Connect with us

Latest news

പ്രശ്‌നം പരിഹരിക്കാമെന്ന് ഉറപ്പ് ലഭിച്ചെന്ന് സമരക്കാർ,താൻ അറിഞ്ഞിട്ടില്ലന്ന് കെഎച്ച്ടിസി ഡയറക്ടർ; മൂന്നാറിലെ സിഐടിയു സമരത്തെചൊല്ലി വാദപ്രതിവാദം ശക്തം

Published

on

മൂന്നാർ;കേരള ഹൈഡൽ ടൂറിസം മൂന്നാർ സർക്യൂട്ടിന്റെ കീഴിലുള്ള പാർക്കിൽ സിഐടിയു ഇന്നലെ രാവിലെ ആരംഭിച്ച അനിശ്ചിതകാല സമരം മണിക്കൂറുകൾക്കുള്ളിൽ പിൻവലിച്ചു.സ്ഥലം മാറ്റിയവരെ തിരിച്ചടുക്കാതെ സമരം അവസാനിപ്പിക്കില്ല എന്നാണ് നേതൃത്വം പ്രഖ്യാപിച്ചിരുന്നത്.

ആവശ്യങ്ങൾ ഈ മാസം 20 നുള്ളിൽ ചർച്ചചെയ്ത് പരിഹരിക്കാമെന്ന് ഹൈഡൽ ടൂറിസം ഡയറക്ടർ ഉറപ്പു നൽകിയതിതായിട്ടാണ് സിഐടിയു പ്രാദേശിക നേതാവ് കെ.കെ വിജയൻ ഒരു ഓൺലൈൻ മാധ്യമത്തോട് പ്രതികരിച്ചത്.എന്നാൽ സമരക്കാരുമായി താൻ ചർച്ചനടത്തിയിട്ടില്ലന്നും ഒരു ഉറപ്പും നൽകിയിട്ടില്ലന്നുമാണ് ഹൈഡൽ ടൂറിസം ഡയറക്ടർ നരേന്ദ്രനാഥ വെല്ലൂരിയുടെ നിലപാട്.

ഇതോടെ സമരം വെറും പ്രഹസനം മാത്രമായിരുന്നെന്നും തൊഴിലാളികളെ വഞ്ചിച്ചെന്നും ആരോപിച്ച് കോൺഗ്രസ് അനുകൂല യൂണിയൻ നേതൃത്വം സംഭവം ചർച്ചയാക്കിയിരിക്കുകയാണ്.

സമരത്തിന്റെ പശ്ചാത്തലത്തെക്കുറിച്ച് ടൂറിസം ഡയറക്ടർ പങ്കുവയ്ക്കുന്ന വിവരങ്ങൾ ചുവടെ

ഹൈഡൽ ടൂറിസം ജീവനക്കാരായ 53 പേരെ സ്ഥലം മാറ്റിയിരുന്നു.ഇതിൽ വയനാട് നിന്നും മൂന്നാറിലേക്ക് 10 പേർക്ക് സ്ഥലം മാറ്റം നൽകിയിരുന്നു.മൂന്നാറിൽ നിന്നും 10 പേരെ വയനാടിനും മാറ്റിയിരുന്നു.ഇത് സ്വാഭാവിക നടപടി മാത്രമാണ്.

അന്വേഷണത്തിൽ ക്രമേക്കേട് കണ്ടെത്തിയതിന്റെ അടിസ്ഥാനത്തിൽ വയനാട് കേന്ദ്രത്തിൽ നിന്നും ഒരു ജീവനക്കാരനെ പുറത്താക്കാനും മറ്റുള്ളവരെ സ്ഥലം മാറ്റാനും വിജിലൻസ് ശുപാർശ ചെയ്തിരുന്നു.ഇതിന്റെ അടിസ്ഥാനത്തിലാണ് ഇത്രയും അധികം ജീവനക്കാരെ ഒറ്റയടിക്ക് സ്ഥലം മാറ്റം നൽകേണ്ടിവന്നത്.കൂടുതൽപേരെ ഉൾക്കൊള്ളാൻ സാധിക്കുന്നത് മൂന്നാർ ആണെന്ന് വ്യക്തമായതിനാലാണ് 10 പേരെ അവിടേയ്ക്ക് മാറ്റിയത്.

സ്ഥലം മാറ്റപ്പെട്ടവർക്ക് ആക്ഷേപം ബോധിപ്പിക്കാൻ 7 ദിവസത്തെ സമയം അനുവദിക്കുകയും ചെയ്തിരുന്നു.29 പേർ ആക്ഷേപം ഉന്നയിച്ചിട്ടുണ്ട്.ഇവർ ഉന്നയിച്ച ആക്ഷേപങ്ങളുടെ നിജസ്ഥിതി പഠിക്കാൻ കൂടുതൽ സമയം ആവശ്യമാണ്.അതുകൊണ്ട് ഇതുവരെ തീരുമാനം എടുത്തിട്ടില്ല.സിഐടിയു യൂണിയൻ വിവിധ ആവശ്യങ്ങൾ ഉന്നയിച്ച് സമരം പ്രഖ്യാപിക്കുന്നതായി കാണിച്ച് നോട്ടീസ് നൽകിയിരുന്നു.

യൂണിയന്റെ ആരോപണം വാസ്തവിരുദ്ധമാണെന്നും ഇത് തെളിയിക്കുന്ന രേഖകൾ എന്തെങ്കിലും ഉണ്ടെങ്കിൽ ഈ മാസം 16-ന് ഒരു മണിക്ക് മുമ്പായി തിരുവനന്തപുരം റീജിയണൽ മാനേജർക്ക് നൽകേണ്ടതാണെന്നും അറയിച്ചിരുന്നു.

ആക്ഷേപങ്ങൾ സംംബന്ധിച്ച് ഈ മാസം 20-ന് ചർച്ച നടത്താമെന്ന് നേരത്തെ ധാരണയായിരുന്നു.എന്നാൽ 20-ാം തീയതി വരെ സ്ഥലം മാറ്റം സംബന്ധിച്ച തീരുമാനം മരവിപ്പിക്കണമെന്നായിരുന്നു യൂണിയന്റെ ആവശ്യം.

ഇത് അംഗികരിക്കാൻ കഴിയില്ലന്ന് വ്യക്തമാക്കുകയും ചെയ്തിരുന്നു.ഇന്നലെ രാവിലെ സമരം ആരംഭിച്ചെന്നും ഉച്ചകഴിഞ്ഞ് അവസാനിപ്പിച്ചെന്നും അറിഞ്ഞു.സമരം അവസാനിപ്പിക്കാൻ ആരുമായും ചർച്ച നടത്തിയിട്ടില്ല.ഒരു ഉറപ്പും നൽകിയിട്ടില്ല.ഈ ആവശ്യവുമായി ആരും തന്നെ സന്ദർശിച്ചിട്ടും ഇല്ല.ഡയറക്ടർ വിശദമാക്കി.

ഇപ്പോഴത്തെ ഹൈഡൽ ടൂറിസം ഡയറക്ടർ നരേന്ദ്രനാഥ വെല്ലൂരി ചുമതലയേറ്റതുമുതൽ കുത്തഴിഞ്ഞുകിടന്ന ഹൈഡൽ ടൂറിസം സെന്ററുകളിലെ പ്രശ്‌നങ്ങളിൽ ഇടപെടുകയും ആവശ്യമായ പരിഷ്‌കാരങ്ങൾ നടപ്പിലാക്കുകയും ചെയ്തിരുന്നു.

ഇത് ഇടത് യൂണിയൻ നേതൃത്തെ ചൊടിപ്പിച്ചിട്ടുണ്ടെന്നും ഇന്നലത്തെ സമരത്തിന് കാരണം ഇതുതന്നെ ആയിരിക്കാമെന്നുമാണ് കോൺഗ്രസ് അനുകൂല യൂണിയൻ നേതാക്കളുടെ ആരോപണം.

മൂന്നാറിലെ പ്രധാന ആകർഷക കേന്ദ്രങ്ങളിലൊന്നാണ് ഹൈഡൽ പാർക്ക്.ഇവിടെ എത്തുന്ന വിനോദസഞ്ചാരികളിൽ ഭൂരിഭാഗവും പാർക്ക് സന്ദർശിക്കാതെ മടങ്ങാറില്ല.പഴയ മൂന്നാർ ഹൈഡൽ പാർക്ക് അടക്കമുള്ള ഹൈഡൽ ടൂറിസം സെന്ററുകളെ സമ്പൂർണ്ണമായി സ്തംഭിപ്പിച്ചും കോൺഗ്രസ് അനുകൂല സംഘടനകളിലെ ജീവനക്കാരെയടക്കം ജോലിയിൽ പ്രവേശിപ്പിക്കാൻ അനുവദിക്കാതെയുമായിരുന്നു ഇന്നലെ രാവിലെ സമരം ആരംഭിച്ചത്.

ഹൈഡൽ ടൂറിസത്തിൽ മതിയായ യോഗ്യതയില്ലാത്തവരും അച്ചടക്ക നടപടി നേരിട്ട് ജോലിയിൽ നിന്ന് നീക്കം ചെയ്യപ്പെട്ട ഭരപക്ഷ യൂണിയനിലെ പ്രാദേശിക നേതാവ് അടക്കമുള്ളവർ ജോലിചെയ്യുന്നതായും വലിയ തോതിലുളള അഴിമതി നടക്കുന്നതായും കാണിച്ച് നിരവധി പരാതികൾ ഹൈഡൽ ടൂറിസം ഡയറക്ടർക്കും കെഎസ് ഇബി വിജിലൻസ് വിഭാഗത്തിനും നേരത്തെ ലഭിച്ചിരുന്നു.ഇതേ തുടർന്നുള്ള അന്വേഷണം ഇനിയും പൂർത്തിയായിട്ടില്ല.

വയനാട്ടിൽ മൂന്നാറിലേയ്ക്ക് സ്ഥലം മാറ്റം കിട്ടിയവർ ഏത് സമയവും ജോലിയിൽ പ്രവേശിക്കാൻ തയ്യാറാണ് എന്ന ഡയറക്ടറെ അറയിച്ചിട്ടുണ്ട്.എന്നാൽ മൂന്നാറിൽ നിന്നും വയനാട്ടിലേക്ക് സ്ഥലംമാറ്റം ലഭിച്ചവർ ഇനിയും ജോലിയിൽ പ്രവേശിക്കാൻ സന്നദ്ധത അറയിച്ചിട്ടില്ലന്നാണ് ഡയറക്ടറുടെ ഭാഗത്തുനിന്നുള്ള വിശദീകരണം.

സംഭവം ഇടത് -വലത് രാഷ്ട്രീയ കേന്ദ്രങ്ങളിൽ ചൂടേറിയ ചർച്ചയായി മാറിക്കഴിഞ്ഞു.കീറാമുട്ടിയായി മാറിയ ഈ വിഷയത്തിൽ വൈദ്യുതവകുപ്പ് മന്ത്രിയുൾപ്പെടെയുള്ള ഉന്നതരുടെ ഇടപെടലിന് സാധ്യതയുണ്ടെന്നാണ് സൂചന.

 

 

1 / 3
2 / 3
3 / 3

Advertisement

Latest news

യൂത്ത് കോൺഗ്രസ് സമരത്തിനിടെ സംഘർഷം: പോലീസും പ്രവർത്തകരും ഏറ്റുമുട്ടി, വണ്ടൂരിൽ കനത്ത സുരക്ഷ

Published

on

By

മലപ്പുറം: വണ്ടുരിൽ ഇന്ന് ആരംഭിച്ച ബിവറേജ് ഔട്ട്ലെറ്റ് പ്രവർത്തനത്തിനെതിരെ യൂത്ത് കോൺഗ്രസ് നടത്തിയ മാർച്ചിൽ സംഘർഷം.

പ്രതിഷേധത്തിനിടെ സമരം നടത്തിയ പ്രവർത്തകർക്ക് നേരെ പോലീസ് ലാത്തി വീശി. നിരവധി പേർക്ക് പരിക്കേറ്റു.

10 വർഷം മുമ്പ് പൂട്ടിയ ബീവറേജ് ഔട്ട്ലെറ്റിന് പകരമായി തുറന്ന പുതിയ ഔട്ട്ലെറ്റിലേക്ക് ഇരുപതോളം വരുന്ന കോൺഗ്രസ് പ്രവർത്തകർ പ്രതിഷേധ മാർച്ച് സംഘടിപ്പിയ്ക്കുകയായിരുന്നു.

പോലീസിനെ മറികടന്ന് ബലമായി പ്രവർത്തകർ ഉള്ളിൽ പ്രവേശിക്കാൻ ശ്രമിച്ചപ്പോഴാണ് പോലീസ് ലാത്തി വീശിയത്.

സംഭവവുമായി ബന്ധപ്പെട്ട് സ്ഥലത്ത്  പോലീസ് കനത സുരക്ഷ ഏർപ്പെടുത്തിയിട്ടുണ്ട്.

1 / 3
2 / 3
3 / 3

Continue Reading

Latest news

മേൽ വസ്ത്രം ഇല്ല,മൃതദ്ദേഹം കാണപ്പെട്ടത് പുഴയിൽ ആഴം കുറഞ്ഞ ഭാഗത്തും;17 കാരിയുടെ മരണത്തിൽ ദുരൂഹത,അന്വേഷണം വേണമെന്ന് കുടുബം

Published

on

By

മലപ്പുറം: എടവണ്ണപ്പാറയിൽ ഹയർ സെക്കൻഡറി സ്‌കൂൾ വിദ്യാർഥിനിയെ ചാലിയാർ പുഴയിൽ മുങ്ങിമരിച്ച നിലയിൽ കണ്ടെത്തിയ സംഭവത്തിൽ ദുരൂഹതയെന്ന് കുടുംബം.

കരാട്ടെ പരിശീലകൻ കഊർക്കടവ് സ്വദേശി സിദ്ദീഖ് അലിയിൽ നിന്നും പെൺകുട്ടി നിരന്തരം പീഡനം നേരിട്ടിരുന്നെന്നും സംഭവവുമായി ബന്ധപ്പെട്ട് ഇയാൾക്കെതിരെ പോലീസിൽ പരാതി നൽകാൻ തീരുമാനിച്ചിരിയ്‌ക്കെയാണ് കൂട്ടി മരണപ്പെട്ടതായി വിവരം ലഭിച്ചതെന്നും ബന്ധുക്കൾ വ്യക്തമാക്കി.

ഇയാൾ മുമ്പ് പോക്‌സോ കേസിൽ പ്രിതിയാണ് എന്നുള്ള വിവരവും പുറത്തുവന്നിട്ടുണ്ട്.ഇതും വീട്ടുകാരുടെ സംശയങ്ങൾ വർദ്ധിക്കാൻ കാരണമായിട്ടുണ്ട്.

പരിശീലകനിൽ നിന്നും മോശമായ രീതിയിലുളള പെരുമാറ്റങ്ങൾ മൂലം പെൺകുട്ടി കടുത്ത മാനസിക സമ്മർദ്ദം നേരിട്ടിരുന്നതായുള്ള സൂചനകളും പുറത്തുവന്നിട്ടുണ്ട്.

ഇക്കഴിഞ്ഞ തിങ്കളാഴ്ച വൈകിട്ട് ആറു മണിയോടെയാണ് പെൺകുട്ടിയെ കാണാതായത്. രാത്രി എട്ടു മണിയോടെയാണ് ചാലിയാർ പുഴയിൽ മൃതദ്ദേഹം കണ്ടെത്തിയത്.

മേൽ വസ്ത്രം ഇല്ലതെ അധികം വെള്ളമില്ലാത്ത ഭാഗത്ത് കമിഴ്ന്നുകിടക്കുന്ന നിലയിലാണ് മൃതദേഹം കണ്ടെത്തിയത്.ഇതും ദുരൂഹത വർദ്ധിപ്പിയ്ക്കുന്നതിന് കാരണമായിട്ടുണ്ട്.

സംഭവത്തിൽ വിശദമായ അന്വേഷണം ആരംഭിച്ചതായി പോലീസ് അറിയിച്ചു.

1 / 3
2 / 3
3 / 3

Continue Reading

Latest news

ആധുനിക ചികിത്സയോട് വിരോധം: വീട്ടിൽ പ്രസവിക്കണം എന്ന് നിർബന്ധവും, രക്തസ്രാവത്തെ തുടർന്ന് യുവതി മരിച്ചു

Published

on

By

നേമം: ആശുപത്രിയിലെ ചികിത്സ നൽകാതെ വീട്ടിൽ സുഖപ്രസവത്തിന് ശ്രമിപ്പിച്ച യുവതി മരിച്ചു.പാലക്കാട് സ്വാദേശിനിയായ വീട്ടമ്മ ഷമീറ ബീവി(36)യും നവജാതശിശുവുമാണ് മരിച്ചത്. സംഭവവുമായി ബന്ധപ്പെട്ട് ബീമാപള്ളിയിൽ ക്ലിനിക് നടത്തുന്ന വെഞ്ഞാറമൂട് പൂന്തുറ സ്വദേശി നയാസിനെ പോലീസ് അറസ്റ്റ് ചെയ്തു.

നയാസിനെതിരെ അസ്വാഭാവിക മരണത്തിനാണ് പോലീസ് കേസെടുത്തിരിക്കുന്നത്. കൃത്യമായ ചികിത്സയോ മരുന്നുകളോ യുവതിക്ക് ലഭിച്ചിരുന്നില്ല. അക്യുപങ്ചർ ചികിത്സയും യൂട്യൂബും നോക്കിയുള്ള സുഖ പ്രസവവുമാണ് യുവാവ് പദ്ധതിയിട്ടിരുന്നത്.

നയാസ് ഭാര്യയായ ഷമീറയെ വീട്ടിൽ പ്രസവിക്കാൻ നിർബന്ധിക്കുകയും ഇത് ചോദ്യം ചെയ്ത ആളുകളോട് മോശമായി പെരുമാറുകയും ആരോഗ്യരംഗത്തെ മുഴുവൻ വെല്ലുവിളിച്ച് സംസാരിച്ചതായും ആക്ഷേപം ഉയർന്നു.

ഷെമീറയുടെ ഇതിന് മുൻപുള്ള 2 പ്രെസവങ്ങളും സിസേറിയൻ ആയിരുന്നു എന്നറിഞ്ഞിട്ടും മൂന്നാമതും ഗർഭിണിയായ യുവതിയെ ആധുനിക ചികിത്സക്ക് വിധേയമാക്കാതെ അക്യുപങ്ചർ മതി എന്ന് യുവാവ് തീരുമാനിക്കുകയായിരുന്നു. പൂർണഗർഭിണിയായിട്ടും ആശുപത്രിയിൽ പ്രവേശിപ്പിക്കാൻ വിസമ്മതിച്ച നയാസിന്റെ എതിർപ്പിനെ അവഗണിച്ച് നാട്ടുകാർ ഇടപെട്ടാണ് ആരോഗ്യ പ്രവർത്തകരെയും നേമം പൊലീസിനെയും റസിഡന്റ്സ് അസോസിയേഷൻ ഭാരവാഹികളെയും വിവരമറിയിച്ചത്.

 

ഷമീറക്ക് പ്രസവ വേദന അനുഭവപെട്ടങ്കിലും ആശുപത്രയിൽ പോകൻ കഴിയാത്തതിനെ തുടർന്ന് അമിതമായി രക്തം നഷ്ട്ടപെട്ടു. തുടർന്ന് കരമനയിലെ സ്വാകാര്യ ആശുപത്രയിൽ പ്രേവേശിപ്പിച്ചെങ്കിലും മണിക്കൂറുകൾക്ക് മുൻപ് തന്നെ ഇരുവരും മരിച്ചതായി ആശുപത്രി അധിക്രിതർ വ്യക്തമാക്കുകയായിരുന്നു.

സംഭവത്തിൽ ഭർത്താവ് നയാസിനെതിരെ ഗുരുതര ആരോപണങ്ങളാണ് ഉയരുന്നത്. വാർഡ് കൗൺസിലർ ദീപിക ആദ്യത്തെ മൂന്നു പ്രസവവും സിസേറിയൻ ആയതിനാൽ പല തവണ അപകട മുന്നറിയിപ്പ് നൽകിയിരുന്നതായും യുട്യൂബ് നോക്കി പ്രസവം നടത്താനാണ് ശ്രമമെന്ന് നയാസ് പറഞ്ഞതായും, വീട്ടിൽ നിന്നും ഇറങ്ങിപോകാൻ പറയുകയും ആരോഗ്യ പ്രവർത്തകരെയോ തന്നെയോ വീടിനുള്ളിൽ പ്രേവേശിപ്പിക്കാൻ തയാറായില്ല എന്നും ദിപിക പ്രതികരിച്ചു.

1 / 3
2 / 3
3 / 3

Continue Reading

Latest news

ഇടശ്ശേരി ബാർ വെടിവയ്പ്പ് ഒളിവിൽ കഴിഞ്ഞ പ്രതി പിടിയിൽ

Published

on

By

കൊച്ചി: ഇടശ്ശേരി കതൃക്കടവ് ബാറിലുണ്ടായ വെടിവെപ്പിലെ ഒന്നാം പ്രതി വിനീത് വിജയൻ പിടിയിൽ. എറണാകുളം നോർത്ത് റെയിൽവേ സ്‌റ്റേഷൻ പരിസരത്തുനിന്നും ഇന്നലെ രാത്രിയോടയാണ് വിനീതിനെ പൊലീസ് പിടികൂടിയത്.

തൊടുപുഴ സ്വാദേശിയുടെ വാഹനം കണ്ടെത്തിയിരുനെങ്കിലും പ്രതിയിലേക്കെത്താൻ പൊലീസിന് സാധിച്ചിരുന്നില്ല.

ആദ്യഘട്ടത്തിൽ കേസിലെ 3 പ്രതികളെ മൂവാറ്റുപുഴ പൊലീസ് പിടികൂടിയിരുന്നു.

പിടിക്കപ്പെട്ട വിനിത് മുൻപും പല ക്രിമിനൽ കേസുകളിലും പ്രതിയാണ്. ആക്രമണത്തിന് ഉപയോഗിച്ച തോക്ക് കേസിൽ അറസ്റ്റിലായ ഒന്നാം പ്രതിയുടെതാണെന്ന് പോലീസ് സ്ഥിരീകരിച്ചു.

വെടിവെപ്പിൽ ബാർ ജീവനക്കാരായ 2 പേർക്കും മാനേജർക്കുമാണ്‌ പരിക്കേറ്റത്.

1 / 3
2 / 3
3 / 3

Continue Reading

Latest news

തൊടുപുഴ കോ-ഓപ്പറേറ്റീവ് സ്‌കൂൾ ഓഫ് ലോയിലെ വിദ്യാർത്ഥി പ്രതിഷേധം; പ്രിൻസിപ്പലിന്റെ പരാതിയിൽ പോലീസ് കേസെടുത്തു

Published

on

By

തൊടുപുഴ കോ-ഓപ്പറേറ്റീവ് സ്‌കൂൾ ഓഫ് ലോയിലെ വിദ്യാർത്ഥി പ്രതിഷേധം; പ്രിൻസിപ്പലിന്റെ പരാതിയിൽ പോലീസ് കേസെടുത്തു

തൊടുപുഴ: ഇന്റേണൽ മാർക്ക് വിഷയത്തിൽ തൊടുപുഴ കോ- ഓപ്പറേറ്റീവ് സ്‌കൂൾ ഓഫ് ലോയിലെ വിദ്യാർത്ഥി പ്രതിഷേധത്തിനെതിരെ പ്രിൻസിപ്പൽ നിയമ നടപടിക്ക്.

കോളേജിൽ അതിക്രമിച്ച് കടന്നെന്നും കേടുപാടുകൾ സൃഷ്ടിച്ചെന്നും കാണിച്ച് 20 ലേറെ പേർക്കെതിരെ പ്രിൻസിപ്പൽ നൽകിയ പരാതിയിൽ തൊടുപുഴ പോലീസ് കേസെടുത്തു.കോളേജിൽ റാംഗിംഗ് നടന്നതായി കാണിച്ച് മറ്റൊരുപരാതിയും പ്രിൻസിപ്പൽ അനീഷ ഷംസ് പോലീസിൽ നൽകിയട്ടുണ്ടെന്നാണ് സൂചന.

ഇന്റേണൽ മാർക്ക് വിഷയത്തിൽ മാനേജ്‌മെന്റ് നടപടി സ്വീകരിച്ചില്ലന്നാരോപിച്ച് പെൺകുട്ടികൾ അടക്കം 30-ളം വിദ്യാർത്ഥികൾ ഇന്നലെ കോളേജ് പ്രവർത്തിച്ചിരുന്ന 3 നില കെട്ടിടത്തിന്റെ ടെറസിൽ കയറി ആത്മഹത്യ ഭീഷിണി മുഴക്കിയിരുന്നു.

പോലീസ് -റവന്യൂവകുപ്പ് അധികൃതരും ഡീൻ കുര്യാക്കോസ് എംപി അടക്കമുള്ള ജനപ്രതിനിധികളും സംസാരിച്ചതിന്റെ അടിസ്ഥാനത്തിൽ പ്രശ്നത്തിൽ ആവശ്യമായ നടപടികൾ സ്വീകരിയ്ക്കാമെന്ന് കോളേജ് മാനേജ്മെന്റ് നൽകിയ ഉറപ്പിന്റെ പശ്ചാത്തലത്തിലാണ് ഇന്ന് പുലർച്ചെ 12.15 ഓടെ വിദ്യാർത്ഥികൾ പ്രതിഷേധം അവസാനിപ്പിച്ച് താഴെയിറങ്ങിയത്.

ഇന്നലെ വൈകിട്ട് 3 മണിയോടെയാണ് കോളേജ് പ്രവർത്തിച്ചിരുന്ന 3 നില കെട്ടിടത്തിന്റെ ടെറസിലെത്തി ആത്മഹത്യ ഭീഷിണി മുഴക്കി, നിലയുറപ്പിച്ചത്.

സംഭവം പുറത്തുവന്നതോടെ പോലീസും ഫയർഫോഴ്സും ഇവിടേയ്ക്ക് പാഞ്ഞെത്തി.കെട്ടിടത്തിന് താഴെ വലയുമായി ഉദ്യോഗസ്ഥ സംഘം നിലയുറപ്പിച്ചു.ആംബുലൻസും സജ്ജമാക്കിയിരുന്നു.

എൽഎൽബി ഒന്നാം സെമസ്റ്റർ പരീക്ഷയുടെ ഫലം പുറത്ത് വന്നതോടെയാണ് മാനേജ്മെന്റിനെതിരെ വിദ്യാർഥികൾ രംഗത്തെത്തിയത്.

മതിയായ യോഗ്യതയില്ലാത്ത ഒരു കുട്ടിക്ക് അധ്യാപകർ അധിക മാർക്ക് നൽകിയെന്ന ആരോപണം ഉന്നയിച്ച് കഴിഞ്ഞ ദിവസമാണ് ഇവിടെ സമരം ആരംഭിച്ചത്.

50 ശതമാനത്തിൽ കുറവ് ഹാജരുള്ള വിദ്യാർത്ഥിക്ക് ഇന്റേണൽ മാർക്ക് ഏകദേശം പൂർണമായും നൽകി റാങ്ക് നേടാൻ സഹായിച്ചുവെന്നാണ് പ്രധാന ആരോപണം.

പിന്നാലെ പ്രതിഷേധിച്ച ഏഴ് വിദ്യാർഥികളെ സസ്പെൻഡ് ചെയ്ത്, റാഗിംഗിന് കേസെടുക്കുകയും ചെയ്തു.ഈ പ്രതികാര നടപടി പിൻവലിക്കണമെന്നും പ്രിൻസിപ്പൽ രാജി വയ്ക്കണമെന്നും ആവശ്യപ്പെട്ടായിരുന്നു വിദ്യാർത്ഥികളുടെ പ്രതിഷേധം.

വിഷയം സംബന്ധിച്ച് വിദ്യാർത്ഥികൾ പല തവണയായി നിരവധി പരാതികൾ എം.ജി. സർവകലാശാല വൈസ് ചാൻസലർക്കും ഉന്നത വിദ്യാഭ്യാസ മന്ത്രിക്കും നൽകിയിരുന്നു. നടപടി ഉണ്ടാകാത്ത സാഹചര്യത്തിലാണ് ഇന്നലെ വൈകിട്ട് മൂന്ന് മണിയോടെ കൂടി കെട്ടിടത്തിന്റെ മുകളിൽ നിലയുറപ്പിച്ചത്.

തുടർന്ന് തൊടുപുഴ ഡിവൈഎസ്പി മുഹമ്മദ് റിയാസിന്റെ നേതൃത്വത്തിലുള്ള പോലീസും തഹസിൽദാർ എ.എസ്. ബിജിമോളും സ്ഥലത്തെത്തി വിദ്യാർഥികളുമായി സംസാരിച്ചെങ്കിലും വഴങ്ങിയില്ല.

പിന്നാലെ ഇവർ പ്രിൻസിപ്പൽ അനീഷ ഷംസുമായും മാനേജ്മെന്റ് പ്രധിനിധികളുമായി ചർച്ച നടത്തി. ഇതിന്റെ അടിസ്ഥാനത്തിൽ സസ്പെൻഷൻ പിൻവലിക്കാൻ കോളേജ് അധികൃതർ തീരുമാനിച്ചു.

ഇന്റേണൽ മാർക്ക് നൽകിയ വിഷയത്തിൽ പിശക് പറ്റിയെന്നും അന്വേഷണത്തിന് പ്രത്യേക കമ്മിറ്റിയെ ചുമതലപ്പെടുത്തിയിട്ടുണ്ടെന്നും ക്രമക്കേട് നടന്നതായി തെളിഞ്ഞാൽ നടപടിയെടുക്കുമെന്നും മാനേജ്മെന്റ് വിശദീകരണം നൽകി.

എന്നാൽ വിദ്യാർഥികൾ സമരം അവസാനിപ്പിക്കാൻ തയ്യാറായില്ല.പ്രശ്നം പഠിച്ച് നടപടി സ്വീകരിയ്ക്കാൻ അഡ്മിനിസ്ട്രേറ്ററെ ചുമതലപ്പെടുത്താമെന്ന് കോളേജ് മാനേജുമെന്റ് ഉറപ്പുനൽകിയതോടെയാണ് വിദ്യാർത്ഥികൾ താഴെയിറങ്ങാൻ സന്നദ്ധരായതെന്നാണ് ലഭ്യമായ വിവരം.

 

1 / 3
2 / 3
3 / 3

Continue Reading

Trending

error: