Connect with us

Film News

കലാഭൻ സോബി ജോർജ്ജിന് പോലീസ് സംരക്ഷണം നൽകാൻ കോടതി ഉത്തരവ്

Published

on

കൊച്ചി ; വയലിനിസ്റ്റ് ബാലഭാസ്‌കറിന്റെ മരണവുമായി ബന്ധപ്പെട്ട് വിവാദ വെളിപ്പെടുത്തലുകൾ നടത്തിയ കലാഭവൻ സോബി ജോർജ്ജിന് പോലീസ് സംരക്ഷണം നൽകാൻ ഹൈക്കോടതി ഉത്തരവ്.

ഈ മാസം 8-ന് വൈകിട്ട് 3 മണിയോടെ ഒരു സംഘം ആളുകൾ ഓഫീസിൽ എത്തി ഭീകരാന്തരീക്ഷം സൃഷ്ടിച്ചിരുന്നെന്നും അഭിഭാഷകൻ വിവരം അറിയിച്ചതിനെത്തുടർന്ന് പോലീസ് സ്ഥലത്തെത്തിയെന്നും ഇതെത്തുടർന്നാണ് വലിയ അപത്തിൽ നിന്നും തനിക്ക് രക്ഷപെടാൻ സാധിച്ചതെന്നും സോബി ജോർജ്ജ് പത്രകുറുപ്പിൽ വ്യക്തമാക്കി.

ഇതുൾപ്പെടെ താൻ നേരിടുന്ന ഭീഷണികളെക്കുറിച്ച് തന്റെ അഭിഭാഷകൻ കോടതിയെ അറിയിച്ചെന്നും ഇതിന്റെ അടിസ്ഥാനത്തിൽ കോടതി പോലീസ് സംരക്ഷണം അനുവദിയ്ക്കുകയായിരുന്നെന്നും ഉത്തരവിന്റെ കോപ്പി പോലീസിന് കൈമാറിയതായും സോബി ജോർജ്ജ് അറിയിച്ചു.ഓഫീസ് ആക്രണസംഭവത്തിൽ പോലീസ് കേസെടുത്തിട്ടുണ്ട്.

 

1 / 1

Advertisement

Film News

‘വർഷങ്ങൾക്ക് ശേഷം’ പുറത്തിറങ്ങി രണ്ട് ദിവസംകൊണ്ട് നേടിയത് കോടികൾ

Published

on

By

കൊച്ചി ; വിനീത് ശ്രീനിവാസൻ സംവിധാനം ചെയ്ത ‘വര്‍ഷങ്ങള്‍ക്ക് ശേഷം’ വിജയകരമായി പ്രദര്‍ശനം തുടരുന്നു.റിലീസ് ചെയ്ത് ആദ്യ രണ്ട് ദിവസങ്ങളില്‍ 5.55 കോടി രൂപയാണ് ചിത്രം നേടിയത്.രണ്ടാം ദിനവും ഒട്ടും കുറയാതെ 2.50 കോടി രൂപ.

ആദ്യ ദിനത്തില്‍ സിനിമയുടെ മൊത്തത്തിലുള്ള മലയാളം ഒക്യുപന്‍സി 53.83% ആയിരുന്നു.വിഷു റിലീസായി മൂന്ന് സിനിമകളാണ് കഴിഞ്ഞദിവസം പ്രദര്‍ശനത്തിന് എത്തിയത്.ആവേശം, വര്‍ഷങ്ങള്‍ക്ക് ശേഷം, ജയ് ഗണേഷ്. മൂന്ന് ചിത്രങ്ങള്‍ക്കും നല്ല പ്രതികരണമാണ് ലഭിച്ചത്.

കേരളത്തിന്റെ കളക്ഷന്റെ കാര്യത്തില്‍ ജയ് ഗണേഷ് പിന്നോട്ട് പോയെങ്കിലും മികച്ച ത്രില്ലിംഗ് അനുഭവമാണ് ചിത്രം സമ്മാനിക്കുന്നതെന്ന് പ്രേക്ഷകര്‍ പറയുന്നു.വര്‍ഷങ്ങള്‍ക്കു ശേഷം കേരളത്തില്‍ നിന്ന് ആദ്യദിനം നേടിയത് 3 കോടിയും ആവേശം ആദ്യദിനം നേടിയത് 3.50 കോടിയും.  ജയ് ഗണേഷ് 50 ലക്ഷം ആണ് നേടിതെന്നാണ് റിപ്പോര്‍ട്ടുകള്‍.

1 / 1

Continue Reading

Film News

വിദ്യാർത്ഥികൾക്കായി “ദ കേരള സ്റ്റോറി” പ്രദർശിപ്പിച്ചു: വിവാദമായതിന് പിന്നാലെ വിശദീകരണവുമായി ഇടുക്കി രൂപത

Published

on

By

ഇടുക്കി: വിശ്വാസോത്സവത്തിന്റെ ഭാഗമായി 10 മുതൽ പ്ലസ്ടു വരെയുള്ള വിദ്യാർത്ഥികൾക്കായി വിവാദ സിനിമയായ “ദ കേരള സ്റ്റോറി” പ്രേദർശിപ്പിച്ച് ഇടുക്കി രൂപത. ഈ കഴിഞ്ഞ 4 നാണ് വിമർശനങ്ങൾക്ക് വഴി തെളിച്ച സംഭവം .

പ്രണയത്തെക്കുറിച്ചുള്ള ബോധവൽക്കരണത്തിന്റെ ഭാഗമായിട്ടാണ് കുട്ടികളുടെ മുന്നിൽ സിനിമ പ്രദർശിപ്പിച്ചതെന്നാണ് രൂപത അധികൃതരുടെ വാദം.

സംഭവം വിവാദമായതിന് പിന്നാലെ
ഫാ. ജിൻസ് കാരക്കാട് വിശദീകരണവുമായി രംഗത്തെത്തി .ക്ലാസിലെ ഒരു വിഷയം പ്രണയമായിരുന്നു എന്നും നിരവധി കുട്ടികൾ പ്രണയക്കൂരുക്കിൽ അകപ്പെടുന്ന കാലമായതിനാൽ ഇതുമായി ബന്ധപ്പെട്ട് സിനിമ കണ്ട് വിലയിരുത്താൻ കുട്ടികളോട് ആവശ്യപ്പെടുകയായിരുന്നു എന്നുമാണ് ഫാദറിന്റെ വിശദീകരണം.

കഴിഞ്ഞ ഏതാനം  ദിവസങ്ങൾക്ക് മുൻപ്  “ദ കേരള സ്റ്റോറി” ചിത്രം പ്രദർശിപ്പിക്കുന്നതിരെ മുഖ്യമന്ത്രി പിണറായി വിജയനടക്കമുള്ളവർ രംഗത്ത് വരുകയും കേരളത്തെ ഇകഴ്ത്തി കാണിക്കാനുള്ള നീക്കത്തിൽ നിന്ന് കേന്ദ്ര സർക്കാർ പിന്തിരിയണമെന്ന് സിപിഎം സംസ്ഥാന സെക്രട്ടറിയേറ്റ് അംഗങ്ങളടക്കം ആവശ്യപ്പെടുകയും ചെയിതിരുന്നെങ്കിലും പ്രതിഷേധങ്ങൾ വകവെക്കാതെ ചിത്രം  ദൂരദർശനിലും സംപ്രേഷണം ചെയ്യ്തിരുന്നു.കേരളത്തിൽ ഭിന്നിപ്പ് ലക്ഷ്യമിട്ടുള്ള നീക്കമാണെന്നും നഗ്‌നമായ പെരുമാറ്റ ചട്ടലംഘനമെന്നും പ്രതിപക്ഷ നേതാവ് വി.ഡി സതീശൻ വ്യക്തമാക്കി.

1 / 1

Continue Reading

Film News

വധഭീഷണിയും മോഷണവും ; സംവിധായകൻ ദേസിംങ് പെരിയ സ്വാമി സഹായിക്കെതിരെ പോലീസിൽ പരാതി നൽകി

Published

on

By

ചെന്നൈ ; സംവിധാന സഹായിക്കെതിരെ പരാതിയുമായി ദുല്‍ഖർ സല്‍മാൻ നായകനായ കണ്ണും കണ്ണും കൊള്ളയടിത്താല്‍ എന്ന ചിത്രത്തിന്‍റെ സംവിധായകൻ ദേസിങ് പെരിയസാമി.ദുല്‍ഖർ സല്‍മാൻ, രക്ഷൻ, ഋതു വർമ്മ, ഗൗതം മേനോൻ തുടങ്ങിയവരായിരുന്നു ആ ചിത്രത്തില്‍ പ്രധാനവേഷത്തില്‍ എത്തിയത്.

2018 മുതല്‍ തനിക്കൊപ്പമുള്ള മുഹമ്മദ് ഇഖ്ബാല്‍ എന്ന സംവിധാന സഹായിക്കെതിരെയാണ് ദേസിങ് പരാതി നല്‍കിയിരിക്കുന്നത്.

വീട്ടില്‍ നിന്ന് മൂന്ന് ലക്ഷം രൂപ മോഷ്ടിക്കുകയും തന്നെയും ഭാര്യയെയും കൊല്ലുമെന്ന് ഭീഷണിപ്പെടുത്തുകയും ചെയ്‌തെന്നാണ് പരാതി. സംഭവത്തില്‍ ചെന്നൈയിലെ അണ്ണാനഗർ പോലീസ് കേസെടുത്തു.

2018 മുതല്‍ തന്റെ കണക്കുകള്‍ നോക്കിയിരുന്ന മുഹമ്മദ് ഇഖ്ബാലിനോട് 150 ഗ്രാമോളം വരുന്ന സ്വര്‍ണാഭരണങ്ങള്‍ അണ്ണാനഗറിലെ സ്വകാര്യ ധനകാര്യ സ്ഥാപനത്തില്‍ പണയം വെച്ച്‌ പണം വാങ്ങാന്‍ ആവശ്യപ്പെട്ടിരുന്നു. എന്നാല്‍ ആഭരണം പണയപ്പെടുത്തി ലഭിച്ച മൂന്നുലക്ഷം രൂപ മുഹമ്മദ് ഇഖ്ബാല്‍ തട്ടിയെടുത്തുവെന്നാണ് ദേസിങിന്റെ പരാതി.

പണം ചോദിച്ചപ്പോള്‍ തന്നെയും ഭാര്യയെയും കൊല്ലുമെന്ന് ഭീഷണിപ്പെടുത്തിയതായും പരാതിയില്‍ പറയുന്നു.

നിലവില്‍ കമല്‍ഹാസൻ നിർമിച്ച്‌ ചിമ്പു നായകനാവുന്ന ‘എസ്ടിആർ 48’ എന്ന ചിത്രമാണ് ദേസിങ് പെരിയസാമി സംവിധാനം ചെയ്യുന്നത്.

1 / 1

Continue Reading

Film News

മച്ചാന്റെ മാലാഖ: സൗബിൻ ഷാഹിറും നമിത പ്രമോതും ഭാഗ്യ ജോഡികൾ, ഫസ്റ്റ് ലുക്ക് പോസ്റ്റർ പുറത്ത്

Published

on

By

എറണാകുളം: സൗബിൻ ഷാഹിർ, നമിതാ പ്രമോദ് എന്നിവരെ കേന്ദ്ര കഥാപാത്രങ്ങളാക്കി ബോബൻ സാമുവൽ സംവിധാനം ചെയ്യുന്ന പുതിയ ചിത്രം മച്ചാന്റെ മാലാഖയുടെ ഫസ്റ്റ്ലുക്ക് മോഷൻ പോസ്റ്റർ പുറത്ത് വിട്ടു.

ഈസ്റ്റർ ദിനത്തിൽ നടൻ ടൊവിനോ തോമസിന്റെ ഒഫീഷ്യൽ ഇൻസ്റ്റാഗ്രാം പേജിലൂടെയാണ് മോഷൻ പോസ്റ്റർ പങ്ക് വച്ചത്.ഷീലു എബ്രഹാം അവതരിപ്പിക്കുന്ന ചിത്രം നിർമ്മിക്കുന്നത് അബാം മൂവീസിൻ്റെ ബാനറിൽ ഏബ്രഹാം മാത്യുവാണ്.

കുടുംബ ബന്ധങ്ങളുടെ കെട്ടുറപ്പും, ആർദ്രതയും, ഹൃദയസ്പർശിയായ നർമ്മ മുഹൂർത്തങ്ങളിലൂടെയും ഈ ചിത്രം കടന്ന് പോകുന്നു. സാധാരണക്കാരനായ ബസ് കൺഡക്ടർ സജീവന്റെയും മെഡിക്കൽ ഷോപ്പ് ജീവനക്കാരിയായ ബിജി മോളുടേയും ജീവിതത്തെയാണ് ഈ ചിത്രം പ്രധാനമായും എടുത്ത് കാണിക്കാൻ ശ്രമിക്കുന്നത്.

നാട്ടിൻ പുറത്തെ രസകരമായ പ്രണയ മുഹൂർത്തങ്ങൾക്കിടയിൽത്തന്നെ അപ്രതീക്ഷിതമായ ചില വഴിത്തിരിവുകൾ കടന്നുവരുന്നതാണ് ഈ ചിത്രത്തെ വ്യത്യസ്ഥമാക്കുന്നത്.
മോഷൻ പോസ്റ്റർ പുറത്ത് വന്നതിന് പിന്നാലെ മികച്ച പ്രക്ഷക പ്രതികരണത്തിനൊപ്പം നിരവധി ആളുകളാണ് സാമൂഹ്യ മാധ്യമങ്ങളിൽ പങ്ക് വച്ചത്.

1 / 1

Continue Reading

Film News

ആടുജീവിതം വ്യാജ പതിപ്പ്; സാമൂഹ്യ മാധ്യമങ്ങളിൽ അടക്കം പ്രചരിപ്പിക്കാൻ ശ്രമം, ആറന്മുള സ്വദേശി പിടിയിൽ

Published

on

By

ആലപ്പുഴ: ചെങ്ങന്നുരിൽ  ആടുജീവിതം മൊബൈലിൽ പകർത്തി  സാമൂഹ്യ മാധ്യമങ്ങളിലടക്കം  പ്രചരിപ്പിക്കാൻ ശ്രമം. ഒരാൾ പിടിയിൽ . ആറന്മുള സ്വാദേശി ജോസഫ് ജോണി ആണ് ചെങ്ങന്നൂർ പോലീസിന്റെ പിടിയിലായത്.

ഇന്നലെ രാത്രിയാണ് ഇയാൾ തീയേറ്ററിൽ നിന്നും ചിത്രം മൊബൈലിൽ പകർത്തി വ്യാജ ടെലിഗ്രാം അക്കൗണ്ടിലൂടെ പ്രചരിപ്പിക്കാൻ ശ്രമിച്ചത്. ഇതിന് മുൻപും പല സിനിമകളുടെയും വ്യാജ പ്രിന്റുകൾ സാമൂഹ്യ മാധ്യമങ്ങളിലടക്കം പ്രചരിച്ച സഹജര്യത്തിൽ കടുത്ത നടപടികളിലേക്ക് കടക്കാനാണ് പോലീസിന്റെ തീരുമാനം.

ആടുജീവിതത്തിന്റെ മറ്റൊരു വ്യാജ പതിപ്പ് കാനഡയിൽ പ്രചരിക്കുന്നതായാണ് സൂചന. ആ കേസ് നിലനിൽക്കുബോഴാണ് ഇത്തരത്തിൽ ദൗർഭാഗ്യകരമായ സംഭവം.

വ്യാജ പതിപ്പിനെതിരെ എറണാകുളം സൈബർ സെല്ലിലാണ് സംവിധായകൻ പരാതി നൽകിയത്. പ്രിന്റുമായി ബന്ധപ്പെട്ട സ്ക്രീൻ ഷോട്ടുകളും കൈമാറി.

അണിയറ പ്രവർത്തകരുടെയും അഭിനയതാക്കുളുടെയും 16 വർഷത്തെ കാത്തിരിപ്പിന് ശേഷമാണ് ആടുജീവിതം പൂർത്തിയായത്. 7.60 കോടിരൂപയാണ് ചിത്രം ആഗോളതലത്തിൽ സ്വന്തമാക്കിയത്.

1 / 1

Continue Reading

Trending

error: