News
വീട് വിട്ടുനല്കാത്തതിന്റെ വൈരാഗ്യത്തിലാണ് മകനെയും കുടുംബത്തെയും ചുട്ടെരിച്ച് കൊന്നതെന്ന് ഹമീദ്
തൊടുപുഴ ; താമസിച്ചിരുന്ന വീട് തന്റെ പേരില് എഴുതി നല്കാത്തതിന്റെ വൈരാഗ്യത്തിലാണ് മകനെയും കുടുംബത്തെയും ചുട്ടെരിച്ച് കൊന്നതെന്ന് ചീനിക്കുഴി ആലിയാക്കുന്നേല് ഹമീദിന്റെ കുറ്റസമ്മതം.
പോലീസ് നടത്തിയ ചോദ്യം ചെയ്യലിലാണ് ഹമീദ് ഇക്കാര്യം വ്യക്തമാക്കിയത്.ഇക്കാര്യത്തില് പശ്ചാത്താപമില്ലന്ന് വ്യക്തമാക്കിയ ഇയാള് കൂട്ടകൊലപാതകം ആസുത്രണണം ചെയ്തുമുതലുള്ള എല്ലാകാര്യങ്ങളും പോലീസിനോട് വിശദീകരിക്കുകയും ചെയ്തിട്ടുണ്ട്.
മകന് ഷിബു എന്നറിയപ്പെടുന്ന മുഹമ്മദ് ഫൈസനിനെയും ഭാര്യ സീബ ,മക്കളായ മെഹ്റിന് ,അസ്ന എന്നിവരെഇയാള് പെട്രോള് ഒഴിച്ച് തീകൊടുത്തി കൊലപ്പെടുത്തുകയായിരുന്നു.
ഇന്നലെ പുലര്ച്ചെ 1 മണിയോടടുത്താണ് സംഭവം.ഇവര് കിടന്നിരുന്ന മുറിയുടെ ജനലയുടെ ചില്ലുപൊട്ടിച്ച ശേഷം അകത്തേയ്്ക്ക് പെട്രോള് ഒഴിച്ച് തീകൊളുത്തുകയായിരുന്നു.തീ ആളിക്കത്തുന്നതിനായി ഇടയ്ക്കിടെ പെട്രോള് നിറച്ച കുപ്പികള് മുറിയിലേയ്ക്ക് എറിഞ്ഞിരുന്നതായും ഇയാള് പോലീസില് വെളിപ്പെടുത്തി.
ചീനിക്കുഴി കവലയ്ക്കടുത്താണ് കുടുംബം താമസിച്ചിരുന്നത്.ഹമീദിന്റെ പേരിലായിരുന്ന ഈ വീട് വര്ഷങ്ങള്ക്ക് മുമ്പ് ഷിബുവിന്റെ പേരിലേക്ക് ഇഷ്ടദാനം നല്കിയിരുന്നു.ഷിബു പുതിയ വീട് നിര്മ്മിക്കാന് ലക്ഷ്യമിട്ടതായി അറിഞ്ഞത് മുതല് ഈ വീട് തന്റെ പേരിലേക്ക് തിരികെ എഴുതിക്കിട്ടണമെന്ന് ഹമീദ് ആവശ്യപ്പെട്ടിരുന്നു.
പുതിയ വീട് നിര്മ്മാണം പൂര്ത്തിയാവുമ്പോള് താനും കുടുംബവും താമസം മാറുമെന്നും ഇതിന് ശേഷം ഇപ്പോള് താമസിച്ചുവരുന്ന വീടിന്റെ കാര്യത്തില് തീരുമാനമാക്കമെന്നുമായിരുന്നുഷിബുവിന്റെ നിലപാട്.
ഏകദേശം ഒരാഴ്ചയ്ക്കുള്ളില് തന്നെ വീട് നിര്മ്മാണം പൂര്ത്തിയാവുമായിരുന്നു.വീടുമാറ്റത്തെക്കുറിച്ച സുഹൃത്തുക്കളെയും അടുപ്പമുള്ളവരോടുമൈല്ലാം ഷിബു സൂചിപ്പിയ്ക്കുകയും ചെയ്തിരുന്നു.
വീട് തന്റെ പേരിലേയ്ക്ക് എഴുതി നല്കിയില്ലങ്കില് കൊല്ലുമെന്ന് ഹമീദ് മകനെ പലതവണ ഭീഷിണിപ്പെടുത്തിയിരുന്നു.ഷിബു പറഞ്ഞ് ഈ കാര്യം നാട്ടുകാരില് പലരും അറിഞ്ഞിരുന്നു.ഈ വിഷയത്തില് മധ്യസ്ഥ ഇടപെടല് ഉണ്ടായെങ്കിലും ഹമീദിന്റെ പിടിവാശി മൂലം ഫലവത്തായില്ല.
പുതിയ വീട്ടില് അന്തിയുറങ്ങാന് നിന്നെ വിടല്ലന്ന് പറഞ്ഞ ഹമീദ് ഷീബുവിനെ പലവട്ടം ഭീഷിണിപ്പെടുത്തിയിരുന്നതായി അറിഞ്ഞിരുന്നെന്നും അത് ഇത്തരത്തില് ഒരു കൂട്ടകൊല മനസില് കണ്ടാണെന്ന കാര്യം വിദൂരചിന്തയില്പ്പോലും ഉണ്ടായിരുന്നില്ലന്നും നഷ്ടമായത് തങ്ങള്ക്കെല്ലാം ഒരു പോലെ പ്രിയപ്പവരാണെന്നുമാണ് സംഭവത്തില് നാട്ടുകാരുടെ പ്രതികരണം.
Latest news
അജ്മീറിൽ പോലീസിന് നേരെ വെടിയുതിർത്ത ശേഷം രക്ഷപെടാൻ ശ്രമിച്ച ഉത്തരാഖണ്ഡ് സ്വദേശികൾ പിടിയിൽ
ആലുവ: മോഷണം നടത്തി അജ്മീറിലേക്ക് കടക്കുകയും അവിടെ വച്ച് പോലീസിനെ വെടിവച്ച് രക്ഷപ്പെടാൻ ശ്രമിക്കുകയും ചെയ്ത ഉത്തരാഖണ്ഡ് സ്വദേശികളായ സജാദ് , ഡാനിഷ് എന്നിവരെ ആലുവയിലെത്തിച്ച് തെളിവെടുപ്പ് നടത്തി.
മോഷണം നടത്തിയ വീടുകൾ, താമസിച്ച സ്ഥലങ്ങൾ,മോഷണമുതലായ ബൈക്ക് ഉപേക്ഷിച്ച ഇടം തുടങ്ങിയ സ്ഥലങ്ങളിൽ ജില്ലാ പോലീസ് മേധാവി ഡോ. വൈഭവ് സക്സേന യുടെ മേൽനോട്ടത്തിലാണ് തെളിവെടുപ്പ് നടത്തിയത്.
മോഷണം നടത്തിയ രീതിയും, രക്ഷപ്പെട്ടതുമെല്ലാം പ്രതികൾ വിവരിച്ചു.ഉത്തരാഖണ്ഡിൽ സജാദ് ഓട്ടോറിക്ഷ ഓടിക്കുകയാണ്. ഡാനിഷ് കൂലിപ്പണിക്കാരനും 2018 ൽ വെള്ളപ്പൊക്ക സമയത്ത് ഡാനിഷ് കേരളത്തിൽ ജോലിയ്ക്ക് വന്നിട്ടുണ്ട്.
കേരളത്തിലെ വീടുകളിൽ ധാരാളം സ്വർണ്ണം സൂക്ഷിച്ചിട്ടുണ്ടെന്ന് തിരിച്ച് നാട്ടിലെത്തിയ ഡാനിഷ് സജാദിനെ ധരിപ്പിച്ചു. പിന്നീട് രണ്ട് പേരും കൂടി മോഷണം നടത്താനുള്ള പദ്ധതി ആസൂത്രണം ചെയ്തു.
ഇരുപത്തിരണ്ടായിരം രൂപ മുടക്കി ബീഹാറിൽ നിന്ന് രണ്ട് തോക്ക് വാങ്ങി. ഫെബ്രുവരി 5ന് ഡൽഹിയിൽ നിന്ന് ആലുവയ്ക്ക് ട്രയിൻ കയറി. 8 ന് ആലുവയിലെത്തി ഒരു ലോഡ്ജിൽ മുറിയെടുത്തു. 9ന് പകൽ മുറയൊഴിഞ്ഞ് ആളില്ലാത്ത വീടുകൾ തപ്പിയിറങ്ങി.
പുറമെ നിന്ന് താഴിട്ട് പൂട്ടിയ വീടുകളായിരുന്നു ലക്ഷ്യം. ഇതിനിടയിൽ മുടിക്കലിലെ കളിസ്ഥലത്ത് നിന്ന് സംഘം ബൈക്കും മോഷ്ടിച്ചു. പിന്നീട് അതിലായി യാത്ര. രാത്രി കുട്ടമശേരിയിലെ വീട് ശ്രദ്ധയിൽപ്പെട്ടു. ചെറിയ കമ്പിയും സ്ക്രൂവും ഉപയോഗിച്ച് പൂട്ട് തുറന്ന് മോഷണം നടത്തി.
തുടർന്ന് മോഷ്ടിച്ച ബൈക്ക് ആലുവ കെ.എസ്.ആർ.ടി.സി. സ്റ്റാന്റ് പരിസരത്ത്ഉപേക്ഷിച്ചു. രാത്രി തന്നെ ആലുവയിലെ മറ്റൊരു ലോഡ്ജിൽ മുറിയെടുത്തു. പിറ്റേന്ന് പകലും രാത്രിയും കറങ്ങി നടന്ന് വീട് കണ്ടു വച്ച് രണ്ട് വീടുകളിൽ മോഷണം നടത്തി. അവിടെയും കമ്പിയും സ്ക്രൂവുമായിരുന്നു ആയുധം.
മോഷണത്തിന് ശേഷം ബസിൽ തൃശൂരെത്തി. അവിടെ നിന്നും മധ്യ പ്രദേശിലേക്ക് തീവണ്ടി കയറി. അവിടെയും മോഷണത്തിന് ശമിച്ചു. ശാസ്ത്രീയ അന്വേഷണത്തിൽ പ്രതികളെ തിരിച്ചറിഞ്ഞ ആലുവയിലെ പ്രത്യേക അന്വേഷണ സംഘം പിന്നാലെ കുതിച്ചു.
മധ്യ പ്രദേശിലെത്തിയപ്പോൾ മോഷണ സംഘം രാജസ്ഥാനിലേക്ക് കടന്നിരുന്നു. പിന്നാലെ പോലീസ് സംഘവും. അജ്മീറിലെത്തിയ പ്രതികളെ രാത്രി അജ്മീർ പോലീസിന്റെ സഹായത്തോടെ പിടികൂടാൻ ശ്രമിക്കുന്നതിനിടയിൽ പ്രതികൾ വെടിയുതിർത്ത് രക്ഷപെടാൻ ശ്രമിച്ചു.
പിന്നീട് ജീവൻ പണയം വച്ച് സാഹസീകമായാണ് കീഴ്പ്പെടുത്തായത്. തുടർന്ന് കേസെടുത്ത് അജ്മീറിൽ റിമാന്റ് ചെയ്ത സംഘത്തെ കഴിഞ്ഞ ദിവസമാണ് ആലുവയിലെത്തിച്ചത്. കേരളമുൾപ്പടെ വിവിധ സംസ്ഥാനങ്ങളിൽ ഗുണ്ടാ ആക്ട് ഉൾപ്പടെ പത്തോളം കേസിലെ പ്രതിയാണ് ഡാനിഷ്.
ആലുവയിൽ മൂന്നും പെരുമ്പാവൂരിൽ ഒന്നും മോഷണമാണ് ഇവർ നടത്തിയത്. ജില്ലാ പോലീസ് മേധാവി വൈഭവ് സക്സേനയുടെ മേൽനോട്ടത്തിൽ ഡിവൈഎസ്പി എ പ്രസാദ്, ഇൻസ്പെക്ടർ എം.എം മഞ്ജു ദാസ്, സബ് ഇൻസ്പെക്ടർ എസ്.എസ് ശ്രീലാൽ, സീ പി.ഒ മാരായ എൻ.എ മുഹമ്മദ് അമീർ, കെ.എം മനോജ്, മാഹിൻ ഷാ അബൂബക്കർ , വി.എ അഫ്സൽ എന്നിവരാണ് തെളിവെടുപ്പിനുണ്ടായിരുന്നത്.
Latest news
പുലിപ്പേടിയിൽ വിറങ്ങലിച്ച് കരിങ്കുന്നം: കെണി ഒരുക്കി വനംവകുപ്പ്, പരക്കെ ഭീതി
തൊടുപുഴ: പുലിപ്പേടിയിൽ വിറങ്ങലിച്ച് കരിങ്കുന്നം . പിടികൂടാൻ കർമ്മപദ്ധതിയുമായി വനം വകുപ്പ്. നാട്ടുകാർ ഭീതിയുടെ മുൾമുനയിൽ. നാട്ടുകാരെ ഒന്നാകെ ഭീതിയിലാഴ്ത്തി ചുറ്റിക്കറങ്ങുന്ന പുലിയെ പിടികൂടാൻ വനം വകുപ്പ് കൂട് സ്ഥാപിച്ചു.
കരിങ്കുന്നം പഞ്ചായത്തിലെ ഇല്ലിചാരിയിലാണ് പുലിയെ കുടുക്കാൻ വനംവകുപ്പ് ഇരുമ്പ് കൂട് സ്ഥാപിച്ചത്.
പുലി കൂട്ടിൽ അകപ്പെടണമേയെന്ന പ്രാർത്ഥനയിലാണിപ്പോൾ ഗ്രാമവാസികൾ. സമീപ പ്രദേശങ്ങളിൽ അടിക്കടി പുലിയെ കണ്ടതായുള്ള വിവരവും പുറത്തുവന്നിട്ടുണ്ട്.
അതിനാൽ മേഖലയിൽ ഒന്നിലധികം പുലി ഉണ്ടെന്നുള്ള സംശയവും ഉയർന്നിട്ടുണ്ട്.ഒരു മാസം മുൻപ് വളർത്തുമൃഗങ്ങളെ ഉൾപ്പടെ കാണാതെ വന്നതോടെയാണ് നാട്ടുകാർക്ക് സംശയം തോന്നി തുടങ്ങിയത്.
പുലിയാണെന്ന് നാട്ടുകാർ ആക്ഷേപം ഉന്നയിച്ചതിന് പിന്നാലെ വനം വകുപ്പിന്റെ നേതൃത്വത്തിൽ ക്യാമറ സ്ഥാപിച്ചിരുന്നു.ഈ മാസം 16-ന് കാമറയിൽ പുലിയുടെ ദൃശ്യം പതിഞ്ഞതിന് പിന്നാലെയാണ് പുലിയെ പിടികൂടാൻ ഇന്നലെ വൈകിട്ട് 4 മണിയോടെ വനം വകുപ്പ് കൂട് സ്ഥാപിച്ചത്.
Latest news
കാറുകൾ കൂട്ടിയിടിച്ച് അപകടം: 2 പേർക്ക് പരുക്ക്
മുണ്ടക്കയം: കാഞ്ഞിരപ്പള്ളി ബൈപാസിൽ നടന്ന അപകടത്തിൽ കാറുകൾ കൂട്ടിയിടിച്ച് 2 പേർക്ക് പരുക്ക്. ഇരുദിശകളിലായി വന്ന കാറുകൾ നിയന്ത്രണം വിട്ട് ഇടിക്കുകയായിരുന്നു.
ഈ ആഴ്ചയിൽ ഇതെ സ്ഥലത്ത് സംഭവിക്കുന്ന രണ്ടാമത്തെ അപകടമാണിത്.കഴിഞ്ഞ ദിവസം അമിതവേഗത്തിലെത്തിയ കാർ പിക്കപ്പ് വാനിലും ഓട്ടോയിലും ഇടിച്ച് 5 പേർക്ക് പരുക്കേറ്റിരുന്നു.
വാഹനങ്ങളുടെ അമിതവേഗമാണ് അപകടങ്ങൾക്ക് കാരണം. വേഗം നിയന്ത്രിക്കാൻ നടപടി സ്വികരിയ്ക്കണമെന്ന് ആവശ്യപ്പെട്ട് ഹംപുകൾ, ഡിവൈഡറുകൾ, ക്യാമറകൾ ഇവയിൽ ഏതെങ്കിലും സ്ഥാപിക്കാണമെന്നാണ് നാട്ടുകാരുടെ ആവശ്യം.
Latest news
ഹൃദ്യരോഗികളുടെ ചികിത്സ പ്രതിസന്ധിയിൽ: കുടിശിക തുക 140 കോടിയിലേറെ, ശാസ്ത്ര ക്രിയ ഉപകരണങ്ങളുടെ വിതരണം നിർത്തി കമ്പനികൾ
തിരുവനന്തപുരം: സംസ്ഥാനത്ത് സര്ക്കാര് മെഡിക്കൽ കോളേയ്ജ്ലെ ഹൃദയ ശസ്ത്രക്രിയ ഗുരുതര പ്രതിസന്ധിയില്.കോഴിക്കോട് , കോട്ടയം മെഡിക്കല് കോളജുകളില് 3 ദിവസത്തേയ്ക്കുളള ഉപകരണങ്ങളുടെ സ്റ്റോക്ക് മാത്രമാണ് നിലവിലുള്ളത്.
തിരുവനന്തപുരം മെഡിക്കല് കോളജില് ആന്ജിയോപ്ളാസ്റ്റി നിലച്ചിട്ട് ദിവസങ്ങൾ പിന്നിട്ടിരിക്കുകയാണ്. 19 ആശുപത്രികളിലെയായി 143 കോടി രൂപ കുടിശിക തുക പിന്നിട്ടതോടെ ഒന്നാം തിയതി മുതൽ കമ്പനികൾ ഹൃദയ ശസ്ത്രക്രിയ ഉപകണങ്ങളുടെ വിതരണംപൂർണമായി നിർത്തിവക്കുകയായിരുന്നു.
തിരുവനന്തപുരം പൂഴനാട് സ്വദേശി മണിയനെ നെഞ്ച് വേദനയെ തുടർന്ന് തിരുവനന്തപുരം മെഡിക്കല് കോളജില് പ്രേവേശിപ്പിച്ചെങ്കിലും ആന്ജിയോപ്ളാസ്റ്റി നടത്താതെ തിരികെ അയച്ചതായും പിന്നാലെ ശസ്ത്രക്രിയ നടത്താനിരുന്ന 13 പേരെ പറഞ്ഞുവിട്ടതായും ആക്ഷേപമുയർന്നിട്ടുണ്ട്.
തിരുവനന്തപുരം മെഡിക്കല് കോളജ് 49 കോടി, കോഴിക്കോട് മെഡിക്കല് കോളജ് 23 കോടി, കോട്ടയം മെഡിക്കല് കോളജ് 17 കോടി, എറണാകുളം ജനറല് ആശുപത്രി 10 കോടി എന്നിങ്ങനെയാണ് നൽകാനുള്ള തുക.
പരിയാരം, ആലപ്പുഴ മെഡിക്കല് കോളജുകളിലും പാലക്കാട് ജില്ലാ ആശുപത്രിയിലും കുടിശിക തുക നല്കിയതോടെ വിതരണം പുനർസ്ഥാപിച്ചു.
Latest news
മംഗളാദേവി ക്ഷേത്രത്തിലെ ചിത്രാപൗര്ണ്ണമി ഉത്സവം;ഭക്തനതിരക്ക് രൂക്ഷം, ഏര്പ്പെടുത്തിയിട്ടുള്ളത് വിപുലമായ ക്രമീകരണങ്ങള്
കുമളി;പെരിയാര് കടുവ സങ്കേതത്തിനുള്ളില് സ്ഥിതി ചെയ്യുന്ന പുരാതന കണ്ണകി ക്ഷേത്രമായ മംഗളാദേവിയില് ചിത്രാപൗര്ണ്ണമി ഉത്സവം ആഘോഷ ചടങ്ങുകള് ഇന്ന് പുലര്ച്ചെ ആരംഭിച്ചു.
വര്ഷത്തില് ഒരിക്കല് ചിത്രാപൗര്ണ്ണമി നാളില് മാത്രം ഭക്തര്ക്ക് പ്രവേശനമുള്ള ഈ ക്ഷേത്രത്തിലെ ഉത്സവം കേരളവും തമിഴ്നാടും സംയുക്തമായാണ് നടത്തുന്നത്. ആയിരത്തിലധികം വര്ഷം പഴക്കമുള്ള ക്ഷേത്രത്തില് ഉത്സവനാളില് കേരളം, തമിഴ്നാട് ശൈലികളിലെ പൂജകളാണ് നടത്തുന്നത്.
അടുത്തടുത്ത രണ്ട് ശ്രീകോവിലുകളിലും മംഗളാദേവി പ്രതിഷ്ഠയാണുള്ളത്.
രാവിലെ ആറു മണി മുതല് ഒന്നാം ഗേറ്റിലൂടെ ഭക്തരെ കയറ്റിവിടാന് തുടങ്ങിയിരുന്നു. ഇപ്പോള് ക്ഷേത്ര പരിസരത്ത് ഭക്തജനത്തിരക്ക് വര്ദ്ധിച്ചിട്ടുണ്ട്.
ഉച്ചക്ക് 2.30 ന് ശേഷം ആരെയും മലമുകളിലേക്ക് കയറ്റിവിടില്ല. വൈകിട്ട് 5.30 ന് ശേഷം ക്ഷേത്രപരിസരത്ത് ആരെയും തുടരാന് അനുവദിക്കില്ലന്ന് ജില്ല ഭരണകൂടം വ്യക്തമാക്കിയിട്ടുണ്ട്.
രാവിലെ 4 മണി മുതല് ഇരു സംസ്ഥാനങ്ങളിലെയും പൂജാരിമാര്, സഹായികള് എന്നിവരെ ക്ഷേത്രത്തിലേക്കു കടത്തിവിട്ടിരുന്നു. അഞ്ചുമണിയോടെ ട്രാക്ടറുകളില് ഭക്ഷണവും കയറ്റിവിട്ടു.
ഓരോ ട്രാക്ടറുകളിലും ആറു പേര്ക്ക് സഞ്ചരിയ്ക്കുന്നതിനാണ് അനുമതി നല്കിയിരുന്നത്.
സുരക്ഷയുടെ ഭാഗമായി റിക്കവറി വാഹനം, അസ്ക ലൈറ്റ് എന്നീ സൗകര്യങ്ങളോടെ കൊക്കരകണ്ടത്ത് ദുരന്ത ലഘൂകരണ യൂണിറ്റ് സജ്ജമാക്കിയിട്ടുണ്ട്.
പ്രഥമശുശ്രൂഷ നല്കാന് മെഡിക്കല് സംഘം, കാര്ഡിയോളജിസ്റ്റ് എന്നിവരുടെ സേവനവും ആംബുലന്സ് സൗകര്യവും മലമുകളില് ഏര്പ്പെടുത്തിയിരുന്നു.
-
Latest news3 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news2 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news3 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news2 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news4 days ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Latest news4 weeks ago
കോതമംഗലം ചേലാട് വൃദ്ധയെ തലയ്ക്കടിച്ച് കൊലപ്പെടുത്തി
-
Uncategorized3 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news3 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