News
കുഞ്ഞിനെ തട്ടിയെടുക്കൽ; കാമുകന്റെ വിവാഹം മുടക്കാനെന്ന് നീതു

കോട്ടയം: തന്റെ രക്തത്തിൽ പിറന്ന കുട്ടിയെ കാണണമെന്ന കാമുകന്റെ വാശിയാണ് കുട്ടിയെ തട്ടി കൊണ്ടുപോകാൻ പ്രേരണയെന്ന് നീതു രാജൻ വെളിപ്പെടുത്തിയെന്ന് സ്ഥിരീകരിച്ച് പോലീസ് . ജില്ലാ പോലീസ് മേധാവി അൽപ്പം മുമ്പ് മാധ്യമങ്ങളുമായി കേസിന്റെ കൂടുതൽ വിവരങ്ങൾ പങ്കിട്ടു.
നീതുവിന്റെ മൊഴിയിലെ കൂടുതൽ വിവരങ്ങൾ ചുവടെ..
കഴിഞ്ഞ ഫെബ്രുവരിയിൽ താൻ ഗർഭിണിയാണെന്ന് കാമുകൻ കളമശേരി സ്വദേശി ഇബ്രാഹിം ബാദുഷയെയുംവിദേശത്ത് ജോലി ചെയ്യുന്ന ഭർത്താവിനെയും അറിയിച്ചിരുന്നു.താമസിയാതെ ഗർഭം അലസിപ്പോയി. ഈ വിവരം ഭർത്താവിനോട് പറഞ്ഞു. കാമുകനെ അറിയിച്ചില്ല.
പ്രസവ സമയം കഴിഞ്ഞിട്ടും കുട്ടിയെ കാണിയ്ക്കാത്തതിൽ ഇബ്രാഹിം സംശയിക്കാൻ തുടങ്ങി. കുട്ടി ഒപ്പമുണ്ടെന്ന് പറഞ്ഞ് ദിവസങ്ങൾ തള്ളി നീക്കി. തുടർന്നാണ് കുട്ടിയെ തട്ടിയെടുത്ത് , ഇബ്രാഹീമിനെയും ബന്ധുക്കളെയും വിശ്വസിപ്പിക്കാമെന്ന് തീരുമാനിച്ചത്. ജനുവരി 1 മുതൽ 4 വരെ ദിവസങ്ങളിൽ കോട്ടയത്ത് തങ്ങി കാര്യങ്ങൾ വിശദമായി പഠിച്ചാണ് തട്ടികൊണ്ടു പോകൽ ആസൂത്രണം ചെയ്തത്. കുട്ടിയെ താമസിച്ചിരുന്ന മുറിയിലേയ്ക്കാണ് കൊണ്ടുവന്നത്. ഇവിടെ വച്ച് മൊബൈലിൽ ചിത്രമെടുത്ത് , വാട്സാപ്പ് വഴി ഇബ്രാഹീമിനും ബന്ധുക്കൾക്കും അയച്ചു.മാറ്റാരുടെയും ഇടപെടൽ ഇക്കാര്യത്തിൽ ഉണ്ടായിട്ടില്ല.
ഡിക്കല് കോളജില് നിന്നും നവജാത ശിശുവിനെ തട്ടിയെടുത്ത യുവതിയുടെ ലക്ഷ്യം സ്ഥിരീകരിയ്ക്കാന് കൂടുതല് അന്വേഷണം ആവശ്യമെന്ന് ഇന്നലെ പോലീസ് വ്യക്തമാക്കിയിരുന്നു. തുടർന്നു നടന്ന ചോദ്യം ചെയ്യലിലാണ് പോലീസിന് മുമ്പാകെസംഭവത്തെക്കുറിച്ച് മുഴുവൻ വിവരങ്ങളും നീതു വെളിപ്പെടുത്തിയത്.
സംഭവത്തിന് പിന്നില് കുട്ടികളെ തട്ടിക്കൊണ്ടുപോകുന്ന സംഘത്തിന്റെ ഇടപടല് ഉണ്ടെന്ന വാദം പോലീസ് മുഖവിലയ്ക്കെടുത്തിട്ടില്ല.
സംഭവത്തില് തിരുവല്ല സ്വദേശിനി നീതു രാജനെയും സഹായി കളമശേരി സ്വദേശി ഇബ്രാഹിം ബാദുഷയെയും കോട്ടയം ഗാന്ധിനഗര് പോലീസ് ഇന്നലെ കസ്റ്റഡിയില് എടുത്തിരുന്നു.
അടുപ്പക്കാരനായിരുന്ന ഇബ്രാഹീമിന്റെ വിവാഹം മുടക്കാന് മുൻകൂട്ടി തയ്യാറാക്കിയ കര്മ്മ പദ്ധതിയുടെ ഭാഗമായിട്ടാണ് നീതു കുട്ടിയെ തട്ടിക്കൊണ്ടുപോയതെന്ന് പ്രാഥമീക അന്വേഷണത്തിൽ പോലീസിന് സൂചന ലഭിച്ചിരുന്നു. വ്യക്തിപരമായ കാര്യത്തിനാണ് കുട്ടിയെ തട്ടിയെടുത്തതെന്ന് നീതു സമ്മതിച്ചതായി പോലീസ് ഇന്നലെ വെളിപ്പെടുത്തിയിരുന്നു.
വണ്ടിപ്പെരിയാര് സ്വദേശിനി അശ്വതിയുടെ രണ്ടു ദിവസം പ്രായമുള്ള പെണ്കുഞ്ഞിനെ നഴ്സിന്റെ വേഷം ധരിച്ചെത്തി നീതു തട്ടിക്കൊണ്ടുപോകുകയായിരുന്നു.ഇന്നലെ വൈകിട്ട് മൂന്നരയോടെയായിരുന്നു സംഭവം.
മാതാവിന്റെ കൈയ്യില് നിന്നും കുഞ്ഞിനെ പരിശോധിക്കാനെന്ന് പറഞ്ഞാണ് നീതു വാങ്ങിയത്.ആശുപത്രിക്ക് സമീപമുള്ള ഹോട്ടലില് നടത്തിയ തിരച്ചിലിലാണ് കുട്ടിയെ കണ്ടെത്തിയത്.ഗാന്ധിനഗര് പൊലീസ് ഇന്നലെ കുഞ്ഞിനെ അമ്മയ്ക്ക് കൈമാറിയിരുന്നു.
Latest news
യാത്രക്കാരുടെ സംതൃപ്തി സർവേയിൽ സിയാലിന് ചരിത്ര നേട്ടം

നെടുമ്പാശേരി;കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്(സിയാൽ) യാത്രക്കാരുടെ സംതൃപ്തി സർവേയിൽ വിമാനത്താവള ചരിത്രത്തിലെ ഏറ്റവും ഉയർന്ന റാങ്കിംഗ് ലഭിച്ചു.
ആഗോളതലത്തിൽ വിമാനത്താവള പ്രവർത്തനങ്ങൾ ഏകീകരിക്കുന്ന എയർപോർട്ട് കൗൺസിൽ ഇന്റർനാഷണൽ (എ സി ഐ ) നടത്തിയ യാത്രക്കാരുടെ സംതൃപ്തി സർവേയിലാണ് സിയാൽ 5ൽ 4.99 എന്ന സ്കോർ നേടി, അഭിമാനാർഹമായ നേട്ടം സ്വന്തമാക്കിയത്.
വിമാനത്താവളത്തിന്റെ 23 വർഷത്തെ ചരിത്രത്തിലെ ഏറ്റവും ഉയർന്ന സ്കോറാണിത്.2022ലെ ആദ്യ പാദത്തിൽ ലോകത്തിലെ 244 വിമാനത്തലവളങ്ങളിലാണ് എ സി ഐ സർവ്വേ നടത്തിയത്.
വിമാനത്താവങ്ങളിലെ പുറപ്പെടൽ യാത്രക്കാർക്ക് ഒരുക്കിയിരിക്കുന്ന സൗകര്യങ്ങളും ടെർമിനലുകളിലെ വൃത്തിയുമെന്നയിരുന്നു ആദ്യപാദ സർവേയിലെ പ്രധാന വിഷയങ്ങൾ.എല്ലാ വിമാന സർവീസുകളുടെയും വിവിധ പ്രായ വിഭാഗത്തിൽപെടുന്നവരുടെയും പ്രാതിനിധ്യം ഉറപ്പാക്കി എ സി ഐ വിശദമായി നടത്തുന്ന സർവേയാണിത്.
5 പ്രധാന മാനദണ്ഡങ്ങളെ അടിസ്ഥാനമാക്കിയാണ് സർവ്വേ നടത്തിയത്ത്.എയർപോർട്ട് ശുചിത്വം,സുരക്ഷ സംവിധാനങ്ങൾ,വാഷ്റൂം-ടോയ്ലറ്റുകളുടെ ലഭ്യത,ഗേറ്റ് ഏരിയകളിലെ വിശ്രമ സൗകര്യം,എയർപോർട്ടിൽ എത്താനുള്ള മാർഗ്ഗം തുടങ്ങിയവനായിരുന്നു മാനദണ്ഡങ്ങൾ.
സിയാലിന്റെയും അനുബന്ധ എജൻസികളുടെയും ഒറ്റക്കെട്ടായ പ്രവർത്തനമാണ് കൊച്ചി വിമാനത്താവളത്തിന്റെ ഉയർന്ന റാങ്ക് ലഭിക്കാൻ കാരണമെന്ന് സിയാൽ മാനേജിംഗ് ഡയറക്ടർ എസ്.സുഹാസ് പറഞ്ഞു.
Latest news
നെല്ലിക്കുഴി കവർച്ച;ഷാജഹാൻ പടിയിൽ,കൃത്യം നടത്തിയത് കണ്ണൂർ ജിയിലിൽ നിന്നും മോചിതനായതിന് പിന്നാലെ

കോതമംഗലം;സൂപ്പർ മാർക്കറ്റ് കുത്തി തുറന്ന് പണം അപഹരിച്ച കേസിൽ ഒരാൾ പിടിയിൽ.
ഇരമല്ലൂർ നെല്ലിക്കുഴി പൂമറ്റം കവലയിൽ തേലക്കാട്ട് വീട്ടിൽ ഷാജഹാൻ (45) ആണ് കോതമംഗലം പോലീസിന്റെ പിടിയിലായത്. കഴിഞ്ഞ മാസം നെല്ലിക്കുഴിയിലെ സൂപ്പർ മാർക്കറ്റിന്റെ ഷട്ടർ കുത്തി തുറന്ന് കൗണ്ടറിൽ ഉണ്ടായിരുന്ന പണം കവർന്ന് രക്ഷപെടുകയായിരുന്നു.
പ്രത്യേക സംഘം രൂപീകരിച്ച് പോലീസ് നടത്തിയ നീക്കത്തിലാണ് പെരുമ്പാവൂരിൽ നിന്നും ഷാജഹാൻ പിടിയിലായത്. സംസ്ഥാനത്തെ വിവിധ പോലീസ് സ്റ്റേഷനുകളിലെ മോഷണകേസുകളിൽ ഇയാൾ പ്രതിയാണ്.
മോഷണ കുറ്റത്തിന് ശിക്ഷിക്കപ്പെട്ട് കണ്ണൂർ സെൻട്രൽ ജയിലിൽ ആയിരുന്ന ഷാജഹാൻ കഴിഞ്ഞ മാസം ശിക്ഷ കഴിഞ്ഞ് ഇറങ്ങിയിരുന്നു.ജയിലിൽ നിന്നിറങ്ങി ദിവസങ്ങൾക്കുള്ളിലാണ് ഇയാൾ നെല്ലിക്കുഴിയിൽ കവർച്ച നടത്തിയത്.
അന്വേഷണ സംഘത്തിൽ ഇൻസ്പെക്ടർ അനീഷ് ജോയ്, എസ്.ഐ മാരായ കെ.എസ്.ഹരിപ്രസാദ്, അജി, എ.എസ്.ഐ മാരായ കെ.എം.സലിം. എം.എം.റജി, എസ്.സി.പി.ഒ മാരായ റ്റി.ആർ.ശ്രീജിത്ത്, നിജാസ്, നിഷാന്ത് കുമാർ, നിയാസ് മീരാൻ എന്നിവരാണ് ഉണ്ടായിരുന്നത്.
Latest news
ലൈല മരണപ്പെട്ടത് വിഷബാധ മൂലം ; അലിമുത്തിന്റെ മൊഴിയിൽ പൊരുത്തക്കേട്; ദരൂഹതയകറ്റാൻ പോലീസ് ഇടപെടൽ ശക്തം

കോതമംഗലം; വീട്ടിൽ അവശനിലയിൽ കാണപ്പെട്ട യുവതി മരിച്ചത് ശക്തിയേറിയ വിഷം ഉള്ളിച്ചെന്നിട്ടെന്ന് പോസ്റ്റ്മോർട്ടത്തിൽ സൂചന.ദൂരൂഹത അകറ്റാൻ പോലീസ് ഇടപെടൽ ശക്തം.
നേര്യമംഗലം മുഞ്ചക്കൽ ഇബ്രാഹിമിന്റെ മകൾ ലൈലയാണ് മരണപ്പെട്ടത്. ഞായറാഴ്ച വൈകിട്ട് 5 മണിയോടെ ലൈലയെയും ബന്ധുവെന്ന് പറയപ്പെടുന്ന അലിമുത്തിനെയും നെല്ലിമറ്റത്തെ വാടകവീട്ടിൽ അവശനിലയിൽ കണ്ടെത്തുകയായിരുന്നു.
ഊന്നുകൽ പോലീസെത്തി ഇവരെ ആശുപത്രിയിൽ എത്തിക്കുകയുമായിരുന്നു.ലൈല താമസിയാതെ മരണപ്പെട്ടു.അലിമുത്ത് കളമശേരി മെഡിക്കൽ കോളേജിൽ ചികത്സയിലാണ്.
ഇന്നലെ ലൈയുടെ മൃതദ്ദേഹം ഇന്നലെ പോസ്റ്റുമോർട്ടം നടത്തി.ശക്തിയേറിയ വിഷം ഉള്ളിൽച്ചന്നതെന്നത് മൂലമാണ്് മരണപ്പെട്ടതെന്നാണ് പ്രാഥമീക പോസ്റ്റുമോർട്ടം റിപ്പോർട്ടിലെ സൂചന.
കൽക്കണ്ടം പൊടിച്ച് കഴിച്ചിരുന്നെന്നും തുടർന്നാണ് അവശരായതെന്നും അലിമുത്ത് പോലീസിനോട് വ്യക്തമാക്കിയിരുന്നു.കൽക്കണ്ടത്തിൽ നിന്നും വിഷബാധയുണ്ടാവാൻ സാധ്യതയില്ലന്നാണ് പോലീസ് നിഗമനം.സംഭവത്തിൽ കൂടുതൽ അന്വേഷണം ആവശ്യമാണെന്നും രാസപരിശോധന ഫലം കൂടി ലഭ്യമായാലെ കൃത്യാമായ വിവരങ്ങൾ വ്യക്തമാവു എന്നാണ് പോലീസ് പറയുന്നത്.
-
News5 months ago
കരടിപ്പാറ വ്യൂ പോയിന്റിൽ അപകടം ; കോതമംഗലം ചേലാട് സ്വദേശി മരിച്ചു
-
News4 months ago
കാട്ടുപോത്തിനെ വെടിവച്ച് കൊന്ന് , ഇറച്ചി കടത്തി ; അടിമാലിയില് നാടന് തോക്കുമായി 8 പേര് പിടിയില്
-
News3 months ago
അടിമാലി കൊരങ്ങാട്ടിയില് ഗൃഹനാഥനെ വീടിനുള്ളില് മരിച്ച നിലയില് കണ്ടെത്തി
-
Latest news3 weeks ago
പക്ഷി എൽദോസ് യാത്രയായി;ജഡം കണ്ടെത്തിയത് വനത്തിൽ , ഓർമ്മയാവുന്നത് തട്ടേക്കാടിനെ നെഞ്ചോട് ചേർത്ത പക്ഷി സ്നേഹി
-
News7 months ago
ലൈംഗീക അതിക്രമത്തിൽ സഹികെട്ട് പിതാവിനെ “സ്കെച്ചിട്ട് ” കൊലപ്പെടുത്തി 17 കാരി
-
Latest news1 week ago
അഗ്നിശമനസേന നീക്കം വിഫലം ; ഒഴുക്കിൽപ്പെട്ട ക്രാസിനെ കണ്ടെത്താൻ ആദിവാസികൾ പുഴയിൽ തിരച്ചിൽ ആരംഭിച്ചു
-
News8 months ago
കുതിരകുത്തിമലയിൽ സന്ദർശകരെ കാത്തിരിയ്ക്കുന്നത് കാഴ്ചകളുടെ പൂരം
-
Film News8 months ago
തങ്കു എന്താ ഇങ്ങിനെ.. ആകാംക്ഷയോടെ ആരാധകർ