കൊച്ചി;നടന്‍ ദിലീപിന്റെ വീട്ടിലും ഗ്രാന്റ് പ്രൊഡക്ഷന്റെ ഓഫീസിലും സഹോദരന്‍ അനൂപിന്റെ വീട്ടിലുമായി ഇന്ന് ക്രൈംബ്രാഞ്ച് നടത്തിയ റെയ്ഡ് എന്തിനുവേണ്ടിയായിരുന്നു എന്ന കാര്യത്തില്‍ ചര്‍ച്ചകള്‍ സജീവം.

രാവിലെ 11.30 തോടെ ആരംഭിച്ച റെയ്ഡ് വൈകിട്ടി 5 മണിക്കും തുടരുകയായിരുന്നു.കഴിഞ്ഞ ദിവസങ്ങളില്‍ സംവിധായകന്‍ ബാലചന്ദ്രകുമാര്‍ നടത്തിയ വെളിപ്പെടുത്തലുകളുടെയും ഇദ്ദേഹം നല്‍കിയ തെളിവുകളുടെയും അടിസ്ഥാനത്തില്‍ ക്രൈംബ്രാഞ്ച് രജിസ്റ്റര്‍ ചെയ്തിട്ടുള്ള കേസുമായി ബന്ധപ്പെട്ടാണ് ഇന്ന് ഒരെ സമയം മൂന്നിടങ്ങളിലും ക്രൈംബ്രാഞ്ച റെയ്ഡ് നടത്തിയത്.ക്രൈംബ്രാഞ്ച് ഡി വൈ എസ് പി ബൈജു പൗലോസിന്റെ പരാതിയിലാണ് ക്രൈംബ്രാഞ്ച് കേസെടുത്തിട്ടുള്ളത്.

ഈ കേസില്‍ ദിലീപ് ഒന്നാം പ്രതിയാണ്.സഹോദരന്‍ അനൂപ്, സഹോദരീ ഭര്‍ത്താവ് സുരാജ് എന്നിവരെയും കേസില്‍ പ്രതി ചേര്‍ത്തിട്ടുണ്ട്.നടിയെ ആക്രമിച്ച കേസ് അന്വേഷിച്ച ഉദ്യോഗസ്ഥരെ കൊലപ്പെടുത്താന്‍ ഗൂഢാലോചന നടത്തി എന്നാണ് പുതിയ കേസില്‍ ദിലീപിനെതിരെയുള്ള പ്രധാന ചാര്‍ജ്ജ്.ഈ കേസില്‍ ദിലീപും കൂട്ടരും നല്‍കിയ മുന്‍കൂര്‍ ജാമ്യപേക്ഷ നാളെ ഹൈക്കോടതി പരിഗയ്ക്കുന്നുണ്ട്.

സംഭവം നടന്നിട്ട്് ഇത്രയും വര്‍ഷങ്ങള്‍ പിന്നിട്ട സാഹചര്യത്തില്‍ ദിലീപിന്റെ വീട്ടില്‍ നിന്നോ ബന്ധപ്പെട്ട മറ്റിടങ്ങളില്‍ നിന്നോ കേസില്‍ പ്രയോജനപ്പെടുന്ന ഏതെങ്കിലും തരത്തിലുള്ള തെളിവുകള്‍ ക്രൈംബ്രാഞ്ചിന് ലഭിക്കുന്നതിനുള്ള സാധ്യത വിരളമാണെന്നാണ് പൊതുവില്‍ ഉയരുന്ന അഭിപ്രായം.ദോഷം ചെയ്യുന്ന രേഖകളോ ഡിജിറ്റല്‍ വിവരങ്ങളോ ഒരുകാരണവാശാലും ദിലീപ് സൂക്ഷിച്ചുവയ്ക്കാന്‍ സാധ്യതയില്ലന്ന് അഭിപ്രായപ്പെടുന്നവരും കുറവല്ല.

ഡിജിറ്റല്‍ തെളിവുകള്‍ നശിപ്പിയ്ക്കപ്പെട്ടിട്ടുണ്ടെങ്കില്‍ അത് വീണ്ടെടുക്കുന്നതിനുള്ള സാധ്യത നിലനില്‍ക്കുന്നു എന്നും ഈ വഴിയ്ക്കുള്ള ശ്രമം വിജയിക്കാന്‍ സാധ്യതയുണ്ടെന്നും ചൂണ്ടികാണിയ്ക്കപ്പെടുന്നു.

ആലുവയിലെ പത്മസരോവരം എന്ന വീട്ടില്‍ പരിശോധന നടക്കുമ്പോള്‍ ദീലീപ് ഇവിടെ ഉണ്ടായിരുന്നു.ഗെയിറ്റ് ചാടികടന്നാണ് ആദ്യം ഏതാനും ഉദ്യോഗസ്ഥര്‍ വിട്ടിലേയ്ക്ക് കടന്നത്.പിന്നീടാണ് സഹോദരിയെത്തി ഗെയിറ്റ് തുറന്നത്.

ചോദ്യം ചെയ്യലല്ല,പരിശോധന മാത്രമാണ് നടക്കുന്നതെന്നും ദിലീപ് സഹകരിക്കുന്നുണ്ടെന്നും ക്രൈംബ്രാഞ്ച് മോഹന ചന്ദ്രന്‍ ഉച്ചയ്ക്ക് മാധ്യമങ്ങളോട് വ്യക്തമാക്കിയിരുന്നു.

കൊച്ചി ; കുറ്റകൃത്യത്തെ കുറിച്ച് നേരില്‍ ബോദ്ധ്യമുള്ള കാര്യങ്ങള്‍ തുറന്ന് പറഞ്ഞപ്പോള്‍ മാനസിക സമ്മര്‍ദ്ദം ഒഴിഞ്ഞെന്നും ആശ്വാസമായെന്നും സംവിധായകന്‍ ബാലചന്ദ്രകുമാര്‍.

നടിയെ ആക്രമിച്ച് കേസില്‍ ഇന്നലെ എറണാകുളം ക്രൈംബ്രാഞ്ച് ഓഫിസിലെത്തി ബാല ചന്ദ്രകുമാര്‍ മൊഴി നല്‍കിയിരുന്നു.ഇതിന് ശേഷം മാധ്യമങ്ങളോടും സൗഹൃദ വൃന്ദത്തില്‍പ്പെട്ടവരോടുമുള്ള സംസാരത്തിനിടെയാണ് ബാലചന്ദ്രകുമാര്‍ ഇക്കാര്യം വ്യക്തമാക്കിയത്.

നടിയെ പീഡിപ്പിച്ച കേസ് അന്വേഷിച്ച ഉദ്യോഗസ്ഥരെ വകവരുത്താനും സാക്ഷികളെ സ്വാധീനിക്കാനും ദിലീപ് നീക്കം നടത്തിയെന്ന്് മുഖ്യമന്ത്രിയ്ക്ക് നല്‍കിയ കത്തില്‍ ബാലചന്ദ്രകുമാര്‍ ആരോപിച്ചിരുന്നു.ഇത് സംബന്ധിയ്ക്കുന്ന ഏതാനും ശബ്ദരേഖകളും അടുത്തിടെ പുറത്തുവന്നിരുന്നു.

തന്റെ കത്തില്‍ പരാമര്‍ശിച്ചിട്ടുള്ള കാര്യങ്ങള്‍ ശരിയാണെന്ന് വ്യക്തമാക്കുന്ന ഡിജിറ്റല്‍ തെളിവുകള്‍ ഉദ്യോഗസ്ഥ സംഘത്തിന് കൈമാറയിട്ടുണ്ട്. താന്‍ പറഞ്ഞിട്ടുള്ള കാര്യങ്ങള്‍ ശാസ്ത്രീയമായി തെളിയിക്കുന്നതിന് അന്വേഷണ സംഘത്തിന്   ഇത് സഹായകമാവുമെന്നാണ് പ്രതീക്ഷ.ബാലചന്ദ്രകുമാര്‍ വ്യക്തമാക്കി.

കൊച്ചി ;നടിയെ പള്‍സര്‍ സുനി ഉപദ്രവിയ്ക്കുന്നത് ദീലീപ് ആസ്വദിച്ചത് റിക്കോര്‍ഡിംഗ് സ്റ്റുഡിയോയിലെ സാങ്കേതിക വിദഗ്ധരുടെ സഹായത്താല്‍ എന്ന സംവിധായകന്‍ ബാലചന്ദ്രകുമാറിന്റെ വെളിപ്പെടുത്തലില്‍ വ്യക്തവരുത്താന്‍ പോലീസ് നീക്കം.

കേസില്‍ അന്വേഷണം നടത്തുന്ന ക്രൈംബ്രാഞ്ച് ഡി വൈ എസ് പി ബിജു പൗലോസിന്റെ നേതൃത്വത്തിലുള്ള സംഘം ഇക്കാര്യത്തില്‍ ഉടന്‍ തെളിവെടുപ്പ് ആരംഭിയ്ക്കുമെന്നാണ് സൂചന.

നടിയെ കടത്തിക്കൊണ്ടുപോകുന്നതിനിടെ വാഹനത്തില്‍ വച്ച് പള്‍സര്‍ സുനിയും സംഘവും ചിത്രീകരിച്ച ദൃശ്യങ്ങളില്‍ ശബ്ദത്തത്തിന് വ്യക്തത ഇല്ലായിരുന്നെന്നും റിക്കോഡിംഗ് സ്റ്റുഡിയോയിലെ സാങ്കേതിക വിദഗ്ദരുടെ സഹായത്താല്‍ ശബ്ദത്തിന് വ്യക്തത വരുത്തുകയായിരുന്നെന്നും സംവിധായകന്‍ വെളിപ്പെടുത്തിയതായിട്ടാണ് വിവരം.

ഭയവും സങ്കടവും തോന്നിയിട്ടാണ് ദൃശ്യങ്ങള്‍ കാണാതിരുന്നതെന്നും ഉള്ളില്‍ ദിലീപിനോട് അമര്‍ഷം ഉണ്ടായിരുന്നതിനാല്‍ സ്വന്തം ടാബില്‍ ദൃശ്യങ്ങള്‍ക്കൊപ്പമുള്ള ശബ്ദം അതേപടി റെക്കോര്‍ഡ് ചെയ്തു സൂക്ഷിച്ചുവെന്നും സംവിധായകന്‍ മൊഴി നല്‍കിയതായുള്ള വിവരവും പുറത്തുവന്നിട്ടുണ്ട്.