കോതമംഗലം;ബ്ലോക്ക് പഞ്ചായത്ത് 2022 – 2023 വര്‍ഷത്തേയ്ക്കുള്ള 498656482 രൂപ വരവും,497967628 രൂപ ചെലവും,688858 രൂ പ നീക്കിയിരുപ്പും ലക്ഷ്യമിട്ടിട്ടുള്ള ബഡ്ജറ്റ് വൈസ് പ്രസിഡന്റ് നിസമോള്‍ ഇസ്മായില്‍ അവതരിപ്പിച്ചു.എല്ലാ മേഖലക്കും തുല്യപ്രാധാന്യം നല്‍കിയിയാണ് ബഡ്ജറ്റ് തയ്യാറാക്കിയിട്ടുള്ളതെന്ന് വൈസ് പ്രസിഡന്റ് പറഞ്ഞു.

വിസ്തൃമായ കാര്‍ഷിക മേഖലകള്‍ ബ്ലോക്ക് പരിധിയിലുണ്ട്. അതുകൊണ്ട് തന്നെ കാര്‍ഷിക മേഖലയുടെ ഉന്നമനം ലക്ഷ്യമിട്ട് വിവിധങ്ങളായ കര്‍മ്മപദ്ധതികളാണ് വിഭാവനം ചെയ്തിട്ടുള്ളത്.ഇതില്‍ത്തന്നെ പ്രധാനമാണ് ജൈവ കൃഷി പ്രോത്സാഹിപ്പിക്കല്‍.ഇതിനായി നിരവധി പദ്ധതികള്‍ നടപ്പിലാക്കാന്‍ ലക്ഷ്യമിട്ടിട്ടുണ്ട്.

കുട്ടികളില്‍ കൃഷിയോടുള്ള താല്‍പര്യം സഷ്ടിക്കാന്‍ സ്‌ക്കൂള്‍-അങ്കണവാടികളില്‍ ഗ്രോബാഗ് പച്ചക്കറി കൃഷി,ഉന്നത ഗുണ നിലവാരം ഉള്ള ഗ്രാഫ്റ്റ്് പച്ചക്കറി തൈകളുടെ വിതരണം, ഗ്രാഫ്റ്റ് ഫലവൃക്ഷ തൈകളുടെ വിതരണം, ഗ്രാഫ്റ്റ് കശുമാവ് തൈകകളുടെ വിതരണം , ഗ്രോബാഗ് കിറ്റുകളുടെ വിതരണം എന്നിവ ഇതിന്റെ ഭാഗമായി നടത്തും.

വിദഗ്ധ വനിത തൊഴിലാളികള്‍ക്കുള്ള പരിശീലന പദ്ധതിയ്ക്കും ബഡ്ജറ്റില്‍ തുക നീക്കിവച്ചിട്ടുണ്ട്.നിസമോള്‍ ഇസ്മയില്‍ വിശദമാക്കി.

പാലുല്‍പാദനത്തില്‍ വര്‍ദ്ധന ലക്ഷ്യമിട്ട് ക്ഷീരകര്‍ഷര്‍കര്‍ക്ക്് പാല്‍ സബ്‌സിഡി 12 മാസം നല്‍കുക,കാലിത്തീറ്റ സബ്‌സിഡി,തൊഴുത്ത് നിര്‍മ്മാണം കന്നുകുട്ടി-കിടാരി വിതരണം ഉള്‍പ്പെടെയുള്ള പദ്ധതികള്‍ക്കായി18824500 രൂപ ബജറ്റില്‍ വകയിരുത്തിയിട്ടുണ്ട്.

വിദ്യാഭ്യാസം,സ്‌പോര്‍ട്‌സ്,യുവജന ക്ഷേമം എന്ന വിഭാഗത്തില്‍പ്പെടുത്തി ആധുനിക ടര്‍ഫ് കോര്‍ട്ട്,ഡിജിറ്റല്‍ ഷട്ടില്‍ കോര്‍ട്ട്,കളിസ്ഥലങ്ങളുടെ നവീകരണം ഉള്‍പ്പെടെയുള്ള പദ്ധതികള്‍ക്കായി 5620000 രൂപയും,ആശുപത്രികളുടെ നവീകരണം ഉള്‍പ്പെടെ ആരോഗ്യ മേഖലക്ക് 6206800 രൂപയും,ശുചിത്വം – മാലിന്യ സംസ്‌കരണം – ആധുനീകക്രമമറ്റോറിയം തുടങ്ങിയ പദ്ധതികള്‍ക്കായി 8986300 രൂപയും,കുടിവെള്ള ക്ഷാമം പരിഹരിയ്ക്കുന്നതിന് 22275500 രൂപയും ബഡ്ജറ്റില്‍ വകയിരുത്തിയിട്ടുണ്ട്.

വീടില്ലാത്തവര്‍ക്ക് ഭവനമെന്ന സ്വപ്ന സാക്ഷാല്‍ക്കാരത്തിനായി 3,20,00000 രൂപയും,വനിതകളെ മുഖ്യധാരയിലേക്ക് കൊണ്ടുവരിക,അവരെ സ്വയം സരംഭകരാകാന്‍ സഹായിക്കുക എന്ന ലക്ഷ്യം മുന്‍നിര്‍ത്തി വനിത ക്ഷേമത്തിനായി പണിതിട്ടുള്ള കെട്ടിടങ്ങള്‍ നവീകരിച്ചു കൊണ്ട് വനിത സംരംഭങ്ങള്‍ക്ക് വിട്ടു നല്‍കാനും തെരെഞ്ഞെടുക്കപ്പെട്ട സംരംഭങ്ങള്‍ക്ക് സബ്‌സിഡി നല്‍കാനും അവര്‍ക്ക് ആവശ്യമായ സൗജന്യ പരിശീലനങ്ങള്‍ നല്‍കുവാനും ബജറ്റില്‍ 5968320 രൂപ നീക്കി വച്ചിട്ടുണ്ട്.

സ്മാര്‍ട് അങ്കണവാടി നിര്‍മ്മാണത്തിനും കുട്ടികള്‍ക്ക് പോഷകാഹാരം,സ്‌കോളര്‍ഷിപ് എന്നിവക്കായും 65,00000 രൂപയും നീക്കിവച്ചിട്ടുണ്ട്.ഗ്രാമീണ റോഡുകള്‍,ജലസ്രോതസുകളുടെ നവീകരണം,തടയണകള്‍,ചെക്ക് ഡാമുകള്‍,തുടങ്ങിയ പാശ്ചാത്തല മേഖല വികസനം എന്നിവയ്ക്കായി 1,53,33000രൂപയും ,ബ്ലോക്ക് പഞ്ചായത്തിന്റെയും,വിട്ടുകിട്ടിയ സ്ഥാപനങ്ങളുടെയും നവീകരണത്തിനായി 11385000 രൂപയും മാറ്റിവച്ചിട്ടുണ്ട്.

വയോജനങ്ങള്‍ക്കും,മാനസീക – ശാരീരിക വെല്ലുവിളി നേരിടുന്ന വരുടെ ക്ഷേമത്തിനായി 5958780രൂപയും,തൊഴിലുറപ്പ് പദ്ധതിയില്‍ ഉള്‍പ്പെടുത്തി 33,95,39,700 രൂപയും വകയിരുത്തിയിട്ടുണ്ട്.

ബ്ലോക്ക് പഞ്ചായത്ത് പ്രസിഡന്റ് പി എ എം ബഷീര്‍ അധ്യക്ഷത വഹിച്ചു.സ്റ്റാന്റിംഗ് കമ്മിറ്റി ചെയര്‍മാന്‍ മാരായ ജോമി തെക്കേക്കര, ജയിംസ് കോറമ്പേല്‍,പഞ്ചായത്ത് പ്രസിഡന്റ് മാരായ പി എം മജീദ്, പി കെ. ചന്ദ്രശേഖരന്‍ നായര്‍,വിസി ചാക്കോ,ജെസ്സി സാജു,സീമ സിബി,ബ്ലോക്ക് പഞ്ചായത്ത് അംഗങ്ങളായ ഡയാന നോബി, ആനീസ് ഫ്രാന്‍സിസ്,കെ കെ ഗോപി,എം എ മുഹമ്മദ്,പി എം കണ്ണന്‍,ലിസി ജോസഫ്,അനു വിജയ നാഥ്, ആഷ ജയിംസ്,ബിഡിഒ ഡോ.അനുപം എസ് എന്നിവര്‍ ആശംസകള്‍ നേര്‍ന്നു.

ബഡ്ജറ്റ് നിരാശജനകമാണെന്നും ആദിവാസി ക്ഷേമത്തിനും ടൂറിസം മേഖലയുടെ വികസനത്തിനും മതിയായ പദ്ധതികളില്ലന്നും സി പി എം അംഗം കെ കെ ഗോപി പറഞ്ഞു.

1 / 1

❮ ❯