Connect with us

Local News

മലയോര ഹൈവേ വികസനം ;ആലോചന യോഗം ചേർന്നു

Published

on

 

കോതമംഗലം : കോതമംഗലം നിയോജക മണ്ഡലത്തിൽ മലയോര ഹൈവേയുടെ ആദ്യ റീച്ചിലെ  വികസന പ്രവർത്തനങ്ങളെ കുറിച്ച് ചർച്ച ചെയ്യുന്നതിന് അവലോകന യോഗം ചേർന്നു.

കിഫ്‌ബിയിൽ നിന്നും ആദ്യ റീച്ച് ആയിട്ടുള്ള കോട്ടപ്പടി – ചേറങ്ങനാൽ മുതൽ ഊഞ്ഞാപ്പാറ –  കാഞ്ഞിരംകുന്ന് വരെയുള്ള 13.7 കിലോമീറ്റർ ദൂരത്തിനായി കിഫ്ബിയിൽ നിന്നും 65.67 കോടി രൂപയുടെ സാമ്പത്തിക അനുമതി ആണ് ലഭിച്ചിട്ടുള്ളത്.

കിഫ്‌ബി  സ്റ്റാൻഡേർഡ് അനുസരിച്ച് റോഡിന്റെ വികസന പ്രവർത്തനം ഉറപ്പുവരുത്തുന്നതിന് ജനങ്ങളുടെ കൂടി സഹകരണം അഭ്യർത്ഥിക്കുന്നതിനായിട്ടാണ് ആദ്യഘട്ടമായി യോഗം ചേർന്നത്.

യോഗത്തിൽ ആന്റണി ജോൺ എംഎൽഎ അധ്യക്ഷത വഹിച്ചു.കോട്ടപ്പടി പഞ്ചായത്ത് പ്രസിഡന്റ് മിനി ഗോപി,പിണ്ടിമന പഞ്ചായത്ത് പ്രസിഡന്റ് ജെസി സാജു,കീരംപാറ പഞ്ചായത്ത് പ്രസിഡന്റ് വി സി ചാക്കോ,ബ്ലോക്ക് പഞ്ചായത്ത് മെമ്പർമാരായ അനു വിജയനാഥ്,ജോമി തെക്കേക്കര,ലിസി ജോസഫ്,ആശ അജിൻ,മലയോര ഹൈവേ ആക്ഷൻ കമ്മിറ്റി ഭാരവാഹികളായ എ റ്റി പൗലോസ്,പി സി ജോർജ്ജ്,കെ ആർ എഫ് ബി എക്സിക്യൂട്ടീവ് എൻജിനീയർ മിനി മാത്യു,അസിസ്റ്റന്റ് എക്സിക്യൂട്ടീവ് എഞ്ചിനീയർ ലക്ഷ്മി എസ് ദേവി,അസിസ്റ്റന്റ് എൻജിനീയർ മുഹസീന എം എന്നിവർ യോഗത്തിൽ പങ്കെടുത്തു.

തുടർ പ്രവർത്തനങ്ങൾ വേഗത്തിലാക്കാൻ റോഡ് കടന്നുപോകുന്ന മേഖലകളുമായി ബന്ധപ്പെട്ട് കൊണ്ട് പഞ്ചായത്ത് അടിസ്ഥാനത്തിലുള്ള യോഗങ്ങളും ഉടൻ ചേരുന്നതിന്  തീരുമാനിച്ചു.

Local News

ലഹരി-ഗുണ്ടാമാഫിയ ആക്രമണം; താക്കീതായി സിപിഎം -ഡിവൈഎഫ്‌ഐ പ്രതിഷേധം

Published

on

By

കോതമംഗലം : ഡിവൈഎഫ്‌ഐ, എസ് എഫ് ഐ നേതാക്കളെ കോതമംഗലം മുനിസിപ്പൽ പ്രൈവറ്റ് ബസ് സ്റ്റാൻന്റിൽ കഞ്ചാവ് മയക്കുമരുന്നുമാഫിയ സംഘം ആക്രമിച്ചതിൽ പ്രതിഷേധിച്ച് ഡിവൈഎഫ്‌ഐ ബ്ലോക്ക് കമ്മിറ്റി കോതമംഗലത്ത് പ്രതിഷേധ യോഗവും പ്രകടനനവും നടത്തി.

ചെറിയപള്ളിത്താഴത്ത് നിന്നാരംഭിച്ച പ്രകടനം മുൻസിപ്പൽ ബസ് സ്റ്റാൻന്റിൽ സമാപിച്ചു.തുടർന്നുനടന്ന പ്രതിഷേധയോഗം ഡിവൈഎഫ്‌ഐ സംസ്ഥാന കമ്മിറ്റിയംഗം കെ പി ജയകുമാർ ഉദ്ഘാടനം ചെയ്തു.

ബ്ലോക്ക് പ്രസിഡന്റ് കെ എൻ ശ്രീജിത്ത് അധ്യക്ഷനായി .സെക്രട്ടറി ജിയോ പയസ് , മനു മാത്യു, എൽദോസ് പോൾ, ടി എ ഷാഹിൻ , എൽസൺ സജി, സെയ്ദ് സാബിഖ് എന്നിവർ സംസാരിച്ചു .

സി പി എം പ്രതിഷേധിച്ചു

നഗരത്തിൽ വർദ്ധിച്ചുവരുന്ന ലഹരി- ഗുണ്ടാ മാഫിയകളുടെ ഇടപെടലുകൾക്കെതിരെ സിപിഐ എം കോതമംഗലം ടൗൺ ബ്രാഞ്ച് കമ്മിറ്റികളുടെ നേതൃത്വത്തിൽ പ്രതിഷേധ പ്രകടനവും യോഗവും നടത്തി.

കോതമംഗലം മുനിസിപ്പൽ വെസ്റ്റ് ലോക്കൽ കമ്മിറ്റി സെക്രട്ടറി പി പി മൈതീൻ ഷാ ഉദ്ഘാടനം ചെയ്തു . ബ്രാഞ്ച് സെക്രട്ടറിമാരായ സി എസ് ജോണി, സജി മാടവന എന്നിവർ സംസാരിച്ചു.

 

Continue Reading

Local News

ഗംഗയിൽ കുളികഴിഞ്ഞെത്തി, പിന്നാലെ ശ്രീകോവിലിന് മുന്നിൽ നാവ് മുറിച്ചെടുത്ത് സമർപ്പിച്ചു; 38 കാരൻ കൃത്യം നടത്തിയത് ബ്ലേഡുകൊണ്ടെന്ന് ഭാര്യ

Published

on

By

ലഖ്നോ:ആരാധന മൂർത്തിയെ സന്തോഷിപ്പിക്കാനെന്ന പേരിൽ ഭക്തരിൽ ചിലർ കാട്ടിക്കൂട്ടുന്ന ചെയ്തികൾ അമ്പരപ്പ് അമ്പരപ്പ് ഉളവാക്കുന്നതാണ്.

നരബലിയും മൃഗബലിയും സ്വയം പീഡിപ്പിച്ചുള്ള മറ്റ് പലതരത്തിലുള്ള നീക്കങ്ങളും ഇതിനായി ഇക്കൂട്ടർ നടത്താറുണ്ട്. ഇപ്പോൾ ലഖ്നോയിൽ നിന്നും പുറത്തുവരുന്ന വാർത്ത ഇതിൽ നിന്നെല്ലാം കുറച്ച് വിഭിന്നമാണ്.

ഭക്തൻ തന്റെ നാവ് മുറിച്ചെടുത്ത് ക്ഷേത്രത്തിലെ മൂർത്തിക്ക് സമർപ്പിച്ചതായിട്ടാണ് യുപിയിലെ കൗശംബി ജില്ലയിയിൽ നിന്നും പുറത്തുവന്നിട്ടുള്ള വിവരം.

38 കാരനായ സമ്പത്ത് എന്നയാളാണ് മാ ശീതള ക്ഷേത്രത്തിൽ ശ്രീകോവിലിനുമുന്നിൽ തന്റെ നാവ് മുറിച്ചെടുത്ത് സമർപ്പിച്ചത്. ഇയാളെ ആശുപത്രിയിൽ പ്രവേശിപ്പിച്ചിരിക്കുകയാണെന്ന് പൊലീസ് നൽകുന്ന വിവരം.

സമ്പത്തും ഭാര്യയും കൂടിയാണ് ക്ഷേത്രത്തിലെത്തിയത്. ഗംഗയിൽ കുളിച്ച ശേഷം ഇരുവരും പൂജകളും മറ്റും നടത്തി. ഇതിന് ശേഷം സമ്പത്ത് കൈയിൽ കരുതിയ ബ്ലേഡ് ഉപയോഗിച്ച് സ്വയം നാവ് മുറിച്ചെടുത്ത് ശ്രീകോവിലിന് മുന്നിൽ വെക്കുകയായിരുന്നുവെന്നാണ് പൊലീസിന് ലഭിച്ചിട്ടുള്ള വിവരം.

ഈ പ്രവൃത്തിക്ക് പിന്നിലെ ഉദ്ദേശ്യ-ലക്ഷ്യങ്ങളെക്കുറിച്ച് ഇയാൾ ഭാര്യയോട് പോലും ഒന്നും പറഞ്ഞിരുന്നില്ലാണ് വ്യക്തമായിട്ടുള്ളത്.ക്ഷേത്രം സന്ദർശിക്കണമെന്ന് സമ്പത്ത് വെള്ളിയാഴ്ച രാത്രിയാണ് പറഞ്ഞതെന്നും നാവ് മുറിച്ചെടുക്കുന്ന കാര്യം തനിക്ക് അറിയില്ലായിരുന്നെനന്നാണ് ഭാര്യ ബാനു ദേവി പോലീസിനെ അറയിച്ചിട്ടുള്ളത്.

 

 

 

Continue Reading

Local News

വാഹനങ്ങൾ കൂട്ടിയിടിച്ചു, യാത്രക്കാർ അത്ഭുതകരമായി രക്ഷപെട്ടു; അപകടം നെല്ലിമറ്റം കോളനിപ്പടിയിൽ

Published

on

By

കോതമംഗലം;കൊച്ചി-ധനുഷ്‌കോടി ദേശീയപാതയിലെ കോളനിപ്പിയിൽ വാഹനങ്ങൾ കൂട്ടിയിടിച്ചു.യാത്രക്കാർ കാര്യമായ പരിക്കില്ലാതെ രക്ഷപെട്ടു.അപകടം അരമണിക്കൂറോളം ഭാഗീകമായ ഗതാഗതതടസ്സത്തിനും കാരണമായി.

ഇന്നലെ രാവിലെ 11. മണിയോടെയായിരുന്നു വിലിയ ശബ്ദത്തോടെ വാഹനങ്ങൾ കൂട്ടിയിടിച്ചത്.മൂന്നാറിൽ നിന്ന് ആലപ്പുഴയ്ക്ക് പോകുകയായിരുന്ന തേനി സ്വദേശികളായ ദമ്പതികൾ സഞ്ചരിച്ച എറണാകുളം സ്വദേശിയുടെ ടാക്‌സി കാറും കോട്ടയം സ്വദേശി ഓടിച്ചിരുന്ന മൂന്നാർ ഭാഗത്തേക്ക് പോകുകയായിരുന്ന ബൊലോറോ ജീപ്പും തമ്മിലാണ് കൂട്ടിയിട്ടിച്ചത്.

ഉടൻ ഊന്നുകൽ പോലീസ് സ്ഥലത്തെത്തി,നാട്ടുകാരുടെ സഹായത്തോടെ ഇടിച്ച വാഹനങ്ങൾ തള്ളിനീക്കി ഗതാഗതം പുനസ്ഥാപിച്ചു.

 

Continue Reading

Trending

error: