News
20 പവനും പണവും കുഴിച്ചിട്ടു , തിരിച്ചെടുക്കാന് എത്തിയപ്പോള് സ്ഥലം മറന്നു ; പോലീസ് ഇടപടല് വിജയമായി , 65 കാരിക്കും ആശ്വാസം

കൊല്ലം:കള്ളന്മാരെ ഭയന്ന് 20 പവന് തൂക്കം വരുന്ന സ്വര്ണ്ണാഭരണങ്ങളും 15,000 രൂപയും ആധാര്, തിരിച്ചറിയല് കാര്ഡുകളും പുരയിടത്തില് കുഴിച്ചിട്ടു.കോവിഡ് ചികത്സയ്ക്ക് ശേഷം വീട്ടമ്മ തിരിച്ചെത്തിയപ്പോള് കുഴിച്ചിട്ട സ്ഥലം മറന്നു.നിസഹായവസ്ഥ ബോദ്ധ്യപ്പെട്ടപ്പോള് പോലീസ് ഇടപെടല്.മണിക്കൂറുകള് നീണ്ട പരിശ്രമത്തിനൊടുവില് പണവും സ്വര്ണ്ണവും രേഖകളും കണ്ടെടുത്തു.65 കാരിയായ അജിത കുമാരിക്ക് പറഞ്ഞറിയിക്കാനാവാത്ത സന്തോഷം.
ഓച്ചിറ ചങ്ങന്കുളങ്ങര കൊയ്പള്ളിമഠത്തില് (ചന്ദ്രജ്യോതി) അജിതകുമാരി(65)യുടെ പണവും സ്വര്ണവും രേഖകളമാണ് ഓച്ചിറ പൊലീസ് വീണ്ടെടുത്ത് നല്കിയത്.
കഴിഞ്ഞ ഒക്ടോബറില് ഭര്ത്താവ് രാമവര്മത്തമ്പുരാനൊപ്പം ബന്ധുവീട്ടിലേക്ക് പോയപ്പോഴാണ് ഇവര് സ്വര്ണവും പണവും സുരക്ഷിതമായി പറമ്പില് കുഴിച്ചിട്ടത്.ഏകമകന് വിദേശത്താണ്. ബന്ധുവീട്ടില്നിന്ന് തിരികെ വന്നപ്പോള് രണ്ടുദിവസം ബാങ്ക് അവധിയായിരുന്നു.തുടര്ന്ന് ഇവര്ക്ക് കോവിഡ് ബാധിച്ചതിനാല് സ്വര്ണവും പണവും തിരികെ എടുത്തില്ല.
ദിവസങ്ങള് കഴിഞ്ഞതോടെ കുഴിച്ചിട്ട സ്ഥലം ഇവര് മറന്നു. സ്വര്ണവും പണവും രേഖകളും കണ്ടെത്താന് പറമ്പില് പലയിടങ്ങളിലും കുഴിച്ചെങ്കിലും ശ്രമം വിജയിച്ചില്ല. തുടര്ന്ന് കഴിഞ്ഞദിവസം വാര്ഡ് അംഗം ആനേത്ത് സന്തോഷിനെ അറിയിച്ചു.
സന്തോഷ് ഇവരുമൊത്ത് ഓച്ചിറ പൊലീസ് സ്റ്റേഷനില് എത്തി കാര്യങ്ങളെല്ലാം രേഖാമൂലം പോലീസിനെ ധരിപ്പിച്ചു.ഇതെത്തുടര്ന്ന് സ്റ്റേഷന് പി.ആര്.ഒ. നൗഷാദ്, ഹോംഗാര്ഡ് സുകുമാരന്, വാര്ഡ് അംഗം എന്നിവര് സ്ഥലത്തെത്തി.
അജിത കുമാരി സംശയം പറഞ്ഞ എല്ലാസ്ഥലവും കുഴിച്ചുനോക്കിയെങ്കിലും സ്വര്ണവും പണവും കണ്ടെത്താനായില്ല.തുടര്ന്ന് പറമ്പിന്റെ ഒരുഭാഗം മൊത്തം കുഴിച്ചതോടെയാണ് പ്ലാസ്റ്റിക് കവറില് കെട്ടി ഭദ്രമായി കുഴിച്ചിട്ട സ്വര്ണവും പണവും തിരിച്ചറിയല് രേഖകളും ലഭിച്ചത്.
പൊലീസ് കണ്ടെടുത്ത സ്വര്ണ്ണവും പണവും രേഖകളും അജിതകുമാരിയെ ഏല്പ്പിച്ചെങ്കിലും ഇവര് ഇത് പോലീസിനെ തന്നെ തികെ ഏല്പ്പിയ്ക്കുകയായിരുന്നു.ഇത്രയും ആഭരണങ്ങളും പണവും വീട്ടില് വയ്ക്കാന് ഭയമാണെന്നും സ്റ്റേഷനില് തന്നെ സൂക്ഷിയ്ക്കണമെന്നുമായിരുന്നു അജിത കുമാരിയുടെ ആവശ്യം.ഇവരുടെ അവസ്ഥ മനസ്സിലാക്കി പോലീസ് ഇത് സ്റ്റേഷിനല് സൂക്ഷിയ്ക്കുകയായിരുന്നു.അടുത്തദിവസം ഇത് ബാങ്ക് ലോക്കറിലേയക്ക് മാറ്റുന്നതിനാവശ്യമായ ക്രമീകരണങ്ങള് ചെയ്തിട്ടുണ്ടെന്ന് പോലീസ് വ്യക്തമാക്കി.
Latest news
യാത്രക്കാരുടെ സംതൃപ്തി സർവേയിൽ സിയാലിന് ചരിത്ര നേട്ടം

നെടുമ്പാശേരി;കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്(സിയാൽ) യാത്രക്കാരുടെ സംതൃപ്തി സർവേയിൽ വിമാനത്താവള ചരിത്രത്തിലെ ഏറ്റവും ഉയർന്ന റാങ്കിംഗ് ലഭിച്ചു.
ആഗോളതലത്തിൽ വിമാനത്താവള പ്രവർത്തനങ്ങൾ ഏകീകരിക്കുന്ന എയർപോർട്ട് കൗൺസിൽ ഇന്റർനാഷണൽ (എ സി ഐ ) നടത്തിയ യാത്രക്കാരുടെ സംതൃപ്തി സർവേയിലാണ് സിയാൽ 5ൽ 4.99 എന്ന സ്കോർ നേടി, അഭിമാനാർഹമായ നേട്ടം സ്വന്തമാക്കിയത്.
വിമാനത്താവളത്തിന്റെ 23 വർഷത്തെ ചരിത്രത്തിലെ ഏറ്റവും ഉയർന്ന സ്കോറാണിത്.2022ലെ ആദ്യ പാദത്തിൽ ലോകത്തിലെ 244 വിമാനത്തലവളങ്ങളിലാണ് എ സി ഐ സർവ്വേ നടത്തിയത്.
വിമാനത്താവങ്ങളിലെ പുറപ്പെടൽ യാത്രക്കാർക്ക് ഒരുക്കിയിരിക്കുന്ന സൗകര്യങ്ങളും ടെർമിനലുകളിലെ വൃത്തിയുമെന്നയിരുന്നു ആദ്യപാദ സർവേയിലെ പ്രധാന വിഷയങ്ങൾ.എല്ലാ വിമാന സർവീസുകളുടെയും വിവിധ പ്രായ വിഭാഗത്തിൽപെടുന്നവരുടെയും പ്രാതിനിധ്യം ഉറപ്പാക്കി എ സി ഐ വിശദമായി നടത്തുന്ന സർവേയാണിത്.
5 പ്രധാന മാനദണ്ഡങ്ങളെ അടിസ്ഥാനമാക്കിയാണ് സർവ്വേ നടത്തിയത്ത്.എയർപോർട്ട് ശുചിത്വം,സുരക്ഷ സംവിധാനങ്ങൾ,വാഷ്റൂം-ടോയ്ലറ്റുകളുടെ ലഭ്യത,ഗേറ്റ് ഏരിയകളിലെ വിശ്രമ സൗകര്യം,എയർപോർട്ടിൽ എത്താനുള്ള മാർഗ്ഗം തുടങ്ങിയവനായിരുന്നു മാനദണ്ഡങ്ങൾ.
സിയാലിന്റെയും അനുബന്ധ എജൻസികളുടെയും ഒറ്റക്കെട്ടായ പ്രവർത്തനമാണ് കൊച്ചി വിമാനത്താവളത്തിന്റെ ഉയർന്ന റാങ്ക് ലഭിക്കാൻ കാരണമെന്ന് സിയാൽ മാനേജിംഗ് ഡയറക്ടർ എസ്.സുഹാസ് പറഞ്ഞു.
Latest news
നെല്ലിക്കുഴി കവർച്ച;ഷാജഹാൻ പടിയിൽ,കൃത്യം നടത്തിയത് കണ്ണൂർ ജിയിലിൽ നിന്നും മോചിതനായതിന് പിന്നാലെ

കോതമംഗലം;സൂപ്പർ മാർക്കറ്റ് കുത്തി തുറന്ന് പണം അപഹരിച്ച കേസിൽ ഒരാൾ പിടിയിൽ.
ഇരമല്ലൂർ നെല്ലിക്കുഴി പൂമറ്റം കവലയിൽ തേലക്കാട്ട് വീട്ടിൽ ഷാജഹാൻ (45) ആണ് കോതമംഗലം പോലീസിന്റെ പിടിയിലായത്. കഴിഞ്ഞ മാസം നെല്ലിക്കുഴിയിലെ സൂപ്പർ മാർക്കറ്റിന്റെ ഷട്ടർ കുത്തി തുറന്ന് കൗണ്ടറിൽ ഉണ്ടായിരുന്ന പണം കവർന്ന് രക്ഷപെടുകയായിരുന്നു.
പ്രത്യേക സംഘം രൂപീകരിച്ച് പോലീസ് നടത്തിയ നീക്കത്തിലാണ് പെരുമ്പാവൂരിൽ നിന്നും ഷാജഹാൻ പിടിയിലായത്. സംസ്ഥാനത്തെ വിവിധ പോലീസ് സ്റ്റേഷനുകളിലെ മോഷണകേസുകളിൽ ഇയാൾ പ്രതിയാണ്.
മോഷണ കുറ്റത്തിന് ശിക്ഷിക്കപ്പെട്ട് കണ്ണൂർ സെൻട്രൽ ജയിലിൽ ആയിരുന്ന ഷാജഹാൻ കഴിഞ്ഞ മാസം ശിക്ഷ കഴിഞ്ഞ് ഇറങ്ങിയിരുന്നു.ജയിലിൽ നിന്നിറങ്ങി ദിവസങ്ങൾക്കുള്ളിലാണ് ഇയാൾ നെല്ലിക്കുഴിയിൽ കവർച്ച നടത്തിയത്.
അന്വേഷണ സംഘത്തിൽ ഇൻസ്പെക്ടർ അനീഷ് ജോയ്, എസ്.ഐ മാരായ കെ.എസ്.ഹരിപ്രസാദ്, അജി, എ.എസ്.ഐ മാരായ കെ.എം.സലിം. എം.എം.റജി, എസ്.സി.പി.ഒ മാരായ റ്റി.ആർ.ശ്രീജിത്ത്, നിജാസ്, നിഷാന്ത് കുമാർ, നിയാസ് മീരാൻ എന്നിവരാണ് ഉണ്ടായിരുന്നത്.
Latest news
ലൈല മരണപ്പെട്ടത് വിഷബാധ മൂലം ; അലിമുത്തിന്റെ മൊഴിയിൽ പൊരുത്തക്കേട്; ദരൂഹതയകറ്റാൻ പോലീസ് ഇടപെടൽ ശക്തം

കോതമംഗലം; വീട്ടിൽ അവശനിലയിൽ കാണപ്പെട്ട യുവതി മരിച്ചത് ശക്തിയേറിയ വിഷം ഉള്ളിച്ചെന്നിട്ടെന്ന് പോസ്റ്റ്മോർട്ടത്തിൽ സൂചന.ദൂരൂഹത അകറ്റാൻ പോലീസ് ഇടപെടൽ ശക്തം.
നേര്യമംഗലം മുഞ്ചക്കൽ ഇബ്രാഹിമിന്റെ മകൾ ലൈലയാണ് മരണപ്പെട്ടത്. ഞായറാഴ്ച വൈകിട്ട് 5 മണിയോടെ ലൈലയെയും ബന്ധുവെന്ന് പറയപ്പെടുന്ന അലിമുത്തിനെയും നെല്ലിമറ്റത്തെ വാടകവീട്ടിൽ അവശനിലയിൽ കണ്ടെത്തുകയായിരുന്നു.
ഊന്നുകൽ പോലീസെത്തി ഇവരെ ആശുപത്രിയിൽ എത്തിക്കുകയുമായിരുന്നു.ലൈല താമസിയാതെ മരണപ്പെട്ടു.അലിമുത്ത് കളമശേരി മെഡിക്കൽ കോളേജിൽ ചികത്സയിലാണ്.
ഇന്നലെ ലൈയുടെ മൃതദ്ദേഹം ഇന്നലെ പോസ്റ്റുമോർട്ടം നടത്തി.ശക്തിയേറിയ വിഷം ഉള്ളിൽച്ചന്നതെന്നത് മൂലമാണ്് മരണപ്പെട്ടതെന്നാണ് പ്രാഥമീക പോസ്റ്റുമോർട്ടം റിപ്പോർട്ടിലെ സൂചന.
കൽക്കണ്ടം പൊടിച്ച് കഴിച്ചിരുന്നെന്നും തുടർന്നാണ് അവശരായതെന്നും അലിമുത്ത് പോലീസിനോട് വ്യക്തമാക്കിയിരുന്നു.കൽക്കണ്ടത്തിൽ നിന്നും വിഷബാധയുണ്ടാവാൻ സാധ്യതയില്ലന്നാണ് പോലീസ് നിഗമനം.സംഭവത്തിൽ കൂടുതൽ അന്വേഷണം ആവശ്യമാണെന്നും രാസപരിശോധന ഫലം കൂടി ലഭ്യമായാലെ കൃത്യാമായ വിവരങ്ങൾ വ്യക്തമാവു എന്നാണ് പോലീസ് പറയുന്നത്.
-
News5 months ago
കരടിപ്പാറ വ്യൂ പോയിന്റിൽ അപകടം ; കോതമംഗലം ചേലാട് സ്വദേശി മരിച്ചു
-
News4 months ago
കാട്ടുപോത്തിനെ വെടിവച്ച് കൊന്ന് , ഇറച്ചി കടത്തി ; അടിമാലിയില് നാടന് തോക്കുമായി 8 പേര് പിടിയില്
-
News3 months ago
അടിമാലി കൊരങ്ങാട്ടിയില് ഗൃഹനാഥനെ വീടിനുള്ളില് മരിച്ച നിലയില് കണ്ടെത്തി
-
Latest news3 weeks ago
പക്ഷി എൽദോസ് യാത്രയായി;ജഡം കണ്ടെത്തിയത് വനത്തിൽ , ഓർമ്മയാവുന്നത് തട്ടേക്കാടിനെ നെഞ്ചോട് ചേർത്ത പക്ഷി സ്നേഹി
-
News7 months ago
ലൈംഗീക അതിക്രമത്തിൽ സഹികെട്ട് പിതാവിനെ “സ്കെച്ചിട്ട് ” കൊലപ്പെടുത്തി 17 കാരി
-
Latest news1 week ago
അഗ്നിശമനസേന നീക്കം വിഫലം ; ഒഴുക്കിൽപ്പെട്ട ക്രാസിനെ കണ്ടെത്താൻ ആദിവാസികൾ പുഴയിൽ തിരച്ചിൽ ആരംഭിച്ചു
-
News8 months ago
കുതിരകുത്തിമലയിൽ സന്ദർശകരെ കാത്തിരിയ്ക്കുന്നത് കാഴ്ചകളുടെ പൂരം
-
Film News8 months ago
തങ്കു എന്താ ഇങ്ങിനെ.. ആകാംക്ഷയോടെ ആരാധകർ