Connect with us

Latest news

കാല്‍മുട്ടുകൊണ്ട് തല തകര്‍ത്തു,വാരിയെല്ല് ഒടിഞ്ഞ നിലയിലും; കുട്ടിയുടെ മരണം ക്രൂരമായ ആക്രമണത്തിലെന്ന് പോലീസ്

Published

on

കൊച്ചി ;നെഞ്ചില്‍ മര്‍ദ്ദിച്ചു,പിന്നാലെ കാല്‍മുട്ടുകൊണ്ട് തല ഇടിച്ചുതകര്‍ത്തു.ജീവനുണ്ടോ എന്ന് ഉറപ്പിക്കാന്‍ ദേഹത്ത് കടിച്ച്  പരിക്കേല്‍പ്പിക്കലും .

കൊച്ചി കറുകപ്പള്ളിയിലെ ലോഡ്ജില്‍ ഒന്നരമാസം പ്രയാമായ കുട്ടിയുടെ മരണപ്പെട്ടത് അതിക്രൂരമായി ആക്രണത്തെത്തുടര്‍ന്നുണ്ടായ പരിക്കുകള്‍ മൂലമെന്ന് പോലീസ്.

സംഭവത്തില്‍ ആലപ്പുഴ എഴുപുന്ന സ്വദേശിനി അശ്വതി ഓമനക്കുട്ടന്‍ (25), സുഹൃത്ത് കണ്ണൂര്‍ ചക്കരക്കല്‍ സ്വദേശി വി.പി.ഷാനിഫ് (25) എന്നിവരെ ഇന്നലെ രാത്രിയ എളമക്കര പൊലീസ് അറസ്റ്റുചെയ്തു.

ഷാനിഫും അശ്വതിയും നാലു മാസമായി അടുപ്പത്തിലാണെന്നും കുഞ്ഞിനെ അപായപ്പെടുത്തുകയെന്ന ലക്ഷ്യത്തോടെയാണ് ഇവര്‍ കറുകപ്പള്ളിയിലെ ലോഡ്ജില്‍ മുറിയെടുത്തതെന്നും പൊലീസ് പറയുന്നു.

ഒരു മാസം പ്രായമുള്ള കുഞ്ഞിനെ കൊലപ്പെടുത്തുന്നതിനെക്കുറിച്ച് അശ്വതിക്ക് അറിവുണ്ടായിരുന്നതായും സംശയമുണ്ട്. സംഭവത്തില്‍ തനിക്ക് പങ്കില്ലെന്നാണ് പ്രാഥമിക ചോദ്യംചെയ്യലില്‍ അശ്വതി പോലീസില്‍ വ്യക്തമാക്കിയിട്ടുള്ളത്.

ഷാനിഫും അശ്വതിയും സമൂഹമാധ്യമത്തിലൂടെയാണ് പരിചയപ്പെട്ടത്. ഒന്നിച്ചുതാമസിച്ചിരുന്ന ഇരുവരും നിയമപ്രകാരം വിവാഹിതരല്ല. താനുമായി പരിചയപ്പെടുമ്പോള്‍, മറ്റൊരു ബന്ധത്തില്‍ നിന്ന് അശ്വതി ഗര്‍ഭിണിയായിരുന്നുവെന്നാണ് ഷാനിഫ് പൊലീസിനോടു പറഞ്ഞത്.

കഴിഞ്ഞ ഞായറാഴ്ച രാവിലെയാണ് അബോധാവസ്ഥയിലുള്ള കുഞ്ഞുമായി ഇരുവരും എറണാകുളം ജനറല്‍ ആശുപത്രിയിലെത്തിയത്. കുഞ്ഞിന്റെ തൊണ്ടയില്‍ മുലപ്പാല്‍ കുടുങ്ങിയെന്നും അനക്കമില്ലാതായതോടെ കൊണ്ടുവന്നതാണെന്നുമാണ് ഇരുവരും ആശുപത്രി ജീവനക്കാരെ അറിയിച്ചത്.

കുഞ്ഞിന്റെ ശരീരത്തിലെ പാടുകള്‍ കണ്ട് സംശയം തോന്നിയ ആശുപത്രിയിലെ ഡോക്ടര്‍ പോലീസില്‍ വിവരം അറയിക്കാന്‍ നിര്‍ദ്ദേശിയ്ക്കുകയായിരുന്നു.

ഇതിനകം ആശുപത്രിയില്‍ നിന്നു കടന്ന ഇരുവരെയും പൊലീസ് തന്ത്രപൂര്‍വം വിളിച്ചുവരുത്തിയാണ് കസ്റ്റഡിയില്‍ എടുത്തത്.പാല്‍ കുടിച്ച ശേഷം കുഞ്ഞ് ഉറങ്ങിപ്പോയെന്നും ഉറക്കമുണര്‍ന്നപ്പോള്‍ കുഞ്ഞ് അനക്കമില്ലാതെ കിടക്കുകയായിരുന്നുവെന്നുമായിരുന്നു ഇവരുടെ വെളിപ്പെടുത്തല്‍.

തലയ്‌ക്കേറ്റ പരിക്കാണ് കുട്ടിയുടെ മരണത്തിന് കാരണമായതെന്ന് പോസ്റ്റുമോര്‍ട്ടത്തില്‍ വ്യക്തമായിരുന്നു.കുഞ്ഞ് കയ്യില്‍ നിന്നു വീണതാണെന്നും ഷാനിഫ് ഇടയ്ക്ക് പറഞ്ഞിരുന്നു.

കാല്‍മുട്ടുകൊണ്ട് കുഞ്ഞിന്റെ തലയില്‍ ഇടിച്ചതിനെ തുടര്‍ന്ന് തലയോട്ടി പൊട്ടി. കുഞ്ഞ് മരിച്ചു എന്നുറപ്പുവരുത്താന്‍ വീണ്ടും ഉപദ്രവിച്ചു നോക്കുക വരെ ചെയ്തുവെന്നാണ് മൊഴി.

കുഞ്ഞിന്റെ വാരിയെല്ല് ഒടിഞ്ഞിട്ടുണ്ട്. മുന്‍പുണ്ടായ മര്‍ദനത്തിലാണിതെന്ന് കരുതുന്നു. സംഭവം നടന്നത് എളമക്കര സ്റ്റേഷന്‍ പരിധിയിലായതിനാലാണ്.അതിനാല്‍ കേസ് അവിടേക്കു കൈമാറുകയായിരുന്നു.

പ്രതികളെ ഇന്ന് കോടതിയില്‍ ഹാജരാക്കും.സിറ്റി പൊലീസ് അസി. കമ്മിഷണര്‍ ജയകുമാറിന്റെ നേതൃത്വത്തിലാണ് അന്വേഷണം പുരോഗമിയ്ക്കുന്നത്.

 

 

1 / 3
2 / 3
3 / 3

Latest news

മൂന്നാറിൽ വീണ്ടും കാട്ടാന ആക്രമണം; ഓട്ടോ കുത്തി മറിച്ചിട്ടു,ചുഴറ്റിയെറിഞ്ഞ ഡ്രൈവർ മരിച്ചു,4 പേർക്ക് പരിക്ക്

Published

on

By

മൂന്നാർ;സ്‌കൂൾ വാർഷികം കഴി്ഞ്ഞ് മടങ്ങുകയായിരുന്ന കുടംബം സഞ്ചരിച്ചിരുന്ന ഓട്ടോയ്ക്കുനേരെ കാട്ടാനയുടെ ആക്രമണം.ഓട്ടോ കുത്തി മറിച്ചിട്ടു.തെറിച്ചുവീണ ഡ്രൈവറെ തുബികൈക്ക് അടിച്ചും ചുഴറ്റിയെറിഞ്ഞും കൊലപ്പെടുത്തി.നാലുപേർക്ക് പരിക്കേറ്റു.

കന്നിമല എസ്റ്റേറ്റ് സ്വദേശി സുരേഷ് കുമാർ (മണി46) മരിച്ചത്. ഇന്നലെ രാത്രി 10 മണിയോടെ കന്നിമല ടോപ് ഡിവിഷനിലെ തൊഴിലാളി ലയങ്ങൾക്ക് സമീപത്തുവച്ചാണ് ഓട്ടോയ്ക്ക് നേരെ ഒറ്റയാന്റെ ആക്രമണം ഉണ്ടായത്.

മൂന്നാറിൽ സ്‌കൂൾ വാർഷികത്തിൽ പങ്കെടുത്ത ശേഷം കന്നിമലയിലേയ്ക്ക് വരികകയായിരുന്ന കുടംബം സഞ്ചരിച്ചിരുന്ന ഓട്ടോ കാട്ടുകൊമ്പൻ കുത്തി മറിച്ചിടുകയായിരുന്നു.

