News
വലിപ്പവും സവിശേഷതകളും ശ്രദ്ധേയം ; ഭൂതത്താന്കെട്ടില് ഗ്രീന്ലാന്റ് യാത്രക്കാര്ക്ക് സമ്മാനിക്കുന്നത് നവ്യാനുഭൂതി
കൊച്ചി;95 പേര്ക്ക് ഇരുന്ന് യാത്ര ചെയ്യാം.പരമ്പാരഗത രീതിയില് തയ്യാര് ചെയ്ത ഇരിപ്പിടങ്ങള്.ഡാന്സ് ചെയ്യാനും വിനോദങ്ങളില് ഏര്പ്പെടാനും വേണ്ടെത്ര സൗകര്യങ്ങള്.ഒപ്പം അന്താരാഷ്ട്രനിലവാരത്തിലുള്ള സുരക്ഷ ക്രമീകരണങ്ങളും.
ഭൂത്താന്കെട്ടില് പെരിയാറില് ബോട്ടിംഗിനായി എത്തിച്ചിട്ടുള്ള ഏറ്റവും വലിയ ബോട്ടായ ഗ്രീന്ലാന്റിന്റെ സവിശേഷതകളെ ചുരുക്കിത്തില് ഇങ്ങിനെ വിവരിയ്ക്കാം.ഓളപ്പരപ്പില് ഒഴുകി നടക്കുന്ന ചെറുകൊട്ടാരം എന്നൊക്കെ വേണമെങ്കില് ഈ ബോട്ടിനെ നമുക്ക് വിശേഷിപ്പിക്കാം.
പൂര്ണ്ണമായും സ്റ്റീലിലാണ് നിര്മ്മിച്ചിട്ടുള്ളത്.ഒരു തുള്ളി വെള്ളം കയറിയാല് പോലും അറിയാനുള്ള ഏറ്റവും ആധുനീക സംവിധാനങ്ങളും ഘടിപ്പിച്ചിട്ടുണ്ട്.മുഴുവന് യാത്രക്കാരും ഒരു വശത്തുതന്നെ കേന്ദ്രീകരിച്ചാലും ബോട്ടിന് ഒരു അനക്കം പോലും അനുഭവപ്പെടില്ലന്ന് ബോട്ടിന്റെ സാരഥിയും ഭൂതത്താന്കെട്ട് സ്വദേശിയുമായി ജോബി വ്യക്തമാക്കി.
എല്ലാ യാത്രക്കാര്ക്കും ഗുണമേന്മയുള്ള ജാക്കറ്റുകള് ബോട്ടില് ലഭ്യമാണ്.ബോട്ടില് കയറിയാല് ഉടന് ജാക്കറ്റുകള് ധരിയ്ക്കണം.കടന്നുപോകുന്ന പ്രദേശങ്ങളെക്കുറിച്ചും ഇവിടുത്തെ സവിശേഷതകളെക്കുറിച്ചും മറ്റുമുള്ള വിവരണവും ബോട്ടിലെ സൗണ്ട് സിസ്റ്റം വഴി യാത്രക്കാര്ക്ക് ലഭിക്കും.
പാട്ടുപാടാനും ഇഷ്ടമുള്ള പാട്ടുകള് മികച്ച സൗണ്ട് ക്വാളിറ്റിയില് ആസ്വദിയ്ക്കുന്നതിനും ഈ ബോട്ടില് സൗകര്യം ഏര്പ്പെടുത്തിയിട്ടുണ്ട്.
ഭൂത്താന്കെട്ട് സ്വദേശിയും കഴിഞ്ഞ 20 വര്ഷത്തിലേറെയായി ടൂറിസം രംഗത്ത് പ്രവര്ത്തിച്ച് വരികയും ചെയ്യുന്ന ജോബിയാണ് ബോട്ടിന്റെ സാരഥി.പെരിയാറിന്റെ ഓരോ മുക്കും മുലയും ജോബിക്ക് മനപാഠമാണ്.
ബോട്ടുയാത്രയിലെ പ്രധാന ആകര്ഷക ഘടകം പെരിയാറിന്റെ തീരങ്ങളിലെ കാഴ്ചകള് തന്നെ.എവിടേയ്ക്ക് നോക്കിയാലും പച്ച പുതച്ച താഴ്വാരങ്ങളും മലനിരകളും കാണാം.കാട്ടാനകൂട്ടങ്ങളുടെ വിവാഹാര കേന്ദ്രം കൂടിയാണ് പെരിയാര് തീരങ്ങള്.മാനും കേഴയും മയിലും മലയണ്ണാനുമൊക്കെ ഇടയ്ക്ക് തീരങ്ങളില് പ്രത്യക്ഷപ്പെടാറുണ്ട്.
കോതമംഗലം കെ എസ് ആര് ടി സി ഡിപ്പോയില് നിന്നുള്ള ജംഗിള് സഫാരി യാത്രക്കാര്ക്ക് ഭൂതത്താന്കെട്ടില് നിന്നും കുട്ടമ്പുഴവരെ അധികൃതര് ബോട്ട് യാത്രസൗകര്യം ഒരുക്കിയിട്ടുണ്ട്. കെ എസ് ആര് ടി സി യുടെ ഈ പുതിയ നീക്കത്തില് ഗ്രീന്ലാന്റും പങ്കാളിയാണ്.
ഭൂതത്താന് കെട്ടില് ബസ്സിറുങ്ങുന്ന യാത്രക്കാര് നേരെ ഗ്രീന്ലാന്റിലേയ്ക്കാണ് കാല്വയ്ക്കുന്നത്.പിന്നെ ഒരു മണിക്കൂര് ജലാശയത്തില് കൂടിയുള്ള ചുറ്റിക്കറക്കം.യാത്ര അവസിനിക്കുന്നത് കുട്ടമ്പുഴയിലാണ്.ഇവിടെ ഇവര് എത്തിയ ബസ്സില് മൂന്നാറിലേയ്ക്ക് യാത്ര തുടരുന്ന വിധത്തിലാണ് അധികൃതര് സഫാരി ക്രമീകരിച്ചിട്ടുള്ളത്.
ബോട്ടില് 95 പേര്ക്ക് സീറ്റിംഗ് കപ്പാസിറ്റിയുണ്ടെങ്കിലും 50 പേര്ക്ക് മാത്രമാണ് പെരിയാര്വാലി അധികൃതര് യാത്ര അനുമതി നല്കിയിട്ടുള്ളു.ഇതില് താമസിയാതെ ഇളവുകള് ഉണ്ടാവുമെന്ന പ്രതീക്ഷയിലാണ് ജോബിയും കൂട്ടരും.
Latest news
കശ്മീരിലേയ്ക്ക് വിനോദയാത്ര പോയ മലയാളികള് സഞ്ചരിച്ച വാഹനം ട്രക്കില് ഇടിച്ച് മലയാളി യുവാവ് മരിച്ചു
ന്യൂ ഡൽഹി: ജമ്മു കശ്മീരില് മലയാളി വിനോദ സഞ്ചാരികള് സഞ്ചരിച്ച വാഹനം അപകടത്തില്പ്പെട്ട് ഒരാള് മരിച്ചു. കോഴിക്കോട് നാദാപുരം ഇയ്യങ്കോട് പുത്തന്പീടികയില് പിപി സഫ്വാന് (23) ആണ് മരിച്ചത്. അപകടത്തില് 11 പേര്ക്ക് പരിക്കേറ്റു. ഇതില് ആറു പേരുടെ നില ഗുരുതരമാണ്.
ജമ്മു കശ്മീരിലേക്ക് വിനോദ യാത്ര പോയതായിരുന്നു സഫ്വാനും സംഘവും. ബനിഹാളില് ഇന്നലെ രാത്രിയോടെയാണ് അപകടമുണ്ടായത്. ഇവർ സഞ്ചരിച്ചിരുന്ന വാൻ ഒരു ട്രക്കില് ഇടിക്കുകയായിരുന്നു. 16 യാത്രക്കാരാണ് വാനില് ഉണ്ടായിരുന്നത്. ഇതില് 12 പേരും മലയാളികളായിരുന്നു. അപകടത്തില് പരിക്കേറ്റ സ്ഫ്വാനെ ഉടന് ആശുപത്രിയില് എത്തിച്ചെങ്കിലും രക്ഷിക്കാനായില്ല.
മലപ്പുറം ജാമിയ സലഫിയ ഫാര്മസി കോളജിലെ പൂര്വ വിദ്യാര്ത്ഥികളാണ് അപകടത്തില്പ്പെട്ടത്. മലപ്പുറം സ്വദേശി ബാസിം അബ്ദുല്ബാരി(25), കുന്നമംഗലം സ്വദേശി ഡാനിഷ് അലി(23), തിരുവനന്തപുരം സ്വദേശി മുഹമ്മദ് സുഹൈല്(24), നാദാപുരം സ്വദേശി തല്ഹത്(25) അസ്ഹര്(28), നിസാം (26) എന്നിവര്ക്കാണ് ഗുരുതരമായി പരിക്കേറ്റത്. പരിക്കേറ്റവര് ജിഎംസി അനന്ദ്നാഗ് ആശുപത്രിയില് ചികിത്സയിലാണ്.
Latest news
കോതമംഗലത്ത് നിന്നും കാണാതായ എസ്.ഐ ഷാജി പോളിനെ മൂന്നാറിൽ നിന്നും കണ്ടെത്തി
കോതമംഗലം:കാണാതായതിനെത്തുടർ ന്ന് പോലീസ് അന്വേഷിച്ചു വന്നിരുന്ന എസ് ഐ ഷാജി പോളിനെ മൂന്നാറിൽ നിന്നും പോലീസ് കണ്ടെത്തി
ഇന്ന് രാവിലെ 9.30 തോടെയാണ് പോലീസ് സംഘം ഷാജിയെ കണ്ടെത്തുന്നത്. പോത്താനിക്കാട് പോലീസ് ഷാജിയിൽ നിന്നും വിവരങ്ങൾ ശേഖരിച്ചു വരുന്നു. നടപടികൾ പൂർത്തിയാവുന്ന മുറയ്ക്ക് കോതമംഗലം കോടതിയിൽ ഹാജരാക്കും.
കോതമംഗലം സ്റ്റേഷനിലെ ഗ്രേഡ് എസ് ഐ പൈങ്ങോട്ടൂർ മാമുട്ടത്തിൽ ഷാജി പോളി(53)നെ ചൊവ്വാഴ്ച മുതൽ കാണാതായിരുന്നു.ചൊവ്വാഴ്ച രാവിലെ ജോലിയ്ക്കായി വീട്ടിൽ നിന്നറങ്ങിയ ഇദ്ദേഹം സ്റ്റേഷനിൽ എത്തിയിരുന്നില്ല.വൈകിട്ടോടെ വീട്ടുകാരും സഹപ്രവർത്തകരും ചേർന്ന് ഇദ്ദേഹത്തെ കണ്ടെത്താൻ തിരച്ചിൽ ആരംഭിച്ചിരുന്നു.
ഇന്നലെ ഉച്ചവരെ വിവരം ഒന്നും ലഭിച്ചില്ല.തുടർന്ന് വീട്ടുകാരുടെ പരാതിയുടെ അടിസ്ഥാനത്തിൽ സംഭവത്തിൽ പോത്താനിക്കാട് പോലീസ് മിസിംഗ് കേസ് രജിസ്റ്റർ ചെയ്തിരുന്നു.
എസ്ഐക്ക് വീട്ടിൽ നിന്നും മാറി നിൽക്കേണ്ടതായി ഒരു പ്രശ്നവും ഇല്ലന്നാണ് പോലീസിന്റെ പ്രാഥമീക അന്വേഷണത്തിൽ വ്യക്തമായിരുന്നത്. ഇന്നലെ രാത്രി 8.15 ഓടെ ഷാജി പോൾ മൂന്നാറിൽ എത്തിയതായി പോലീസിന് സൂചന ലഭിച്ചു.കാണാതായത് മുതൽ സൈബർ സെല്ലുവഴി മൊബൈലൊക്കേഷൻ കണ്ടെത്താൻ പോലീസ് നീക്കം ആരംഭിച്ചിരുന്നു.
ഇടയ്ക്ക് മൊബൈൽ ഓൺ ചെയ്യുകയും പെട്ടെന്ന് ഓഫാക്കുകയും ചെയ്യുന്ന ഷാജി പോൾ
അന്വേഷക സംഘത്തിന് വെല്ലുവിളി സൃഷ്ടിച്ചിരുന്നു.പൈങ്ങോട്ടൂരിൽ നിന്നും കറുകടത്തെത്തി കോതമംഗലം,നേര്യമംഗലം വഴിയായിരിക്കാം ഷാജി മുന്നാറിൽ എത്തിയതെന്നാണ് പ്രാഥമീക നിഗമനം.ഇവിടം കേന്ദ്രീകരിച്ച് ഇന്നലെ മുതൽ പോലീസ് തിരച്ചിൽ ശക്തിപ്പെടുത്തിയിരുന്നു.
Latest news
വേനൽ കടുത്തു;റെയിൽവെയുടെ കുടിവെള്ള വിതരണവും പ്രതിസന്ധിയിൽ
തിരുവനതപുരം: വേനൽ കടുത്തതോടെ കുടിവെള്ള പ്രതിസന്ധയിൽ നട്ടം തിരിഞ്ഞിരിക്കുകയാണ് ഇന്ത്യൻ റെയിൽവേ. മിക്ക ഇടങ്ങളിലും പ്രാഥമിക ആവശ്യങ്ങൾക്ക് പോലും വെള്ളമില്ലാത്ത സാഹചര്യത്തിൽ വന്ദേ ഭാരതിൽ യാത്രക്കാർക്ക് നൽകിയിരുന്ന ഒരു ലിറ്റർ കുപ്പിവെള്ളം ഇനി ഉണ്ടാകില്ല.
പകരം അര ലിറ്റർ കുപ്പിയിൽ വെള്ളം നൽകിയാൽ മതിയെന്നാണ് ജീവനക്കാരുടെ തീരുമാനം. ജലം പാഴാക്കുന്നതിന്റെ അളവ് കുറക്കുക എന്നതാണ് പ്രധാന ഉദ്ദേശമെങ്കിലും കൂടുതൽ യാത്രക്കാരും അധിക ദൂരം യാത്ര ചെയ്യാത്തതും ഇത്തരമൊരു തീരുമാനമെടുക്കാൻ ഇന്ത്യൻ റെയിൽവേയെ പ്രേരിപ്പിച്ചു.
എങ്കിലും കൂടുതൽ ജലം ആവശ്യമായി വന്നാൽ വീണ്ടും 500 മില്ലി ലിറ്ററിന്റെ കുപ്പിവെള്ളം യാത്രക്കാർക്ക് സ്വാജന്യമായി നൽകും. കുടിവെള്ളം അനാവശ്യമായി പാഴാക്കുന്നത് താടയാനാണ് ഇത്തരത്തിലൊരു നടപടി സ്വാകരിക്കുന്നത് എന്ന് ഉത്തര റെയിൽവേ ചീഫ് പബ്ലിക് റിലേഷൻസ് ഓഫീസർ ദീപക് കുമാർ വ്യക്തമാക്കി.
ശതാബ്ദി ട്രെയിനുകളിലും വെള്ളം പാഴാക്കുന്നത് തടയുന്നതിന്റെ ഭാഗമായി യാത്രക്ക് 500 മില്ലി ലിറ്റർ ബോട്ടിലിന്റെ വെള്ളമാണ് ലഭിക്കുക. കൂടാതെ ജലസംരക്ഷണത്തിന്റെ ഭാഗമായി സെൻട്രൽ റെയിൽവേ കോച്ചുകളും പ്ലാറ്റ്ഫോമുകളും വൃത്തിയാക്കുന്നതിന് 32 റീസൈക്ലിങ് പ്ലാന്റുകളിലൂടെ ദിവസേന ഏകദേശം ഒരു കോടി ലിറ്റർ വെള്ളമാണ് റീസൈക്കിൾ ചെയ്ത് ഉപയോഗിക്കുന്നത്.
Latest news
കോതമംഗലത്തുനിന്നും കാണാതായ എസ്ഐ ഷാജി പോൾ മൂന്നാറിൽ?തിരച്ചിൽ ശക്തമാക്കി പോലീസ്
കോതമംഗലം;ജോലിയ്ക്കായി വീട്ടിൽ നിന്നും പുറപ്പെട്ട പോലീസ് ഉദ്യോഗസ്ഥനെ കണ്ടെത്തുന്നതിനായി സഹപ്രവർത്തകരും ഉറ്റവരും അടുപ്പക്കാരും നടത്തിവരുന്ന അന്വേഷണം തുടരുന്നു.
കോതമംഗലം സ്റ്റേഷനിലെ ഗ്രേഡ് എസ് ഐ പൈങ്ങോട്ടൂർ മാമുട്ടത്തിൽ ഷാജി പോളി(53)നെയാണ് കാണാതായിട്ടുള്ളത്.
ചൊവ്വാഴ്ച രാവിലെ ജോലിയ്ക്കായി വീട്ടിൽ നിന്നറങ്ങിയ ഇദ്ദേഹം സ്റ്റേഷനിൽ എത്തിയിരുന്നില്ല.വൈകിട്ടോടെ വീട്ടുകാരും സഹപ്രവർത്തകരും ചേർന്ന് ഇദ്ദേഹത്തെ കണ്ടെത്താൻ തിരച്ചിൽ ആരംഭിച്ചിരുന്നു.
ഇന്നലെ ഉച്ചവരെ വിവരം ഒന്നും ലഭിച്ചില്ല.തുടർന്ന് വീട്ടുകാരുടെ പരാതിയുടെ അടിസ്ഥാനത്തിൽ സംഭവത്തിൽ പോത്താനിക്കാട് പോലീസ് മിസിംഗ് കേസ് രജിസ്റ്റർ ചെയ്തു.
എസ്ഐക്ക് വീട്ടിൽ നിന്നും മാറി നിൽക്കേണ്ടതായി ഒരു പ്രശ്നവും ഇല്ലന്നാണ് പോലീസിന്റെ പ്രാഥമീക അന്വേഷണത്തിൽ വ്യക്തമായിട്ടുള്ളത്.
ഇന്നലെ രാത്രി 8.15 ഓടെ ഷാജി പോൾ മൂന്നാറിൽ എത്തിയതായി പോലീസിന് സൂചന ലഭിച്ചു.കാണാതായത് മുതൽ സൈബർ സെല്ലുവഴി മൊബൈലൊക്കേഷൻ കണ്ടെത്താൻ പോലീസ് നീക്കം ആരംഭിച്ചിരുന്നു.
ഇടയ്ക്ക് മൊബൈൽ ഓൺ ചെയ്യുകയും പെട്ടെന്ന് ഓഫാക്കുകയും ചെയ്യുന്ന രീതിയാണ് ഷാജി പോൾ സ്വീകരിച്ചുവരുന്നത്.
തന്നെ മൊബൈൽ ലൊക്കേഷൻ കേന്ദ്രീകരിച്ചുള്ള അന്വേഷണം ഒരു പക്ഷെ പ്രയോജനം ചെയ്യില്ലന്നാണ്് ചൂണ്ടികാണിയ്ക്കപ്പെടുന്നത്.
പൈങ്ങോട്ടൂരിൽ നിന്നും കറുകടത്തെത്തി ,കോതമംഗല,നേര്യമംഗലം വഴിയായിരിക്കാം ഷാജി മുന്നാറിൽ എത്തിയതെന്നാണ് പ്രാഥമീക നിഗമനം.ഇവിടം കേന്ദ്രീകരിച്ച് പോലീസ് തിരച്ചിൽ ശക്തിപ്പെടുത്തിയിട്ടുണ്ട്.
Latest news
ജോലിസ്ഥലത്തേയ്ക്ക് പുറപ്പെട്ട എസ് ഐയെ കാണാനില്ല; പോത്താനിക്കാട് പോലീസ് കേസെടുത്തു,തിരച്ചില് ഊര്ജ്ജിതം
കോതമംഗലം; ജോലിയ്ക്കായി വീട്ടില് നിന്നും പുറപ്പെട്ട പോലീസ് ഉദ്യോഗസ്ഥനെ കാണാനില്ല.
കോതമംഗലം സ്റ്റേഷനിലെ ഗ്രേഡ് എസ് ഐ പൈങ്ങോട്ടൂര് മാമുട്ടത്തില് ഷാജി പോളി(53)നെയാണ് കാണാതായിട്ടുള്ളത്.
ഇന്നലെ രാവിലെ ജോലിയ്ക്കായി വീട്ടില് നിന്നറങ്ങിയ ഇദ്ദേഹം സ്റ്റേഷനില് എത്തിയിരുന്നില്ല.വൈകിട്ടോടെ വീട്ടുകാരും സഹപ്രവര്ത്തകരും ചേര്ന്ന് ഇദ്ദേഹത്തെ കണ്ടെത്താന് തിരച്ചില് ആരംഭിച്ചിരുന്നു.
ഇന്ന് ഉച്ചവരെ വിവരം ഒന്നും ലഭിച്ചില്ല.സംഭവത്തില് പോത്താനിക്കാട് പോലീസ് മിസിംഗ് കേസ് രജിസ്റ്റര് ചെയ്തിട്ടുണ്ട്.എസ്ഐക്ക് വീട്ടില് നിന്നും മാറി നില്ക്കേണ്ടതായി ഒരു പ്രശ്നവും ഇല്ലന്നാണ് പോലീസിന്റെ പ്രാഥമീക അന്വേഷണത്തില് വ്യക്തമായിട്ടുള്ളത്.
-
Latest news4 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news4 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news2 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്
-
Latest news4 weeks ago
അമ്മുമ്മയും കൊച്ചുമകളും മുങ്ങി മരിച്ചു: സംഭവം മുവാറ്റുപുഴ രണ്ടാർകരയിൽ , പെൺകുട്ടിയുടെ നില ഗുരുതരം
-
Local News4 weeks ago
ബാറ്ററി മോഷണം, പ്രതി പിടിയിൽ