Latest news
ടിപ്പറും ജെസിബിയും വിട്ടുനൽകില്ലന്ന് ഉടമകൾ,വീട് നിർമ്മാണം പ്രതിസന്ധിയിൽ; കോതമംഗലം പോലീസിന്റെ ഇടപെടലിനെതിരെ പ്രതിഷേധം ശക്തം
കൊച്ചി;കോതമംഗലം താലൂക്കിൽ കെട്ടിട നിർമാണ മേഖല പ്രതിസന്ധിയിൽ.വീട് നിർമ്മാണത്തിനായി പഴയ കെട്ടിട അവശിഷ്ടങ്ങൾ നീക്കം ചെയ്യുന്നതിനും പുരത്തറയിലേക്ക് ആവശ്യമായ മണ്ണ് എത്തിയ്ക്കുന്നതിനും പോലീസ് ഏർപ്പെടുത്തിയിട്ടുള്ള വിലക്കാണ് പ്രതിസന്ധിക്ക് കാരണമായിട്ടുള്ളത്.
ഇതുമൂലം കനിവ് ,ലൈഫ് തുടങ്ങിയ ഭവന പദ്ധതികളിലെ നിർമ്മാണ പ്രവർത്തനങ്ങളും അവതാളത്തിലാക്കിയിരിയ്ക്കുകയാണ്.കെട്ടിട അവശിഷ്ടങ്ങൾ നീക്കം ചെയുന്ന സ്ഥലത്തെത്തി,വാഹനങ്ങൾ പിടികൂടി പോലീസ് കേസ് ചാർജ്ജുചെയ്യുന്നതിനാൽ ജെ സി ബി ,ടിപ്പർ വാഹന ഉടമകൾ നിലവിൽ തങ്ങളുടെ വാഹനങ്ങൾ നിർമ്മാണ ആവശ്യങ്ങൾക്കായി വിട്ടുനൽകാൻ തയ്യാറാവുന്നില്ല.
മണ്ണുമാഫിയ സംഘങ്ങൾ തമ്മിലുള്ള ചേരിപ്പോരാണ് പോലീസിന്റെ കർശന നിലപാടിന് കാരണമെന്നാണ് സൂചന.വീട് നിർമ്മാണത്തിനായി മണ്ണ് നീക്കം ചെയ്യാൻ ആരംഭിയ്ക്കുമ്പോൾ തന്നെ ഇത്തരക്കാരിൽ ചിലർ ജിയോളജി-റവന്യു വകുപ്പുകളിലെ തങ്ങളുടെ ഇഷ്ടക്കാരെ വിളിച്ച് വിവരം നൽകുകുന്നത് പതിവായിരിയ്ക്കുകയാണെന്നാണ് ചൂണ്ടികാണിയ്ക്കപ്പെടുന്നത്.
കോളുകളെത്തുമ്പോൾ ഈ വകുപ്പുകളിലെ ബന്ധപ്പെട്ട ഉദ്യോസ്ഥർ നടപടികൾക്കായി പോലീസിനെ ചുമതലപ്പെടുത്തുകയും ഇതിന്റെ അടിസ്ഥാനത്തിൽ പോലീസ് എത്തിവാഹനങ്ങൾ പിടിച്ചെടുത്ത് കേസ് ചാർജ്ജുചെയ്യുന്നതായിട്ടുമാണ് ആക്ഷേപം ഉയർന്നിട്ടുള്ളത്.
സ്ഥിരമായി ഉദ്യോഗസ്ഥർക്കി വിവരം നൽകുന്നവരൽ ചിലർ പോലീസ് നിരീക്ഷണത്തിലാണ്.ഇവരുടെ മൊബൈൽ വിളികൾ സംബന്ധിച്ചും ഇടപാടുകൾ സബന്ധിച്ചും പോലീസ് വിശദമായ അന്വേഷണം ആരംഭിച്ചിട്ടുണ്ടെന്നാണ് സൂചന.
കെട്ടിട അവശിഷ്ടങ്ങൾ കൊണ്ടു പോകുന്നതിന് നിയമ തടസമില്ലങ്കിലും പോലീസ് വഴിയിൽ തടയുന്നതും നടപടികൾ സ്വീകരിയ്ക്കുന്നതും നിത്യസംഭവമായി മാറിയിരിക്കുകയാണെന്നാണ് ചൂണ്ടികാണിയ്ക്കപ്പെടുന്നത്.
മണ്ണ് മാഫിയ എന്ന് ചിത്രീകരിച്ച് പലപ്പോഴും കസ്റ്റഡിയിലെടുക്കുന്ന വാഹനങ്ങൾ വൻതുകൾ കെട്ടിവച്ച് കോടതി വഴി വീണ്ടെടുക്കേണ്ട അവസ്ഥയും നിലവിലുണ്ട്.
ഭവന പദ്ധതികളിൽ ചിലതിന്റെ കാലാവധി മാർച്ചിൽ അവസാനിയ്ക്കും.ഈ സാഹചര്യത്തിൽ അനാവശ്യ പരിശോധനകൾ ഒഴിവാക്കണമെന്നും നിയമപ്രകാരം ആരംഭിച്ചിട്ടുള്ള നിർമ്മാണ പ്രവർത്തനങ്ങൾ തടസപ്പെടുത്തുന്നതിൽ നിന്നും പോലീസ് വിട്ടുനിൽക്കണമെന്നുമാണ് കെട്ടിട നിർമ്മാതാക്കളുടെയും തൊഴിലാളികളുടെയും ആവശ്യം.ഇത് സംബന്ധിച്ച ഇവർ ബന്ധപ്പെട്ട അധികൃതർക്ക് പരാതിയും നൽകിയിട്ടുണ്ട്.
Latest news
കേരളത്തിലെ ഡ്രൈവിംഗ് ലൈസന്സ് ടെസ്റ്റില് മേയ് രണ്ട് മുതല് മാറ്റം
തിരുവനന്തപുരം ; കേരളത്തിലെ ഡ്രൈവിംഗ് ലൈസന്സ് ടെസ്റ്റില് മേയ് രണ്ട് മുതല് മാറ്റം നിലവില്വരും. ഇനി മുതല് റോഡ് ടെസ്റ്റിന് ശേഷം മാത്രമായിരിക്കും ‘H’ ടെസ്റ്റ് അനുവദിക്കുക. നിലവിലെ റോഡ് ടെസ്റ്റ് രീതിയില് നിന്ന് വ്യത്യസ്തമായിട്ടായിരിക്കും പുതിയ രീതിയിലേക്ക് മാറുക.
മോട്ടോര് വെഹിക്കിള് ഡിപ്പാര്ട്മെന്റ് നടത്തുന്ന ഡ്രൈവിംഗ് ലൈസന്സ് ടെസ്റ്റിലെ മാറ്റം സംബന്ധിച്ച് വിശദമായ സര്ക്കുലര് പുറത്തിറക്കുമെന്നും ഗതാഗത കമ്മീഷണര് അറിയിച്ചു. സുപ്രധാനമായ മറ്റൊരു തീരുമാനത്തില് ഒരു ദിവസം നല്കുന്ന മൊത്തം ഡ്രൈവിംഗ് ലൈസന്സുകളുടെ എണ്ണം 60 ആയി നിജപ്പെടുത്തിയിട്ടുണ്ട്.
ആദ്യമായി ടെസ്റ്റില് പങ്കെടുക്കുന്ന 40 പേര്ക്കും അതോടൊപ്പം മുന്പ് ടെസ്റ്റില് പരാജയപ്പെട്ട 20 പേര്ക്കുള്ള റീ ടെസ്റ്റ് എന്ന നിലയിലുമായിരിക്കും ലൈസന്സ് നല്കുക. പ്രതിദിനം 30 പേര്ക്ക് മാത്രം ലൈസന്സ് എന്നതും ഒപ്പം റോഡ് ടെസ്റ്റില് കര്ശന രീതികള് എന്നിവയുമാണ് ഗതാഗത മന്ത്രി കെ.ബി ഗണേഷ്കുമാര് ആദ്യം നല്കിയ നിര്ദേശം.
മന്ത്രിയുടെ ഈ തീരുമാനത്തില് ഇളവ് വരുത്തിയാണ് പ്രതിദിന ലൈസന്സുകളുടെ എണ്ണം 30ല് നിന്ന് 60 ആക്കി ഉയര്ത്തിയിരിക്കുന്നത്. പുതിയ ട്രാക്കുകള് തയ്യാറാകാത്തതിനാന് ‘H’ ടെസ്റ്റ് തുടരുമെന്നും മന്ത്രി അറിയിച്ചു. പുതിയ ട്രാക്കൊരുക്കി ടെസ്റ്റ് നടത്താനുള്ള സൗകര്യങ്ങള് പൂര്ത്തിയാകാത്ത സാഹചര്യത്തിലാണ് നിര്ദേശം. പ്രതിദിനം നൂറിലധികം ലൈസന്സ് നല്കിയ ഉദ്യോഗസ്ഥരെ കൊണ്ട് പരസ്യമായി മോട്ടാര്വാഹന വകുപ്പ് പരീക്ഷയും നടത്തിച്ചു.
15 ഉദ്യോഗസ്ഥര്ക്കായിരുന്നു ഇത്തരത്തില് പരസ്യ പരീക്ഷ. പ്രതിദിനം നൂറിലധികം ലൈസന്സ് നല്കുന്ന പതിനഞ്ച് എംവിഐമാരെയാണ് തിരുവനന്തപുരം മുട്ടത്തറയില് വിളിച്ചുവരുത്തി പരസ്യ പരീക്ഷ നടത്തിയത്.
സമയക്രമം സംബന്ധിച്ച് ഇവര് നടപടികള് കൃത്യമായി പാലിക്കുന്നില്ലെന്നാണ് മന്ത്രി തന്നെ ആരോപിച്ചിരുന്നത്. അതേസമയം പരസ്യപരീക്ഷയില് പങ്കെടുക്കാനെത്തിയവരില് ഭൂരിഭാഗംപേരും ഡ്രൈവിംഗ് ലൈസന്സ് ടെസ്റ്റില് പരാജയപ്പെടുകയും ചെയ്തു.
Latest news
കാർ പരസ്യബോർഡിൽ ഇടിച്ച്, മറിഞ്ഞു: ഒരു മരണം, 3 പേർക്ക് പരുക്ക്
പാലക്കാട്: കണ്ണൂർ ദേശിയ പാതയിലെ പരസ്യബോർഡിൽ കാർ ഇടിച്ച് മറിഞ്ഞതിനെ തുടർന്ന് ഒരു മരണം. പൊള്ളാച്ചി കൊടൈക്കനാൽ പല്ലങ്കി സ്വദേശി തങ്കമുത്തു (55) ആണ് മരിച്ചത്. ഒപ്പം സഞ്ചരിച്ച 3 പേരെ പരിക്കുകളോടെ സ്വകാര്യ ആശുപത്രയിൽ പ്രേവേശിപ്പിച്ചു.
മകളെ നെടുമ്പാശ്ശേരി എയർപോർട്ടിൽ വിട്ട് തിരികെവരുബോഴാണ് അപകടമുണ്ടായത്. തങ്കമുത്തുവിന്റെ മകനും ഭാര്യയും ബന്ധുവുമാണ് പരുക്ക് പറ്റിയവർ. ചികിത്സയിൽ തുടരുന്ന ഇവരുടെ ആരോഗ്യനില ഗുരുതരമല്ല.
Latest news
അയ്യപ്പന്മുടിയില് പ്രകൃതി സന്ദര്ശകര്ക്കായി കാത്തുവച്ചിട്ടുള്ളത് കാഴ്ചകളുടെ പൂരം
കോതമംഗലം;മലമുകളിലെത്തുമ്പോള് ലഭിക്കുക ഭൂമിയുടെ നെറുകയിലെത്തിയ അനുഭൂതി.സദാസമയലും ഇളംകാറ്റ്.ചുറ്റും മനംമയക്കും ഹരിതഭംഗി.തൊട്ടുമുന്നില് എന്നപോലെ സൂര്യാസ്തമയവും കാണാം.അയ്യപ്പന്മുടിയില് പ്രകൃതി സന്ദര്ശകര്ക്കായി കാത്തുവച്ചിട്ടുള്ളത് കാഴ്ചകളുടെ പൂരം.
കോതമംഗലം നഗരസഭയിലെ ആറാംവാര്ഡില് ഉള്പ്പെട്ട പ്രദേശമാണ് ആയ്യപ്പന്മുടി.സാധാരക്കാര്ക്ക് വലിയ ബുദ്ധിമുട്ടില്ലാതെ ഇവിടുത്തെ പാറക്കൂട്ടത്തിന്റെ നെറുകയിലെത്താം.ഏതാണ്ട് ആയിരം ഏക്കറിലേറെ സ്ഥലത്തായി വ്യാപിച്ചുകിടക്കുന്ന ഈ പാറക്കൂട്ടം ഇന്ന് വിനോദസഞ്ചാരികളുടെ ശ്രദ്ധാകേന്ദമായി മാറിക്കഴിഞ്ഞു.
മലമുകളില് നിന്നുള്ള കാഴ്ചകള് ഏറെ ഹൃദ്യമാണ്.വിദൂരതയില് വ്യാപിച്ചുകിടക്കുന്ന പച്ചപുതച്ച താഴ്വാരങ്ങളും മലനിരകളുമാണ് മുഖ്യ ആകര്ഷക ഘടകം.നട്ടുച്ചവെയിലിലും ഇവിടെ ഇളംകാറ്റ് വീശുന്നുണ്ട്.മലമുകളിലെ സായാഹ്ന കാഴ്ചകള് എത്ര കണ്ടാലും മതിവരില്ല എന്നാണ് സന്ദര്ശകരില് ഏറെപ്പേരുടെയും വിലയിരുത്തല്.
മലമുകളില് അയ്യപ്പക്ഷേത്രം സ്ഥിതി ചെയ്യുന്നുണ്ട്.മാസത്തില് ഒരിയ്ക്കല് മാത്രമാണ് ഈ ക്ഷേത്രത്തില് പൂജ കര്മ്മങ്ങള് നടക്കുക.ക്ഷേത്ര പരിസരത്ത്,പാറപ്പുറത്ത് നീരുറവയും കാണാം.കൊടും വേനലിലും ഈ ഉറവ വറ്റില്ലന്നാണ് സമീപവാസികള് പങ്കിട്ട വിവരം.അത്യുഷ്ണം ഉള്ള ഈ സമയത്തും ഇവിടെ വെള്ളമുണ്ട്.
വേട്ടയ്ക്കിടെ അയ്യപ്പസ്വാമി ഈ മലമുകളില് വിശ്രമിച്ചു എന്നതാണ് പ്രദേശത്തെച്ചുറ്റിപറ്റി ഏറെ പചാരത്തിലുള്ള ഐതീഹ്യം.ഇവിടെ മുനിയറകള് ഉണ്ടെന്നുള്ള പഴമക്കാരുടെ വെളിപ്പെടുത്തലുകള് കണക്കിലെടുത്ത് നിരവധി ചരിത്ര അന്വേഷകരും ഇവിടേയ്ക്ക് എത്തുന്നുണ്ട്.
ടൂറിസം രംഗത്ത് വന് വികസന സാധ്യതകള് ഇവിടെയുണ്ടെന്നും ഇത് സാധ്യാമായാല് സര്ക്കാരിന് മുതല്ക്കൂട്ടാവുമെന്നുമാണ് ചൂണ്ടികാണിയ്ക്കപ്പെടുന്നത്.
അയ്യപ്പന്മുടിയിലേയ്ക്ക് വിനോദസഞ്ചാരികളെ ആകര്ഷിയ്ക്കാന് ലക്ഷ്യമിട്ട് സര്ക്കാര് തലത്തില് വികസന പദ്ധതികള് നടപ്പിലാക്കുമെന്നും മറ്റുമുള്ള മാധ്യവാര്ത്തകള് പലവട്ടം പുറത്തുവന്നെങ്കിലും ഇതുവരെ ഒന്നും നടപ്പിലായിട്ടില്ല.
കോതമംഗലം -തട്ടേക്കാട് പാതയില് ഇലവുംപറമ്പില് എത്തി ,നാടുകാണിയ്ക്കുപോകുന്ന വഴിയില് രണ്ടര കിലോമീറ്ററോളം സഞ്ചരിച്ചാല് അയ്യപ്പന് മുടയിലെത്താം.
Latest news
16 കാരിയെ പീഡിപ്പിച്ച എസ്.ഐക്ക് 6 വർഷം തടവും ഇരുപത്തയ്യായിരം രൂപ പിഴയും, തിരുവനതപുരം അതിവേഗ കോടതിയാണ് ശിക്ഷ വിധിച്ചത്
തിരുവനതപുരം: 16 കാരിയെ പീഡിപ്പിച്ച സംഭവത്തിൽ ഉദ്യോഗസ്ഥന് 6 വർഷം തടവും ഇരുപത്തയ്യായിരം രൂപ പിഴയും . തിരുവനതപുരം അതിവേഗ കോടതിയാണ് ശിക്ഷ വിധിച്ചത്.
ബോംബ് ഡിറ്റക്ഷൻ സ്ക്വാഡിലെ സബ് ഇൻസ്പെക്ടർ സജിത്ത് കുമാറിനെയാണ് 16 കാരിയുടെ കുടുബത്തിന്റെ പരാതിയിൽ ശിക്ഷിച്ചത്.
Latest news
സത്യസന്ധതയ്ക്ക് പത്തരമാറ്റ് പൊൻതിളക്കം: കളഞ്ഞു കിട്ടിയ വള പ്രലോഭനങ്ങൾക്ക് വഴിപ്പെടാതെ വിദ്യാർത്ഥികൾ ഉടമക്ക് തിരികെ നൽകി
കൊച്ചി: വിദ്യാർത്ഥികളുടെ സത്യസന്ധതയ്ക്ക് പത്തരമാറ്റ് പൊൻതിളക്കം. പ്രലോഭനങ്ങൾക്ക് വശംവദരാകാതെ കളഞ്ഞ് കിട്ടിയ രണ്ട് പവൻ സ്വർണ്ണം പോലീസിലേൽപ്പിച്ച് വിദ്യാർത്ഥികളായ റാഷിദും ഹാഷിമും മാതൃകയായി.
അത്താണി സിഗ്നൽ ജംഗ്ഷന് സമീപത്ത് നിന്നുമാണ് പാനായിക്കുളം സ്വദേശികളായ റാഷിദിനും, ഹാഷിമിനും രണ്ട് പവൻ്റെ ഒരു വളകിട്ടിയത്. അവർ അത് ഉടനെ ചെങ്ങമനാട് പോലീസിൽ ഏൽപ്പിച്ചു.
പോലീസ് നടത്തിയ അന്വേഷണത്തിൽ ചെങ്ങമനാട് സ്വദേശിനി ബേബിയുടേതാണ് വളെയെന്ന് മനസിലായി. അത്താണിയിലുണ്ടായ വാഹനാപകടത്തിൽ ബേബിയുടെ കയ്യിൽ നിന്നും ഊരിപ്പോയതാണ്. പോലീസിൻ്റെ സാന്നിധ്യത്തിൽ ആഭരണം കൈമാറി.
ഏറ്റു വാങ്ങുമ്പോൾ ബേബിയുടെ സന്തോഷം പറഞ്ഞറിയിക്കാൻ പറ്റാത്തതായിരുന്നു. വിദ്യാർത്ഥികൾക്കും പോലീസിനും നന്ദി പറഞ്ഞു. ഇൻസ്പെക്ടർ ആർ.കുമാർ, എസ്.ഐ സന്തോഷ് കുമാർ, എ.എസ്.ഐമാരായ ഷാനവാസ്, ഷാജൻ, ദീപ തുടങ്ങിയവർ സന്നിഹിതരായിരുന്നു.
-
Latest news4 weeks ago
കോതമംഗലത്ത് വാഹനാപകടം; 2 പേർ മരിച്ചു , മരണപ്പെട്ടത് കോട്ടപ്പടി സ്വദേശികൾ
-
Latest news3 weeks ago
സ്വന്തംകുഞ്ഞിനെ കഴുത്ത് നെരിച്ച് കൊന്നു:പിന്നാലെ കൈ ഞരമ്പ് മുറിച്ചു,ശേഷം മാതാവ് തൂങ്ങിമരിച്ചു
-
Latest news4 weeks ago
കാലടിയിൽ വാഹനാപകടം; പിതാവും നേഴ്സിംഗ് വിദ്യാർത്ഥിയായ മകളും മരിച്ചു
-
Latest news3 weeks ago
കോതമംഗലം സ്വദേശിയായ കോളേജ് വിദ്യാർത്ഥിയെ ഫ്ലാറ്റിനുള്ളിൽ മരിച്ച നിലയിൽ കണ്ടെത്തി ; സംഭവം കൊണ്ടോട്ടിയിൽ
-
Latest news2 weeks ago
ഒന്നച്ച് മരിയ്ക്കാന് ധാരണ, ഫാനില് കയര് കെട്ടി കൊടുത്തു, പിന്നാലെ ഭാര്യ ജീവനൊടുക്കി; “രക്ഷപെട്ട” ഭര്ത്താവ് അറസ്റ്റില്
-
Uncategorized4 weeks ago
നേര്യമംഗലത്ത് രണ്ട് ടിപ്പറുകൾക്ക് ഒരെ നമ്പർ,വാഹനങ്ങൾ ഒന്നിച്ചെത്തിയത് റോഡുപണി സ്ഥലത്ത്; പോലീസ് അന്വേഷണം ആരംഭിച്ചെന്നും സൂചന
-
Latest news4 weeks ago
മൂവാറ്റുപുഴയിൽ ആശുപത്രിയ്ക്കുള്ളിൽ ആരുംകൊല;കുത്തേറ്റ് മരിച്ചത് നിരപ്പ് സ്വദേശിനി സിംന, പുന്നമറ്റം സ്വദേശി ഷാഹുൽ പിടിയിൽ
-
Latest news3 weeks ago
പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിലിടിച്ചു, രക്ഷിതാവിൽ നിന്നും ഒന്നരലക്ഷം രൂപ പിഴ ഈടാക്കി മോട്ടോര്വകുപ്പ്