ഓട്ടോയുടെ അടിയിൽപ്പെട്ട മണി എഴുന്നേൽക്കാൻ ശ്രമിയ്ക്കവെ ആന പാഞ്ഞെത്തി ആക്രമിയ്ക്കുകയായിരുന്നു.നാട്ടുകാർ ആനയെ വിരട്ടി ഓടിച്ചശേഷം സുരേഷ്‌കുമാറിനെ ആശുപത്രിയിൽ എത്തിച്ചെങ്കിലും ജീവൻ രക്ഷിയ്ക്കാനായില്ല.മൂന്നാർ പോലീസ് മേൽനടപടികൾ സ്വീകരിച്ചുവരുന്നു.

മണിയെ കൂടാതെ 4 പേരാണ് ഓട്ടോയിൽ ഉണ്ടായിരുന്നത്. യാത്രക്കാരിൽ എസക്കി രാജ (45) റെജിന (39) എന്നിവരുടെ പരുക്ക് ഗുരുതരമാണ്.

ഇവരെ മൂന്നാറിലെ ഹൈറേഞ്ച് ആശുപത്രിയിൽ പ്രവേശിപ്പിച്ചു. കഴിഞ്ഞ ജനുവരി 23 ന് ഗുണ്ടുമല എസ്റ്റേറ്റിൽ തമിഴ്‌നാട് സ്വദേശിയെ ചവിട്ടി കൊന്ന ആന തന്നെയാണ് ആക്രമണം നടത്തിയതെന്നാണ് നാട്ടുകാരുടെ നിഗമനം.

1 / 3
2 / 3
3 / 3

Continue Reading

Latest news

മകന്റെ ചവിട്ടേറ്റ് അമ്മ മരിച്ചു: കൊടും ക്രൂരത പുറത്തുകൊണ്ടുവന്നത് ഡോക്ടർ

Published

on

By

കായംകുളം:  മകന്റെ മർദനമേറ്റ മാതാവ് മരിച്ചു. പുതുപ്പള്ളി മഹിളമുക്ക് പണിക്കശ്ശേരി ശാന്തമ്മയാണ് (71) മരിച്ചത്.

മരണവുമായി ബന്ധപ്പെട്ട് ഇളയ മകൻ ബ്രഹ്മദേവനെ (43) കായംകുളം പൊലീസ് കസ്റ്റഡിയിലെടുത്തു.കഴിഞ്ഞ ദിവസമാണ് ശാന്തമ്മയെ വീടിനുള്ളിൽ മരിച്ച നിലയിൽ കണ്ടെത്തിയത്.

സംശയം തോന്നി നടത്തിയ അന്വേഷണത്തിലാണ് നിർണായ വിവരങ്ങൾ പുറത്തുവന്നത്. അമ്മയുടെ ശരീരത്തിൽ മർദ്ദനമേറ്റതായും തലയിൽ ഏറ്റ ക്ഷേദമാണ് മരണകാരണം എന്നുമാണ് ആലപ്പുഴ വണ്ടാരം മെഡിക്കൽ കോളേജിൽ നടന്ന പോസ്റ്റ്മോർട്ടം റിപ്പോർട്ടിൽ.

തുടർന്ന് അന്വേഷണത്തിന്റെ ഭാഗമായി മകനെ കസ്റ്റഡിയിലെടുക്കുകയായിരുന്നു. പലവട്ടം ചോദ്യം ചെയ്തതോടു കുട്ടിയാണ് ബ്രഹ്മദേവൻ കുറ്റം സമ്മതിച്ചത്.

കുടുംബ ക്ഷേത്രത്തിൽ വച്ച് മദ്യപിച്ച് എത്തിയ ശാന്തമ്മയെ മകൻ വീട്ടിലേക്ക് കൂട്ടിക്കൊണ്ട് പോവുകയും വീടിനുള്ളിൽ വച്ചുണ്ടായ തർക്കത്തിനൊടുവിൽ മകൻ അമ്മയെ ചവിട്ടി വീഴ്ത്തുകയുമായിരുന്നു എന്നാണ് ബ്രഹ്മദേവൻ പോലീസ് നൽകിയ മൊഴി.

ചവിട്ടുകൊണ്ട് വീണ ശാന്തമ്മയുടെ തല കട്ടിലിൽ ഇടിക്കുകയും ആകെ അവശയായ  ശാന്തമ്മ പിറ്റേന്ന് ഉണരാതെ വന്നതിനെ തുടർന്ന് മകൻ കായംകുളത്തെ സ്വകാര്യ ആശുപത്രിയിൽ എത്തിക്കുകയുമായിരുന്നു.

തലകറങ്ങി വീണു എന്നാണ് ബ്രഹ്മദേവൻ ആശുപത്രി ജീവനക്കാരോട് പറഞ്ഞത്.എന്നാൽ പരിശോധനയിൽ സംശയം തോന്നിയ ആശുപത്രി അധികൃതരാണ് പോലീസിനെ വിവരം അറിയിച്ചത്.
സംഭവസ്ഥലം സന്ദർശിച്ച പോലീസുകാർ വീട്ടിൽ നിന്നും ശാസ്ത്രീയ തെളിവുകൾ ശേഖരിച്ചു.

1 / 3
2 / 3
3 / 3

Continue Reading

Latest news

സമഗ്ര ശിക്ഷ കേരളം ജില്ല കായികോത്സവം സമാപിച്ചു

Published

on

By

കോതമംഗലം;സമഗ്ര ശിക്ഷ കേരളം എറണാകുളം ജില്ല കായികോത്സവം സമാപിച്ചു.സമാപമ ദിവസമായ ഇന്ന് മാർ ബേസിൽ സ്‌കൂളിൽ ദീപശിഖ പ്രയാണത്തോടുകൂടി അത്ലറ്റിക് മത്സരങ്ങൾ നടന്നു.

രാവിലെ എട്ടുമണിയോടുകൂടി സബ് ഇൻസ്‌പെക്ടർ പോലീസ് കോതമംഗലം എബി ജോർജ് മാർച്ച് പാസ്റ്റ് ഫ്‌ലാഗ് ഓഫ് ചെയ്തു.കോതമംഗലം ഇൻസ്‌പെക്ടർ ഓഫ് പോലീസ് ബിജോയ് പിറ്റി സല്യൂട്ട് സ്വീകരിച്ചു.

കോതമംഗലം ബിആർസിയുടെ 5 അത്ലറ്റുകളിൽ നിന്നുള്ള താരങ്ങൾ മാർച്ച് പാസ്റ്റിൽ പങ്കെടുത്തു.റിലേ സ്റ്റാൻഡിങ് ലോങ്ങ് ജമ്പ് സ്റ്റാൻഡിങ് ത്രോ എന്നീ വിവിധ മത്സരങ്ങളിൽ കുട്ടികൾ പങ്കെടുത്തു.

വ്യക്തിഗത മികവുകൾക്ക് മെഡലുകളും ഗ്രൂപ്പ് ഐറ്റങ്ങൾക്കും സർട്ടിഫിക്കറ്റുകളും സമ്മാനങ്ങളും നൽകി.പങ്കെടുത്ത എല്ലാ കുട്ടികൾക്കും മെഡലകളും സർട്ടിഫിക്കറ്റുകളും ലഭിച്ചു.

മികച്ച പ്രകടനം കാഴ്ചവച്ച കുട്ടികൾക്കും സംസ്ഥാനതലത്തിൽ സെലക്ഷൻ ലഭിച്ചു.4 30 ഓടുകൂടി രണ്ടുദിവസം നീണ്ടുനിന്ന മേള സമാപിച്ചു.

 

1 / 3
2 / 3
3 / 3

Continue Reading

Latest news

സമയം തെറ്റിയതിനെ ചോല്ലി തർക്കം: ബസ് ജീവനക്കാർ ബസ്സിനുള്ളിൽ ഏറ്റുമുട്ടി

Published

on

By

എറണാകുളം: കാലടിയിൽ ഓടിക്കൊണ്ടിരുന്ന ബസിൽ ജീവനക്കാരുടെ കൈയാങ്കളി. അങ്കമാലി കോലഞ്ചേരി റൂട്ടിൽ ഓടുന്ന സെന്റ് തോമസ് ബസിലെ ജീവനക്കാരനായ എൽദോസിനാണ് മർദനമേറ്റത്.

അങ്കമാലി പെരുമ്പാവൂർ റൂട്ടിലെ മൈത്രീ ബസിലെ സ്വാകാര്യ  ജീവനക്കാരനായ അനീഷാണ് മർദിച്ചത്. സമയം തെറ്റി സർവീസ് നടത്തി എന്ന് ആരോപിച്ചായിരുന്നു മർദ്ദനം.

ഇരു ബസിലെയും ജീവനക്കാർ തമ്മിൽ രാവിലെ മുതൽ തർക്കം നിലനിന്നിരുന്നു. ഇതിന് പിന്നലെയാണ് ബസിനുള്ളിൽ ജീവനക്കാർ തമ്മിൽ ഏറ്റുമുട്ടിയത്.

പ്രൈവറ്റ് ബസുകളുടെ മത്സര ഓട്ടം സംബന്ധിച്ച പരാതികൾ നിലനില്കുന്നതിനിയടയിലാണ് ബസിനുള്ളിലെ ഇത്തരത്തിൽ ഒരു അതിക്രമം പുറത്തു വരുന്നത് .

1 / 3
2 / 3
3 / 3

Continue Reading

Latest news

13 കാരൻ തുങ്ങി മരിച്ച സംഭവം;രണ്ട് അധ്യാപകർക്ക് എതിരെ ജാമ്യമില്ലാ വകുപ്പുകൾ ചുമത്തി കേസെടുത്തു

Published

on

By

ആലപ്പുഴ: കാട്ടൂരിൽ 13 വയസുകാരന്റെ മരണത്തിൽ പ്രതി ചേർത്തിട്ടുള്ള 2 അധ്യാപകർക്കെതിരെ ജാമ്യമില്ലാ വകുപ്പുകൾ ചുമത്തി പോലീസ് കേസെടുത്തു.

ജുനയിൽ ജസ്റ്റിസ് ആക്ട് പ്രകാരവും വടികൊണ്ട് തല്ലിയതിനുമാണ് കേസ്.അധ്യാപകരായ ക്രിസ്തുദാസ്, ടീച്ചറായ രേഷ്മ എന്നിവർക്കതിരെയാണ് മണ്ണഞ്ചേരി പോലീസ് കേസ് എടുത്തിട്ടുള്ളത്.

കേസെടുത്തതിന് പിന്നാലെ അധ്യാപകർ ഒളിവിൽ പോയി. ഇവർക്കതിരെ ആത്മഹത്യാ പ്രേരണ കുറ്റം കൂടി ചുമത്തണമെന്നാണ് ആക്ഷൻ കൗൺസിലിന്റെയും കുടുംബത്തിന്റെയും ആവശ്യം.

കുട്ടിയുടെ സ്‌കൂളിലെ കായിക അധ്യാപകനാണ് ക്രിസ്തുദാസ്.ഈ മാസം 15 ന് വീട്ടിലെത്തിയ കുട്ടി സ്‌കൂൾ യൂണിഫോമിൽ തൂങ്ങി മരിക്കുകയായിരുന്നു.

ക്ലാസ്സിൽ വൈകി എത്തിയെന്ന് ആരോപിച്ച് അധ്യാപകൻ സഹപാഠികളുടെ മുന്നിൽ വച്ച് അപമാനിച്ചെന്നും ചൂരൽ പ്രയോഗം നടത്തിയെന്നും ഇതിൽ മനംനൊന്താണ് വിദ്യാർത്ഥി ആത്മഹത്യ ചെയ്ത് എന്നായിരുന്നു വീട്ടുകാരുടെയും ബന്ധുക്കളുടെയും ആക്ഷേപം.

ഇതിന്റെ അടിസ്ഥാനത്തിൽ ആധ്യപകരായ ക്രിസ്തുദാസ് രേഷ്മ എന്നിവരെ മനനജ്‌മെന്റ് സസ്‌പെൻഡ് ചെയ്യ്തിരുന്നു.കേസുമായി ബന്ധപ്പെട്ട ആരോപണങ്ങൾ മാനേജ്മന്റ് നിഷേധിച്ചു.

വിശദമായ അന്വേഷണത്തിന് ശേഷം ആവശ്യമെങ്കിൽ കൂടുതൽ വകുപ്പുകൾ ചുമത്തുമെന്ന് പോലീസ് അറിയിച്ചു.

1 / 3
2 / 3
3 / 3

Continue Reading

Trending

error: