ഇടുക്കി;രഹസ്യബന്ധം നാട്ടുകാരറിഞ്ഞു.പ്രചരിപ്പിച്ചത് സ്ഥാപനത്തിലെ ജീവനക്കാരിയെന്ന് സംശയം.ആശ്ലീലചിത്രത്തിനൊപ്പം യുവതിയുടെ മുഖം വെട്ടിച്ചേർത്ത് സാമൂഹിക മാധ്യമങ്ങൾ വഴി പ്രചരിപ്പിച്ചു.കൂടാതെ വധഭീഷിണിയും.കട്ടപ്പനയിലെ സ്ഥാപന നടത്തിപ്പുകാരനെതിരെ ഉയരുന്നത് ഗുരുതര ആരോപണങ്ങൾ.തൊടാൻ മടിച്ച് പോലീസും.

മോർഫ് ചെയ്ത തന്റെ ചിത്രങ്ങൾ സാമൂഹിക മാധ്യമത്തിൽ പ്രചരിപ്പിയ്ക്കുന്നതായും ഇത് നീക്കം ചെയ്യണമെന്നും നിർമ്മിച്ച്, അപ്‌ലോഡ് ചെയ്തവർക്കെതിരെ നടപടി വേണമെന്നും ആവശ്യപ്പെട്ട് സ്വകാര്യ സ്ഥാപനത്തിൽ ജോലി ചെയ്തിരുന്ന യുവതി കഴിഞ്ഞ ദിവസം തങ്കമണി പോലീസിൽ പരാതി നൽകിയിരുന്നു.ഈ പരാതിയിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചെങ്കിലും ഇനിയും തുമ്പൊന്നുമായിട്ടില്ലന്നാണ് സൂചന.

ബാഹ്യസമ്മർദ്ധത്തെത്തുടർന്ന് പോലീസ് ഇതുസംബന്ധിച്ച അന്വേഷണം മരവിപ്പിച്ചതായുള്ള ആരോപണവും ശക്തമാണ്.കട്ടപ്പന പോലീസ്റ്റേഷൻ പരിധിയിലാണ് യുവതി മുമ്പ് ജോലി ചെയ്തിരുന്ന സ്ഥാപനം പ്രവർത്തിയ്ക്കുന്നത്.

സംഭവത്തിന്റെ സൂത്രധാരൻ ഈ സ്ഥാപനത്തിന്റെ നടത്തിപ്പുകാരനാണെന്നാണ് പരക്കെ ഉയർന്നിട്ടുള്ള സംശയം.ഇയാളിലേയ് അന്വേഷണം എത്തിയെന്നും തുടർന്ന് രാഷ്ട്രീയ ഇടപെടൽ ഉണ്ടായെന്നും ഇതെത്തുടർന്ന് പോലീസ് അന്വേഷണം മരവിപ്പിയ്ക്കുകയായിരുന്നെന്നും മറ്റുമാണ് വ്യാപകമായി പ്രചരിച്ചിട്ടുള്ള വിവരം.

സ്ഥാപനത്തിൽ പരാതിക്കാരിയെ കൂടാതെ മറ്റൊരു ജീവനക്കാരിയും ജോലിക്കെത്തിയിരുന്നു.ഇവരുമായി നടത്തിപ്പുകാരൻ അതിരുകവിഞ്ഞ അടുപ്പം പുലർത്തിയിരുന്നെന്നും സ്ഥാപനത്തോടനുബന്ധിച്ചുള്ള കെട്ടിടത്തിൽ ഇവർ ഇരുവരും പലപ്പോഴും ഒത്തുകൂടിയിരുന്നെന്നും മറ്റുമുള്ള വിവരങ്ങളാണ് പുറത്ത് വന്നിട്ടുള്ളത്.

ഇവരുടെ ഇടപാടികളുമായി യോജിയ്ക്കാനാവാതെ പരാതിക്കാരി ജോലി ഉപേക്ഷിയ്ക്കാൻ തയ്യാറായെന്നും യുവതി ജോലി ഉപേക്ഷിച്ചാൽ അവിഹത ബന്ധം പുറത്തറിയുമെന്ന ഭീതിയിൽ നടത്തിപ്പുകാരൻ ശമ്പളം കൂട്ടി നൽകിയും ജോലിയിൽ ഇളവുകൾ നൽകിയും ഇവരെ കൂടെ നിർത്താൻ ശ്രമിച്ചിരുന്നു എന്നും മറ്റുമുള്ള അഭ്യൂഹങ്ങളും പ്രചരിയ്ക്കുന്നുണ്ട്.

മെച്ചപ്പെട്ട ശമ്പളത്തിൽ മറ്റൊരു സ്ഥാപനത്തിൽ ജോലി കിട്ടിയതോടെ യുവതി ഇവിടുത്തെ ജോലി ഉപേക്ഷിച്ചു.ഇതിന് പിന്നാലെയാണ് നടത്തിപ്പുകാരന്റെ രഹസ്യബന്ധം പുറത്തായത്.

ഇതിന് പിന്നാലെ സ്ഥാപന നടത്തിപ്പുകാരൻ യുവതിയെ മൊബൈലിൽ വിളിച്ച് വധ ഭീഷിണി മുഴക്കിയെന്നും യുവതിയും കുടുംബാംഗങ്ങളും ഭീതിയിലാണ് ഇപ്പോൾ കഴിയുന്നതെന്നുമാണ് അറിയുന്നത്.ഭയപ്പാട് മൂലം ഇക്കാര്യങ്ങൾ യുവതി പോലീസിനെ അറിയിച്ചിട്ടില്ലന്നാണ് സൂചന.സംശയമുള്ളവരെക്കുറിച്ചുള്ള വിവരങ്ങൾ നൽകിയാൽ അന്വേഷിക്കാമെന്നാണ് പോലീസ് നിലപാട്.ഈ സാഹചര്യത്തിൽ പരാതിയിൽ കാര്യമായ നടപടികൾ ഉണ്ടാവാനിടയില്ലന്നാണ് ചൂണ്ടികാണിയ്ക്കപ്പെടുന്നത്.

താമസിയാതെ കേസിൽ പുരോഗതിയുണ്ടാവുമെന്ന് പരാതിക്കാരിക്ക് പോലീസ് ഉറപ്പുനൽകിയിട്ടുണ്ട്.എന്നാൽ നിലവിലെ സാഹചര്യത്തിൽ നീതി ലഭിയ്ക്കുമോ എന്ന് കണ്ടറിയണമെന്നതാണ് സ്ഥിതിയെന്നാണ് പരാതിക്കാരി അടുപ്പക്കാരുമായി പങ്കിട്ട വിവരം.

ഇതിനിടയിൽ യുവതിയെ പിൻതിരിപ്പിയ്ക്കാൻ പുറമെ നിന്നുള്ള ചിലർ ശക്തമായ ഇടപെടൽ നടത്തുന്നുണ്ടെന്നുള്ള വിവരവും പ്രചരിയ്ക്കുന്നുണ്ട്.

1 / 1

❮ ❯