക്കും.
പുതുഞായർ എപ്രിൽ 6, 7 തീയതികളിലായി പതിവ് പോലെ ആചരിക്കും.ഹരിത പ്രോട്ടോക്കോൾ , മെഡിക്കൽ സംവിധാനം, ട്രാഫിക് നിയന്ത്രണം, വോളണ്ടിയർ സേവനം, പൊലിസ് , വനം വകുപ്പ് ഉദ്യോഗസ്ഥർ, ജില്ലാതല ഉദ്യോഗസ്ഥർ എന്നിവരുടെ സഹകരണവും ഉണ്ടായിരിക്കുമെന്നും വികാരി വ്യക്തമാക്കി.
വാർത്താ സമ്മേളനത്തിൽ പള്ളി ഭാരവാഹികളും പങ്കെടുത്തു.
Uncategorized
വാൻ വൈദ്യുത പോസ്റ്റിൽ ഇടിച്ച് തലകീഴായി മറിഞ്ഞു; മുൻ ചക്രങ്ങൾ തെറിച്ച് പോയി, ഒഴിവായത് വൻ ദുരന്തം
ചാലക്കുടി: ദേശീയപാതയിൽ നിയന്ത്രണം തെറ്റിയ പിക്കപ്പ് വാൻ വൈദ്യുത പോസ്റ്റിൽ ഇടിച്ച് മറിഞ്ഞു. തലകീഴായി മറിഞ്ഞ വാഹനത്തിൽ ഉണ്ടായിരുന്ന ഡ്രൈവർക്കും സഹയാത്രികനും അപകടത്തിൽ സാരമായി പരിക്കേറ്റു
ഇടിയുടെ ആഘാതത്തിൽ വൈദ്യുത പോസ്റ്റ് 25 മീറ്റർ അകലേക്ക് പതിച്ചു. വാഹനത്തിൻ്റെ മുൻ ചക്രങ്ങൾ ഊരിപോയ നിലയിലാണ് .
മറ്റ് വാഹനങ്ങളോ യാത്രക്കാരോ നിരത്തിൽ ഇല്ലാതിരുന്നത് മൂലമാണ് ദുരന്തം ഒഴിവായത്.
തമിഴ്നാട്ടിൽ നിന്നും കോഴികുഞ്ഞുങ്ങളുമായി പെരുമ്പാവൂരിലേക്ക് പോയി തിരിച്ചുവന്ന പിക്കപ്പ് വാൻ ആണ് നിയന്ത്രണം തെറ്റിയറ്റതിനെ തുടർന്ന് അപകടത്തിൽ പെട്ടത്.
ഡ്രൈവർ ഉറങ്ങിപ്പോയതോ അമിതവേഗതയോ ആകാം അപകടകാരണം എന്നാണ് പ്രദേശവാസികളുടെ പ്രതികരണം.
പരിക്കേറ്റവരെ ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പോലീസ് മേൽ നടപടികൾ സ്വീകരിച്ച് വരുന്നു
-
Latest news4 days ago
കോതമംഗലം ചേലാട് വൃദ്ധയെ തലയ്ക്കടിച്ച് കൊലപ്പെടുത്തി
-
Latest news21 hours ago
കള്ളാട് കൊലപാതകം; തെളിവുകളുടെ അഭാവം വെല്ലുവിളി, പ്രതിയെക്കുറിച്ച് സൂചനയില്ല, അന്വേഷണം ഊർജിതമെന്നും പോലീസ്
-
Latest news1 week ago
നേര്യമംഗലം “നിലാംബരിയിൽ” കത്തി വീശലും ആക്രമണവും ; ഓരാൾക്ക് കുത്തേറ്റു
-
Latest news4 weeks ago
നേര്യമംഗലത്ത് വയോധികയെ കാട്ടാന ചവിട്ടികൊന്നു
-
Latest news2 weeks ago
അനുവിന്റെ മരണം,പ്രതി പിടിയിൽ,15 വർഷത്തിന് ശേഷവും നിനിയുടെ മരണത്തിന് പിന്നിൽ ചുരുളഴിയാത്ത ദരൂഹത;അന്വേഷണം സിബിഐക്ക് വിടണമെന്നും ആവശ്യം
-
Latest news3 weeks ago
കാണാതായ കുട്ടികൾ ഉൾവനത്തിൽ മരിച്ച നിലയിൽ; രക്ഷാദൗത്യം വൈകിയതിൽ പരക്കെ രോക്ഷം
-
Latest news2 weeks ago
ഗർഭിണിയായ 19 കാരി തൂങ്ങിമരിച്ച നിലയിൽ
-
Latest news2 weeks ago
സഭ വിവാഹം മുടക്കിയെന്ന് സംശയം,ബൈക്കിൽ ചുറ്റിക്കറങ്ങി, കുരിശുപള്ളികൾ തകർത്തു;യുവാവ് പിടിയിൽ