Connect with us

Latest news

വരവ് ആഡംബര വാഹനങ്ങളിൽ,വാ തുറന്നാൽ ചാടുന്നത് കോടികളുടെ കണക്കും; കുഞ്ഞുമുഹമ്മദ്‌ തട്ടിപ്പിന്റെ വേറിട്ട പതിപ്പെന്ന് പോലീസ്

Published

on

മൂന്നാർ:ഫോർച്യൂണറിലും ബഎംഡബ്‌ളിയുവിലുമൊക്കെ എത്തി ആഡംബര ഹോട്ടലുകളിൽ മുറിയെടുത്ത് താമസിച്ച് ,അതിസമ്പന്നരുടെ വേഷഭൂഷാധികളും പ്രകടനവുമൊക്കെയായി നിരവധി പേരെ കബളിപ്പിച്ച സംഭവത്തിൽ യുവാവ് അറസ്റ്റിൽ.മണ്ണാർക്കാട് കണ്ടമംഗലം സ്വദേശി ചോലയിൽ കുഞ്ഞുമുഹമ്മദി (31) നെയാണ് മലപ്പുറം തലപാറയിലെ ഹോട്ടലിൽ നിന്നും മൂന്നാർ പൊലീസ് പൊക്കിയത്.

മൂന്നാറിലെ ബിസ്മി മൊബൈൽസിൽ നിന്നും ഒന്നേകാൽ ലക്ഷം രൂപ വിലയുള്ള മൊബൈൽ തന്ത്രത്തിൽ കരസ്ഥമാക്കി മുങ്ങിയ സംഭവത്തിലാണ് ഇയാളെ അറസറ്റുചെയ്തിട്ടുള്ളതെന്ന് മൂന്നാർ സി ഐ മനേഷ് കെ പൗലോസ് വ്യക്തമാക്കി.ആഡംബര കാറുകൡ ഭാര്യയ്ക്കും കുഞ്ഞിനൊപ്പംഎത്തി,മുന്തിയ ഹോട്ടലുകളിൽ താമസിച്ചാണ് മുഹമ്മദ് കുഞ്ഞ് തട്ടിപ്പ് ആസൂത്രണം ചെയ്തിരുന്നത്.മൂന്നാറിൽ റിസോർട്ടിലാണ് മുറിയെടുത്തത്.താമസിക്കുന്ന റിസോർട്ട്് വാങ്ങാൻ ലക്ഷ്യമിട്ടാണ് എത്തിയതെന്നും വില പറഞ്ഞ്് ഉറപ്പിച്ചെന്നുമാണ് ഇയാൾ പരിചയപ്പെട്ടവരോടെല്ലാം പറഞ്ഞിരുന്നത്.

ഇവിടുത്തെ താമസത്തിനിടയിൽ പരിചയപ്പെട്ട വസ്തു ഇടനിലക്കാരന്റെ പക്കൽ നിന്നും 5 ലക്ഷം കബളിപ്പിച്ച് കൈക്കലാക്കി.ഒരു അത്യവശ്യഡീൽ നടത്താൻ 5 ലക്ഷം രൂപയുടെ കുറവുണ്ടെന്നെ്ന്നും പറഞ്ഞപ്പോൾ കൈവശം ഉണ്ടായിരുന്ന സ്വർണ്ണം പണയപ്പെടുത്തിയാണ് ഇടനിലക്കാരൻ കുഞ്ഞുമുഹമ്മദിന് തുക കൈമാറിയത്.നടക്കാൻ പോകുന്ന കോടികളുടെ ഇടപാടിലെ കമ്മീഷനിൽ കണ്ണുവച്ചിരുന്ന ഇടനിലക്കാരൻ ഇയാൾ ഒരുക്കിയ കെണിയിൽ അറിയാതെ വീണുപോകുകയായിരുന്നു.

റിസോർട്ടിൽ കുടുംബസഹിതം ഇയാൾ രണ്ടുമാസത്തോളം താമസിച്ചിരുന്നു.വാടക ഇനത്തിൽ ഇവിടെ ലക്ഷങ്ങൾ നൽകാനുണ്ടെന്നാണ് പോലീസിന് വിവരം ലഭിച്ചിട്ടുണ്ട്്.സംസ്ഥാനത്തിന്റെ വിവിധ ഭാഗങ്ങളിൽ ഇയാൾ സമാന തട്ടിപ്പ് നടത്തിയിട്ടുണ്ടെന്നാണ് പോലീസിന്റെ പ്രാഥമീക അന്വേഷണത്തിൽ വ്യക്തമായിട്ടുള്ളത്.

സി ഐ മനേഷേ കെ പൗലോസ് എസ് ഐ ഷാഹൂൽ ഹമീദ്,സിപിഒ വേണുഗോപാൽ പ്രഭു എന്നിവർ ഉൾപ്പെട്ട അന്വേഷണ സംഘമാണ് ഈ തട്ടിപ്പുവീരനെ മടയിലെത്തി കസ്റ്റഡിയിൽ എടുത്തത്.ദേവികുളം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

 

Latest news

ചെറുതോണി അണക്കെട്ടിലെ ജലപ്രവാഹത്തിൽ ത്രിവർണ്ണം തെളിഞ്ഞു; ചിത്രം പങ്കുവച്ച് മന്ത്രി റോഷി അഗസ്റ്റിൻ

Published

on

By

ചെറുതോണി ; 75-ാം സ്വാന്ത്ര്യദിനത്തോട് അനുബന്ധിച്ച് ഇടുക്കി ചെറുതോണി അണക്കെട്ടിലെ ജലപ്രവാഹത്തിൽ ത്രിവർണ വെളിച്ചം വിതറി ഹൈഡൽ ടൂറിസം വകുപ്പ്. ജലവിഭവ മന്ത്രി റോഷി അഗസ്റ്റിൻ  ചിത്രം ഫെയ്‌സ്ബുക്കിൽ പങ്കുവച്ചു.

ഇടുക്കി ഡാമിൽ വെള്ളം നിറഞ്ഞതിനെത്തുടർന്ന് തുറന്ന ഷട്ടറുകൾ ഇതുവരെ അടച്ചിട്ടില്ല. അതിനാലാണ് ഷട്ടറിലൂടെ പുറത്തേക്ക് ഒഴുകുന്ന വെള്ളത്തിലേക്ക് ലൈറ്റ് പതിപ്പിക്കാനായത്. 75-ാം സ്വാതന്ത്ര്യദിനത്തോട് അനുബന്ധിച്ച് വിവിധ പരിപാടികളാണ് നടത്തുന്നത്. ഇതിന്റെ ഭാഗമായാണ് വ്യത്യസ്തമായി ഹൈഡൽ ടൂറിസം വകുപ്പ് ഈ ദൃശ്യവിരുന്ന് ഒരുക്കിയത്.

 

Continue Reading

Latest news

പേവിഷബാധ സ്ഥിരീകരിച്ച അഥിതി തൊഴിലാളി ആശുപത്രിയിൽ നിന്നും മുങ്ങി;ജാഗ്രത പാലിക്കണമെന്ന് പോലീസ്

Published

on

By

കോട്ടയം;നായുടെ കടിയേറ്റതിനെത്തുടർന്ന് ചികത്സയ്‌ക്കെത്തി.പരിശോധനയിൽ സ്ഥിരീകരിച്ചത് പേ വിഷബാധ.പിന്നാലെ രോഗി ആശുപത്രിയിൽ നിന്നും അപ്രത്യക്ഷമായി.ജാഗ്രത നിർദ്ദേശം നൽകി പോലീസും ആരോഗ്യവകുപ്പും.

ഇന്നലെ രാത്രി കോട്ടയത്താണ് സംഭവം.നായയുടെ കടിയേറ്റ അസം സ്വദേശിയായ ജീവൻ ബറുവ (39)യെയാണ് പോലീസ് തിരയുന്നത്.അർത്ഥരാത്രിയോടടുത്ത് മെഡിക്കൽ കോളജ് ആശുപത്രിയിൽനിന്നാണ് ഇ.ാൾ കടന്നുകളഞ്ഞത്.ആശുപത്രി അധികൃതർ അറയിച്ചതിനെത്തുടർന്ന് പോലീസ് ജില്ലയിൽ ജാഗ്രതനിർദേശം നൽകി, വ്യാപക തിരച്ചിൽ ആരംഭിച്ചിട്ടുണ്ട്.

ജീവൻ ബറുവ (39) ജനറൽ ആശുപത്രിയിലാണ് ചികിത്സ തേടി എത്തിയത്.വിദഗ്ധ പരിശോധനയ്ക്കായി മെഡിക്കൽ കോളജ് ആശുപത്രിയിലേക്ക് അയക്കുകയായിരുന്നു. 2 സുഹൃത്തുക്കളോടൊപ്പം ഓട്ടോറിക്ഷയിൽ രാത്രി 10.30ന് അത്യാഹിത വിഭാഗത്തിൽ എത്തിയത്.തുടർന്നുള്ള പരിശോധനയിലാണ് പേ വിഷബാധ സ്ഥിരീകരിച്ചത്.

സാംക്രമികരോഗ വിഭാഗത്തിലേക്ക് മാറ്റിയെങ്കിലും അവിടെ നിന്നും ഇറങ്ങിയോടിയെന്നാണ് ആശുപത്രി അധികൃതർ പോലീസിന് നൽകിയ വിവരം.യുവാവിനൊപ്പം എത്തിയ സുഹൃത്തുക്കളെയും കാണാനില്ലെന്നാണ് പ്രാഥമീക അന്വേഷണത്തിൽ പോലീസ് ലഭിച്ച വിവരം.

 

Continue Reading

Latest news

പൂട്ടിയ ബഡ്‌സ്‌കൂൾ തുറന്ന് പ്രവർത്തനം ആരംഭിക്കണം; സിപിഎം പഞ്ചാത്ത് ഓഫീസിന് മുന്നിൽ ധർണ്ണ നടത്തി

Published

on

By

കോതമംഗലം;വിവിധ ആവശ്യങ്ങൾ ഉന്നയിച്ച് സിപിഎം പോത്താനിക്കാട് ലോക്കൽ കമ്മിറ്റിയുടെ നേതൃത്വത്തിൽ ബഡ്‌സ് സ്‌കൂൾ വിദ്യാർത്ഥികളും രക്ഷിതാക്കളും ബഹുജനങ്ങളും ചേർന്ന് പോത്താനിക്കാട് പഞ്ചായത്ത് ഓഫീസിന് മുന്നിലേക്ക് മാർച്ചും ധർണ്ണയും നടത്തി.

പ്രവർത്തനം നിറുത്തിയ പഞ്ചായത്തിലെ ബഡ്‌സ് സ്‌കൂൾ തുറന്ന് പ്രവർത്തിക്കുക.പഞ്ചായത്തിന്റെ അനാസ്ഥ കൊണ്ട് ഭിന്നശേഷിക്കാർക്ക് നഷ്ടപ്പെടുന്ന സ്‌കോളർഷിപ്പ് ലഭ്യമാക്കാനുള്ള നടപടികൾ സ്വീകരിക്കുക.ഭരണ പരാജയവും, അഴിമതിയും കടുകാര്യസ്ഥതയും,അലങ്കാരമാക്കിയ ഭരണസമിതി രാജി വയ്ക്കുക തുടങ്ങി ആവശ്യങ്ങൾ ഉന്നയിച്ചായിരുന്നു പ്രതിഷേധം.

പാർട്ടി ഏരിയ സെക്രട്ടറി ഷാജി മുഹമ്മദ് ഉദ്ഘാടനം ചെയ്തു.ഏരിയ കമ്മിറ്റി അംഗം കെ പി ജയിംസ് അദ്ധ്യക്ഷനായി, ലോക്കൽ സെക്രട്ടറി ഏ കെ സിജു , ഏരിയ കമ്മിറ്റി അംഗം പി എം  ശശികുമാർ , കെ റ്റി  അബ്രാഹം, എൽദോസ് പുത്തൻപുരയിൽ, എൽദോസ് മുകളേൽ തുടങ്ങിയവർ സംസാരിച്ചു.

ഓഗസ്റ്റ് ഇരുപതാം തീയതിക്കകം ഒരു സർവ്വകക്ഷി യോഗം വിളിച്ച് സ്‌കൂളിന്റെ കാര്യത്തിൽ തീരുമാനമെടുക്കാമെന്നും കുട്ടികൾക്ക് സ്‌കോളർഷിപ്പ് നഷ്ടപ്പെടുന്ന സാഹചര്യം ഒഴിവാക്കാൻ വേണ്ട നടപടികൾ സ്വീകരിക്കാമെന്നും പഞ്ചായത്ത് സെക്രട്ടി ഉറപ്പു നൽകിയതായി പാർട്ടി നേതാക്കൾ അറയിച്ചു.

Continue Reading

Trending

error: