Latest news
കന്നി 20 പെരുന്നാള് ഒരുക്കങ്ങള് വിപുലം, മലിനീകരണം നിയന്ത്രിക്കാനും അനധികൃത വ്യാപാരം തടയാനും ധാരണ;ഉന്നത തല യോഗം ചേര്ന്നു
കോതമംഗലം;ആഗോള സര്വമത തീര്ത്ഥാടന കേന്ദ്രമായ കോതമംഗലം മാര്ത്തോമ ചെറിയ പള്ളിയില് കബര് അടങ്ങിയിരിക്കുന്ന പരിശുദ്ധ എല്ദോ മാര് ബസേലിയോസ് ബാവയുടെ 338-ാം ഓര്മ്മപ്പെരുന്നാളിന്റെ വിജയകരമായ നടത്തിപ്പിനെക്കുറിച്ച് ആലോചിക്കാന് ഉന്നത തല യോഗം ചേര്ന്നു.
മാര്ത്തോമ ചെറിയ പള്ളിയില് ചേര്ന്ന യോഗത്തില് ആന്റണി ജോണ് എംഎല്എ അധ്യക്ഷത വഹിച്ചു.ജനപ്രതിനിധികളും വാട്ടര് അതോറിറ്റി, കെ.എസ്.ഇ.ബി, പിഡബ്ല്യുഡി, ഫയര്ഫോഴ്സ്, പോലീസ്, എക്സൈസ്, നാഷണല് ഹൈവേ, കെഎസ്ആര്ടിസി,ഹെല്ത്ത് തുടങ്ങി വിവധ വകുപ്പുകളില് നിന്നുള്ള ഉദ്യോഗസ്ഥരും യോഗത്തില് പങ്കെടുത്തു.
തഹസില്ദാര് കണ്വീനര് ആയിട്ടുള്ള കണ്ട്രോള് റൂം സേവനം 25 മുതല് ഒക്ടോബര് 4 വരെ പള്ളിയങ്കണത്തില് സജ്ജമാക്കാന് തീരുമാനിച്ചു. ഗ്രീന് പ്രോട്ടോകോള് പ്രകാരം പള്ളിയും പരിസരവും പ്ലാസ്റ്റിക് നിരോധന മേഖലയായി പ്രഖ്യാപിക്കും എന്നും മാലിന്യ നിക്ഷേപം നടത്തുന്നവര്ക്കെതിരെ ശക്തമായ നടപടികള് സ്വീകരിക്കുമെന്നും നഗരസഭ ചെയര്മാന് അറിയിച്ചു.
ഇതിനായി ശുചിത്വമിഷനേയും ഹരിത കര്മ്മ സേനയെയും സ്കൂള് കോളേജ് എന്എസ്എസ് വിദ്യാര്ത്ഥികളെയും ഏകോപിപ്പിച്ചുകൊണ്ട് കമ്മറ്റി രൂപീകരിക്കുമെന്നും അദ്ദേഹം അറിയിച്ചു. അന്യ ജില്ലയില് നിന്നും വരുന്ന വാഹനങ്ങള് ടൗണില് പാര്ക്ക് ചെയ്യുന്നതിന് പെര്മിറ്റ് നിര്ബന്ധമാക്കുമെന്ന് ആര്.ടി.ഒ നിര്ദേശിച്ചു.അറിയിച്ചു.
ലഹരി വിമുക്തമായി പെരുന്നാള് ആഘോഷിക്കുന്നതിനായി കുന്നത്തുനാട് മുതല് മൂവാറ്റുപുഴ വരെ എക്സൈസ് കോമ്പിംഗ് നടത്തുന്നതിന് തീരുമാനിച്ചതായി എക്സൈസ് ഡിപ്പാര്ട്ട്മെന്റ് പ്രതിനിധികള് വ്യക്തമാക്കി.
കുറ്റകൃത്യങ്ങള് തടയുന്നതിന്റെ ഭാഗമായി അനതൃകത കച്ചവടങ്ങള് അനുവദിക്കില്ലന്നും ഭിക്ഷാടനം നിരോധിക്കും എന്നും കോതമംഗലം സബ് ഇന്സ്പെക്ടര് യോഗത്തെ അറിയിച്ചു.
വികാരി ഫാദര് ജോസ് പരത്തുവയലില് ട്രസ്റ്റ് മാരായ സി ഐ ബേബി ബിനോയ് മണ്ണഞ്ചേരി, ബ്ലോക്ക് പഞ്ചായത്ത് പ്രസിഡന്റ് പിഎ എം ബഷീര് കീരംമ്പാറ പ്രസിഡന്റ് മാമച്ചന് ജോസഫ്,നെല്ലിക്കുഴി പഞ്ചായത്ത് പ്രസിഡന്റ് കെ കെ മജീദ് ,ജനമൈത്രി സംരക്ഷണ സമിതി ഭാരവാഹികളായ എ ജി ജോര്ജ്,കെ എ നൗഷാദ്,കെ കെ ദാനി പ്രൈവറ്റ് ബസ് ഓണേഴ്സ് അസോസിയേഷന് ,വ്യാപാരി വ്യവസായി സമതി എന്നീ സംഘടന കളുടെ ഭാരവാഹികള് എന്നിവരും മുന്സിപ്പല് കൗണ്സിലര്മാരും യോഗത്തില് പങ്കെടുത്തു.
Latest news
മുന്വൈരാഗ്യം മൂലം അടിമാലി ആനക്കുളത്ത് ഓട്ടോ ഡ്രൈവറെ വെട്ടികൊലപ്പെടുത്താന് ശ്രമം;മൂന്നുപേര് പിടിയില്
അടിമാലി;മുന്വൈരാഗ്യത്തിന്റെ പേരില് ഓട്ടോ ഡ്രൈവറെ വെട്ടികൊലപ്പെടുത്താന് ശ്രമം.3 പേര് പിടിയില്.മാങ്കുളം ആനക്കുളത്ത് ഇന്നലെ വൈകിട്ട് 5.30 തോടെയായിരുന്നു സംഭവം.
മാങ്കുളം ആനക്കുളം നെല്ലിമലയില് ദേവസ്യ(61)ഉടുമ്പിക്കല് ജസ്റ്റിന് ജോയി(27),മുകളേല് സനീഷ് (23)എന്നിവരെയാണ് സംഭവവുമായി ബന്ധപ്പെട്ട് മൂന്നാര് പോലീസ് കസ്റ്റഡിയില് എടുത്തിട്ടുള്ളത്.
മാങ്കുളം ആനക്കുളം ഇളംചിങ്ങത്ത് ഷാജി മാത്യു(50)യെയാണ് ഇവര് വാക്കത്തിക്ക് വെട്ടികൊലപ്പെടുത്താന് ശ്രമിച്ചത്.അറസ്റ്റിലായവര് ബൈക്ക് വട്ടംവച്ച് ഷാജയുടെ ഓട്ടോ തടഞ്ഞുനിര്ത്തിയ ശേഷം വലിച്ചിറക്കി ആക്രമിയ്ക്കുകയായിരുന്നു.
അക്രമി സംഘത്തിലെ ജസ്റ്റിന് വാക്കത്തികൊണ്ട് ഷാജിയുടെ തലയ്ക്ക് വെട്ടിയെന്നും ഈ സമയം മകന് അഭിജിത്ത് ഷാജി തടഞ്ഞതുകൊണ്ട് മാത്രമാണ് ജീവന് രക്ഷപെട്ടതെന്നുമാണ് പോലീസ് നല്കുന്ന സൂചന.അഭിജിത്തിന്റെ കൈവിരലിനും മുറിവേറ്റിട്ടുണ്ട്.ഇരുവരും അടിമാലി താലൂക്ക് ആശുപത്രിയില് ചികത്സ തേടി.
ജസ്റ്റിനും സനീഷും ഇന്നലെ തന്നെ പോലീസ് പിടിയിലായിരുന്നു.ദേവസ്യയെ ഇന്ന് പുലര്ച്ചെ ഒളിയിടത്തില് നിന്നും പോലീസ് സംഘം കസ്റ്റഡിയില് എടുത്തിട്ടുണ്ട്.
അപകടകാരികളായ അക്രമികളെ പോലീസ് ബലംപ്രയോഗിച്ചാണ് കീഴടക്കിയത്.ഇവരില് കൂടുതല് അപകടകാരി ദേവസ്യ ആയിരുന്നെന്നാണ് സൂചന.ഇയാള് തോര്ത്തില് കല്ലുകെട്ടി തലയ്ക്കടിച്ച് എതിരാളിയെ പരിക്കേല്പ്പിക്കുന്നതില് വിരുതനാണെന്നാണ് പോലീസ് പങ്കുവയ്ക്കുന്ന വിവരം.
ഈ സംഭവത്തില് പിടിയിലായവരില് ദേവസ്യ ഒഴികെയുള്ളവര് ഏതാനും ആഴ്ചകള്ക്ക് മുമ്പ് ആനക്കുളത്ത് വിനോദസഞ്ചാരികളെ ആക്രമിച്ച് പരിക്കേല്പ്പിച്ച സംഘത്തില് ഉള്പ്പെട്ടിരുന്നെന്നും ഇവര് പ്രദേശത്തെ സ്ഥിരം പ്രശ്നക്കാരാണെന്നും പോലീസ് അറയിച്ചു.
ചെറായിയില്നിന്ന് മാങ്കുളം സന്ദര്ശിക്കാനെത്തിയ വിനോദസഞ്ചാരികള്ക്കുനേരേയാണ് ആക്രമണമുണ്ടായത്. മദ്യപിച്ചെ ത്തിയ സംഘം ആനക്കുളം ചെക്ക്ഡാമിന് സമീപത്ത് സ്ത്രീകള് ഉള് പ്പെടെയുള്ള വിനോദസഞ്ചാരികള്ക്കുനേരേ അസഭ്യവര്ഷം നടത്തിയശേഷം ആക്രമിക്കുകയായിരുന്നു.
സഞ്ചാരികള് പോലീസില് പരാതി നല്കിയതിന്റെ അടിസ്ഥാനത്തില് പോലീസ് നടത്തിയ അന്വേഷണത്തിലാണ് അന്ന് സനീഷും ജസ്റ്റിനും പിടിയിലായത്.ഈ സംഭവത്തില് വിനോദസഞ്ചാരികളെ അക്രമികളില് നിന്നും രക്ഷിയ്ക്കാന് ഇന്നലത്തെ ആക്രമണത്തില് പരിക്കേറ്റ ഓട്ടോ ഡ്രൈവര് ഷാജി ഇടപെട്ടിരുന്നു.ഇതാണ് ഇപ്പോഴത്തെ ആക്രണത്തിന് കാരണമെന്നാണ് പോലീസ് അന്വേഷണത്തില് വ്യക്തമായിട്ടുള്ളത്.
ഇടുക്കിയിലെ പ്രധാന വിനോദ സഞ്ചാരകേന്ദ്രമായ ആനക്കുളത്ത് മദ്യപ സംഘത്തിന്റെ ശല്യം മൂലം വിദേശിയര് ഉള്പ്പെടെയുള്ള വിനോദസഞ്ചാരികള് ബുദ്ധുമുട്ടുകള് നേരിടുന്നതായുള്ള വിവരം നേരത്തെ പുറത്തുവന്നിരുന്നു.
മൂന്നാര് സിഐ രാജന് കെ അരമന,എസ്ഐ ഷാജി എം ജോസഫ്,എ എസ് ഐ നിഷാദ് സി കെ ,സിപിഒ ഷഹീര് ഹുസൈന് എന്നിവര് കേസന്വേഷണത്തിലും പ്രതികളെ പിടികൂടുന്നതിലും പങ്കാളികളായി.
Health
താപനില വരുംദിനങ്ങളിൽ ഉയർന്നുകൊണ്ടിരികുന്നു ; സംസ്ഥാനത്ത് ഇന്നലെ സൂര്യാഘാതമേറ്റ് രണ്ടു മരണം
തിരുവനന്തപുരം ; സംസ്ഥാനത്ത് സൂര്യാഘാതമേറ്റ് രണ്ടു മരണം. സൂര്യാഘാതമേറ്റ് ചികിത്സയിലായിരുന്ന മാഹിയിലെ പന്തക്കല് സ്വദേശി ഉളുമ്ബന്റവിട വിശ്വനാഥൻ (53), എല്ലപ്പള്ളി സ്വദേശി ലക്ഷ്മി (90) എന്നിവരാണ് മരിച്ചത്. സൂര്യതാപം ഭീതിപ്പെടുത്തും സ്ഥിതിയില്.
ഇന്നലെ രണ്ടുപേര് മരണപ്പെട്ടത് സുര്യാഘാതത്തെത്തുടര്ന്ന് പോസ്റ്റുമോര്ട്ടത്തില് വ്യക്തമായിരുന്നു.ഇതിന് പിന്നാലെ ഉഷ്ണതരംഗം വ്യാപനം സംബന്ധിച്ചുള്ള കാലാവസ്ഥ വകുപ്പിന്റെ മുന്നറിയിപ്പിനെക്കുറിച്ചുള്ള വാര്ത്തകളും പുറത്തുവന്നിട്ടുണ്ട്. മരണങ്ങളും മുന്നറിപ്പും പൊതുസമൂഹത്തില് വലിയ ഭയാശങ്കകളാണ് സൃഷ്ടിച്ചിട്ടുള്ളത്.
മാഹിയിലെ പന്തക്കല് സ്വദേശി ഉളുമ്പന്റവിട വിശ്വനാഥന് (53), പള്ളത്തേരി പാറമേട് നല്ലാംപുരയ്ക്കല് വീട്ടില് പരേതനായ കൃഷ്ണന്റെ ഭാര്യ ലക്ഷ്മിയമ്മ (90) എന്നിവരാണ് സുര്യതാപമേറ്റ് മരിച്ചത്.കിണര് പണിക്കിടയില് തളര്ന്ന് വീണ വിശ്വനാഥന് കണ്ണൂരിലെ സ്വകാര്യ ആശുപത്രിയില് ചിക്തസയില് ഇരിയ്ക്കെയാണ് മരണപ്പെട്ടത്.
ലക്ഷ്മിയമ്മയെ ഉച്ചയ്ക്ക് ഒന്നര മുതല് വീട്ടില്നിന്നും കാണാതായിരുന്നു.തുടര്ന്ന് ബന്ധുക്കളും നാട്ടുകാരും തിരച്ചില് നടത്തുന്നതിനിടെ വൈകിട്ട് അഞ്ചരയോടെ പള്ളത്തേരിയിലെ ആളിയാര് കനാലില് വീണു കിടക്കുന്ന നിലയില് കണ്ടെത്തി.
തലയ്ക്ക് ഗുരുതരമായി പരുക്കേറ്റ ഇവരെ ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിയ്ക്കാനായില്ല. ജില്ലാ ആശുപത്രിയില് നടത്തിയ പോസ്റ്റ്മോര്ട്ടത്തിലാണ് സൂര്യാഘാതമാണ് മരണകാരണമെന്ന് സ്ഥിരീകരിച്ചത്.
Latest news
മൂന്ന് ജില്ലകളില് താപനില കൂടുതൽ ; സുരക്ഷിതരായിരിക്കണമെന്ന് ആരോഗ്യമന്ത്രി
തിരുവനന്തപുരം: ഉഷ്ണതരംഗം അഥവാ ഹീറ്റ് വേവ് ആരോഗ്യത്തെയും ശരീരത്തിന്റെ പ്രവര്ത്തനങ്ങളെയും പ്രതികൂലമായി ബാധിക്കാന് സാധ്യതയുള്ളതിനാല് എല്ലാവരും സുരക്ഷിതമായിരിക്കണമെന്ന് ആരോഗ്യമന്ത്രി വീണാ ജോര്ജ്.
അന്തരീക്ഷ താപനില തുടര്ച്ചയായി സാധാരണയില് കൂടുതല് ഉയര്ന്ന് നില്ക്കുന്ന അവസ്ഥയാണ് ഉഷ്ണതരംഗം. ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്നങ്ങള്ക്ക് കാരണമാകുമെന്ന് മന്ത്രി വ്യക്തമാക്കി.
രാവിലെ 11 മുതല് വൈകുന്നേരം 3 വരെയുള്ള സമയത്ത് നേരിട്ട് സൂര്യപ്രകാശം ഏല്ക്കുന്നത് പരമാവധി ഒഴിവാക്കുക. കുഞ്ഞുങ്ങള്, പ്രായമായവര്, ഗര്ഭിണികള്, ഗുരുതര രോഗമുള്ളവര് എന്നിവര് പ്രത്യേകം ശ്രദ്ധിക്കണം.
നിര്ജലീകരണം ഉണ്ടാകാന് സാധ്യതയുള്ളതിനാല് ധാരാളം വെള്ളം കുടിക്കുകയെന്നതാണ് പ്രധാന പ്രതിരോധ മാര്ഗം. എന്തെങ്കിലും ശാരീരിക ബുദ്ധിമുട്ടുകളുണ്ടായാല് ചികിത്സ തേടേണ്ടതാണെന്നും മന്ത്രി അറിയിച്ചു.
Latest news
വേണാട് എക്സ്പ്രസ് പുതിയ സമയക്രമത്തിലേയ്ക്ക്: പുതുക്കിയ സമയങ്ങൾ പ്രകാരം മാത്രം സർവീസുകൾ
തിരുവനതപുരം: മേയ് 1 മുതൽ വേണാട് എക്സ്പ്രസ് എറണാകുളം സൗത്ത് സ്റ്റേഷൻ ഒഴിവാക്കി യാത്ര തുടരാൻ തീരുമാനം. ഷൊർണൂർ നിന്ന് തിരിച്ചുള്ള സർവീസിലും സൗത്ത്സ്റ്റേഷൻ ഒഴിവാക്കുമെന്നാണ് സൂചന.
റെയിൽവേ അധികൃതർ വ്യക്തമാക്കുന്നതനുസരിച്ച് എറണാകുളം നോർത്ത് – ഷൊർണൂർ റൂട്ടിൽ വേണാട് എക്സ്പ്രസ് നിലവിലെ സമയക്രമത്തേക്കാൾ 30 മിനിറ്റോളം മുൻപേ ഓടാനാണ് സാധ്യത.
തിരിച്ചുള്ള യാത്രയിൽ എറണാകുളം നോർത്ത് മുതൽ തിരുവനന്തപുരം വരെ എല്ലാ സ്റ്റേഷനിലും 15 മിനിറ്റോളം നേരത്തെ എത്തിച്ചേരും.ഷൊർണൂരിലേക്കുള്ള പുതിയ സമയം
എറണാകുളം നോർത്ത്: 9.50 എഎം
ആലുവ: 10.15 എഎം
അങ്കമാലി: 10.28 എഎം
ചാലക്കുടി: 10.43 എ.എം
ഇരിങ്ങാലക്കുട: 10.53 എഎം
തൃശൂർ : 1 1.18 AM
വടക്കാഞ്ചേരി: 11.40 എഎം
ഷൊർണൂർ ജം.: 12.25 പിഎം
തിരുവനന്തപുരത്തേക്കുള്ള മടക്കയാത്രയിലെ പുതിയ സമയക്രമം
എറണാകുളം നോർത്ത്: 05.15 പിഎം
തൃപ്പൂണിത്തുറ: 05.37 പിഎം
പിറവം റോഡ്: 05.57 പിഎം
ഏറ്റുമാനൂർ: 06.18 പിഎം
കോട്ടയം: 06.30 പിഎം
ചങ്ങാശ്ശേരി: O6.50 പിഎം
തിരുവല്ല: 07.00 പിഎം
ചെങ്ങന്നൂർ: 07.11 പിഎം
ചെറിയനാട്: 07.19 പിഎം
മാവേലിക്കര: 07.28 പിഎം
കായംകുളം: 07.40 പിഎം
കരുനാഗപ്പള്ളി: 07.55 പിഎം
ശാസ്താംകോട്ട: 08.06 പിഎം
കൊല്ലം ജം: 08:27 പിഎം
മയ്യനാട്: 08.39 പിഎം
പരവൂർ: 08.44 പിഎം
വർക്കല ശിവഗിരി: 08.55 പിഎം
കടയ്ക്കാവൂർ: 09.06 പിഎം
ചിറയിൻകീഴ്: 09.11 പിഎം
തിരുവനന്തപുരം പേട്ട: 09.33 പിഎം
തിരുവനന്തപുരം സെൻട്രൽ: 10.00 പിഎം
Latest news
വാഹനാപകടം: 3 ഇന്ത്യൻ സ്ത്രീകൾക്ക് ദാരുണാന്ത്യം
ഡൽഹി:യുഎസിലെ സൗത്ത് കരോലിനയിലുണ്ടായ വാഹനാപകടത്തിൽ 3 മരണം. ഇന്ത്യൻ വംശജരായ ഗുജറാത്തിലെ ആനന്ദ് സ്വദേശികളായ രേഖാബെൻ പട്ടേൽ, സംഗീതാബെൻ പട്ടേൽ, മനീഷബെൻ പട്ടേൽ എന്നിവരാണ് മരിച്ചത്.
സൗത്ത് കരോലിനയിലെ ഗ്രീൻവില്ലെ കൗണ്ടിയിലെ പാലത്തിന് മുകളിലൂടെ സഞ്ചരിച്ച വാഹനം അമിത വേഗതയിലായിരുന്നു എന്നാണ് പോലീസിന്റെ പ്രാഥമിക നിഗമനം. രക്ഷപെട്ട ഒരാളെ പരിക്കുകളോടെ ആശുപത്രയിൽ പ്രേവേശിപ്പിച്ചു.
-
Latest news4 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news3 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news3 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news1 week ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news4 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്